Ibraawe 8 - ኦይዳ አዲስ ኪዳን

የሱሳ ኑ ካህኑን Ꮉላቃ

¹ ኑኒ ኦህዘ ዳማ ባዝታ Ꮉኖ። ሳሎ ኡባፓ ካታራ ጾዘ አራታፓ ምዛቅ ባጋራ በትደ Ꮉይ ፋና የዘ ካህኑን Ꮉላቃ ኑስ የነ።

² ኤ አሳራ ማቅካይዝን ላራ ኤቅደ ቱሪ ዱንካንተ ጾዘ ኬ ኦቻነ።

³ ካህኑን Ꮉላቃ ኡባና እሞን ዣርሾ ዣርሾደስ ሹሙንታነ። ይኒ ግሾ ማህ፥ የ ካህንዘ ዣርሾደስ ፈትባዝ የሳደስ ኮሻነ።

⁴ ህገ ኪትዛንፋና ዣርሽዘ ካህኑን የዘ ግሾ ክርስቶሳ ሳአ የዘ ባዝ ማቅዛኮ ካህነ ማቆስ።

⁵ ኡን ካህነት ኦችዘ ዱንካንታ ሳሎ የዘስ አዝዘን ዳሾ። ሙሴ ዱንካነ ኤስዘ ዎደ ጾዚ ኤጎ፥ «ታኒ ነና ደረላ አፋ ቤዝደ አዝዘ ካሊ ኦቾ» ያጋይዳ።

⁶ የዝን የሱሳ እግንዘ ግዳ ማቅደ ጫቆ፥ ቲኖ ጫቆፓ አዛንፋና ኤ ኤክደ ኦችታ ኡንትስትፓ አነ። ይና ኤቅዳና አዘ ጫቆ ቃላራ።

⁷ ቲኖ ጫቅተ ባላ ባይዘ ባዝ ማቅዛኮ ላምእን ጫቆ ኮሾስ።

⁸ የዝን ላ ኡንታና ቦሪ፥ Ꮉንጋራ ያጋይዳ፦ «ታኒ እስራኤለ አሱንራን ይሁዳ አሱንራ ክለ ጫቆ ጫቂዘ ዎደ የኦዳ።

⁹ ይና ጫቅታ ታ ኡን አዱንና ግብጸ ሳአፓ ኩሽቶ አይክ፥ ጎች ኬስደ ዎደ ኡንታራ ጫቂደ ጫቅት ጋር ባያ። ኡን ታ ጫቅተ አማንንትካይዘ ግሾ ታኒ ኡንታና ኦሊ አሽዳ ያጋይዳ ላ።

¹⁰ የዝን ይኬፓ ሱባ እስራኤለ አሱንራ ታ ጫቆደ ጫቅታ Ꮉኖ ያጋይዳ ላ። ታኒ ታ ህግቶ ኡን ጉግተ ጋዶዳ፤ ኡን ዎዝንተ ጻፎዳ። ታኒ ኡን ጾዚ ማቃዳ፤ ኡንትን ታ አስ ማቃዳ።

¹¹ ኡንታፓ ኦደን ፋ ዶዛ ዎይ ፋ እሻ፥ ‹ላ ኤሮ› ያጋእ ታማርሶስ። ኡን ኤራፓ ዳማ የሎደስ ኡቡን ታና ኤሮዳ።

¹² ታኒ ኡን ቆህዳኖ አቶ ጋዉዳ፤ ኡን ናጋርቶ ማህ ቆፖስ» ያጋይዳ።

¹³ ጾዚ Ꮉይ ጫቅዛ «ክለ» ጋእ ጼግተራ ቲኖሳያ ጋልእዝዳ። ይኬ፥ ጋልእዘን ጭንግደ ብዘ ዎደ የልዳ።