Ibraawe 3 - ኦይዳ አዲስ ኪዳን

የሱሳ ሙሴፓ ካታራ

¹ ይኒ ግሾ፥ ጾዚ ጼግደ ጌሽ እሹን፥ ኑ አማኖራ ላ ጋእ ጼግዘ ሐዋረን ካህኑን Ꮉላቃ የሱሳ ቦኦተ።

² ሙሴ ጾዘ ኬ ኡባ አማንንትዳን ፋና የሱሳን ፋና ዶርደ ጾዘስ አማንንትዳያ።

³ ኬ ኬጽዛይ ኬትፋ አ ቦንችንትዛን ፋና የሱሳ ሙሴፓ አዘ ቦንቾ ኤኮደስ ቤዛነ።

⁴ ፈታ ፈታ ኬዛ ኬጽደ አስ የነ፥ የዝን ኡባኖ ጊግዝደ ጾዚ።

⁵ ሙሴ ጾዘ ኬ ኡባነ አማንንትደ አሮ ማቂ፥ ጾዚ ቲኖፓ ጋዉደባዝስ ማርካ ማቅዳ።

⁶ የዝን ክርስቶሳ ጾዘ ኬተ ናአ ፋና አማንንትዳያ። ኑኒ ኤኮዳ ጋእ ናግዘ ኡፋይስቶ ምን ናግኮ ጾዘ ኬ ማቃነ።

ጾዘ አስስ የዘ ሸምፖ

⁷ ይኒ ግሾ፥ ጌሽ አያና ጋዛንፋና፥ «Ꮉይኖ ይን ጾዚ ጋዛኖ ስእዘ ዎደ

⁸ አኮ ባይዘ ሳአ ፋታንዘ ቃማ፥ ይን አዱን ገነ Ꮉንትዳን ፋና፥ ይን ዎዝንቶ ምንፐተ።

⁹ ይን አዱን ታና ፋታንዳ፤ ኦይታም በረ ታ ኦችቶ ብእዳ።

¹⁰ ይኒ ግሾ፥ ታ ይና የለቱንና ካጭ፥ ‹ኡን ኡባ ዎደ ፋ ዎዝንተ ባላነ፤ ታ ኦግቶ ኤርካያ› ያጋይዳ።

¹¹ ይኒ ግሾ፥ ታኒ ዥሎራ ጫቂ፥ ‹ታ ሸምፖ በስቶ ሙሎን ገሎስ› ያጋይዳ» ያጋነ።

¹² ታ እሹን፥ ይንታፓ ኦደን፥ ደኦ ጾዘፓ ይንታና ሻክዘ ኢታን አማኖሰ ዎዝና የዛመ ጋር ናግንቶተ።

¹³ ይንታፓ ኦደን ናጋራ ባልን፥ ፋ ዎዝንቶ ምንመ ጋር «Ꮉይኖ» ጋእንት ጼግንቶደራ ቃምተ ቃምተ ፈተ ፈተራ ዞርንቶተ።

¹⁴ ኑ ቲኖ አማንቶ ኑኒ ዉርሱ የሎደስ ምን ናግኮ፥ ክርስቶሳራ ዎላ ሻክንትዙንና።

¹⁵ ጌሽ ማጻፍተ፥ «Ꮉይኖ ጾዚ ጋዛኖ ይን ስእዘ ዎደ የ ዎደ ኡን ጩቦራ Ꮉንዳን ፋና፥ ይን ዎዝንቶ ምንፐተ» ያጋይዳ።

¹⁶ ጾዚ ጋዘባዝ ስእ ጩቡዱን ኦደ? ሙሴ ግብጸፓ ካል ኬስደ ኡቡንና።

¹⁷ ጾዚ ኦይታም በረ ኦና ካጭዶ? ናጋራ ኦችዱንናን ኡን አህታ አኮ ባይዘ ሳአ ዎ አትደ አሱንና ባነ?

¹⁸ ማህ ጾዚ፥ «ታ ሸምፖ በስቶ ገሎስ» ያጋእ ጫቂዳና፥ ኤስ ኪትንታንጽደ አሱንና ባነ?

¹⁹ ይኬ፥ ኡን ይና ሸምፖ በስቶ ገላንጽዳና አማንካይዘ ግሾ ማቅዳኖ ኑ በእነ።