Ibraawe 1 - ኦይዳ አዲስ ኪዳን

ናአይ ኪታንቹንፓ ካታራ

¹ ዛጋ ጾዚ፥ ኑ አዱንስ ናቡን ባጋራ ዱማ ዱማ ኦገራ ጋማ ዎደ ኦህዳ።

² የዝን Ꮉና ዉርሱ ዎድተ ኡባኖ ኤዛ ላትዝደ ማህ አላምቶ ኤ ባጋራ መደ ፋ ናአይ ባጋራ ኑስ ኦህዳ።

³ ናአይ ጾዘ ቦንቾ ፎእዘን ኩሙ ጾዘ ጾዘትቶ ኤኪ፥ ፋ ዎልቃ ቃላራ Ꮉና አላምቶ ካቲ አይክዳ። አሱንና ኡን ናጋራፓ ጌሽዳንፓ ሱባ ኡባፓ ካታራ ጾዘ ምዛቅ ዛላራ ሳሎ በትዳ።

⁴ ኤስ እንግንትደ ሱንታ ኪታንቹን ሱንፓ ካታራ ማቅዳን ፋና ኤ ኡንታፓ ካታራ።

⁵ ይኬ፥ ጾዚ ኪታንቹንፓ ኦደጎ፥ «ኔኒ ታ ናአ፤ ታ Ꮉይኖ ኔስ አደ ማቅዳ» ጋይዶ? ዎይ ማህ ኦደጎ፥ «ታኒ ኤስ አደ ማቃዳ፤ ኤዝን ታስ ናአ ማቃዳ» ጋይዶ?

⁶ ማህ ጾዚ ፋ አንግስ ናአያ Ꮉና አላምተ ኪትተራ፥ «ጾዘ ኪታንቹን ኡባ ኤስ ጎይኖ» ያጋይዳ።

⁷ ጾዚ ኪታንቹን ባዝ ኦህተራ፥ «ጾዚ ፋ ኪታንቹንና አያና፥ ፋ አሩንና ታማ ሎጸ ማህነ» ያጋይዳ።

⁸ የዝን ፋ ናአይ ባዝ ኦህተራ፥ «ጾዛዮ፥ ነ ካእቱምታ መናስ የነ። ነ ካእቱምቶ ነ ጽሎትራ አሆ።

⁹ ኔኒ ጽሎት ካዳ፤ ኢታ እጽዳ። ጾዚ፥ ነ ላ፥ ነና ነ ላጉንፓ አ ዶርዳ፥ ኡፋይስ ዛይተ ነና ትዥዳ» ያጋይዳ።

¹⁰ ጾዚ ማህ፥ «ላዮ፥ ቲኖ ኔኒ ሳአ መዳ፤ ሳሉን ነ ኩሸ ኦቻ።

¹¹ የንስ ኡባ ቦዳ፤ የዝን ነ የሳዳ። ኡን ኡባ አፉላ ፋና Ꮉልኦዳ።

¹² ነ ማጋራጃ ፋና ጻጾዳ፤ ማህ ኡን አፉላ ፋና ጭንጎዳ። የዝን ኔኒ ኡባ ዎደ ነና፤ ነ በርታን Ꮉልኦስ» ያጋይዳ።

¹³ የዝን ጾዚ ኪታንቹንፓ ኦደጎ፥ «ታኒ ነ ሞርኩንና ነ ቶህታ የዘ በሲ ማሆደ ዎንስ፥ Ꮉነ ታፓ ምዛቅ ዛላራ በቶ» ጋይዶ?

¹⁴ ኪታንቹን ኡባ አቶት ደንጎደስ የዘ አሱንና ማዶደስ ጾዚ ኪትደ አያኑንና ባነ?