1 ቆሮንቶሳ 8 - ኦይዳ አዲስ ኪዳን

ኤቃስ ዣርሽንትደ ካ ባዝ

¹ ኤቃስ ዣርሽንትደ ካባዝ ማቅኮ ኑ ኡቡንስ ኤራ የነ። ኤራት ኡቱርሳነ፥ የዝን ሲቆ ድቻነ።

² ኦደን ፋና ኤራነ ጋእ ቆፕኮ፥ ኤ Ꮉጋ ኤሮደስ ቤዛኖ ኤርካያ።

³ የዝን ኦደን ጾዝ ካኮ ኤ ጾዘ ካለ ኤርንትዳያ።

⁴ ይኒ ግሾ፥ ኤቃስ ዣርሽንትደ ካ ሙእዘ ባዝ ማቅኮ Ꮉና አላምተ ላ ፈቲ ጾዘፓ ፋትን መለ ባይዘ ግሾ ኤቃ ፋሰ ባዝ ማቅዳኖ ኑኒ ኤራነ።

⁵ ጾዝ ማቅካይዝን ሳሎን ሳአን ጾዚ ጋእንት ጼግንትደ ጋማ ጾዙንን ላን የዝኮን፥

⁶ ኡባ ባዝ መደ፥ ኑ ኤ ባዝ ማቅደ፥ ፈቲ ጾዚ፥ አደ፥ ኑስ የነ። ኡቡን ኤ ባጋራ መንትዳ፥ ኑንን ኤ ባጋራ ደኦ ደንግዳ ፈቲ ላ፥ የሱስ ክርስቶሳ ኑስ የነ።

⁷ የዝን Ꮉኖ ኤርዘ ኡባ ባያ። ፈቲ ፈቲ አሱን ኤቃ ጎይኖራ ኤርንትደ ግሾ ካ ሙእዘ ዎደ ኤቃ ዣርሽንትደባዝ ማህ ኤካነ። የ ዎደ ኡን ዎዝንታ ቦዛ ማቅደ ግሾ ቱናነ።

⁸ የዝን ካ ኑና ጾዛራ እግንስ። ኑ ሙእካይዛራ አሽን አኮን ቆህንቶስ፤ ማህ ሙእ ዱማ ማድንቶስ።

⁹ የዝን ይን ኮይደባዝ ሞኦደስ ዋሎት ይንትስ የዝኮን ይና አማኖራ ሚንግካይዙንና ባመ ፋና ናግንቶተ።

¹⁰ ኔኒ ነና ኤራ ጋእ ኤቃ ዣርሽንትደ ካ ሞኦደስ ኤቃ ኬ በቴዝን፥ አማኖራ ሚንግካይዘ ነና ብእኮ ይና ኤዛ ኤቃስ ዣርሽንትደ ካ ሞኦደ ጋር ደንሳ?

¹¹ ይኬ፥ ነ ኤራትት ባጋራ ክርስቶሳ ኤ ግሾ Ꮉይቂዳ፥ አማኖራ ሚንግካይዘ ነ እሸ፥ ብዳ።

¹² ይኒ ጋር ዪዚ፥ አማኖራ ሚንግካይዘ ይን እሹንና ቆህተ ኡን ዎዝንቶ Ꮉርግዚ ክርስቶሳ ቆሃነ።

¹³ ይኒ ግሾ፥ ካ ታ እሻ ቢዘ ባዝ ማቅኮ፥ ኤ ብንታመ ፋና አሾ ሙሎን ሞኦስ።