di antplekung 22 - Der Ortodoksishe Yidisher Bris Chadasha

kapitel tsvei un tsvantsik

¹ un er hot mir gevizn a shtrom fun vaser fun leben, klor vi kristol , vos iz aroisgegangen fun Hashems kisei hakoved un fun dem Lemele,

² inmitn fun ir gas. un fun der zait un fun yener zait fun dem taich a boim fun leben, vos brengt tsvelf minim peires, un git yedn choidesh zain frucht; un di bleter fun dem boim zenen far a refue tsu di felker.

³ un es vet mer nisht zain kein klole; un Hashems kisei hakoved un dem Lemele vet zain in ir; un zaine knecht velen im dinen;

⁴ un velen zen zain ponem; un zain nomen vet zain oif zeiere shterens.

⁵ un kein nacht vet mer nisht zain; un men darf nisht dos licht fun kein laichter, nisht dos licht fun der zun; vail G‑t der Har vet loichten iber zei; un zei velen kenigen lolmei olamim.

⁶ un er hot tsu mir gezogt: di dozike verter zenen bagloibt un vorhaftik; un der Har, der G‑t fun di gaister fun di neviim, hot geshikt zain malech, tsu vaizen zaine knecht, vos es darf geshen ingichen—

⁷ un ze, ich kum bald—voil iz dem, velcher hit op di verter fun der nevue fun dem dozikn seifer.

⁸ un ich, Yochanan, bin der, vos hot gezen un gehert di dozike zachn. un ven ich hob zei gehert un gezen, bin ich anidergefalen, kedei zich tsu buken far di fis fun dem malech, velcher hot mir zei gevizn.

⁹ un er hot tsu mir gezogt: gib achtung, tu dos nisht! ich bin dain mitknecht un fun daine brider, di neviim, un fun di, vos hiten op di verter, fun dem dozikn seifer; tsu Hashem zolstu dich buken!

¹⁰ un er hot tsu mir gezogt: farchasme nisht di verter fun der nevue fun dem dozikn seifer; vorem di tsait iz noent.

¹¹ ver es tut umrecht, der zol vaiter ton umrecht; un der tome zol vaiter zain tome; un der tsadik zol vaiter oisek zain in tsedokes; un der kodesh zol zich vaiter heiliken!

¹² ze, ich kum bald; un main sachar iz mit mir, tsu fargeltn yedn einem loit zain maisim.

¹³ ich bin der alef un der tav, der ershter un der letster, der onhoib un der sof.

¹⁴ voil iz di, velche vashen zeiere kleider, kedei zei zolen hoben reshus tsum ets hachayim, un zolen arainkumen durch di toiern in der shtot arain.

¹⁵ indroisen zenen di klovim un di mechashfim un di zunim un di rotschim un di getsndiner, un yeder einer, velcher hot lib un iz oisek in sheker.

¹⁶ ich, Yeshua/Yehoshua, hob geshikt main malech, eides tsu zogen tsu aich di dozike zachn far di kehiles. ich bin der shoiresh un der tsemach (Yehoshua;Zecharyah 3:8; 6:11-12) fun Dovid (Yeshayah 11:1,10), der heler morgenshteren.

¹⁷ un der Gaist un di kale zogen: kum! un zol der herer zogen: kum! un der durshtiker zol kumen; un ver es vil zol nemen funem vaser fun leben umzist.

¹⁸ ich zog eides tsu yedn einem, velcher hert di verter fun der nevue fun dem dozikn seifer: ven emitser vet tsuleigen tsu zei, vet Hashem aroifleigen oif im di machot, vos shteien geshriben in dem dozikn seifer;

¹⁹ un oib emitser vet aveknemen fun di verter fun dem seifer fun der doziker nevue, vet Hashem aveknemen zain cheilek fun dem boim fun leben un fun der heiliker shtot, derfun vos shteit geshriben in dem dozikn seifer.

²⁰ der eides fun di dozike zachn zogt: yo, ich kum bald. Omein; kum Har Yeshua/Yehoshua!

²¹ der chesed fun dem Har Yeshua/Yehoshua zol zain mit aich alemen. Omein.