THESSALONIANUN 5 - Ottawa New Testament Penteteuch and Psalms 1874

¹ Uhpe oo‐oo kaëzhewabuk, nejekewaëdoog, kahween enandahgwussenoon cheöozhebeühmoonuhgoog.

² Kenuhwah muh tebenuhwa kekekandahnahwah ewh Tabaningad ookezhegudoom chetuhgwishenoomahgudenig debishkoo owh kamoodishkid nebah‐tebik tuhgwishing.

³ Uhpe muh akedoowaud, Kegahpezaun‐ahyahmin kah kuhya kenuhneezahnezesemin; medush kahwuhnuhpe kapuggummishkahgoowaud ewh bahnahdezewin, debishkoo equa wahnegeähwuhsoojin azhepuggummishkahgood ewh wesugganduhmoowin; kah dush tahtaöozhemoosewug.

⁴ Kenuhwah dush ween nejekewaëdoog, kahween emuh magwa kushke‐tebekuk kedahyahseem cheühdemegooyagoobun ewh kezhegud debishkoo owh kamoodishkid.

⁵ Kuhkenuh kenuhwah kedoonejahnesemegoonahwah ewh wahsayahzewin kuhya ewh kezhegud: kahween kenuhwind kedebandahgoozesemin emuh magwa kushke‐tebekuk.

⁶ Umba suh kagoo nebahsedah debishkoo azhechegawaud ahnind; Ahkahwahbedah kuhya nesahdezedah.

⁷ Egewh muh nabahjig nebahwug magwah tebekudenig: egewh natuh‐kewushquabejig, kewushquabewug magwah tebekudenig.

⁸ Umba suh dush kenuhwind, dabandahgooseyung emuh kezheguk, nesahdezedah, pesekuhmung emuh nekahkah-gunuhnaung ewh dabwayanduhmoowin kuhya sahgeëwawin; Kuhya pesekuhmung tahnuhsug ahgooshtequaunaöowin ewh bemahjeëgoowine‐ahpanemoowin.

⁹ Kah muh ningeënahkoonegoosenaun Kesha‐Muhnedoo chenishkanemegooyung, chebemahjeëgooyung atuh oonje Tabanemenung Jesus Christ.

¹⁰ Owh kahnebootoonung, ewh nabahwungan gamuh nabahsewungan, cheweeje‐bemahdezemung.

¹¹ Benuh dush menoodaäëdeyook mahmahwe, kuhya ahyaungwahmeëdeyook, mesuh debishkoo azhechegayag.

¹² Kepahgoosanemegoo dush, wejekewaëmahdoog, chekekanemagwah egewh anookeejig anduhzhe‐ahyahyag, kuhya ganuhwanemenagoog oonje owh Tabaningad, kuhya kageekemenagoog;

¹³ Kuhya chekechetwahwanemagwah emuh sahgeëwawining oonje oodahnookewinewah. Kuhya pezaunanindeyook mamashquaud.

¹⁴ Noongoom dush, kedegoom, wejekewaëmahdoog, kezhah guhnoonik egewh kagaunzetungig, menoodaäïk egewh mashkahwanduhsigoog, nahdahmahwik egewh shuhyahgwewejig, shuhshebanemik kuhkenuh enenewug.

¹⁵ Ahyaungwahmezeyook ahweyah cheähzhittah‐mujje-doodahwahsig ahweyah enenewun; moonzhug noopenuhduhmook ewh wanesheshing, mamashquaud kadoodahdeyag kuhya kadoodahwagwah kuhkenuh enenewug.

¹⁶ Kahgenig moojegezeyook.

¹⁷ Moonzhug ahmuhmeähyook wekah chepoonetahsewag.

¹⁸ Ahnooj gagoo oonje‐mahmooyahwayook; me muh azhenunduhwanemenag Kesha‐Muhnedoo emuh Christ Jesusing.

¹⁹ Kagoo ahtaähkagoon owh Keche‐Oojechaug.

²⁰ Kagoo bahpenoodunkagoon enewh aunwahjegawinun.

²¹ Kuhgwatebanduhmook anooj gagoo; minjemenuhmook ewh wanesheshing.

²² Meewetooyook ahnooj doowah mujjeëzhewabezewin.

²³ Kuhya owh Kesha‐Muhnedoo wazhetood pezaunewawin kegahahpeche‐peeneëgoowah; ahpakish guhnuhwanemegooyag emuh anegook‐oojechaugooweyag, kuhya anegookwaug keyowewaung kuhnuhga mujje‐ezhewabezesewag nahnauzh uhpe tagwishing Tabanemenung Jesus Christ.

²⁴ Ahyaungwahmeze suh owh kahnundoomenag, mesuh kuhya owh kadoodung oo‐oo.

²⁵ Wejekewaëmahdoog ahnuhmeätuhmahweshig.

²⁶ Ahnahmekahwik kuhkenuh egewh wejekewaëmaug oojeemagwah ewh pahnuk oojeendewin.

²⁷ Kedahyaungwahmenenim oonje owh Tabaningad oo‐oo mahjebeëgun cheähginduhmoowindwah kuhkenuh pahnezejig wejekewaëmaug.

²⁸ Ahpakish ahyahmag ooshahwanjegawin Tabanemenung Jesus Christ. Amen.