THESSALONIANUN 4 - Ottawa New Testament Penteteuch and Psalms 1874

¹ Menuhwah dush kepahgoosanemegoom, wejekewaëmahdoog, kuhya kekuhgekemegoom oonje owh Tabaningad Jesus, kaëzheöodahpenahmahweyaung owh kaëzhebemahdezeyagoobun kuhya kaëzheminwandummeägoobun Kesha‐Muhnedoo, me suh goo ashkum cheëzhewabezeyag.

² Kekekandahnahwah suh enewh kuhgequawinun, kahmeenegooyag oonje owh Tabaningad Jesus.

³ Me muh azhenunduhwanemenag Kesha‐Muhnedoo chemenoo‐ezhewabezeëgooyag, chemekinduhsewag pezhigwahdezewin:

⁴ Kuhkenuh anduhsheyag chekekanduhmag chekushketuhmahzooyag tebenuhwa keweedegamahgunewaun emuh peenahdezewining, kuhya emuh kechetwahwandahgoozewining;

⁵ Kahween emuh peshigwahdanduhmoowining debishkoo goo anumeähsigoog egewh kakanemahsigoog Kesha‐Muhnedoon:

⁶ Ahweyah emuh oo‐oo uhyeëeng chemujje‐doodahwahsig kuhya chewahyazhemahsig enewh wejekewaün: ween muh Kesha‐Muhnedoo ahzhittah kooduggeëwa oonoo uhyeëen oonje, debishkoo kezhah kahezhewahweendahmahgooyag kuhya kahezhedebahjemootahgooyag.

⁷ Kah muh ewh Kesha‐Muhnedoo kegeöonje‐nundoomegoosenaun cheweenezeyung, chemenoo‐ezhewabezeyung atuh.

⁸ Owh dush buhyahpenoodahgad kahween oobahpenoodahwahseen enewh enenewun, enewh atuh Kesha‐Muhnedoon, owh kahmeenenung ooKeche‐Oojechaugwun.

⁹ Oo‐oo dush wejekewaëmahwine sahgeëdewin duhzhinduhming kahween kemuhnazesenahwah chemahjebeühmoonenuhgoog, kenuhwah mah tebenuhwa kekekenooähmahgoowah Kesha‐Muhnedoo chesahgeëdeyag.

¹⁰ Me suh dush andoodahwagwah kuhkenuh egewh wejekewaëmaug ayahjig emuh anegookwaug Macedonia: kepahgoosanemegoom, wejekewaëmahdoog, ashkum oo‐oo cheëzhewabezeyag;

¹¹ Kuhya keche‐enanduhmook chepezaunezeyag, cheahnookeetuhmag tebenuhwa kedahnookewinewah kuhya cheähnookeeyag ahyooyag tebenuhwa keneenjewaun, debishkoo kahezhekuhgeekemegooyag;

¹² Cheminwahbuhmenahgwuk kedezhewabezewinewah emuh anahsuhmuhbewaud egewh ahgwahcheeng ayahjig, chemuhnazesewag gagoo.

¹³ Kahween nindenanduhse chekekanduhsewag, nejekewaëdoog, azheähyahwaud egewh nabahjig, cheöonje-ezhekushkanduhsewag azhekushkunduhmoowaud egewh ayaunsigoog ahpanemoowin.

¹⁴ Kishpin dabwayanduhmung kenebood owh Jesus, kuhya keähbejebaud, mesuh owh Kesha‐Muhnedoo kaëzhepeenaud mahmahwe enewh nabahnejin emuh Jesusing.

¹⁵ Maunduh dush kedegoom oonje Kesha‐Muhnedoo oodekedoowin, kenuhwind bamahdezeyung, kuhya abeyung uhpe tagwishing owh Tabaningad kahween kegahpeendegasemin chepwah peendegawaud egewh nabahjig.

¹⁶ Ween suh goo Tabaningad tahpeöonje‐nahgooze ewede keche‐kezhegoong magwah sahsahquang, kuhya magwah keche kezheewad owh Keche Angen, kuhya magwah muhtwawamahguk oopootahjegun owh Kesha‐Muhnedoo: netum dush tahahbejebahwug egewh naboojig emuh Christing:

¹⁷ Kenuhwind dush ween kayahbe bamahdezeyung kegahezheöombenegoomin mahmahwe wenuhwah emuh ahnuhqwudoong cheähwenuhgishkahwung owh Tabaningad ewede mezhuh‐kezhegoong, mesuh kahgenig cheweejewung owh Tabaningad.

¹⁸ Enushka menoodaäëdeyook oonoo ekedoowinun ezheguhnoonindeyag.