THESSALONIANUN 3 - Ottawa New Testament Penteteuch and Psalms 1874

¹ Uhpe dush kashketoosewaung kayahbe chepwah‐wahbuhmegooyag, ningeënandahmin chenuhguhnegooyaung ewede Athensing;

² Kuhya ningeëzhenahzhahwahnaun Timotheus, nejekewaënaun, kuhya wabuhmeetahgunemegood enewh Kesha‐Muhnedoon, kuhya owh wahdookahweyungid ahnookeetuhmaung Christ oominwahjemoowin, cheühyeenjeënag kuhya chemenoodaäënag oonje ewh kedabwayanduhmoowinewah:

³ Ahweyah chesunnugganduhsig oonoo nekooduggeëgoowinun, kenuhwah muh kekekandahnahwah ewh kezhah keënanemegooyaung oonoo chedoodahgooyaung.

⁴ Kagate muh, magwah keähyahyaung kenuhwah anduhzhe ahyahyag, kezhah kegeweenduhmahgoom wekoodugganduhmaung; debishkoo azhewabuk, azhekekanduhmag.

⁵ Mesuh oo‐oo kahoonje‐ahnookeeyaun ahweyah cheëzhaud chenunduhkekandung kedabwayanduhmoowinewah, koonemah kedahgekuhgwatebanemik owh Kagwatebanjegad, kah dush ningood tahgeënahbuttussenoon nindahnookeewinenaun.

⁶ Uhpe dush kahpetuhgwishing Timotheus oomah anduhzhe ahyahyaung keöonjeed ewede kenuhwah anduhzhe‐ahyahyag, kepetahjemootuhmahweyungid ewh wanesheshing enahjemoowin kedebahdoodung kedabwayanduhmoowinewah kuhya kesahgeëdewinewah, kuhya chemenoo-mequanemeyaung moonzhug, keche‐nunduhwanduhmag chewahbuhmeyaung, debishkoo kuhya nenuhwind azhenunduhwanduhmaung chewahbuhmegooyag:

⁷ Benuh dush, wejekewaëmahdoog, ningemenoodaäëgoomin kenuhwah oonje emuh kuhkenuh neketemahgezewining kuhya nekootuggetoowining, apeeche dabwayanduhmag:

⁸ Noongoom dush nebemahdezemin, kishpin soongekahbahweyag emuh Tabaningang.

⁹ Ahneen dush kaëzhemahmooyahwahmungid Kesha‐Muhnedoo kenuhwah oonje, oonje ewh ahpeche keche moojegezewin azhekeche‐moojegezeyaung anahsuhmuhbid kekesha‐Muhnedoomenaun kenuhwah oonje;

¹⁰ Tabekukkin kuhya kahzhegukkin nekeche‐ahnuhmeähmin chewahbuhmegooyag, kuhya chewahweengatooyaungoobun menik nwaundasag kedabwayanduhmoowinewah?

¹¹ Benuh dush Kesha‐Muhnedoo kuhya Koosenaun, kuhya Tabanemenung Jesus Christ ningahkekenooähmahgoonaun cheühneëzhahyaung kenuhwah anduhzhe ahyahyag.

¹² Mahnoo owh Tabaningad kegahpuggedenahmahgoowah chebahtuhyeënuk kuhya ashkum chemeshenuk kesahgeëdewinewah, kuhya kaëzhesahgeägwah kuhkenuh enenewug, debishkoo azhesahgeëgooyag:

¹³ Cheöonje‐soongesittood enewh kedaëwaun kuhnuhga mujje‐ezhewabezesewag emuh peenezewining anahsuhmuhbid Kesha‐Muhnedoo, mesuh Koosenaun, uhpe tagwishing Tabanemenung Jesus Christ mahmahwe kuhkenuh enewh oobuhmeetahgunun.