St Matthew 9 - Ottawa New Testament Penteteuch and Psalms 1874

¹ Kepooze dush emuh nahbequauning, keähzhahwahood, kemezhuhgaud dush emuh oodanaung ween kahoodatood.

² Benuh dush, oogepeetahmahwahwaun pazhig enenewun naboowahpenanejin, nebahguning shingeshenenid; Jesus dush wuhyahbuhmaud azhedabwayanduhmenid, oo‐oo oogeënaun enewh naboowahpenanejin, Nengwis mushkahwandun; kewabenuhmahgoo kemujjeëzhewabezewinun.

³ Benuh dush, ahnind egewh oozhebeëga‐wenenewug emuh oodaëwaung keëkedoowug, Mujje‐kezhwa suh wahowh enene.

⁴ Jesus dush kekanemaud ewh ananduhmenid, oo‐oo keëkedoo, Wagoonan suh wanjemujje‐enanduhmag emuh kedaëwaung?

⁵ Wagoonan nahwuj wuhyanepunuk oo‐oo cheëkedoong, Kewabenahmahgoo kemujje‐ezhewabezewinun; gamuh oo‐oo cheëkedoong, Puhsegwen, bemoosan dush?

⁶ Cheöonjekekanemag owh Enene oogwissun kushkeawezid oomah uhkeeng chewabenahmahgad enewh mujje‐ezhewahezewinun, (oogeënaun dush enewh naboowahpenanejin), Oneshkaun, oombenun kenebahgun, ezhaun dush ewede andahyun.

⁷ Keöoneshkah dush, andaud dush keëzhemahjah.

⁸ Uhpe dush egewh ahneshenahbag wuhyahbunduhmoowaud, kemahmahkahdanduhmoog, kuhya dush oogewahwezhanemahwaun Kesha‐Muhnedoon kemeenahnid oo‐oo denoo kushkeäwezewin enewh enenewun.

⁹ Ewede dush kahoonjemahjaud owh Jesus, uhnebemoosad dush, oogewahbuhmaun pazhik enenewun Matthew azhenekahzoonejin, nuhmuhduhbenid emuh anduhzhe‐mahwunjechegahdag ewh oogemah‐shooneyah: oo‐oo dush oodenaun, Noopenuhzheshin. Kepuhsegwewun dush, kenoopenuhnegood.

¹⁰ Kepuhgummeähyah dush, magwah Jesus keduhzhe-wesenid emuh wegewaumening, Benuh, nebewah kepeëzhahwun mahwunjechega‐wenenewun kuhya majeëzhewabezenejin kewedoopuhmegood dush kuhya ookekenooähmahgunun.

¹¹ Uhpe dush egewh Phariseeg wuhyahbunduhmoowaud, oo‐oo oogeënahwaun ookekenooahmahgunene, Ahneshwin owh kakenooahmoonag wedoopuhmaud enewh mahwunjechega‐wenenewun kuhya majeëzhewabezenejin?

¹² Uhpe dush owh Jesus nwaundung oo‐oo, oogeënaun, Egewh kayundahwezejig kahween oonundahwanemahsewahwaun enewh mushkeke‐wenenewun, egewh suh atuh ayahkoosejig.

¹³ Ahwenunduhkekanduhmook suh oo‐oo azhenesettootahgwuk, Nenunduhwandaun ewh shahwanendewin, kah dush ween ewh sahsahgewejegawin; kah suh ween ninpeöonjeëzhahse chenundoomugwah egewh manoo‐ezhewabezejig cheäunwanindezoowaud majeëzhewabezejig atuh.

¹⁴ Medush kepenaunzekahgood ookekenooahmahgunun owh John, keëgood, Ahneshwin nenuhwend kuhya egewh Phariseeg nuhnengim pahkuddaëdezooyaung, kekekenooahmahgunug atuh kahween puhkuddaëdezoosewug?

¹⁵ Jesus dush oo‐oo oogeënaun, Tahkushkanduhmoog nuh egewh dabandahgoozejig emuh nahaunge‐weguhmegoong, magwah weejewahwaud enewh nahaungeshun? Tahtuhgweshenoomahgudoon enewh kezhegudoon, uhpe chekemuhkummindwah enewh nahaungeshun, me dush uhpe kapuhkuddaëdezoowaud.

¹⁶ Kahween ahweyah oopuhgwahegaseen ewh ooshke‐mahnetoowagin emuh kata‐ahgwewining, ewh muh uhyeëe kahahjegahdag ashkum tahoonje‐pegooshkah ewh ahgwewin.

¹⁷ Kah kuhya oosegenunsenahwah ewh ooshke‐shoowemenahboo emuh kata‐puhshquagenoo‐moodying; keshpin keëzhechegawahpun tahgepegooshkahwun enewh oomoodyun, kuhya dush tahgesekesa ewh shoowemenahboo, kuhya bahnahdudoon enewh oomoodyun: oosegenahnahwah dush ween ewh ooshke‐shoowemenahboo emuh ooshke-puhshquagenoo‐oomoodying, medush nuhyazh chemenoo-guhnuhwanduhmoowaud.

¹⁸ Magwah oo‐oo uhyenaud, benuh, kepeëzhahwun pazhik oogemaun, keshahgushketahgood, keëgood, Ahzhe keneboo nindahnis; peëzhahkun dush kuhya taungin, medush kaëzhebemahdezid.

¹⁹ Jesus dush kepuhsegwe, kenoopenuhnaud, kuhya dush ookekenooähmahgunun nahsaub keëzhecheganid.

²⁰ Benuh dush, pazhik equa kahmesquewahpenad metahswe‐ahzhe‐neezhoo pepoon, oopequunaung kepeëzhahwun, ketaungenuhmahgood dush emuh tuhtebegwahdanig ewh oopesekoowahgun.

²¹ Oo‐oo mahween peenjenah keëkedoo, Keshpin goo kuhnuhga taungenuhmahwug oopesekoowahgun, me suh goo kaëzhekuhyunduhwezeyaun.

²² Jesus dush kequakekahbahwe, uhpe dush wuhyahbuhmaud oo‐oo keëkedoo, Nindahnis menoodaän; kedabwayanduhmoowin kenoojemooëgoon. Medush goo uhpe enoojemooïnd owh equa.

²³ Uhpe dush Jesus kahpeendegad emuh oowegewauming owh oogemah kewahbuhmaud dush enewh pwahtahjeganejin kuhya ahneshenahban oombegezenid.

²⁴ Oo‐oo‐oogeënaun, Ekoogahbahwik, kah suh neboose owh ooshkenegequa, nebah suh atuh; oogekaunj‐bahpeëgoon dush.

²⁵ Uhpe dush kahsahgejenahzhahoondwah egewh ahneshenahbag, kepeendega kuhya oogesuggeninjenaun e newh ooshkenegequan, medush keöoneshkahnid.

²⁶ Oo‐oo suh kedebahjemah mezeewa emuh uhkeeng.

²⁷ Uhnemahjaud dush Jesus, oogenoopenuhnegoon neezh enewh kakepeengwanejin enenewun, kepepahgemegood, oo‐oo keëgood, Shahwanemeeshenaum, keen wagwisemik owh David.

²⁸ Kahpeendegad dush emuh wegewauming, oogepenaunzekahgoon enewh kakepeengwanejin. Jesus dush oo‐oo oogeënaun, Kedabwayandaum nuh chekushkeäwezeyaun oo‐oo cheëzhechegayaun? oo‐oo dush oogeëgoon, Aahe Tabanengayun!

²⁹ Medush ketaungenahmahwaud ooshkinzhegoone, oo‐oo keëkedood, Azhedabwayanduhmag mahnoo kegahdoodahgoom.

³⁰ Medush kepahkahkahbewaud; Jesus dush oogekecheäungwahmemaun, oo‐oo ekedood; Aungwahmezeyook ahweyah chekekanduhsig.

³¹ Uhpe dush kahsahguhumoowaud, oogesuhswayah-jemahwaun mezeewa emuh uhkeeng.

³² Uhnesahgahumoowaud, benuh, oogepetahmahwaun enewh natah‐kekedoosenegoon enenewun kakeshkahwahnejin mujje‐muhnedoon.

³³ Uhpe dush kahsahgeje‐wabenemind enewh Mujje‐Muhnedoon, kekekedoo owh natah‐kekedoosig: Egewh dush ahneshenahbag kemahkahdanduhmoog, oo‐oo keëkedoowaud, Kahween wekah kewahbunjegahdasenoon emuh Israëling oo‐oo cheëzhewabuk.

³⁴ Egewh dush Phariseeg keëkedoowug, Me enewh oodoogemahmewaun egewh mujje‐muhnedoog wanjesahgeje-wabenaud enewh mujje muhnedoon.

³⁵ Jesus dush oogepahpahezhahnun kuhkenuh enewh oodanahwun kuhya oodanaunsun, pahpahkekenooahmahgad emuh oodahnuhmeä‐weguhmegoowaung, kuhya kepahpahtebahdoodung ewh oogemahwine‐menwahjemoowin, kuhya kepahpahnoojemootood kuhkenuh ahkoosewinun uhya kuhkenuh nuhnepenezewinun.

³⁶ Uhpe dush wuhyahbuhmaud enewh ahneshenahban, oogeketemahganemaun, ewh kemegooshkahjeähyahnid kuhya suhswaskahnid, debishkoo mahneshtahneshug wamahneshtahneshe‐wenenemesegoog.

³⁷ Medush oo‐oo keënaud enewh ookekenooahmahgunun, Kagate bahteënud ewh keshkezhegawin, pungeshawuggezewug dush ween egewh keshkezhega‐wenenewug;

³⁸ Nundoodahmahwik owh Tabandung ewh keshkezhegawin, chepeëzhenahzhahwaud anooketahganejin emuh ooketegauning.