St Matthew 8 - Ottawa New Testament Penteteuch and Psalms 1874

¹ Uhpe dush kahpenesahkewad oonje wahjewing, oogenoopenuhnegoon nebewah mahyahmahwenoonejin.

² Benuh dush, oogepenaunzekahgoon wamegeenejin enenewun, oogeshahgushketahgoon dush, oo‐oo keëkedoonid, Tabanengayun keshpin enanduhmun, kedahkushke chepeeneëyun.

³ Jesus dush kezhebenekane, ketaungenaud dush, oo‐oo dush keëkedoo, Nendenandum chepeeneëgooyun; medush kazhetena kahezhepeenechegahdanig oodoomegeewin,

⁴ Jesus dush oo‐oo oodenaun, Benuh kagoo weenduhmoowahkan ahweyah; mahjaun dush ween goo, wahbundow keyow owh sahsahgewejega‐wenene, kuhya meegewan ewh meegewawin kahekedoopun owh Moses chemeegewayag, cheöonjedebahjemootahwindwah.

⁵ Uhpe dush Jesus kahtuhgweshing emuh Capernauming, oogepenaunzekahgoon enewh menesenoo‐oogemaun, oogepahgoosanemegoon dush.

⁶ Oo‐oo dush keëgood, Nendoogemaum, nebuhmeetahgun andahyaun tahnahpenashe, neboowahpena suh goo kahgwahnesugge‐wesuggandum.

⁷ Jesus dush oo‐oo oodenaun, Nengahahwenooje-mooäh.

⁸ Owh dush menesenoo‐oogemah oogenuhquatuhwaun oo‐oo dush oogeënaun, Tabanengayun kahween nentaäh-petandahgoozese chepeendegayun emuh newegewauming; kekedoon suh goo atuh, me dush chenoojemooïnd owh nebuhmeetahgun.

⁹ Neen mah nendebandahgooz, netebanemaug dush egewh shemahguneshug; nendenah dush mahbah enene, Mahjaun, medush azhemahjaud; bakahnezid dush, Oondaus, medush azhepenaunzekahwid; kuhya owh nebuhmeetahgun, Oo‐oo doodun, medush andoodung.

¹⁰ Uhpe dush Jesus kahnoondung, kemahmahkahdandum, oo‐oo dush oogeënaun enewh nwahpenuhnegoojin, Kagate kedenenim, kah nahnauzh nengemekunse oo‐oo menik dabwayanduhmoowin, kahween kuhnuhga emuh Israëling.

¹¹ Kedenenim suh dush, nebewah wahbunoong kuhya apungeshemook tahoonjebahwug, oogahweeduhbemahwaun dush enewh Abrahamun kuhya Isaacun kuhya Jacobun emuh Keche‐kezhegoong duhzhe oogemahwewining.

¹² Egewh dush dabandahgoozejig emuh oogemahwewining tahezhesahgejewabenahwug emuh ahgwahjuhyeëe puhsuhgeshkezewining; me emuh kaduhzhe‐wesuhguhdamoong, kuhya kaduhzhe‐muhmahtwayahbetasang.

¹³ Jesus dush oo‐oo oogeënaun enewh menesenoo‐oogemaun, Mahjaun, kahezhetabwayanduhmun, mesuh kadoodahgooyun. Me dush ewh uhpe kadishk oobuhmeetahgunun kahnoojemooëmind.

¹⁴ Uhpe dush Jesus kahpeendegad emuh oowegewauming owh Peter, oogewahbuhmaun enewh oosigwissessun shengeshenenid, niningebenegoonid.

¹⁵ Oogetaungenaun dush emuh oonenjening, me dush kepoonebenegoonid; keooneshkah dush, kuhya oogebuhmeetahwaun.

¹⁶ Uhpe dush aneöonahgooshig, oogepeetahmahwahwaun nebewah kakeshkahwahnejin mujje‐muhnedoon; oodekedoowining dush ween oogeoonjesahgejewabenaun enewh muhnedoon, kuhya kenoojemooäud kuhkenuh enewh ayahkoosenejin:

¹⁷ Chetebeshkoosag ewh kahekedoopun owh Isaias aunwahjega‐wenene, keëkedood, Ween tebenuhwa oogeöodahpenaunun kenuhnepenezewinenahnin, kuhya oogepemoondaunun kedahkoozewinenahnin.

¹⁸ Uhpe dush Jesus wuhyahbuhmaud nebewah mahyahmuhwenoonejin emuh ahyaud, keëkedoo cheëzhahwaud ewede ahgahming.

¹⁹ Pazhik dush oozhebeëga‐wenene kepeëzhah, oo‐oo dush oogeënaun, Kakenooahmahgayun kegahnoopenuhnin tebe kaühyezhahwunan.

²⁰ Jesus dush oo‐oo oodenaun, Wahgooshug oowahzhewug, kuhya penasewug kezhegoong ayahjig oowuhseswunewug; owh dush ween Enene oogwissun kahween oodahyaunseen ewh kaähpequashemood.

²¹ Menuhwah dush pazhig ookekenooähmahgunun oo‐oo oogeëgoon, Tabanengayun, puhgedeneshin ahkuhwa chemahjahyaun cheähwenengwahwug owh noosebun.

²² Jesus dush oo‐oo oogeënaun, Noopenuhzheshin; mahnoo ween egewh naboojig oogahningwahwahwaun ooneboomewaun.

²³ Uhpe dush kahpoozid emuh nahbequauning, oogenoopenuhnegoon ookekenooähmahgunun.

²⁴ Benuh dush, kekeche‐puhgumahnemud emuh kechegummeeng, apeech keche‐nootenig keähyahquahnesawaud tegoowug emuh nahbequauning: ween dush nebahgoobun.

²⁵ Ookekenooähmahgunun dush oogepeähmudenegoon, oo‐oo dush oogeëgoon, Tabanengayun, bemahjeëshenaum; neneboomin gooshah.

²⁶ Oo‐oo dush oodenaun, Ahneshwin sagezeyag oh kenuhwah ahgahwah tuhyabwayanduhmag? Keooneshkah dush, kuhya oogenuhneebekindaun ewh noodin kuhya ewh kechegumme; kekeche‐aunwahtin dush.

²⁷ Enenewug dush kemahmahkahdanduhmoog, oo‐oo keëkedoowug, Ahneen apetandahgoozid wah‐owh enene? me goo azhedabwatahgood ewh nootin kuhya ewh kechegumme!

²⁸ Uhpe dush kahmezhegaud ewede ahgahming, emuh ooduhkeemewaung egewh Gergesenug, oogenuhquashkahgoon neezh enewh kakeshkahwahnejin mujje‐muhnedoon kepeoonjesahguhumenid emuh chebaguhmegoong, ahpeche ahquahdezenid, kah dush ahweyah emuh enuhkayah cheëzhahsig.

²⁹ Benuh dush, kekeche‐pepahgewug, oo‐oo keëkedoowug, Ahneen kadoodahdeyung keen Jesus wagwessemik owh Kesha Muhnedoo? chekooduggeëyaung nuh chepwah oojechesag kepeoonjeëzhah?

³⁰ Wahsuh dush keduhzhe‐wesenewug nebewah kookooshug.

³¹ Mujje‐muhnedoon dush oogepahgoosanemegoon, oo‐oo akedoonid, Keshpin sahgejewabenewaungan, puhgedeneshenaum cheähwepeendegashkahwungidwah egewh kookooshug.

³² Oo‐oo dush oogeënaun, Howh ezhaug! Uhpe dush kahpesahgahuhmoowaud, oogeähwepeendegashkahwahwaun enewh kookooshun; Benuh dush, kuhkenuh egewh kookooshug kekuhkujjewabetoowug emuh kechegummeeng, keduhpenawaud dush emuh nebeeng.

³³ Egewh dush ganuhwanemahpuneeg keöozhemoowug, kuhya keëzhahwug emuh oodanaung, ahnooj dush kedebahdooduhmoowaud kahezheähyahwaud egewh kakeshkah-wahpuneeg enewh mujje‐muhnedoon.

³⁴ Benuh dush, kuhkenuh kesahguhuhmoog egewh wahdatoojig, chenuhquashkahwahwaud enewh Jesusun. Uhpe dush kahwahbuhmahwaud, oogepahgoosanemahwaun chenuhguhduhmenid ewh uhkee emuh anduhnuhkeewaud.