St Matthew 7 - Ottawa New Testament Penteteuch and Psalms 1874

¹ Kagoo tebahkoonegakagoon, kenuhwah dush ween chetebahkoonegoosewag.

² Me mahween ewh tebahkoonegawin kaëzhetebahkoonegawagwan, me nahsaub kaëzhetebahkoonegooyag: kuhya ewh tebahegawin kaëzhetebahegawagwan, me suh nahsaub kaëzhetebahahmahgooyag.

³ Ahneshwin wahbunduhmoowud ewh panzeneëgood owh kejekewa, kah dush kenahnahgahdahwandunse ewh metik pamahkoomook emuh tebenuhwa keshkinzhegoong?

⁴ Gamuh ahneen oo‐oo kaëzheguhnoonud owh kejekewa, Tuhgah nengahkejepetoon ewh kepezenewin? benuh suh ween metik pemahquahmoo emuh tebenuhwa keshkenzhegoong.

⁵ Anuhmeäkahzooyun, netum wabenun ewh metik pamahquahahmook emuh tebenuhwa keshkinzhegoong; me dush uhpe chemenwahbeyun chekechepetoowud owh kejekewa oopezenewin.

⁶ Kagoo meenahkagoon uhnemoog ewh kachetwahwandahgwuk, kagoo kuhya ahpuggedahmahwahkagoon enewh pearlun egewh kookooshug, koonemah oogahtuhtuhkookahdahnahwaun emuh ahnahmesit, tahquakekah-bahwewug dush chepegwuhmenagwah.

⁷ Nundoodahmahgayook, kegahmeenegoom dush; undooneëgayook, kegahmekaum dush; pahpahguhegayook, kegahpahkahkoonahmahgoom dush:

⁸ Ahwagwan nandoodahmahgagwan meenah; ahwagwan dush nandooneëgagwan oomekaun; kuhya dush ahwagwan puhyahpahguhegagwan pahkahkoonuhmahwah.

⁹ Ahwanan dush owh enene kenuhwah menik anduhcheyag, keshpin enewh oogwissun nundoodahmahgood buhquazhegun, ahsin nuh oodahmeenaun?

¹⁰ Gamuh keshpin dush gegooyun nundoodahmahgood, kenabegoon nuh oodahmeenaun?

¹¹ Keshpin dush kenuhwah majeëzhewabezeyag, kekanduhmag wanesheshengin meegewawinun chemeenagwah egewh kenejahnesewaug, keche ahwahshema suh ween owh Koosewah keche‐kezhegoong ayaud wanesheshingin oogahmeenaun enewh nandoodahmahgoojin.

¹² Kuhkenuh enewh nanduhwanduhmagoon chedoodoonagwah egewh enenewug, me nahsaub kuhya kenuhwah kadoodahwagwah: me gooshah maunduh ahyahwung tebahkoonegawin kuhya aunwahjegawinun.

¹³ Peendegayook suh emuh ewh agahsahdayaug eshquaundam: keche‐munguhdayah muh ewh eshquaundam, kuhya munguhdamoo ewh meekun emuh neshwahnahdezewining aneenuhmoog, bahtuhyenoowug dush egewh paundegajig emuh:

¹⁴ Ahgahsahdayah mahween ewh eshquaundam, kuhya ahgahsahdamoo ewh meekun emuh bemahdezewining anenuhmoog, pungeshawuggezewug dush egewh makungig.

¹⁵ Meweshkahwik egewh wuhyazhenga‐aunwahjega‐wenenewug, pahmahneshtahnesheweöojig pahnaunzekoonagoog, peenjenah dush muhkundwashke‐maheengunewewug.

¹⁶ Azhemeenewewaud suh kegahoonjekekanemahwaug; Shooweminun nuh oodoondenahnahwah egewh enenewug emuh menasuhgahwunzheeng, gamuh enewh figoominun emuh muzzaunushkoong?

¹⁷ Anduhchid suh wanesheshid metik menoo‐meenewe, mujje metik dush ween mujje‐meenewe.

¹⁸ Kahween owh wanesheshid metik ookushketooseen chemujje‐meenewid, kah kuhya owh mujje metik ookushetooseen chemenoo‐meenewid.

¹⁹ Anduhchid metik manoo‐meenewesig kahwahegahzoo, eshkootang dush ahpuggenegahzoo.

²⁰ Azhemeenewewaud suh dush kegahoonjekekanemahwaug.

²¹ Kahween kuhkenuh anduhchewaud egewh Tabanengayun, Tabanengayun azheguhnoozhejig, tahpeendegasewug emuh keche‐kezhegoong duhzhe oogemahwewining; wah‐owh suh atuh mahkindung ewh azhemenwandung owh Noos keche‐kezhegoong ayaud.

²² Ewh uhpe kekezheguk nebewah oo‐oo nengahegoog, Tabanengayun, Tabanengayun, kah nuh nengeäunwahjegasemin emuh kedezhenekahzoowining? kuhya emuh kedezhenekahzoowining nengeoonjesahgechewabenahnahnig mujje‐muhnedoog? kuhya emuh kedezhenekahzoowining nebewah mahmaundahwejegunun nengëezhechechegamin?

²³ Me dush uhpe kawahweendahmahwugwah, Kah wekah kegekekanemesenoonim; ahwus nuhguhzheshig, kenuhwah mahkenduhmag ewh mujje‐ezhewabezewin.

²⁴ Ahwagwan suh dush nwaunduhmoogwan oonoo nendekedoowinun, azhechegad dush ewh akedoomahguk, nebwahkah‐weneneeng nengahezheähwaäh, kahoozhetood oowegewaum emuh oogedahbik:

²⁵ Kekemewun dush, kuhya kemooshkuhun, kuhya kepuhgummahnemud emuh atag ewh wegewaum; kah dush kekahwesasenoon; oogedahbik muh kemenjemoosechegahda.

²⁶ Anduhchid dush nwaundung oonoo nendekedoowinun, azhechegasig edush, kuhkebahdeze‐weneneeng tahezheähwah, kahoozhetood oowegewaum emuh metahdahwung;

²⁷ Kekemewun dush, kuhya kemooshkahun, kuhya kepuhgumahnemud emuh atag ewh wegewaum; kekahwesamahgud dush: kekeche‐kahwesamahgud dush.

²⁸ Uhpe dush owh Jesus kaheshquah‐kekedood oonoo ekedoowinun, oogekeche‐mahmahkahdandahnahwah egewh ahneshenahbag ewh ookuhgequawin:

²⁹ Kache‐enandahgoozingin oogeëzhekekenooähmahwaun, kahween goo oozhebeëga‐weneneeng.