St Matthew 5 - Ottawa New Testament Penteteuch and Psalms 1874

¹ Kuhya wuhyahbuhmaud enewh mahyahmahwenoonejin, keöogedahkewa: uhpe dush kahnuhmuhduhbid, oogepenahzekahgoon enewh ookekenooahmahgunun.

² Kemahje‐kekedoo, kekuhgekemaud, keëkedoo.

³ Shahwandahgoozewug egewh katemahganemoojig, me muh egewh waduhyeemejig ewh keche‐kezhegoong duhzhe oogemahwewin.

⁴ Shahwandahgoozewug suh egewh naneenuhwanemoojig, tahmenoodaähwug muh.

⁵ Shahwandahgoozewug egewh nwahkahdezejig, oogahtebandahnahwah muh ewh uhkee.

⁶ Shahwandahgoozewug egewh nwaundaskahdanoondungig, kuhya kauskahbahgwanoondungig ewh quuhyuk ezhewabezewin, me muh egewh katabeseneïndjig.

⁷ Shahwandahgoozewug egewh shawanjegajig, tahshahwanemahwug muh.

⁸ Shahwandahgoozewug egewh pahnedaäjig, oogahwahbuhmahwaun muh enewh Kesha Muhnedoon.

⁹ Shahwandahgoozewug egewh wazhetoojig ewh poonanindewin, oonejahnesun muh owh Kesha Muhnedoo tahezhenekahnahwug.

¹⁰ Shahwandahgoozewug egewh menooëzhewabezewin wanjekootuggeïnjig; Me muh egewh dabandungig kechekezhegoong duhzhe oogemahwewin.

¹¹ Keshahwandahgoozeem suh uhpe nashwahnahzoomenagwah kuhya quaduggeënagwah egewh enenewug, kuhya ahnooj majeduhzhemenagwah kuhkenuhwishkewaud, neen oonje.

¹² Oonahnegoozeyook kuhya keche‐moojeganduhmooyook, keche‐enandahgwud muh ewh ketebahuhmahgoowinewah ewede keche‐kezhegoong; Me muh ewh kahezhekooduggeähwaud enewh aunwahjega‐wenenewun kahbemahdezenejin chepwah kenuhwah bemahdezeyag.

¹³ Kenuhwah kedooshewetahgunemegoonahwah ewh uhkee: kishpin dush ween ishquah‐shewung ewh shewetahgun wagoonan kaöonjeshewungebun? Kah kayahbe ningood enahbuttuhsenoon, ewh atuh chesahgejewabenegahdag, kuhya chetuhkuhkahduhmoowaud egewh enenewug.

¹⁴ Kenuhwah suh kedahwem uhkeeng duhzhe wahsayahzewin: oodanah oogedahjewh ahchegahdag kahween tahkahjegahdasenoon.

¹⁵ Kah suh ween kuhya egewh enenewug oodoonjesuhkuhunsenahwah ewh wahsuhkoonanjegun emuh ahnaum tebahegun cheähtoowaud, emuh suh wahsuhkoonanjegun-ahtekoong, oowahsuhkoonaöogoonahwah dush kuhkenuh emuh wegewauming ayahjig.

¹⁶ Mahnoo suh ewh kewahsayahzewenewah tahezhewahsayahmahgud enahsuhme‐ahyahwaud egewh enenewug, chewahbunduhmoowaud enewh kemenoo‐ezhechegawenewaun, chepeshegandahgooähwaud dush Koosewah kechekezhegoong ayaud.

¹⁷ Kagoo enanemeshekagoon chebahnahjetooyaun ewh tebahkoonegawin gamuh enewh aunwahjegawenun chepeöonjeëzhahyaun; kahween chebahnahjetooyaun nepeöonjeëzhahse, chetebishkoosetooyaun suh atuh.

¹⁸ Kagate suh kedenenim, peenish egoo kemahjahmahguk ewh kezhik kuhya ewh uhkee, kahween kuhnuhga pazhik I gamuh pazhik chuhgebeëgunans tahmahjahmahgussenoon tebahkoonegawining oonje chepwah kuhkenuh ketebishkoosag.

¹⁹ Ahwagwan dush kabahnahjetoogwan oonoo agahsingin enahkoonegawinun, ewh dush ezhekekenooähmahwaud enewh enenewun, ahpeche noondaush apeetandahgoozid tahezhenekahzoo emuh keche‐kezhegoong oogemahwewening: ahwagwan dush kadezhechegagwan kuhya kadezhekekenooähmahgagwan, kache ahpeetandahgoozid tahezhenekahzoo emuh keche‐kezhegoong oogemahwewening.

²⁰ Neen suh kedenenim, kishpin ahwahshema enandahgoosenook ewh quuhyuk kedezhewabezewenewah anandahgwudenig ween quuhyuk oodezhewabezewenewaun egewh oozhebeëga‐wenenewug kuhya egewh Phariseeg, kah bahbahbesh kegahpeendegaseem emuh keche‐kezhegoong oogemahwewening.

²¹ Kegenoondaum suh kahezhekuhgaunzoomindwah egewh kuhyet kahbemahdezejig, Kahween kegahneeshewase, ahwagwan dush kaneshewagwan tahenenandahgooze chetebahkoonind.

²² Neen dush ween kedenenim, Ahwagwan penesekah nashkanemahgwan enewh wejekewaün tahenandahgooze chetebahkoonind: ahwagwan dush kaënahgwan enewh wekahnesun, Raca, tahenandahgooze cheëzhewenind emuh anduhzhe‐kekedoong: ahwagwan dush kaëkedoogwan, Kekuhkebahdiz, tahenanduhgooze cheähpuggenind emuh mujje‐iskootang.

²³ Kishpin dush peëzhewetooyun ewh kemeegewawin emuh sahsahgewejegun‐ahbikoong, mequanduhmun dush emuh, ningoodenoo enanemik owh kejekewa.

²⁴ Nuhguhdun ewh kemeegewawin emuh enuhsuhme sahsahgewejegun‐ahbekoong, mahjaun dush, netum wekoojetoon chepoonanemik kejekewa, me dush ewh uhpe chepemeegewayun ewh kemeegewawin.

²⁵ Kazhetena kahgeezoom owh ezhewenik emuh tebahkoonegawining magwah emuh meekunaung pemewejewud, koonemah gooshah owh azhewenik oogahpuggedenuhmahwaun ewh keyowh enewh tebahkoonega‐wenenewun, kuhya dush owh tebahkoonega‐wenene oogahpuggedenahmahwaun ewh keyow enewh tuhkoonewa‐wenenewun, kegahahpuggenegoodush emuh kebahquahoode‐weguhmegoong.

²⁶ Kagate suh kedenin, Kah kuhnuhga ewede kegahpeöonje‐sahgahunse, bahmah atuh kekezhekuhmun kuhkenah menik mazenuhegayun.

²⁷ Kegenoondaum kahezhekahgaunzoomindwah egewh kuhyet kahbemahdezejig, Kahween kegahpezhigwahdezese.

²⁸ Neen dush ween kedenenim, Ahwagwan kaguhnuhwahbuhmahgwan enewh equawun wewepamaud, ahzhe kepezhigwahdeze emuh oodaïng.

²⁹ Kishpin ewh kekecheshkinzhek mujje‐doodahgooyun, kejepetoon ningooje dush ahpuggedun, nahwuj muh kegahtabez pazhik ewh keshkinzhek bahnahduk; kah dush ween anegookwaug ewh keyowh cheahpuhgejegahdasenook emuh mujje‐ishkootang.

³⁰ Kishpin dush ewh kekecheneenj mujje‐doodahgooyun keshkezhun ningooje dush ahpuggedun, nahwuj muh kegahtabez, pazhik bahnahduk kepuhkawezewin, kah dush anegookwaug ewh keyowh chemahjahmahgussenook emuh mujje‐ishkootang.

³¹ Oo‐oo suh keëkedoom, Ahwagwan kawabenahgwan enewh wewun, oogahmeenaun ewh wabenedewene‐muzzeneëgun.

³² Neen dush ween kedenenim, Ahwagwan kawabenahgwan enewh wewun pwah‐pezhigwahdezenid, oodezheäun chepezhegwahdezenid: Ahwagwan dush kawedegamahgwan enewh kahwabenemenjin, pezhigwahdeze.

³³ Menuhwah, kegenoondaum kahezhekuhgaunzoomindwah egewh kuhyet kahbemahdezejig, Kagoo kuhkenewishkekan uhpe kemushkahwe‐kekedooyunin; kegahdoodahwah suh owh Kesha‐Muhnedoo ewh kahwahweendahmahgayun.

³⁴ Neen dush ween kedenenim, Kagoo kuhnuhga mushkahwe‐kekedookan chetuhgoo‐weenduhmun ewh keezhik, me suh ewh oodoogemah‐wuhbewin owh Kesha‐Muhnedoo.

³⁵ Kah kuhya ewh uhkee, me muh ween ewh ootuhkookahjegun; Kah kuhya ewh Jerusalem, me muh ween oodoodanowh owh Keche‐oogemah.

³⁶ Kah kuhya kegahtuhgoo‐wahweenduhseen ewh keshtequaun, kah muh kekushketooseen pazhik menesis chewahbishkahbegetooyun, gamuh chemuhkuhda‐wahbegetooyun.

³⁷ Ooöo suh tahenandahgwud keguhnoonindewenewah, Aahe, Aahe, Kah, Kah; Keshpin nahwuj mushkahwe-kekedooyag oonoo ween, Mujje‐muhnedoong oonjeemahgud.

³⁸ Kegenoondaum oo‐oo keëkedoong, Ooshkenzhegoomah mashquaud ooshkenzhegoomah kuhya webitemah mashquaud webitemah.

³⁹ Neen dush ween kedenenim, Kagoo nahnahkoonunkagoon ewh mujje‐uhyeëewesh, ahwagwan suh kapuhkedaoonoogwan emuh kekechenoowaung, quakenuhmowh ewh ahzhahwuhyeëe.

⁴⁰ Keshpin dush ahweyah weëzhewenik emuh tebahkoonegawining chemuhkuhmik ewh kebuhpesekahwahgun, meezh suh kuhya kekechepesekahwahgun.

⁴¹ Ahwagwan kawekoojeweenenoowagwan ningootebahbaun cheweejewud, mahnoo neezhoo‐tebahbaun ezheweejewh.

⁴² Meezh suh owh nandoodahmook; owh dush wahahtahwahmik shooneyah, gagoo agoonwatahwahkan.

⁴³ Kegenoondaum ewh kahekedoong, Kegahsahgeäh owh keweejduhnuhkeewamahgun, kegahsheenganemah dush owh shaunganemik.

⁴⁴ Neen dush ween kedenenim, Sahgeïk egewh shaunganemenagoog kuhya menoo‐guhnoonik egewh maje‐guhnoonagoog; menoo‐doodahwik egewh shaunganemenagoog kuhya ahnuhmeätuhmahwik egewh majeduhzhemenagoog kuhya egewh quatuhgeënagoog.

⁴⁵ Me dush nuh cheöogwissemenag owh Koosewah keche‐kezhegoong ayaud; oodezheäun muh enewh ookezisoomun chemookesanid emuh ahyahnid enewh maje‐ezhewabezenejin kuhya enewh manoo‐ezhewabezenejin, kuhya ookemeewunetuhmahwaun enewh quuhyuk‐azhewabezenejin kuhya quuhyuk‐azhewabezesenegoon.

⁴⁶ Keshpin muh sahgeägwah egewh suhyahgeënenagoog, wagoonan kaöondezeyag; kahnuh‐ween nahsaub ezhechegasewug egewh mahwunjechega‐wenenewug?

⁴⁷ Keshpin dush kuhya atuh ahnahmekahwagwah egewh kejekewaëwaug, wagoonan kenuhwah ahwahshema azhechegayag? kahnuh ween nahsaub ezhechegasewug egewh mahwunjechega‐wenenewug?

⁴⁸ Wahweengazeyook azhewahweengazid owh Koosewah keche‐kezhegoong ayaud.