St Matthew 4 - Ottawa New Testament Penteteuch and Psalms 1874

¹ Me dush uhpe Jesus kahmahjewenegood enewh Oojechaugwun, keëzhewenegood emuh bahquahdah-kuhmig, chekuhgwajeëgood enewh Mujje‐muhnedoon.

² Ahzhe dush nemeduhnuh duhsoo kezhik kuhya nemeduhnuh duhsoo tebik kahwesenesig; me dush uhpe kepuhkuhdad.

³ Uhpe dush kahpeöodesegood enewh kagwajewanejin oogeëgoon, Keshpin suh Kesha‐Muhnedoo wagwesemik, edun oonoo ahseneen chebahquazhegunewung.

⁴ Oogenuhquatuhwaun dush kuhya keëkedood, Ezhebeëgahda, Kahween bahquazhegun atuh kaöonjebemahdezid enene, andushing suh ekedoowin, Kesha‐Muhnedoo oodooning pahoonzekahnig.

⁵ Me dush keëzheweenegood enewh Mujje‐muhnedoon emuh kechetwah‐oodanaung, oogenebahweëgoon dush emuh wahnahkoowung ewh keche‐ahnuhmeäweguhmig.

⁶ Kuhya keëgood, Keshpin suh Kesha Muhnedoo wagwesemik, nesepuhgesoon; ezhebeëgahda muh, Oogahguhgaunzoomaun enewh oodangenemun keen oonje, emuh dush ooneenjewaung kegahuhneähyahsoonegoog koomah uhpe kegahpekesedashenun.

⁷ Jesus ogeënaun, Menuhwah ezhebeëgahda, Kahween kedahkuhgwatebanemahse Jehovah keKesha Muhnedoom.

⁸ Menuhwah dush oegemahjewenegoon enewh Mujjemuhnedoon, oogeëzhewenegoon emuh wahjewing kache-eshpahdenahnig, oogewahbunduhegoon dush kuhkenuh enewh uhkeeng duhzhe oogemahwewenun kuhya goo ewh azhepeshegandahgwudenigin.

⁹ Oogeëgoon dush, Kuhkenuh oonoo kegahmeenin, keshpin kahwesayun oojecheengwuhnetuhweyun dush.

¹⁰ Jesus dush oogeënaun, Ahwus Mahjaun Satan! ezhebeëgahda muh, Kegahoojecheengwuhnetuhwah owh Jehovah keKesha‐Muhnedoom, ween atuh kegahbuhmeetuhwah.

¹¹ Me dush kenuhguhnegood enewh Mujje‐muhnedoon; benuh dush oogepebuhmeetahgoon dush enewh angenun.

¹² Uhpe dush kahnoondung owh Jesus ewh kekebahquahoond owh John, keëzhemahjah emuh Galileeïng.

¹³ Kuhya nuhguhdung ewh Nazereth, kepeöodatoo dush emuh Capernaüming, cheguhbeeg duhzhe oodanah, cheguhyëe emuh Zebuloning kuhya Nephthaliming.

¹⁴ Chegedebishkoosag ewh kahekedoopun owh Ezaias aunwahjega‐wenene, akedood.

¹⁵ Zebulon uhkee kuhya Nephthalim uhkee emuh anuhkagaum ewh kechegummee, ahgahming Jordan, mayuggezejig ooGalileemewah.

¹⁶ Egewh Ahneshenahbag magwah puhsuhgesh‐tebik namuhduhbepuneeg oogewahbundahnahwah ewh keche‐wahsayahzewin, kuhya egewh namuhduhbepuneeg emuh ahgahwahtashing ewh neboowin wahsayahzewin kepesahgahtane.

¹⁷ Me dush uhpe kemahje‐kuhgequad owh Jesus, akedood, Aunwanindezooyook, zhuhyegwah muh kechekezhegoong oogemahwewin pashoo peähyahmahgud.

¹⁸ Jesus dush kepahbahmoosa emuh tetebawh kechegummeeng Galilee, oogewahbuhmaun neezh wawejekewaindenejin, owh Simon, Peter azhenekahzood kuhya enewh wejekewaün Andrew, pahkoobewabenahnid ahgwahbenahgun emuh kechegummeeng, kegegooëka‐wenenewegwahpun muh.

¹⁹ Oogeënaun dush, Noopenuhzheshig, kegahahnoonenim dush chepeenduhunagwah egewh enenewug.

²⁰ Me dush goo kazhetena kenuhguhnahwaud ahgwahbenahgunun, kenoopenuhnahwaud.

²¹ Kahuhnemahjaud, oogewahbuhmaun bakahnezenejin neezh wawejekewaïndenejin, James oogwissun owh Zebedee kuhya enewh wejekewaün Johnun nahbequauning weejahyahwahnid enewh oosene Zebedeün pahbuhgwahwahnid oodahgwahbenahgunewaun, oogenundoomaun dush.

²² Bahbega dush oogenuhguhduhnahwah ewh nahbequaun kuhya enewh oosewaun, kenoopenuhnahwaud dush.

²³ Jesus dush kepahbahezhah emuh mezewa Galileeïng, kuhgequad emuh oosynagogueoomewaung kuhya tebahdoodung ewh oogemahwewine minwahjemoowin, kuhya kenoojemootood ahnooj enahpenawinun kuhya ahkoosewinun magwa ahneshenahbang.

²⁴ Kesuhswayahjemah dush menze emuh Syriaïng, oogepeetahmahwahwaun dush kuhkenuh enewh ahyahkoosenejin, kuhya enewh ahnooj papukaun anahpenanejin, kuhya enewh kahkekiskahnejin Mujje‐muhnedoon, kuhya enewh kahwahnahdezenejin, kuhya enewh naboowahpenanejin, oogenoojemooäun dush enewh.

²⁵ Oogenoopuhnuhnegoon dush kache‐ooqueenoonid ahneshenahban oonje Galilee kahoonjebahnejin, kuhya ewede Decapolising, kuhya Jerusaleming, kuhya ewede Judeaïng, kuhya ahwuse Jordan oonje.