St Matthew 3 - Ottawa New Testament Penteteuch and Psalms 1874

¹ Emuh oonoo kezhegudoon tuhgweshin owh John Baptizooëwa‐wenene, duhzhe‐kuhgequad emuh buhgwuhduhkummig Judea.

² Akedood, Aunwanindezooyook, zhuhyegwah muh keche‐keezhegoong oonje oogemahwewin pashoo peähyahmahgud.

³ Me muh enewh kahduhzhemahjin owh aunwahjega‐wenene Esaias oo‐oo keëkedood, Oodinwawin owh madwa‐pepahgid emuh buhgwuhduhkummig, Wahwazhetuhmook enewh oomeekunun owh Jehovah, quuhyukquahmootahwik enewh oomeekaunsun.

⁴ Wah‐owh suh John oogeähgwin ewh baquahwegun oopewuyün, kuhya dush kekechepezoo ewh paushquaginoo-kechepezoowin, puhkenaün dush oogeäumwaun kuhya puhgwuj ahmoo‐sinsebahquud.

⁵ Me dush kebenaunzekahgood Jerusalem kuhya kuhkenuh emuh Judæaing, kuhya kuhkenuh enewh kahduhnuhkenejin emuh kewetuhyeëe Jordaning.

⁶ Kebaptizoomegoowaud dush emuh Jordaning, kahwahweenduhmoowaud enewh oomujjeëzhewabezewenewaun.

⁷ Uhpe dush wuhyahbuhmaud nebewah enewh Phariseen kuhya enewh Sadduceen benaunzekumenid ewh oobaptizooëwawin, oogeënaun, Oh kenuhwah kenabegoong wandahdezeyag, ahwanan kahahyaungwahmenenag cheöozhinduhmag ewh nishkahdezewin kapetuhgweshenoomahguk?

⁸ Mekoogetooyook enewh aunwanindezoowene‐meenewenun.

⁹ Kagoo dush enandunkagoon cheëdezooyag, Nindooyoosemahnaun suh owh Abraham, kedenenenim suh, kushkeäweze owh Kesha Muhnedoo oonoo ahsineen cheoonjëoonejahnesid owh Abraham.

¹⁰ Noongoom dush enenegahda ewh wahgahquud emuh oojebekahwaung egewh metigoog; anduhchid dush metig manoo‐menewesig tahkahwahegahzoo, tahahpuggenah dush emuh ishkootang.

¹¹ Neen suh kebaptizoomenim nebee ahyooyaun cheäunwanindezoong; owh dush pahnoopenuhzhid ahwahshema mushkahweze neen dush ween, kah suh nindahpetandahgoozese chepemewetoowug enewh oomuhkissinun, mesuh kabaptizooweënag Keche‐oojechaug kuhya emuh ishkootang.

¹² Oowapasechegun suh ootuhkoonaun, wahweenga dush oogahpenetoon ewh oomechesuhgoom, oogahsuhguhkenaun dush enewh oomezemenansemun emuh meejeme-guhmigoong, oogahchahgahkezaun dush enewh shegoo-nooshkahjegunun emuh ishkootang wekah kaähtasenook.

¹³ Jesus dush Galileeïng peöonjebah Johnun emuh Jordaning chebaptizooweëgood.

¹⁴ Oogekenahahmahgoon dush Johnun oo‐oo keëgood, Neen suh nindenandahgoozenahbun chebaptizoomeyun, keen nuh dush kepenaunzekow?

¹⁵ Jesus dush nuhquatung oodenaun, Mahnoo noongoom tahezhewabud, me muh ewh kaëzhewabezeyungoobun chedebishkoosetooyung kuhkenuh menoo‐ezhewabezewinun; oogebahbahmetahwaun dush.

¹⁶ Jesus dush uhpe kahbaptizooweïnd, kazhetena keoonje‐koope emuh nebeeng: Benuh dush kenesahkoonahmahwah ewh kezhik, oogewahbuhmaun dush enewh Kesha‐Muhnedoo Ookeche‐oojechaugwun penahzhenid debishkoo keche‐oomeemeeng, kepoonenoodahgood dush.

¹⁷ Benuh dush keche‐kezhegoong keönzetahgwud ewh enwawin oo‐oo akedoomahguk, Mesuh wah‐owh ahyahwid suhyahgeüg ningwis kahmenoonahwaïd.