St Matthew 28 - Ottawa New Testament Penteteuch and Psalms 1874

¹ Kahishquah‐aunwabe‐kezheguk, uhpe pahtahbung ewh netum ahnooke‐kezheguk, kepeëzhah owh Mary Magdalene, kuhya owh bakahnezid Mary chepewahbunduhmoowaud ewh chebaguhmig.

² Benuh dush, kekeche‐cheengwakummegah: Tabaningad muh oodangenemun keche‐kezhegoong kepeoonje-nahzhewun, ketuhtebe‐wabenung ewh ahsin emuh ishquaundaming, keoogeduhbid edush.

³ Ahnemeke‐wahwahsuhmoowining keëzhenahgooze, kooning dush keëzhewahbishkahne ewh oopuhpesuhkoowahgun:

⁴ Apeeche kekoosahwaud egewh ganuhwanjegajig kenuhningishkahwug, naboongin dush keëzheähyahwaud.

⁵ Owh dush angen oogenuhquatuhwaun enewh equawun, oo‐oo‐keënaud; Gagoo sagezekagoon: kekekanemenim chepenundahwahbuhmag owh Jesus, owh kahsuhsahgahquahoond.

⁶ Kahween oomuh ahyahse; keähbejebah, debishkoo kahekedoopun. Umba pewahbunduhmook emuh shangeshingebun owh Tabaningad.

⁷ Waweeb dush mahjahyook, weenduhmahwik enewh ookekenooahmahgunun, ewh ahzhe keähbejebaud; benuh, uhnenegaun‐ezhah emuh Galileenaung; emuh kaduhzhe-wahbahmag: benuh, kegeweenduhmoonim suh.

⁸ Waweeb dush chebaguhmigoong keöonjemahjahwug kesagezewaud kuhya kekeche‐moojeganduhmoowaud; kemahje‐buhtoowug ahwedebahjemootahwahwaud enewh ookekenooahmahgunun.

⁹ Magwah dush ezhahwaud ahwedebahjemootahwahwaud enewh ookekenooahmahgunun, benuh, Jesusun oogenuhquashkahgoowaun, oo‐oo keëgoowaud, Kedahnuhmekoonim. Me uhpe kepetuhkoonahwaud emuh osittahning, keöojecheengwuhnetahwahwaud dush.

¹⁰ Jesus dush oo‐oo oogeënaun, Kagoo sagezekagoon: mahjahyook weendahmahwik egewh nejekewaüg cheëzhahwaud emuh Galileenaung, me dush ewede chewahbuhmewaud.

¹¹ Magwah uhneëzhahwaud, benuh, ahnind kahahkundoojig kepeëzhahwug emuh keche‐oodanaung, oogeweenduhmahwahwaun dush enewh keche‐sahsahgahwejega‐wenenewun kuhkenuh enewh kahezhewabukin.

¹² Uhpe dush kahmahoonjedewaud kuhya egewh katezejig, kahkekedoowaud, oogemeenahwaun dush nebewah shooneyaun enewh shemahguneshun,

¹³ Oo‐oo keëkedoowaud, Oo‐oo ekedooyook, Magwah tebekuk keemooj kepeëzhahwun enewh ookekenooahmahgunun, kemahjetoowaud ewh weyow emuh magwah nebahyaung.

¹⁴ Kishpin dush oo‐oo noondung owh oogemah, nenuhwind nengahguhnoonahnaun, ningahahnookemin dush kenuhwah ningoodenoo chedoodahgoosewag.

¹⁵ Oogeöodahpenahnahwah dush ewh shooneyah, keëzhechegawaud dush ewh kahezhekekenooahmahwindwah: kayahbe dush wahweenjegahda maunduh ekedoowin emuh ahyahwaud egewh Jewyug peenish egoo noongoom kezheguk.

¹⁶ Me dush keëzhahwaud egewh metahswe‐ahshe‐pazhig kekenooahmahgunug ewede Galileenaung, emuh wahjewing ewh kezhah kahwahweendung owh Jesus.

¹⁷ Uhpe dush wuhyahbuhmahwaud, Oogeöojecheengwuhnetahwahwaun: ahnind dush keähgoonwatuhmoog.

¹⁸ Jesus kepeëzhah keguhnoonaud, oo‐oo keëkedood, Ningemeenegoo kuhkenuh kushkeäwezewin ewede keche‐kezhegoong kuhya oomuh uhkeeng.

¹⁹ Mahjahyook, ahnookeeg nekekenooähmahgunug cheähwewaud kuhkenuh ahnooj azheweenzoojig ahnishenahbag, baptizooïk emuh oodezhenekahzoowining owh Wayoosemind owh Wagwissemind, kuhya owh Keche Oojechaug;

²⁰ Kekenooahmahwik dush cheguhnuhwanduhmoowaud kuhkenuh enewh kahezhekuhgekemenuhgoog; benuh dush, kahgenig keweejewenim, nahnauzh egoo ishquah-uhkewung. Amen.