St Matthew 27 - Ottawa New Testament Penteteuch and Psalms 1874

¹ Uhpe dush kahwahbung, kuhkenuh keche‐sahsahgewejega‐wenenewug kuhya ooketezemewaun egewh ahneshenahbag kekahkekedoowug chenesahwaud enewh Jesusun:

² Uhpe dush kahminjemahpenahwaud, oogemahjewenahwaun, keähwepuggedenahmuhwahwaud enewh oogemaun Pontius Pilateün.

³ Judas dush, owh buhyahtahewad, uhpe kahwahbundung ahzhe kenahneboomemind, keäunwanindezoo, nayaub dush nesemeduhnah‐duswahbik shooneyaun oogepeetuhmahwaun enewh sahsahgewejega‐wenenewun kuhya enewh katezenejin,

⁴ Oo‐oo dush keëkedoo, Ningemujjeëzhechega kebahtahdooyaun ewh majeëzhechegamahgussenook misque. Oo‐oo dush keëkedoowug, Wagoonan nenuhwind kaöonjebah-manduhmaung e‐ewh? keen suh bahmandun ewh.

⁵ Oogeähpuggenaun enewh shooneyaun emuh ahnuhmeä‐weguhmigoong, kemahjah dush, kuhya kekebena‐wabenedezoo.

⁶ Egewh dush keche‐sahsahgewejega‐wenenewug oogeöodahpenahwaun enewh shooneyaun, oo‐oo dush keëkedoowug, Kah suh ween tahoonesheshinsenoon oonoo cheähchegahdag emuh shooneyah‐weguhmigoong, me muh kahoonjekishpenuhtoong ewh misque.

⁷ Kekahkekedoowug dush, oogekishpenuhtoonahwah dush ewh wahbegune‐oonahguneka‐wenene ooketegaun, chepuggedanemindwah emuh egewh mayuggezejig.

⁸ Me suh misque‐ketegaun wanjeëzhenekahdag ewh ketegaun, peenish egoo noongoom kezheguk.

⁹ Medush ketebishkoosag ewh kahekedoopun Jeremiah aunwahjega‐wenene oo‐oo keëkedood, Oogeöodahpenahwaun dush enewh nesemeduhnuh‐duswahbik shooneyaun menik kahenuhginzood owh kahahtahwang, kahenuhgemegood enewh oonejahnesun owh Israël.

¹⁰ Oogeähtahwanahwah dush chekishpenuhtoowaud ewh wahbegune‐oonahguneka‐wenene ooketegaun, debishkoo kahenahkoonid owh Tabaningad.

¹¹ Jesus dush kenebahwe emuh enahsuhmuhbid owh oogemah; owh dush oogemah oogeguhgwajemaun, oo‐oo keëkedood, Keen nuh kedoogemahwemegoog egewh Jewyug? Jesus dush oo‐oo oogeënaun, Kedekid suh.

¹² Uhpe dush kahahnahmemegood enewh keche‐sahsahgewejega‐wenenewun kuhya enewh katezenejin, kah ningood kenuhquatunse.

¹³ Medush oo‐oo keëgood enewh Pilateün, Kah nuh ween kenoonduhse menik azheähnahmemikwah?

¹⁴ Kah dush bahbish ningood oogenuhquatuhwahseen; kahoonje‐keche‐mahmahkahdandung owh oogemah.

¹⁵ Ewh dush uhpe wahwekoonding owh oogemah oopuhgedenahmahwahgoobun enewh ahneshenahban pazhig kabahquahegahzoonejin, kawenundahwanemahnejin.

¹⁶ Oogeähyahwahwaun dush pazhig kakandahgoozenejin enenewun, kabahquahegahzoonejin, Barabbas azhenekahzoonejin.

¹⁷ Uhpe dush kahpemahwunjeëdewaud, Pilate oo‐oo oogeënaun, Ahwanan nanduhwanemag chepuggedenuhmoonahgoog? Barabbas nuh, gamuh Jesus owh Christ azhenekahzood?

¹⁸ Oogekekandaun ewh ahneshah kekahwanemahwaud keöonjepuggedenahmahgood.

¹⁹ Uhpe dush kahwuhwanuhbid emuh tebahkoonewawine‐ahpuhbewining, wewun kepemejedwawun, oo‐oo akedoonid, Kagoo ningood doodahwahkan owh manoo‐ezhewabezid enene; nebewah gooshah mahbuh ningeöonjekootuggandum noongoom kezheguk emuh enahbunduhmoowining.

²⁰ Egewh dush keche‐sahsahgahwejega‐wenenewug kuhya egewh katezegig oogegahgaunzoomahwaun enewh ahneshenahban chenundoodahmahganid enewh Barabbasun, chenishewuhnahjeähnid dush ween enewh Jesusun.

²¹ Owh dush oogemah oogenuhquatuhwaun, oo‐oo keënaud, Ahwanan oogoo neezh nanduhwanemag chepuhgedenuhmoonuhgoog? Barabbas, keëkedoowug.

²² Pilate dush oo‐oo oodenaun, Ahneen dush kadoodahwug Jesus owh Christ azhenekahzood? Kuhkenuh dush anduhchewaud oo‐oo oogeënahwaun, Mahnoo tahahgwahquahwah.

²³ Oogemah dush keëkedoo, Ahneshwin? Wagoonan ewh mujjeëzhechegawin kahezhechegad? ahwahshema anegook kepepahgewug, Mahnoo tahahgwahquahwah.

²⁴ Uhpe dush owh Pilate wuhyahbundung ewh kuhnuhga chedabwatahgoosig, nahwuj dush kenishkahjekummegezenid, oogeöodahpenaun ewh nebee, kesebegeneenjeed emuh enahsuhmuhbenid enewh ahneshenahban, oo‐oo dush keëkedoo, Kahween neen nindoonjegahtahmahwahse mahbuh enene oomesqueem: Kenuhwah suh bahmanduhmook.

²⁵ Kuhkenuh dush egewh ahnishenahbag oogenuhquatuhwahwaun, oo‐oo dush keëkedoowaud, Mahnoo nenuhwind ningahoodessegoonaun ewh oomesqueem kuhya egewh nenejahnesenahnig.

²⁶ Me dush kepuggedenuhmahwaud enewh Barabbasun: uhpe dush kahpuhzhunzhawaud enewh Jesusun, oogepuggedenaun cheähgwahquahoomind.

²⁷ Enewh dush ooshemahguneshemun owh oogemah kahoodahpenahwaud enewh Jesusun, kuhya kahezhewenahwaud emuh kekedoo‐weguhmigoong, kepenaunzekahgood kuhkenuh enewh shemahguneshun.

²⁸ Oogekesekoonuhyabenahwaun dush, mesquagenoo puhkensekahwahgun oogepesekoonahwaun.

²⁹ Uhpe dush menasuhguhwunzhe‐wewuhquaun kahookahdanuhmoowaud, oogepesekoonahwah emuh ooshtequahnening, kuhya ewh ahsahgunushk emuh ookecheneenjening; kuhya dush oogeshahgushketahwahwaun, kuhya oogebahpenoodahwahwaun, oo‐oo keëkedoowaud, Keduhnemekahgoo, keen Wagemahkundahwudwah egewh Jewyug!

³⁰ Oogesequahnahwaun, kuhya oogeoodahpenahnahwah ewh ahsahgunushk, kepukketawahwaud dush emuh ooshtequahnening.

³¹ Uhpe dush kahishquah‐bahpenoodahwahwaud, oogekesekoonahwaun ewh puhpensekahwahgun, kuhya oogepesekoonahwah tebenuhwa oodahgwewin, kuhya kemahjenahwaud cheähgwahquahwahwaud.

³² Pesahguhummoowaud, oogemekahwahwaun enewh Cyrene duhzhe‐wenenewun, Simon azhenekahzoonejin: medush ketwa kahahnoonahwahjin chepemoonduhmenid ewh oodahzhedayahtegoomene.

³³ Uhpe dush kahuhnetuhgwishenoowaud emuh Golgotha aduhming, me suh azhenesetootahgwuk, ooshtequaunekauning.

³⁴ Oogemeenuhahwaun ewh shewahboo weenzoob tuhgoonegahdag: uhpe dush kahkootahgummundung, kahween oogewemenequaseen.

³⁵ Oogeähgwahquahwahwaun dush, kemahdahoonedewug dush enewh oodahgwewinun, keähtahdewaud; chedebishkoosag kahekedoopun owh aunwahjega‐wenene, Kemahdahoonedewug enewh nindahgwewinun, kuhya dush nepuhpensekahwahgun keoonjeähtahdewug.

³⁶ Kenuhmuhduhbewaud dush, keähkahwahbuhmahwaud emuh;

³⁷ Emuh dush debishkoo ooshtequahnening oogejuhyeëe oogeähtoonahwah maunduh oozhebeëgawin kahezhe-ahnahmemind, WAH‐OWH JESUS OODOOGEMAHMEWAUN EGEWH JEWYUG.

³⁸ Neezh dush kamoodishkejig ketuhgoo‐ahgwahquah-wahwug, pazhik ookechenikaung, pazhig dush oonuhmunjenikaung.

³⁹ Egewh pabahmoosajig oogebahpenoonahwahwaun, kewawabequanewaud,

⁴⁰ Oo‐oo dush keëkedoowaud, Keen banahjetooyun ewh keche‐ahnuhmeä‐weguhmig, nesoo kezhig menuhwah ahyaunjetooyun, bemahjeëdezoon Keshpin suh wagwissemegoowunan owh Kesha Muhnedoo, ahzhedayahtigoong peoonjenesaunduhwan.

⁴¹ Kuhya dush egewh keche‐sahsahgewejega‐wenenewug kuhya egewh katezejig, oogebah‐penuhduhwahwaun keëkedoowaud,

⁴² Bakahnezenejin ween oogebemahjeäun; ween dush kahween ookushketooseen chebemahjeëdezood. Kishpin ahyahwegwan Israel oo keche‐oogemahmun, ahzhedayahtekoong tahpeoonjenesaunduhwa, ningahdabwatahwahnaun dush.

⁴³ Oogeähpanemaun enewh Kesha‐Muhnedoon; mahnoo noongoom oodahbemahjeëgoon, kishpin menwanemegood; keëkedoo muh, Nindoogwesemik owh Kesha‐Muhnedoo.

⁴⁴ Kuhya dush egewh kamoodishkejig, kahduhgoo‐ähgwahquahoondjig, me goo kuhya wenuhwah kahezhebahpenuhdahwahwaud.

⁴⁵ Nahyahwuhquag dush ketebikahbuhmenahgwud emuh anegookookummegaug uhkee peenish egoo ewh uhpe shaungoosoo‐tebahegun.

⁴⁶ Kuhnuhbuj uhpe kahshaunguhsoo‐tebahegun Jesus anegook kepepahge, oo‐oo keëkedood, Eli, Eli, lama sabachthani? medush akedoong, Nekesha Muhnedoom, Nekesha Muhnedoom, ahneshwin kenuhguhzheyun?

⁴⁷ Ahnind dush nahbahwejig emuh, uhpe kahnoonduhmoowaud, oo‐oo keëkedoowug, Wah‐owh enene oonundoomaun enewh Eliasun.

⁴⁸ Bahbega dush pazhig keähbuhtoo, oogeoodahpenaun dush ewh eskahebaun, oogemooshkenabuhtoon ewh shewahboo, keähtood dush emuh ahsahgunushkoong, oogemeenahaun dush.

⁴⁹ Ahnind dush oo‐oo keëkedoowug, Pooneh, mahnoo wahbundundah kagate chepebemahjeëgoogwan enewh Eliasun.

⁵⁰ Jesus dush, uhpe menuhwah anegook kahpepahgid, oogepuhgedenaun enewh oojechaugwun.

⁵¹ Benuh dush, ewh kebuhgoojegun emuh keche‐ahnuhmeä‐weguhmigoong oogejuhyeëe keoonjetaushkegesa peenish egoo nesuhyeëe; kecheengwamahgud dush ween ewh uhkee, ketaushkebekesawun dush enewh ahzhebikoon;

⁵² Kuhya kepahkahkoosenoon enewh chebaguhmigoon; kuhya nebewah ooweyowewaun egewh manoo‐ahnuhmeahgoobunanug kahnebahjig keoonishkahmahgudenewun,

⁵³ Kepesahguhuhmoowaud chebaguhmigoong oonje uhpe kahahbejebaud, keëzhahwug dush emuh kechetwah‐oodanaung, oogewahbuhmegoowaun dush nebewah enewh ahnishenahban.

⁵⁴ Uhpe dush owh menesenoo‐oogemah, kuhya enewh kahweejewahjin, ahkahwahbuhmahwaud enewh Jesusun, kahwahbunduhmoowaud ewh uhkee checheengwamahguk, kuhya oonoo kahezhewabukin, kekeche‐sagezewug, oo‐oo keëkedoowaud, Kagate wah‐owh wagwissemegoobunan enewh Kesha‐Muhnedoon.

⁵⁵ Nebewah dush emuh keähyahwug equawug wahsuh keoonzahbunjegawaud, kahnoopenuhnahjig enewh Jesusun Galileeng keoonjebahwaud, kebuhmeetahwahwaud enewh:

⁵⁶ Keähyah suh owh Mary Magdalene, kuhya Mary oogeewaun owh James kuhya owh Joses, kuhya dush oogeene Zebedee oonejahnesun.

⁵⁷ Uhpe dush aneoonahgooshig, kepeëzhah pazhig kachetwahwezid enene emuh Aramathæäïng anduhnuhkeed, Joseph azhenekahzood, kuhya ween ahwid Jesus ookekenooahmahgun:

⁵⁸ Oogeëzhahnun enewh Pilateün, kepahgoosanjegad weyowene enewh Jesusun. Pilate dush keënahkoonega chepuggedenuhmahwind ewh weyowemah.

⁵⁹ Uhpe dush Joseph kahoodahpenaud weyowemah, oogewewahquayegenaun emuh pahnuk wahbishkeginoong.

⁶⁰ Oogeähsaun dush emuh tebenuhwa oodooshke‐chebaguhmigoong, kahweembahbekahahmahedezoogoobunan emuh ahsining: keche ahsineen dush oogeëzhetebebenaun emuh eshquaundamewung ewh chebaguhmig, me dush kahezhemahjaud.

⁶¹ Keähyahwug dush emuh owh Mary Magdalene, kuhya owh bakahnezid Mary, kenuhmuhduhbewaud emuh ahzhahwuhyeëe chebaguhmigoong,

⁶² Kahwahbung dush, kahishquah‐oozheetahwine‐kezheguk, egewh keche‐sahsahgewejega‐wenenewug, kuhya egewh Phariseeg mahmahwe oogenaunzekahwahwaun enewh Pilateün,

⁶³ Oo‐oo dush keëkedoowaud, Oogemah, nemequandahmin, mahbuh wuhyazhingashkid kahekedood, magwah kayahbe bemahdezid, Bahmah nasoogoonahguk ningahahbejebah.

⁶⁴ Umba enahkoonegan cheguhnuhwanjegahdag ewh chebaguhmig nahnaunzh egoo kenesoogoonahguk, koonemah dush keemooj nebah‐tebik tahpeëzhahwun enewh ookekenooahmahgunun, chekeemoodewaud dush, cheënahwahpun dush enewh ahneshenahban, Ahzhe keähbejebah; ewh eshquauch wuhnezewin nahwuj tahgeoosittahwandahgwud dush ween ewh netum.

⁶⁵ Pilate dush oo‐oo oogeënaun, Kedahyahwahwaug egewh akundoojig; Mahjahyook, aungwahmezeyook cheguhnuhwanduhmag.

⁶⁶ Medush kahezhemahjahwaud, kewahweengatoowaud ewh chebaguhmig oogeähkookewuhsahnahwah dush ewh ahsin, oogeähsahwaun dush enewh kaähkundoonejin.