St Matthew 26 - Ottawa New Testament Penteteuch and Psalms 1874

¹ Kepuhgummeähyah dush, uhpe owh Jesus kahishquah‐kekedood kuhkenuh oonoo ekedoowinun, oo‐oo oogeënaun enewh ookekenooahmahgunun,

² Kekekandahnahwah bahmah keneezhoogoonahguk tahtebishkoosa uhpe kebekoosa wekoonding, owh dush Enene oogwissun puggedenah cheähgwahquahoond.

³ Medush kemahoonjeëdewaud egewh keche‐sahsahgewejega‐wenenewug, kuhya egewh oozhebeëga‐wenenewug, kuhya ooketezemewaun egewh ahneshenahbag emuh oodoogemah‐weguhmigoong keche‐sahsahgewejega‐wenene Caiaphas kahezhenekahzood.

⁴ Kuhya dush kekahkekedoowug chewahweenga‐tuhkoonahwaud enewh Jesusun, wuhyazhingawin oonje chenesahwaud dush.

⁵ Oo‐oo dush keëkedoowug, Kahween magwah wekoonding, koonemah tahniskahjeëwawug egewh ahneshenahbag.

⁶ Magwah dush ahyaud owh Jesus emuh Bethanying, emuh andaud owh Simon owh wamegeed,

⁷ Oogepenaunzekahgoon pazhig enewh equawun peähyahmenid ewh alabaster muhkuhkoons kache‐ahpetandahgwuk noomenegun, oogesegenahmahgoon dush emuh ooshtequauning, magwah nuhmuhduhbid wesenid.

⁸ Uhpe dush ookekenooahmahgunun kewahbunduhmenid, kenishkahdezewun, oo‐oo keëkedoonid, Ahneshwin oo‐oo bahnahjechegahdag?

⁹ Tahgeähtahwam muh maunduh noomenegun, nebewah dush shooneyah tahgekushkechegahda, chemeenindwahpun egewh katemahgezejig.

¹⁰ Uhpe dush Jesus kahkekandung, oo‐oo oogeënaun, Ahneshwin megooshkahjeäg wah‐owh equa? oonesheshin suh ewh kahdoodahwid.

¹¹ Kahgenig kedahyahwahwaug egewh katemahgezejig anduhzhe‐ahyahyag; neen dush ween kahween kahgenig kedahyahweseem.

¹² Kesegenung mahbuh oo‐oo noomenegun emuh neyowing, cheningwahoogooyaun sah keoonjeëzhechega.

¹³ Kagate kedenenim, Tebe bego kawahweenjegahdagwan maunduh minwahjemoowin emuh anegookookumegaug uhkee, kuhya oo‐oo kahezhechegad wah‐owh equa, tahwahweenjegahda cheoonjemequanemind.

¹⁴ Me dush kenaunzekahwaud pazhig egewh metahswe‐ahzhe‐neezh Judas Iscariot azhenekahzood enewh keche‐sahsahgewejega‐wenenewun,

¹⁵ Oo‐oo dush keëkedood, Wagoonan kameezheyag, puhgedenuhmoonuhgoog wah‐owh? nesemeduhnah duswahbik shooneyaun oogeënahwaun.

¹⁶ Me dush kemahjenundoonaüng ewh chebahtahaud.

¹⁷ Netum dush kezheguk uhpe mahyahje‐meejing ewh wambejeeshkewuhgesinsenook buhquazhegun, egewh kekenooahmahgunug oogenaunzekahwahwaun enewh Jesusun, oo‐oo keënahwaud, Ahneende kedenandum cheduhzhe‐wahwazhetahmahgooyun chemeejeyun ewh kuhbekoosa‐wekoondewin?

¹⁸ Oo‐oo dush oogeënaun, Ezhaug dush emuh oodanaung, andaud owh pazhik enene, oo‐oo enik, Oo‐oo ekedoo owh Kekenooähmahga‐wenene, Gagah zhuhyegwah wetebishkoosamahgud nekezhegoom; andahyun ningahduhzhe‐oozhetoon ewh kuhbekoosa‐wekoondewin kuhya nekekenooahmahgunug.

¹⁹ Keëzhechegawug dush egewh kekenooahmahgunug debishkoo kahegoowaud enewh Jesusun; oogewahwazhetoonahwah dush ewh kuhbekoosa‐wekoondewin.

²⁰ Kahoonahgooshig dush, oogeweeduhbemaun enewh metahswe‐ahshe‐neezh wewesenewaud.

²¹ Magwah dush wesenewaud, oo‐oo oogeënaun, Kagate kedenenim, Pazhig kenuhwah ningahbahtahik.

²² Ahpeche dush kenuhneenuhwanduhmoog, oo‐oo dush oogemahjeënahwaun papazhik, Neen nuh, Tabaningayun?

²³ Oogenuhquatuhwaun dush, oo‐oo keënaud, Owh waujequahbuhahmahwid emuh oonahguning, me suh owh kabahtahid.

²⁴ Owh suh Enene oogwissun mahjah debishkoo anahjemind emuh oozhebeëguning: tahkeche‐kooduggeze suh owh enene kabahtahaud enewh Enene oogwissun nahwuj tahgeooneshenene owh enene wekah negesegoobun.

²⁵ Oogenuhquatahgoon Judasun, enewh kahbahtahegoojin, oo‐oo keëgood, Neen nuh, Rabbi? oo‐oo dush oodenaun, Kegeëkid suh.

²⁶ Magwah dush wesenewaud, Jesus oogeoodahpenaun buhquazhegun, uhpe dush kahmahmooyahwad, oogebuhquabenaun, oogemeenaun dush enewh ookekenooähmahgunun, oo‐oo keëkedood, Oodahpenik, ahmook; me suh oo‐oo neyow.

²⁷ Oogeoodahpenaun dush ewh menequahjegun, kemahmooyahwa dush, kuhya oogemeenaun enewh, oo‐oo keëkedood, Kuhkenuh menequayook ewh.

²⁸ Me muh oo‐oo nemesqueem ewh emuh ooshke‐kekindewining, segwabenuhwoowindwah nebewah bamahdezejig cheöonjewabenuhmoowindwah oomujje‐ezhewabezewinewah.

²⁹ Kedenenim suh, Kahween menuhwah ningahmenequaseen maunduh mahnewung ewh shoowemenegahwunzh, nahnauzh ewh kekezheguk uhpe kadooshke‐menequayaun emuh oodoogemahwewining owh Noos.

³⁰ Uhpe dush kahishquah‐nuhguhmoowaud, kesahguhuhmoog, keëzhahwug dush emuh Olives wahjewing.

³¹ Medush uhpe Jesus oo‐oo enaud, Noongoom tebekuk, kenuhwah kuhkenuh kegahoosittahwandaum neen oonje; oo‐oo muh ezhebeëgahda, Ningahpuhkittawah owh mahnishtahneshe‐wenene, egewh dush mahnishtahnishug waqueenoojig tahsuhswashkahwahwug.

³² Keähbejebahyaun dush ningahuhnenegaune‐tuhgwishin emuh Galileenaung.

³³ Peter dush oogenuhquatuhwaun oo‐oo keënaud, Mesuhwah goo kuhkennh oosittahwanemikwah, kahween neen wekah kegahoosittahwanemesenoon.

³⁴ Jesus dush oo‐oo oogeënaun, Kagate kedenin, noongoom tebekuk, chepwah noondahgoozid owh nahba‐pahkahahqua, nesing kegahahgoonwatum ewh kekanemeyun.

³⁵ Peter dush oo‐oo oodenaun, Mesuhwah goo nundahwandahgoozeyaun cheweejeneboomenaun, kahween ningahahgoonwatunse ewh kekanemenaun. Me nahsaub keëkedoowaud kuhkenuh egewh kekenooahmahgunug.

³⁶ Me dush keweejewaud owh Jesus enewh kekenooahmahgunun, ketuhgwishenoowaud dush emuh ketegauning Gethsemane azhenekahdag; oo‐oo dush oodenaun enewh ookekenooahmahgunun, Oomah nuhmuhduhbik kaähpeech ewede ezhahyaun cheähkoowa‐ahnuhmeähyaun.

³⁷ Oogeweejewaun dush enewh Peterun kuhya enewh neezh oogwissun owh Zebedee, kemahje‐nuhneenuhwandum kuhya kekeche‐wesugge‐kootuggandum.

³⁸ Me dush oo‐oo enaud; Keche‐nuhneenuhwandum suh owh ninjechaug, gagah suh wenebooyaun: ahyahyook suh oomah, wedookahweshig dush cheähkahwahbeyaun.

³⁹ Menuhwah ahwahshemashish keëzhah, keoojecheengwasad, keahnuhmeäud, oo‐oo keëkedood, Noosa, keshpin enandahgwuk, mahnoo ningahkuhbekahgoon maunduh mene quahjegun: Kah nindahwah neen ananduhmaun tahezhe wabussenoon, keen suh atuh ananduhmun.

⁴⁰ Oogenaunzekahwaun dush enewh kekenooahmahgunun, kemekahwaud dush nebahnid, oo‐oo dush enaud enewh Peterun, Ahneen, kah‐nuh kekushketoosenahwah ningoo‐tebahegunag chewedookahweyag ahkahwahbeyaun?

⁴¹ Ahkahwahbeyook kuhya ahnuhmeäug cheënekahsewag emuh kuhgwatebaningawining; Ahnoo enandum suh oojechaugoomah, ewh suh weyausemah pajewemahgud.

⁴² Menuhwah kemahjaud, me goo ewh neezhing keähnuhmeäud, oo‐oo dush keëkedood, Noosa, keshpin enandahgwussenook chekuhbekahgooyaun maunduh menequahjegun pwah‐menequayaun, mahnoo keen ananduhmun tahezhewabud.

⁴³ Kepeëzhaud oogemekahwaun menuhwah nebahnid, kekepingwuhshewun muh.

⁴⁴ Kenuhguhnaud dush, menuhwah kemahjah, keähweähnuhmeäud, megoo nesing, nahsaub kahekedood.

⁴⁵ Me dush kepenaunzekahwaud enewh ookekenooahmahgunun, oo‐oo dush oodenaun, Kayahbe nebahyook, kuhya aunwabeyook: benuh, pashoo peähyahmahgud ewh uhpe chepuggedenind owh Enene oogwissun emuh ooneenjening enewh majeëzhewabezenejin.

⁴⁶ Oonishkaug, mahjahdah; benuh, pashoo peähyah owh buhyahtahid.

⁴⁷ Magwah dush kekedood, benuh, owh Judas, pazhig egewh metahswe‐ahshe‐neezh, kepeëzhah, keweejewaud keche‐nebewah ahneshenahban wadahzhahwashkoonejin kuhya wapuhgummahgunenejin, enewh keche‐sahsahgewejega‐wenenewun kuhya ooketezemewaun egewh ahnishenahbag kahahnoonegoowahjin.

⁴⁸ Owh dush buhyahtahaud kekenoowahjechegun oogemeenaun enewh, oo‐oo keëkedood, Owh suh kaoojemug mesuh owh, uhyinje‐minjemenik.

⁴⁹ Bahbega dush naunzekahwaud enewh Jesusun, oo‐oo keëkedoo, Keduhnemikoon, Rabbi; anegook edush oogeöojemaun.

⁵⁰ Jesus dush oo‐oo oogenaun, Neeje ezhechegan ewh pahoonjeëzhahyun? kepeëzhahwug dush egewh, kuhya oogennhwuhdenahwaun Jesusun ketuhkoonahwaud dush.

⁵¹ Benuh, dush pazhig enewh wahjewegoojin owh Jesus kezhebenikanewun, kekechekoobetood dush oodahzhahwashkoom, kekishketahwuggaguhnahmaud enewh keche-sahsahgewejega‐wenene oobuhmeetahgunun.

⁵² Me dush owh Jesus keënaud enewh, Nayaub suh peenuhun kedahzhahwashkoom, kuhkenuh muh ayoojig ewh ahzhahwashk ahzhahwashkoon kanesegoowaud.

⁵³ Kah nuh ween kedenanduhseem chekushketooyaun noongoom chenundoodahmahwug owh Noos, nindahmeenik dush chewedookahwewaud ahwahshema metahswe‐ahshe‐neezh metauswauk enewh angenun?

⁵⁴ Ahneen dush ween kaëzhedebishkoosagebun enewh oozhebeëgunun, oo‐oo cheweëzhewabuk akedoomahgukkin?

⁵⁵ Ewh dush uhpe Jesus oo‐oo oogeënaun enewh ahnishenahban, Kemoodishke‐weneneeng kepeëzhetuhkoonim wadahzhahwashkoomeyag kuhya wapuhguhmahguneyag? Anduhsoo‐kezheguk kegeweduhbemenenim kekekenooahmahgayaun emuh keche‐ahnuhmeä‐weguhmigoong, kah dush kegetuhkooneseem.

⁵⁶ Kuhkenuh dush oo‐oo keëzhewabud, chetebishkoosag oodoozhebeëgunewah egewh aunwahjega‐wenenewug. Me dush kenuhguhnegood kuhkenuh enewh ookekenooähmahgunun, keoozhemoowun dush.

⁵⁷ Egewh kahtuhkoonahjig enewh Jesusun oogeëzhewenahwaun emuh andaud owh Caiaphas keche‐sahsahgewejega‐wenene, kahduhzhe‐mahoonjeëdewaud egewh oozhebeëga‐wenenewug kuhya katezejig.

⁵⁸ Peter dush wahsuh oogenoopenuhnaun, nahnauzh ketuhgwishing emuh andaud owh Keche‐sahsahgewejega‐wenene kepeendega dush, keweeduhbemaud enewh buhmeetahgunun, wewahbunjegad ewh kaëzhewabuk.

⁵⁹ Egewh dush keche‐sahsahgewejega‐wenenewug, kuhya egewh katezejig, kuhya egewh mahyahwunjeëdejig, oogenundahwandahnahwah ewh kuhkenuhwishke‐tebahjemoowin cheoonje‐nesahwaud enewh Jesusun;

⁶⁰ Kah dush oogemekunsenahwah gagoo; mesuhwah goo nebewah kepeëzhahwaud kakenuhwishke‐debahjemoojig, kahween oogemekunsenahwah. Gaguhpe kepeëzhahwug neezh kakenuhwishke‐debahjemoojig,

⁶¹ Oo‐oo keëkedoowaud, Mahbuh keëkedoo, nekushketoon chebahnahjetooyaun ewh ookeche‐ahnuhmeä‐weguhmig owh Kesha‐Muhnedoo, nesoo‐kezhik dush menuhwah cheoozhetooyaunbaun.

⁶² Owh dush keche‐sahsahgewejega‐wenene kepuhsegwe, oo‐oo dush keënaud enewh Jesusun, Kah nuh ningood kenuhquatunse? wagoonan oo‐oo anahmemikwah oogoo?

⁶³ Kah dush kekekedoose owh Jesus. Owh dush keche-sahsahgewejega‐wenene oogenuhquatuhwaun oo‐oo keënaud, Kedaungwahmemin ween oonje owh bamahdezid Kesha‐Muhnedoo, cheweenduhmahweyaung keshpin ahyahwewunan owh Christ oogwissun owh Kesha‐Muhnedoo.

⁶⁴ Jesus dush oo‐oo oogeënaun, Kegeëkid suh: pooch kedenenim, Bahmah kegahwahbuhmahwah owh Enene oogwissun nuhmuhduhbid emuh ookechenikaung owh Kache‐mushkahwezid, kuhya petuhgwishing emuh kezhegoong duhzhe ahnuhquudoong.

⁶⁵ Medush uhpe owh sahsahgewejega‐wenene kekishkepetood oopuhpesekahwahgunun, oo‐oo keëkedood, Kemujje‐kezhwa suh; ahneshwin kayahbe nundahwanemungwahbun egewh kadebahjemoojig? benuh, noongoom kenoondahnahwah oomujje‐kezhwawin.

⁶⁶ Ahneen ananduhmag? Oogenuhquatuhwaun dush oo‐oo keënahwaud, Enandahgooze suh chenebood.

⁶⁷ Medush kesequahnahwaud emuh ooshkinzhegooning, kuhya kepahquahkooneenjetahwahwaud; ahnind dush oogenahpahgaunzheninjetahwahwaun.

⁶⁸ Oo‐oo keëkedoowaud aunwahtahweshenaum, keen Christ, Ahwanan owh kahpuhketaöok;

⁶⁹ Peter dush kenuhmuhduhbe ahgwahjeeng emuh tasekauning; pazhig ooshkenegequan oogepenaunzekahgoon, oo‐oo keëkedoonid, Kuhya keen kegeweejewah owh Jesus Galilee duhzhe‐wenene.

⁷⁰ Keähgoonwatum dush emuh enahsuhmuhbewaud kuhkenuh, oo‐oo keëkedood, Kahween nekekanduhse ewh akedooyun.

⁷¹ Uhpe uhnesahgahung emuh tasecheguning, oogewahbuhmegoon menuhwah pazhig ooshkenegequan, oo‐oo keënahnid enewh emuh ayahnejin, Kuhya wah‐owh oogeweejewaun enewh Jesusun Nazareth duhzhe enenewun.

⁷² Menuhwah keähgoonwatum, kekeche‐mushkahwahkezhwa, oo‐oo keëkedood, Kahween nekekanemahse owh enene.

⁷³ Nahgujeesh egewh kahnebahwejig oogepenaunzekahwahwaun enewh Peterun, oo‐oo keënahwaud, Kagate keen kedow pazhig oogoo, anwayun muh kedoonje‐kekandahgooz.

⁷⁴ Medush kemahje‐mujje‐kekedood kuhya kemushkahwe‐kezhwad, oo‐oo keëkedoo, Kahween nekekanemahse owh enene. Bahbega dush kemesetahgooze owh nahba‐pahkahahqua.

⁷⁵ Peter dush oogemequandaun ewh oodekedoowin owh Jesus, oo‐oo keëgoopun, Chepwah noondahgoozid owh nahba‐pahkahahqua, nesing kegahahgoonwatum ewh kekanemeyun. Keühnesahguhum dush, kekuhgwahnesuggahdamood: