St Matthew 25 - Ottawa New Testament Penteteuch and Psalms 1874

¹ Medush uhpe kaënandahgwuk ewh keche‐kezhegoong duhzhe‐oogemahwewin debishkoo metahswe kegaungooquag, kahoodahpenungig oowahsuhkoonanjegunemewaun, keühnesahguhumoowaud dush cheähwenahquashkahwahwaud enewh nahaungishun.

² Nahnun dush kenebwahkahwug, nahnun dush kekuhkebahdezewug.

³ Egewh dush kakebahdezejig oogeoodahpenahnahwah enewh oowahsuhkoonanjegun‐ahbekoomewaun, kahween oogeähyaunsenahwah ewh pemeda.

⁴ Egewh nabwahkahjig oogeduhgoo‐ahyahnahwah ewh pemeda emuh oodahtahsoowinewaung kuhya oowahsuhkoonanjegun‐ahbekoomewaung.

⁵ Wekah tuhgwishenenid enewh nahaungishun, kuhkenuh kenuhwuggequasawug kuhya kenebahwug.

⁶ Ahyahbetah‐tebekuk dush kemuhtwa‐pepahgim, Benuh, nahaungish petuhgwishin; ahwenahquashkahwik.

⁷ Medush kuhkenuh kepuhsegwewaud oogoo kegaungooquag, kewahwazhetoowaud dush enewh oowahsuhkoonanjegun‐ahbekoomewaun.

⁸ Egewh dush kakebahdezejig oo‐oo oogeënahwaun enewh nabwahkahnejin, Meezheshenaum suh ahnind ewh kepemetamewah; gagah muh ahtawun newahsuhkoonanjegun‐ahkoomenahnin.

⁹ Ooogenuhquatuhgoowaun dush enewh nabwahkahnejin, oo‐oo keëgoowaud, Kahmahmundah; koonemah kahween tahtabesasenoon cheähyahmung neenuhwind kuhya kenuhwah; nahwuj tahoonesheshin ezhahyag ahyahwaud egewh atahwajig, chekeshpenuhdahmahdezooyag dush.

¹⁰ Ahpetandewaud dush ahwekeshpenahtoowaud, ketuhgwishin owh nahaungish, egewh dush kahtakezhetahjig oogeühneweejpeendegamahwaun emuh anduhzhe‐wewekoodahdewine‐wekoonding, kekebahquahegahda dush ewh ishquaundam.

¹¹ Nahgujeesh dush kuhya wenuhwah ahnind kegaungooquag kepeëzhahwug, oo‐oo keëkedoowaud Tabanengayun, Tabanengayun, pahkahkoonuhmooweshenaum.

¹² Oogenuhquatuhwaun dush oo‐oo keënaud, Kagate kedenenim, Kahween kekekanemesenoonim.

¹³ Ahkahwahbeyook suh dush, kah muh kekekanduhsenahwah ewh kezhik gamuh ewh apeeche‐kezheguk uhpe katuhgwishing owh Enene oogwissun.

¹⁴ Oo‐oo muh enandahgwud ewh keche‐kezhegoong duhzhe‐oogemahwewin debishkoo enene wahsuh wahezhaud, oogenundoomaun enewh tebenuhwa oobuhmeetahgunun, oogepuhgedenuhmahwaun dush enewh ooduhyeemun.

¹⁵ Pazhik oogepuhgedenuhmahwaun nahnun talent, menuhwah dush pazhik oogepuhgedenuhmahwaun neezh talent, kuhya dush pazhik, pazhik talent, debishkoo kahkushkeäwezenid oogeënahoonaun; medush bahbega kemahjaud.

¹⁶ Owh dush nahnun talent kahoodahpenung oogeähweähtahwan ewh shooneyah, menuhwah dush nahnun talent ahwahshema oogekushketoonun.

¹⁷ Mesuh kuhya ween kahezhechegad neezh talent kahoodahpenung, menuhwah neezh ahwahshema oogekushketoonun.

¹⁸ Owh dush pazhik talent kahoodahpenung, kemahjah kewahneka dush emuh uhkeeng, kekahdood enewh oodoogemahmun ooshooneyahmene.

¹⁹ Bahmah dush wekah ketuhgwishenoon enewh oodoogemahmewaun oogoo buhmeetahgunug, oonundoodahmahwaun dush ewh tebahahmahgoowin.

²⁰ Owh dush, nahnun talent kahoodahpenung kepeëzhah nahnun talent ahwahshema oogetuhgoo‐peetoonun, oo‐oo dush keënaud, Tabaningayun, kegemeezh nahnun talent; benuh, menuhwah nahnun talent ningekushketoonun.

²¹ Oo‐oo oogeëgoon enewh oodoogemahmun, Wawane manoo‐ezhewabezeyun kuhya ahyaungwahmezeyun bameetahguneweyun: kegeäungwahmenahnun enewh punge kahguhnuhwanduhmunin, kegahmeenin nebewah cheoogemahkunduhmun: peendegan emuh oodoonahnegoozewining owh kedoogemaum.

²² Kuhya dush owh kahoodahpenung neezh talent kepeëzhah oo‐oo dush keëkedoo, Nindoogemaum, kegemeezh neezh talent: benuh, menuhwah neezh bakanukkin ningekushtoonun keähtahwayaun.

²³ Oo‐oo dush oogeëgoon enewh oodoogemahmun, Wawane! manoo‐ezhewabezeyun kuhya ahyaungwahmezeyun bameetahguneweyun; kegeäungwahmenahnun punge, kegahmeenin nebewah cheoogemahkunduhmun: peendegan emuh oodoonahnegoozewining owh kedoogemaum.

²⁴ Kepeëzhah dush owh pazhik talent kahoodahpenung oo‐oo dush keëkedood, Nindoogemaum, kegekekanemin chesunnug‐eneneweyun, kishkeshkezhegayun emuh keketegasewun, kuhya mahwunjechegayun emuh kesuhswa‐wabenegasewun:

²⁵ Nengeähgwushke dush kuhya nengeähwekahdoon keshooneyaum emuh uhkeeng: benuh, kedahyaun ewh keduhyeem,

²⁶ Oogenuhquatuhgoon dush enewh oodoogemahmun oo‐oo dush keëgood: Majebuhmeetahguneweyun kuhya katemishkeyun, kegekekanim chekishkushkezhegayaun keketegasewaun, kuhya chemahwunjechegayaun kesuhswa‐wabenegasewaun.

²⁷ Kedahgemeenaug suh ewh neshooneyaum egewh muhyashquahdoonegajig, uhpe dush pahkewayaun nindahgeoodahpenaun ewh ninduhyeem kuhya dush ewh menik kahkushkechegamahguk.

²⁸ Muhkummik dush ewh talent kuhya dush meenik owh ayaung metahswe talent.

²⁹ Owh muh ayaung tahmeenah, nahwuj dush nebewah oogahahyaun: owh dush ayaunsig tahmuhkummah pooch ewh ayaung.

³⁰ Ahpuggenik dush owh ningood anahbuttezesig buhmeetahgun emuh ahgwajeeng anduhzhe‐kushke‐tebekuk: emuh kaduhzhe‐mahwing kuhya kaduhzhe‐muhtwayahbetasang.

³¹ Uhpe petuhgwishing owh Enene oogwissun emuh oopeshegandahgoozewining, pewejewegood dush kuhkenuh enewh kachetwahwezenejin oodangenemun, me ewh uhpe kawawanuhbid emuh oopezhegandahgoozewine oodoogemah‐wuhbewining.

³² Emuh dush anahsuhmuhbid tahmahwunzoomahwug kuhkenuh ahnooj azheweenzoojig ahneshenahbag: Oogahnuhyatahwenaun dush, debishkoo owh mahnishtahneshe‐wenene azhenuhyatahwenaud enewh mahnishtahneshun kuhya enewh mesahboozoon.

³³ Ooogahahsaun dush enewh mahnistahneshun emuh ookechenikaung, kuhya enewh mesahboozoon emuh oonuhmunjenikaung.

³⁴ Medush uhpe owh keche‐oogemah kaënaud enewh ookechenikaung ayahnejin, Oondahshahyook kenuhwah shawanemenag owh Noos, oodahpenahmook ewh oogemahwewin kahwahwazhetahmahgooyag, uhpe mahyahje‐oozhetoong oo‐oo uhkee.

³⁵ Nengepuhkuddanahbun muh, kegeähshummim dush: ningekishkahbahgwanahbun, kegemeenahim dush: ningemahyuggezenahbun, kegepeendeguhzhim dush:

³⁶ Ningepeengweshahgedenahbun, kegeähgweëm dush: nindahkoozenahbun, kegemahwuddeshim dush: nengeke-bahquahoogoonahbun, kegepenaunzekahwim dush.

³⁷ Medush chenuhquatuhwahwaud egewh quuhyuk‐azhewabezejig, oo‐oo cheëkedoowaud, Tabaningayun, ahneen uhpe kahwahbuhmegooyun ewh puhkuhdayun, keähshummegoowunan edush? gamuh kishkahbahgwayun, kemeenahegoowunan dush?

³⁸ Ahneen uhpe kahwahbuhmegooyun ewh mayuggezeyun, kepeendegahnegoowunan dush? gamuh ewh peengweshahgedeyun, ahgweëgoowunan dush?

³⁹ Ahneen uhpe kahwahbuhmegooyun ewh ahkoozeyun, gamuh kebahquahoogooyun, kenaunzekahgooyun dush?

⁴⁰ Owh dush keche‐oogemah oogahnuhquatuhwaun oo‐oo cheënaud, Kagate kedenenim, ewh menik oo‐oo kahdoodahwag kuhnuhga pazhik kache‐noondaush‐ahpetandahgoozid nejekewa neen suh kegedoodahwim.

⁴¹ Medush oo‐oo kaënaud emuh oonuhmunjenikaung ayahnejin, Ahwus nuhguhnuhzheshig kenuhwah kagwahnesuggandahgoozeyag, emuh kahgega‐ishkootang, kahwahwazhetahmahwindepun owh mujje‐muhnedoo kuhya enewh oomezhenahwamun.

⁴² Ninpuhkuddanahbun muh, kah dush kegeähshummeseem: Ningekishkahbahgwanahbun, kah dush kegemeenaheseem:

⁴³ Nemahyuggezenahbun, kah dush kegepeendeguhzheseem: nengepeengweshahgedenahbun, kah dush kegeahgweëseem: nindahkoozenahbun, kuhya ninkebahquahoo-goonahbun, kah dush kegemahwudezheseem.

⁴⁴ Medush kuhya wenuhwah chenuhquatuhwahwaud, oo‐oo cheëkedoowaud, Tabaningayun, ahneen uhpe kahwahbuhmegooyun ewh puhkuddayun, gamuh kishkuhbahgwayun, gamuh mahyuggezeyun, gamuh peengweshahgedeyun, gamuh ahkoozeyun, gamah kebahquahoogooyun, keweedookahgoosewunan dush?

⁴⁵ Medush chenuhquatuhwaud oo‐oo cheëkedood, Kagate kedenenim, Ewh menik kahdoodahwahsewag kuhnuhga pazhik kache‐noondaush‐ahpetandahgoozid oogoo anduhchewaud, neen suh goo kah kegedoodahweseem.

⁴⁶ Medush oogoo kaëzhahjig emuh kahgega‐kooduggezewining: egewh dush quuhyuk‐azhewabezejig emuh kahgega bemahdezewining.