St Matthew 23 - Ottawa New Testament Penteteuch and Psalms 1874

¹ Medush ewh uhpe Jesus keguhnoonaud enewh waqueenoonejin, kuhya enewh ookekenooähmahgunun,

² Oo‐oo keëkedood, Egewh oozhebeëga‐wenenewug kuhya egewh Phariseeg nuhmuhduhbewug emuh Moses oopuhbewining:

³ Kuhkenuh dush anenagwah cheguhnuhwanduhmag guhnuhwanduhmook kuhya ezhechegayook; oodezhechegawinewaun suh atuh kagoo ezhechegakagoon: kekedoowug muh, kahween ezhechegasewug.

⁴ Ootahkoobetoonahwah muh mewunekaunun kache-koosegwungin kuhya sanuggukkin chepemoonduhming, pemewunaähwaud dush enewh enenewun, wenuhwah dush ween kah kuhnuhga ooneenjewaung enanduhsewug cheoombenuhmoowaud.

⁵ Chewahbuhmegoowaud enewh enenewun wanje-enuhnookeewaud kuhkenuh oodahnookewinewaun; oomechewessetoonahwah oophylacterymewaun, kuhya oomechahwesetoonahwah ewh azhetuhtebegwahdanig enewh oopuhpensekahwahgunewaun,

⁶ Oosahgetoonahwah enewh negaunuhbewinun uhpe wahkoondingin, kuhya enewh kechetwahwuhbewinun emuh ahnuhmeä‐weguhmigoong,

⁷ Kuhya uhnuhmekahgoowinun emuh ahtaundewining, kuhya Rabbi, Rabbi, cheëzhewenegoowaud enewh enenewun.

⁸ Kahween kenuhwah Rabbi, kegahezhewenegooseem: Pazhigoo muh kekekenooahmahga‐wenenemewah, medush owh Christ; kuhkenuh dush kenuhwah kedoowejekewaïndeem.

⁹ Kagoo kuhya Noosa ezheweenahkagoon ahweyah oomah uhkeeng: pazhigoo muh koosewah, mesuh owh keche‐kezhegoong ayaud,

¹⁰ Kah dush kegahezhewenegooseem, suhyahbegenega-weneneweyun: Pazhigoo muh kesahbegenega‐wenenemewah, mesuh owh Christ.

¹¹ Ahwagwan dush kenuhwah anduhcheyag kache-ahpetandahgoozegwan, mesuh owh kaoobuhmeetahguneyag.

¹² Ahwagwan dush kakechetwahwanindezoogwan tahdahbussandahgoozeäh; ahwagwan dush kadahbussanindezoogwan tahkechetwahwandahgooäh.

¹³ Kekuhgwahnesuggezeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekebahquahahmahwahwaug muh egewh enenewug ewh keche‐kezhegoong duhzhe oogemahwewin; kah muh kepeendegaseem kenuhwah, kah dush kepuggedenuhmah-wahsewaug egewh wahpeendegajig chepeendegawaud.

¹⁴ Kekuhgwahnesuggandahgooseem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekedaumahwahwaug muh enewh oowegewahmewaun egewh shagahwejig, ahneshah dush kenooazh keduhnemetahgoozeem uhpe anuhmeähyagoon: mesuh ahwahshema kaöonjekuhgwahnesugge‐nahneboomegooyag.

¹⁵ Kekuhgwahnesuggandahgoozeem kenuhwah, oozhebeëga‐wenenewedoog kuhya Pharisewedoog, anuhmeäkahzooyag! kekewetaushkahnahwah muh ewh kechegumme kuhya ewh puhyangwuhkummegaug uhkee chewekoojeäg pazhig kawedookoonag azheahmeähyag, uhpe dush kahkushkeïnd, neezhing ahwahshema kedoozheähwah emuh mujje‐muhnedoonaung chedebandahgoozid ewh dush ween kenuhwah azheähyahyag.

¹⁶ Kekuhgwahnesuggandahgoozeem kenuhwah, kakepeengwa‐suhgahbegenegayag, oo‐oo ekedooyag, Ahwagwan kamushkahwe‐wahweendahmahgagwan tuhgoo‐weendung ewh ahnuhmeä‐weguhmig, kahween ningood enanduhgussenoon; ahwagwan dush kamushkahwe‐wahweendahmahgagwan tuhgoo‐weendung ewh oozahwah‐shooneyah emuh ahnuhmeä‐weguhmigoong atag, muhzeneëga suh wah‐owh!

¹⁷ Kakebahdezeyag kuhya kakepeengwayag: wagoonan muh ewh nahwujkache‐ahpeetandahgwuk, ewh oozahwah‐shooneyah, gamuh ewh ahnuhmeä‐weguhmig wanje‐kechetwahwandahgwuk ewh oozahwah‐shooneyah?

¹⁸ Kuhya, ahwagwan kamushkahwe‐wahweenduhmahgagwan ewh tuhgoo‐weendung ewh sahsahgewejegun‐ahbik, kahween ningood enandahgwussenoon; ahwagwan dush katuhgoo‐weenduhmoogwan ewh meegewawin emuh sahsahgewejegun‐ahbikoong atag, muhzeneëga suh wah‐owh.

¹⁹ Kakebahdezeyag kuhya kakepeengwayag: wagoonan muh ewh nahwuj kache‐ahpeetandahgwuk, ewh meegewawin, gamuh ewh sahsahgewejegun‐ahbik wanje‐kechetwahwandahgwuk ewh meegewawin?

²⁰ Owh dush katuhgoo‐weendung ewh sahsahgewejegun‐ahbik, ootuhgoo‐weendaun suh ewh sahsahgewejegun‐ahbik kuhya kuhkenuh oogejuhyeëeng atagin:

²¹ Kuhya dush owh katuhgoo‐weendung ewh ahnuhmeä‐weguhmig, ootuhgoo‐weendaun suh, kuhya ootuhgoo-weenaun enewh andahnejin emuh.

²² Kuhya dush owh katuhgoo‐weendung ewh keche‐kezhig, ootuhgoo‐weendaun suh kuhya oodoogemah‐wuhbewin owh Kesha‐Muhnedoo, kuhya dush enewh namuhduhbenejin emuh.

²³ Kekuhgwahnesuggandahgoozeem kenuhwah, oozhebeëga‐wenenewedoog kuhya Phariseewedoog anuhmeäkahzooyag! ketebahegam muh ewh mint kuhya anise kuhya cummin, uhpe tabahahmahgayagoon enewh makuhdawekoonahya‐tebahahmahgoowin, kah kuhya kedezhechegaseem enewh kachetwahwandahgwukin emuh tebahkoonegawining atagin, ewh quuhyuk tebahkoonewawin, kuhya shahwanjegawin, kuhya ewh dabwayanduhmoowin: oonoo suh kedahgeëzhechegam, kah dush kedahgeäunwakunsenahwah enewh ewede ahnind.

²⁴ Kakepeengwa‐sahgahbegenewayag, keshahboobegenahwah owh pingooshans, kegoonahwah dush ween owh pagwahwegung.

²⁵ Kekuhgwahnesuhgandahgoozeem, oozhebeëga‐wenenewedoog kuhya Phariseewedoog, anuhneäkahzooyag! kepeenetoonahwah muh ahgwahjuhyeëe ewh menequahjegun kuhya ewh oonahgun, peenjuhyeëe dush ween oomooshkenashkahgoonahwah ewh muhkundwashkewin kuhya mujje‐ezhewabezewin.

²⁶ Kakepeengwayun Phariseeweyun, netum peenetoon, emuh peenjuhyeëe ewh menequahjegun kuhya ewh conahgun, me dush kaoonjepeenuk emuh ahgwahjuhyeëeng.

²⁷ Kekuhgwahnesuhgandahgoozeem, oozhebeëga‐wenenewedoog kuhya Phariseewedoog, anuhmeäkahzooyag! debishkoo mahween wuhyahbishkahegahdagin chebaguhmigoon kedezhenahgoozeem, manwahbuhmenahgwuk ahgwahjeeng, peendig dush ween oomooshkenashkahgoonahwah cheby ookunun, kuhya kuhkenuh weenezewinun.

²⁸ Mesuh kuhya kenuhwah ewh nahsaub ahgwahjuheeng quuhyuk‐ezhewabezingin uhyenanemenagwah egewh enenewug, peenjenah dush ween kemooshkenashkahgoonahwah ewh ahnuhmeäkahzoowin kuhya mujje‐doodahgawin.

²⁹ Kekuhgwahnesuhgandahgoozeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kedoozhetoonahwah muh enewh oochebaguhmegoowaun egewh aunwahjega‐wenenewug, kuhya kesuhsagahwetoonahwah oochebaguhmegoowaun egewh manoo‐ezhewabezejig.

³⁰ Oo‐oo dush kedekedoom, Keshpin ahyahyaungoobun ewh uhpe kebemahdezewaud egewh noosenahbuneeg, kahween nindahgeweedookahwahsenahnig ewh keoonjegah tuhmoowahwaud ewh oomesqueemene enewh aunwahjega‐wenenewun.

³¹ Mesuh debahjindezooyag, ewh oonejahnesemenagwah egewh kahnesahjig enewh aunwahjega‐wenenewun.

³² Kuhya kenuhwah kekezhetoonahwah menik kahezhechegawaud egewh koosewahbuneeg.

³³ Kanabegooweyag, mujje‐kenabegoong pahoondahdezeyag, ahneen kaëzheöozhinduhmag ewh mujje‐ishkootawine‐nahneboomegoowin?

³⁴ Benuh suh dush, kedezhenahzhahahmoonenim egewh aunwahjega‐wenenewug, kuhya nebwahkah‐wenenewug, kuhya oozhebeëga‐wenenewug: ahnind dush kegahnesahwaug kuhya kegahahgwahquahwahwaug; kuhya ahnind kegahpuhzhunzhawahwaug emuh anduhzhe‐mahoonjeëdeyag, kuhya kegahnoosoonawahwaug emuh oodoodanahwewaung;

³⁵ Kenuhwah cheoodissegooyag kuhkenuh menoo-ezhewabezewine‐mesqueem kahseegwabenegahdag oomah uhkeeng, oomesqueem owh manoo‐ezhewabezid Abel nahnauzh egoo oomesqueem owh Zacharias oogwissun owh Barachias, kahnesag emuh nesuhwuhyuheewung ewh keche‐ahnuhmeä‐weguhmig kuhya ewh sahsahgewejegun‐ahbik.

³⁶ Kagate suh kedenenim, Kuhkenuh oonoo uhyeëen oogahoodissegoonahwah oogoo noongoom bamahdezejig.

³⁷ Jerusalem! Jerusalem! keen nasudwah egewh aunwahjega‐wenenewug, kuhya pamoosenuhudwah egewh kahezhenahzhahahmahgooyunin, ahneen duching kahenanduhmaun chemahoonjeügwah kenejahnesug, nahsaub azhemahoonjeäud owh noozha‐pahkahahqua enewh oopahkahah-quansemun emuh ahnaume‐ningwegunaung, kah dush kegeënanduhseem!

³⁸ Benuh, kewegewaumewah pezheshigwuhtag kenuhguhduhmahgoom.

³⁹ Oo‐oo muh kedenenim, Kahween menuhwah kegahwahbuhmeseem, bahmah suh atuh cheëkedooyag, Shahwandahgooze owh pahezhaud emuh oodezhenekahzoowining owh Jehovah.