St Matthew 22 - Ottawa New Testament Penteteuch and Psalms 1874

¹ Jesus dush oogenuhquatuhwaun, emuh ahwacheguning menuhwah oogeëzheguhnoonaun, oo‐oo keëkedood.

² Ewh keche‐kezhegoong duhzhe oogemahwewin enandahgwud debishkoo pazhik keche‐oogemah, kahoozhetoomahwaud wewekoodahde‐wekoongawin enewh oogwissun,

³ Kemahjenahzhahwaud dush enewh oobuhmeetahgunun chenundoomahnid enewh kahwekoomindjin: kah dush keënanduhsewun chepeëzhahnid.

⁴ Menuhwah, oogeëzhenahzhahwaun enewh bakahnezenejin buhmeetahgunun, oo‐oo keëkedood, Weenduhmahwik egewh kahwekoomindjig, Benuh, ningewahwazhesittoon newekoongawin: ahzhe kenesahwug nepezhekemug kuhya neweenenoonsemug, kuhkenuh dush gagoo ahzhe kekezhesin: peëzhahyook emuh wewekoodahdewine‐wekoongawining.

⁵ Kah dush oogebahmanduhsenahwah, kemahjahwaud dush ween, pazhik emuh tebenuhwa ooketegauning, menuhwah dush pazhik emuh anduhnahtahwad:

⁶ Egewh dush kaheshquejig oogeöodahpenahwaun enewh oobuhmeetahgunun, kedooduggeähwaud, kuhya dush kenesahwaud.

⁷ Uhpe dush owh Keche‐oogemah kahnoondung, kenishkahdeze; oogemahjenahzhahwaun dush enewh ooshemahguneshemun, kebahnahjeäud dush oonoo nashewanejin, kechahgezahmahwahwaud dush oodoodanahwene.

⁸ Medush keënaud enewh oobuhmeetahgunun. Ahzhe kekezhesin ewh wewekookahde‐wekoongawin, kah dush keähpetandahgoozesewug egewh kahwekoomindjig.

⁹ Ezhahyook suh dush emuh naneengedahwuhmook meekunun, menik dush kamekahwagwah nundoomik chepeëzhahwaud emuh wewekoodahde‐wekoongawining.

¹⁰ Medush oogoo buhmetahgunug keëzhahwaud emuh keche‐meekunaung, kemahwunzoomahwaud kuhkenuh menik kahmekahwahwaud, maje‐ezhewabezenejin kuhya manoo‐ezhewabezenejin: medush kemooshkenawaud egewh namuhduhbejig emuh wewekoodahde‐wekoonding.

¹¹ Uhpe dush kepeendegad owh Keche‐oogemah chepewahbuhmaud enewh namuhduhbenejin, oogewahbuhmaun pazhig enewh enenewun emuh ahyahnid kahahgwesenid wewekoodahde‐puhpensuhkoowahgun:

¹² Oo‐oo oodenaun, Neeje, ahneen oomah kahezhepeendegayun ahgwesewun ewh wewekoodahde‐puhpensuhkoowahgun? Kah dush ningoodenoo keëkedoose.

¹³ Medush owh keche‐oogemah oo‐oo keënaud enewh buhmeetahgunun, Menjemahpenik suh emuh ooninjeeng kuhya emuh oosittaung, mahjewenik dush, kuhya ahpuggenik ewede ahgwahjeeng, anduhzhe‐kushke‐tebekuk; medush ewede kaduhzhe‐mahwing kuhya kaduhzhe‐muhtwayahbittasang.

¹⁴ Nebewah muh nundoomahwug, pungeshawuggezewug dush atuh wuhyanahbuhmindjig.

¹⁵ Medush keähwekahkekedoowaud egewh Phariseeg, chenuhgwuhnahwahwaud emuh oodekedoowining.

¹⁶ Oogeähnoonahwaun dush enewh tebenuhwa ookekenooahmahgunewaun kuhya enewh Herodianun chenaunzekahwahnid, oo‐oo dush oogeëgoon, Kakenooahmahgayun, nekekandahmin, chedabwayun, kuhya emuh dabwawining azhekekenooähmahgayun ewh Kesha‐Muhnedoo oodezhetwahwin, kah dush ahweyah kekoosahse: kah muh kepahbahmanemahseeg egewh enenewug.

¹⁷ Weenduhmahweshenaum suh dush, Ahneen ananduhmun? Ezhesin nuh chemeenind ewh oogemah‐shooneyah owh Cæsar, gamuh goo kah?

¹⁸ Jesus dush oogekekandaun oomujje‐ezhewabezewinewah, oo‐oo dush keënaud, Ahneshwin kuhgwajeëyag, anuhmeäkahzooyag?

¹⁹ Wahbundaheshig ewh oogemah‐shooneyah. Oopeetahmahwahwaun dush ewh shooneyaunsun.

²⁰ Oo‐oo dush oodenaun, Ahwanan wah‐owh mazenejegahzood kuhya kakenoowahje‐beëgahzood?

²¹ Oo‐oo dush oodenahwaun, Cæsar suh. Me dush oo‐oo enaud, Meenik suh owh Cæsar enewh Cæsar ooduhyeemun; Kuhya dush meenik owh Kesha‐Muhnedoo enewh Kesha‐Muhnedoo ooduhyeemun.

²² Uhpe dush kahnoonduhmoowaud, kemahmahkahdandahmoog, kenuhguhnahwaud dush, kuhya kemahjahwaud.

²³ Me dush ewh uhpe kezheguk kepenaunzekahgood enewh Sadduceen oo‐oo akedoonejin, Kah gagoo ahwunsenoon ewh ahbejebahwin, oogeguhgwajemegoon dush.

²⁴ Oo‐oo keëkedoonid, Kakenooahmahgayun, Moses keëkedoo, Keshpin ahweyah nebood pwahoonejahnesid, wejekewayun oogahwedegamaun enewh wahdegamahpuneen, chenetahwegetahwaud enewh oonejahnesun enewh wejekewapuneen.

²⁵ Keähyahbuneeg emuh anduhnuhkeeyaung neezhwahswe wawejekewaïndejig; owh dush sasekezid kahwewid keneboo, kah dush keoonejahnesese, oogenuhguhduhmahwaun ooshemayun enewh wewun.

²⁶ Me dush nahsaub kahezheähyaud owh pazhik, kuhya menuhwah anekauj pazhig, peenesh egoo kuhkenuh egewh neezhwahswe.

²⁷ Ahpeche dush eshquauj keneboo kuhya owh equa.

²⁸ Emuh dush ahbejebahwining, ahwanan anduhchewaud egewh neezhwahswe kaähyahwaud enewh equawun? kuhkenuh muh oogeähyahwahwaun.

²⁹ Jesus dush oogenuhquatuhwaun oo‐oo keënaud, Kewuhneshenoom, kekanduhsewag enewh kechetwah‐oozhebeëgunun, kuhya ewh oomushkahwezewin owh Kesha‐Muhnedoo.

³⁰ Emuh muh ahbejebahwining kahween wewesewug, kah kuhya wewemahsewug, debishkoo suh oodangenemun owh Kesha‐Muhnedoo ewede keche‐kezhegoong ezheähyahwug.

³¹ Ewh dush oodahbejebahwinewah egewh naboojig duhzhinduhming, kah nuh ween kegeähginduhsenahwah ewh anenag owh Kesha‐Muhnedoo, oo‐oo keëkedood,

³² Neen suh nindow Ookesha‐Muhnedoomun owh Abraham, kuhya ooKesha Muhnedoomun owh Isaac, kuhya ooKesha‐Muhnedoomun owh Jacob? Kahween owh Kesha‐Muhnedoo ahwese ooKesha Muhnedoomewaun, egewh naboojig, egewh suh atuh bamahdezejig.

³³ Uhpe dush egewh ahneshenahbag kahnoonduhmoowaud, oogemahmahkahdandahnahwah ewh ookekenooahmahgawin.

³⁴ Uhpe dush egewh Phariseeg kahnoonduhmoowaud ewh kewuhnemaud enewh Sadduceen, kepemahwunjeëdewug.

³⁵ Pazhik dush tebahkoonega‐wenenewun oogeguhgwajemegoon, kekuhgwatebanemegood, oo‐oo keëkedoonid,

³⁶ Kakenooähmahgayun, wagoonan ewh ewh kache‐apetandahgwuk kuhgequawin emuh tebahkoonegawining?

³⁷ Jesus dush oo‐oo oogeënaun, Kegahsahgeäh Jehovah keKesha Muhnedoom anegookoodaäyun, kuhya anegookoojechaugooweyun, kuhya apeechewemahguk kedenanduhmoowin.

³⁸ Mesuh oo‐oo kache‐apetandahgwuk kuhya nahgaunandahgwuk kuhgequawin.

³⁹ Menuhwah dush pazhik ahyahneka‐enandahgwuk nahsaub suh ekedoomahgud, Kegahezhesahgeäh keejeduhnuhkewamahgun nahsaub azhesahgeëdezooyun.

⁴⁰ Mesuh oonoo neezh kuhgequawinun wanjeähgoodag kuhkenuh ewh tebahkoonegawin kuhya enewh aunwahjegawinun.

⁴¹ Magwah dush mahwunjeëdewaud egewh Phariseeg, Jesus oogeguhgwajemaun,

⁴² Oo‐oo keëkedood, Ahneen ayenanuhmag owh Christ? ahwananun wagwissemegoojin? oo‐oo dush oogeënahwaun, David suh.

⁴³ Oo‐oo dush oodenaun, Wagoonan dush owh David emuh Keche‐Oojechaugoong Tabaningad kahoonjeëzhenekahnaud, oo‐oo akedood,

⁴⁴ Owh Tabaningad oo‐oo oogeënaun enewh Tabanemejin, Nuhmuhbuhbin emuh nekechenikaung kaähpeech ezheügwah egewh shaunganemikig ewh chetuhtuhkookahnudwah?

⁴⁵ Keshpin dush owh David Tabaningad ezhenekahnaud, ahneen dush azheoogwissemahgwan?

⁴⁶ Kah dush ahweyah oogekushketooseeu ningood cheëzheähzhedamaud, ahpena dush goo ewh kezheguk kah kuhnuhga ahweyah keënanduhse menuhwah chekuhgwajemaud.