St Matthew 21 - Ottawa New Testament Penteteuch and Psalms 1874

¹ Uhpe pashoo ahneduhnezewaud emuh Jerusaleming ahzhe anetuhgwishenoowaud emuh Bethphageïng, emuh wahjewing Olives azhenekahdag, medush uhpe Jesus keähnoonaud neezh enewh ookekenooähmahgunun.

² Oo‐oo keënaud, Ezhahyook emuh oodanaunsing ewh debishkoo ahyahyag anduhgoog, kazhetin dush kegahmekahwahwah mamaungesha takoobezood, kuhya enewh oomahnesheensemun: ahbahook, petahweshig.

³ Keshpin dush ahweyah ningood enenag, oo‐oo kegahenahwah, Tabaningad suh ooweähwaun; kazhetin dush oogahpungedenaun.

⁴ Kuhkenuh suh oo‐oo keëzhewabud, chedebishkoosag ewh kahekedood aunwahjega‐wenene, oo‐oo keëkedood,

⁵ Weenduhmahwik Zion oodahnun, Benuh, kekeche‐oogemaum kepenaunzekaug, shawanjegad, pamoomegood enewh mamaungeshan, kuhya mahnesheensun mamaungesha oonejahnesun.

⁶ Kemahjahwug dush egewh kekenooahmahgunug, keëzhechegawug dush ewh kahezhegahgaunzemegoowaud enewh Jesusun.

⁷ Oogepeenahwaun enewh mamaungeshan kuhya enewh mahnesheensun, oogepemoondahahwaun dush enewh oodahgwewinewaun, kuhya oogenuhmuhduhbeähwaun emuh.

⁸ Keche‐nebewah ahneshenahbag oogesuhswa‐wabenahnahwah oodahgwewinewaun emuh mahyahwekunah; ahnind dush oogekishkezhahnahwaun wahtikwaunsun emuh metikoong, kuhya oogesuhswa‐wabenahwaun emuh mahyahwekunah.

⁹ Egewh dush waqueenoojig ahnishenahbag nahgahnejig, kuhya egewh nwahpenungig, kepepahgewug, oo‐oo keëkedoowaud, Hosanna enewh wagwessejin owh David! shahwandahgooze suh owh pahtuhgwishing emuh oodezhenekahzoowining owh Jehovah: mahnoo Hosanna keche-eshpeming!

¹⁰ Uhpe dush kahpeendegad emuh Jerusaleming, keoojahnemezemahgud kuhkenuh oodanah, oo‐oo keëkedoong, Ahwanan mahbuh?

¹¹ Egewh dush mahyahmahwenoojig keëkedoowug, Mesuh mahbuh Jesus owh Nazareth Galileenaung oodanaung duhzhe aunwahjega‐wenene.

¹² Jesus dush kepeendega emuh Kesha‐Muhnedoo oodahnuhmeä‐weguhmigoong, oogesahgeje‐wabenaun dush enewh atahwahganejin kuhya enewh kaushpenujjeganejin emuh ahnuhmeä‐weguhmigoong, oogeähnemikoowabenuhmoowaun enewh ooduhdoopoowinene enewh muhyashquahdoonanejin shooneäun, kuhya oodahpuhbewinene enewh keche‐oomemeen atahwanejin.

¹³ Oo‐oo dush keënaud, Oo‐oo ezhebeëgahda, Ahnuhmeä‐weguhmig suh tahezhenekahda newegewaum; kemoodeshke‐weguhmigoong suh kenuhwah kegedinwamekah-dahnahwah.

¹⁴ Enewh kakepeengwanejin kuhya kuhyahgejekahdanejin oogepenaunzekahgoon emuh ahnuhmeä‐weguhmigoong; oogenoojemooäun dush.

¹⁵ Uhpe dush egewh keche‐sahsahgewejega‐wenenewug kuhya egewh oozhebeëga‐wenenewug kahwahbunduhmoowaud enewh mahmaundahwejegunun kahezhechegad, kuhya ahbenoojeün pepahgenid emuh ahnuhmeä‐weguhmigoong, oo‐oo ekedoonid, Mahnoo Hosanna enewh wagwissejin owh David; kenishkahdezewug.

¹⁶ Oo‐oo dush oogeënahwaun, Kenoondahwaug nuh ekedoowaud oogoo? Jesus dush oo‐oo oogeënaun, Aahe; kah nuh wekah kedahginduhsenahwah oo‐oo, Emuh oodoonewaung ahbenoojeüg kuhya nwaunejig kegekezhetoon ewh wahwezhanduhmoowin?

¹⁷ Oogenuhguhnaun dush, kuhya keöonjemahjaud emuh oodanaung, ewede Bethanying keëzhaud; me emuh kuhpa‐tebik keähyaud.

¹⁸ Kakezhabahwahgudenig dush menuhwah ezhaud emuh oodanaung, kepuhkudda.

¹⁹ Wuhyahbuhmaud dush enewh figoomenahgahwunzheen emuh mahyahwekunah, oogenaunzekahwaun, kah dush gagoo oogemekunseen emuh, me atuh ahnebeshun, oo‐oo oodenaun, Kahween wekah kegahmenewese. Me dush goo bahbega kahezhewesahkoozood.

²⁰ Uhpe dush egewh kekenooahmahgunug wuhyahbuhmahwaud, kemahmahkahdanduhmoog, oo‐oo keëkedoowaud, Kagate keche‐bahbega kewesahkoozoo owh figoomenuhgahwunzh!

²¹ Jesus dush oogenuhquatuhwaun oo‐oo keënaud, Kagate kedenenim, Keshpin ahyahmag ewh dabwayanduhmoowin, kuhnuhga dush ahgoonwayanduhsewag, kahween atuh oo‐oo kegahtaëzhechegaseem kahdoodahwug owh figoomenahgahwunzh, keshpin dush oo‐oo eduhmag oo‐oo wahjewh, Kegahmahjewenegoo kuhya kegahpahkoobewabenegoo emuh kechegummeeng: mesuh goo kaëzhewabuk.

²² Kuhkenuh suh ahnooj gagoo kanundoodahmoowagwan uhpe anuhmeähyagoon, keshpin dabwayanduhmag, kegahmeenegoom suh goo.

²³ Uhpe dush kahpeendegad emuh keche‐ahnuhmeä‐weguhmigoong, magwah dush kekenooähmahgad oogepenaunzekahgoon enewh keche‐sahsahgewejega‐wenenewun kuhya ooketezemewaun egewh ahneshenahbag, oo‐oo ekedoonid, Wagoonan ewh kushkeäwezewin wanjeëzhechegayun oonoo? Ahwanan dush kahmeenik oo‐oo kushkeawezewin?

²⁴ Jesus dush oogenuhquatuhwaun oo‐oo keënaud, Kuhya neen kegahguhgwajeminenim pazhik kuhgwadwawin, keshpin dush weenduhmahweyag, kuhya neen kegahweenduhmoonenim wagoodoogwan kushkeäwezewin wanjeëzhechegayaun oonoo.

²⁵ Oobaptizooëwawin owh John, ahneende kahoonzekahnig? keche‐kezhegoong nuh, gamuh eneneeng? Keguhnoonindewug dush, oo‐oo keëkedoowaud, Keshpin keche‐kezhegoong, ekedooyung, oo‐oo kegahegoonaun, Ahneshwin dush kedabwayanemahsewag?

²⁶ Keshpin dush ween eneneeng ekedooyung; kekoosahnahnig egewh ahneshenahbag; kuhkenuh muh aunwahjega‐weneneeng ooduhyenanemahwaun enewh Johnun.

²⁷ Oogenuhquatuhwahwaun dush enewh Jesusun, oo‐oo keënahwaud, Kahween nekekanduhsemin. Kuhya ween oo‐oo oogeënaun, Kah suh dush kuhya neen keweenduhmoosenoonim ewh kushkeäwezewin wanjeëzhechegayaun oonoo.

²⁸ Ahneen dush enanduhmag? Pazhik enene keneezhewun oogwissisun; oogenaunzekahwaun dush pazhik, oo‐oo dush keënaud, Ningwis, mahjaun ahweähnookeen noongoom kezheguk emuh neshoowemene‐ketegauning.

²⁹ Oogenuhquatahgoon dush oo‐oo keëgood, Kahween nindenanduhse: Nahgujeesh dush keminjenahwayandum, kemahjaud dush.

³⁰ Oogepenaunzekahwaun dush menuhwah pazhik, me nahsaub kahenaud. Oogenuhquatahgoon dush, oo‐oo keëgood, Aahe! Noosa: kah dush keëzhahse.

³¹ Ahwanan oogoo neezh kahezhechegad ewh oodenanduhmoowinene oosewaun? oo‐oo dush oodegoon, Owh suh netum. Jesus dush oo‐oo ooodenaun, Kagate kedenenim, Egewh mahwunjechega‐wenenewug kuhya egewh pazhigwahdezejig equawug tahpeendegawug emuh oodoogemahwewining owh Kesha‐Muhnedoo chepwah kenuhwah peendegayag.

³² Kegepenaunzekahgoowah muh owh John emuh quuhyuk‐ezhewahezewine‐meekunaung, kah dush kegedabwayanemahsewahwah: egewh atuh mahwunjechega‐wenenewug kuhya egewh pazhegwahdezejig equawug oogedabwayanemahwaun: kenuhwah dush ween, kahwahbunduhmag, kahween kegeäunwanindezooseem, ewh dush chedabwayanemagoobun.

³³ Menuhwah pazhik ahwachegun bezinduhmook: Keähyah suh pazhik wawegewaumid enene, kahoozhetood ewh shoowemene‐ketegaunans, kekewetah‐mejekunahkoobetood, kuhya dush oogewahnekahdaun ewh shoowemenahboo‐ahtahsoowin, kuhya keöozhetood ewh ahkuhwahbewine‐wegewaum, keähweäud dush enewh ketega‐wenenewun, wahsuhwakummig dush keëzhemahjah.

³⁴ Uhpe dush gagah kahtebishkoosanig cheoodahpenungebuneen enewh menewinun emuh kahnetahwuhgingin, oogeëzhenahzhahwaun oobuhmeetahgunun, cheëzhahnid emuh ahyahnid enewh ketega‐wenenewnn, cheoodahpenuhmenid dush enewh menewinun.

³⁵ Egewh dush ketega‐wenenewug oogeöodahpenahwaun enewh oobuhmeetahgunene, oogepuhzhunzhawahwaun dush pazhig, menuhwah pazhik oogenesahwaun, kuhya pazhik oogepemoosenuhahwaun.

³⁶ Menuhwah dush, oogeëzhenahzhahwaun bakahnezenejin buhmeetahgunun ahwahshema kebahtuhyenewun ahpeech egewh netum; medush nahsaub kahdoodahwahwaud enewh.

³⁷ Eshquauj oogeëzhenahzhahwaun tebenuhwa oogwissun, oo‐ookeëkedood, Oogahkechetwahwanemahwaun enewh ningwissun.

³⁸ Egewh dush ketega‐wenenewug uhpe wuhyahbuhmahwaud enewh oogwissun, oo‐oo keëzheguhnoonindewug, Mesuh mahbuh kanahbishkahgad; umba nesahdah; medush chetebanduhmung enewh ootebenuhwawezewinun.

³⁹ Oogeoodahpenahwaun dush, emuh shoowemene‐ketegauning oogeoonjesahgeje‐wabenahwaun, kenesahwaud dush.

⁴⁰ Uhpe dush katuhgwishing owh tabandung ewh shoowemene‐ketegaun, ahneen kadoodahwaud oonoo ketega‐wenenewun?

⁴¹ Oo‐oo dush oogeënahwaun, Oogahwesugge‐nesaun oonoo majeëzhewabezenejin, kuhya dush oogahmeenaun ewh shoowemene‐ketegaun enewh bakahnezenejin, kameenegoojin enewh menewinun uhpe dabishkoosagin.

⁴² Jesus dush oo‐oo oodenaun, Kah nuh wekah kedahginduhsenahwah emuh kechetwah‐oozhebeëguning, Ewh ahsin kahahnahwanduhmoowaud egewh wazhegajig, mesuh ewh kache‐negaunanduhgwuk ahsin emuh wuhyaquah‐wahkaheguning: Kesha‐Muhnedoong suh wanje‐ezhewabuk, keche‐mahmahkahdandahgwud emuh keshkinzhegoonaung?

⁴³ Mesuh ewh wanje‐enenuhgoog, Kegahmuhkummegoom suh kenuhwah ewh oodoogemahwewin owh Kesha‐Muhnedoo, tahmeenahwug dush egewh ahneshenahbag kameenewejig enewh oogemahwewine‐meenewinun.

⁴⁴ Owh suh kapungeshing emuh oo‐oo ahsineeng tahpegeshkeshin: ahwagwan dush ween kakezhekahgoogwan, oogahpeseboonegoon.

⁴⁵ Uhpe dush kahnoonduhmoowaud egewh keche‐sahsahgewejega‐wenenewug kuhya egewh Phariseeg enewh oodahwajegunun, oogekekandahnahwah wenuhwah kedebahjemegoowaud.

⁴⁶ Uhpe nunduhwanduhmoowaud chetuhkoonahwaud, oogekoosahwaun enewh ahneshenahban, aunwahchega‐weneneeng muh oogeühyenanemegoon enewh.