St Matthew 2 - Ottawa New Testament Penteteuch and Psalms 1874

¹ Uhpe dush kahnegid owh Jesus emuh Bethleheming Judeaing anduhgoog enewh kezhegudoon kekeche‐oogemahwid owh Herod, benuh ketuhgwishenoog nebwahkah‐wenenewug emuh Jerusaleming, wahbunoong kepeöonjebahwaud.

² Oo‐oo dush keëkedoowaud, Ahneende ahyaud owh kahnegid oodoogemahmewaun egewh Jewyug? nengewahbuhmahnaun suh oodahnungoomun ewede wahbunoong, cheshahgushkeetuhwungid dush nepeöonje‐ezhahmin.

³ Uhpe Herod keche‐oogemah kahnoondung onoo uhyeëen kemegooshkahdandum kuhya dush egoo kuhkenuh emuh Jerusaleming wahdatoojig.

⁴ Uhpe dush kahmahwunzoomaud kuhkenuh enewh keche‐sahsahgewejega‐wenenewun kuhya enewh oodoozhebeëga‐wenenemewaun egewh ahneshenahbag, oogeguhgwajemaun, tebe kaduhzhe‐negegwan owh Christ.

⁵ Oo‐oo dush oogeënahwaun, Emuh Bethleheming Judeaing anduhgoog; oo‐oo muh keëzhebeëga owh aunwahjega‐wenene.

⁶ Kuhya keen Bethlehem ayahyun emuh Juda duhzhe uhkeeng kahween ahpeche noondaush kedahpetandahgoozese apetandahgoozewaud egewh Juda duhzhe oogemaug, keen muh ahyahyun tahoonjebah owh oodahkawegemah katebanemaud nendahneshenahbamun Isralun.

⁷ Me dush owh Herod uhpe keemooj kahnundoomaud enewh nebwahkah‐wenenewun, ooge‐wahweenga‐kuhgwajemaun, nuhmunj uhpe mahyahje‐nahgoozegoobunan owh ahnung.

⁸ Oogeëzhenahzhahwaun dush ewede Bethleheming, oo‐oo dush oogeënaun; Mahjahyook wawane nundoonaöok owh ahbenooje, uhpe dush kemekahwag peweendahmooweshekag menuhwah, kuhya neen suh cheähweshahgushkeetahwug.

⁹ Uhpe dush kahnoondahwahwaud enewh keche‐oogemaun kemahjahwug, Benuh dush enewh ahnungoon kahwahbuhmahwahjin ewede wahbuhnoong keühnenegahnewun nahnauzh egoo keähgoojing emuh debishkoo ahyaud owh ahbenooje.

¹⁰ Uhpe dush kahwahbuhmahwaud enewh ahnungoon, kemoojegezewug emuh keche‐moojegezewining.

¹¹ Uhpe dush kahpeendegawaud emuh wegewauming, oogewahbuhmahwaun enewh ahbenoojeün emuh ahyahnid kuhya oogeene Maryun, keöojecheengwasawug kuhya keshahgushketahwahwaud. Uhpe dush kahkedenuhmoowaud ooduhyeemewaun, oogemeenahwaun enewh meegewawenun, oozahwe‐shooneyah kuhya menoo‐mahgoojegunun.

¹² Emuh enahbunduhmoowening keöonjeähyahwangwahmemegoowaud enewh Kesha‐Muhnedoon nayaub chenaunzekahwahsegwah enewh Herodun, ningooje enuhkuhkayah keëneëzhekewawug ewh anduhnuhkewaud.

¹³ Uhpe kahmahjahwaud, enuh owh Joseph oogenahgoozetahgoon enewh oodangenemun owh Jehovah emuh enahbunduhmoowening akedoonid, Oonishkaun kuhya oodahpen owh ahbenooje kuhya enewh oogeen, ewede dush Egypting ezhenezhemoon, medush ewede kaduhnezeyun peenish egoo petahjemootoonaun: owh muh Herod oogahnundoonawaun enewh ahbenoojeün wenesaud.

¹⁴ Uhpe dush kahoonishkaud oogeöodahpenaun enewh ahbenoojeyun kuhya oogeene magwah tebekudenig, keëzhaud dush ewede Egypting.

¹⁵ Me dush ewede kahduhnezid peenish egoo kenebood owh Herod: chetebishkoosag ewh kahekedoopun owh Jehovah oonje aunwahjega‐wenenewun akedoonid, Emuh suh Egypting ningeöonjenundoomah ningwis.

¹⁶ Uhpe dush owh Herod kahwahbundung kepahpenoodahgood enewh nebwahkah‐wenenewun, kekeche‐nishkahdeze, ooogemahjenahzhahwaun dush enewh kanesahnejin kuhkenuh enewh ahbenoojeyun emuh Bethleheming ayahnejin kuhya emuh kewetuhyuhee, nauzhoo‐pepoon‐uhgezenejin kuhya nahwuj agahsheënejin, nahsaub kahezhewahweenga‐kuhgwajemaud enewh nebwahkah‐wenenewun.

¹⁷ Me dush uhpe kedebishkoosag ewh kahekedoopun owh Jeremy aunwahjega‐wenene akedood,

¹⁸ Ramäïng kenoonduhwah owh matwakooduggandung kuhya mahwid kuhya keche nuhneenuhwanemood, Rachel mahwemaud enewh oonejahnesun, kah dush kepahbahmetunse wemenoodaäïnd, kah muh ahyahsewun.

¹⁹ Uhpe dush kahnebood owh Herod, benuh Jehovah oodangenemun oogepenahgoozetahgoon enahbunduhmoowining owh Joseph emuh Egypting.

²⁰ Akedoonid, Oonishkaun, oodahpin owh ahbenooje kuhya enewh oogeen, ezhaun dush ewede Israel ooduhkeeming, ahzhe muh keneboowug egewh kahnundoonaähmoowaud ewh oobemahdezewin owh ahbenooje.

²¹ Keöonishkah dush, oogeöodahpenaun dush enewh ahbenoojeyun kuhya oogeene, kepeëzhah dush emuh ooduhkeeming owh Israel.

²² Uhpe dush kahnoondung ewh oogemahwenid enewh Archelausun emuh Judæaing, kenahbishkahwaud enewh oosun Herod, keähgushke weëzhaud emuh; Ahnoo ween goo keweenduhmahgood enewh Kesha‐Muhnedoon emuh enahbunduhmoowening, keëzhepuhka emuh enuhkayah Galileeïng.

²³ Kepeduhnuhkee dush emuh oodanaung Nazareth aduming, chedebishkoosag ewh kahekedoowahpun egewh aunwahjega‐wenenewug, Nazareth duhzhe wenene tahenah.