St Matthew 17 - Ottawa New Testament Penteteuch and Psalms 1874

¹ Uhpe dush kahningoodwahsoo‐kezheguk Jesus oogemahjewenaun enewh Peterun kuhya enewh Jamesun kuhya enewh Johnun wejekewayene, kuhya dush oogeëzhewenaun emuh keche‐wahjewing chenezhekawezewaud,

² Me dush emuh enahsuhmenid kequak‐ezhenahgoozeäh: kezisoong dush keëzhewahsayeengwa, ewh dush oodahgwewin wahsayaung keëzhewahbishkahne.

³ Benuh dush, oogewahbuhmahwaun enewh Mosesun kuhya enewh Eliasun guhnoonegood.

⁴ Peter dush oogenuhquatuhwaun oo‐oo këenaud enewh Jesusun, Tabanengayun, oonesheshin oomuh duhnezeyung, keshpin enanduhmun, ningahoozhetoomin oomah neswe wegewaumun; keen pazhik, Moses kuhya pazhik, kuhya owh Elias pazhik.

⁵ Magwah dush kayahbe kekedood, benuh waysayahnuhquud oogeähgahwahtashkahgoonahwah: Benuh dush emuh ahnuhquuhdoong keöonjebahmahgud ewh ahnemetahgoozewin oo‐oo keëkedoomahguk, Mesuh wahowh ningwis kache‐sahgeüg, mesuh manwanemug; bezendahwik suh.

⁶ Uhpe dush egewh kekenooähmahgunug kahnoonduhmoowaud, kekahwesawug, kekeche‐sagezewug dush.

⁷ Jesus dush oogepetaungenaun oo‐oo keëkedood, Oonishkahyook, kuhya kagoo sagezekagoon.

⁸ Kahoombeshkinzhegwanewaud dush, kahween ahweyah oogewahbuhmahsewaun, me atuh Jesusun.

⁹ Magwah dush penesahkewawaud oonje wahjewing, Jesus oogeäungwahmemaun oo‐oo ekedood, Kagoo ahweyah weenduhmahwahkagoon kahwahbunduhmag, nahnauzh egoo keähbejebaud owh Enene oogwissun.

¹⁰ Ookekenooähmahgun dush oogeguhgwajemegoon oo‐oo keëkedoonid, Ahneshwin dush ekedoowaud egewh oozhebeëga‐wenenewug, Elias netum tahpetuhgwishin?

¹¹ Jesus dush oogenuhquatuhwaun oo‐oo keënaud, Kagate suh netum petuhgweshin owh Elias, kuhkenuh ahnooj gagoo chequuhyukesetood.

¹² Kedenenim suh, Ahzhe kepetuhgwishin owh Elias, kah dush oogenesittahwenahwahsewahwaun, ananduhmoowaud dush goo oogedoodahwahwaun. Mesuh kuhya nahsaub owh Enene oogwissun kaëzhekooduggeëgood.

¹³ Me dush kenesittootuhmoowaud egewh kekenooähmahgunug ewh duhzhemaud enewh John Baptizooëwawenenewun.

¹⁴ Uhpe dush kahtuhgwishenoowaud emuh ahyahnid enewh ahneshenahban, oogepenaunzekahgoon pazhig enenewun, keoöjecheengwunetahgood.

¹⁵ Oo‐oo ekedoonid, Tabaningayun ketemahganim owh ningwis: kewuhnahdeze suh, kuhya keche‐kooduggandum; nuhningim dush emuh ishkootang ahpungeshin, kuhya nuhningim emuh nebeeng.

¹⁶ Ningepetuhmahwaug dush egewh kekekenooähmahgunug, kah dush oogekushkeähsewaun wenoojemooahwaud.

¹⁷ Jesus dush oogenuhquatuhwaun oo‐oo keëkedood, Oh kenuhwah duhyabwayanduhsewag kuhya natah‐kuhgaunzetuhmag bamahdezeyag, ahneen menik kawejewenuhgoog? ahneen menik kabuhbemeweduhmoonenuhgoog? petuhmahweshig suh owh.

¹⁸ Jesus dush oogenuhnebekemaun enewh mujje‐muhnedoon; medush goo kahezhesahguhumenid: kuhya dush owh quewezans ewh uhpe kenoojemooïnd.

¹⁹ Egewh dush kekenooähmahgunug oogepenaunzekahwahwaun enewh Jesusun kenezhekawezenid, oo‐oo dush keënahwaud, Ahneshwin nenuhwind kekushkeähsewungid chesahgeje‐wabenungid?

²⁰ Jesus dush oo‐oo oogeënaun, Me suh ewh dabwayanduhsewag: kagate suh kedenenim, Keshpin ahyahmag dabwayanduhmoowin debishkoo anegookoomenahguk ewh oozahwunushke‐menekaun, kegahedahnahwah oo‐oo wahjewh, Oomah oonjemahjaun kuhya ewede ezhaun; tahezhahmahgud dush, kah dush gagoo kedahpwahnuhwetoosenahwah.

²¹ Wah‐owh suh doowah kahween puhkaun tahoonje mahjahse me atuh ahnuhmeäung kuhya puhkuddaëdezoong

²² Magwah dush duhnezewaud emuh Galileenaung, Jesus oo‐oo oogeënaun, Owh suh Eneneoogwissun tahpuggedenah emuh ooneenjening enewh enenewun:

²³ Oogahnesegoon dush, kuhya nasoogoonahguk tahahbejebahah. Kekeche‐kushkanduhmoog dush.

²⁴ Uhpe dush kahtuhgwishenoowaud emuh Capernauming, egewh kahoodahpenungig ewh oogemah‐shooneyah oogepenaunzekahwahwaun enewh Peterun oo‐oo keënahwaud, Kah nuh ween owh kakenooahmoonag tebahahmahgase ewh oogemah‐shooneyah?

²⁵ Oo‐oo dush ekedoo, Aahe! Uhpe dush kahpeendegad emuh wegewauming, netum oogeguhnoonegoon enewh Jesusun, oo‐oo keëkedoonid, Ahneen ananduhmun Simon? ahwananun egewh uhkeeng duhzhe oogemaug tabahahmahgoowaud ewh oogemah‐shooneyah? enewh nuh tebenuhwa oonejahnesewaun, gamuh mayuggezenejin?

²⁶ Peter dush oo‐oo oodenaun, Enewh suh mayuggezenejin. Jesus dush oo‐oo oodenaun, Benuh dush ween kahween nundahwandahgoozesewug egewh wanejahnesemindjig chetebahahmahgawaud.

²⁷ Nindahwauj dush goo, chenishkeähsewungwah, ezhaun emah kechegummeeng, bahkoobe‐wabenun ewh megishkun, oodahpin dush owh gegoo netum kamookebeed; Uhpe dush kepahkedoonabenud, kegahmekahwah owh shooneäh; Oodahpin dush, meezh egewh, mesuh keen kuhya neen tebahuhmahgayung.