St Matthew 16 - Ottawa New Testament Penteteuch and Psalms 1874

¹ Egewh Phariseeg kuhya egewh Sadduceeg kepeëzhahwug, kuhgwajeähwaud kenundoodahmahwahwaud chewahbunduhmoowaud kezhegoong oonje kekenoowahjechegun.

² Oogenuhquatuhwaun dush oo‐oo keënaud, Uhpe goo aneoonahgooshegin, kedekedoom, Tahmenoo‐kezhegud: mesquaunda muh.

³ Kakezhabahwahgukin dush goo, Tahneshkahje‐kezhegud suh noongoom: mesquukwud muh kuhya nungwahnuhquud. Kenuhwuh anuhmeäkahzooyag, ahnoo kekekandahnahwah chenesittootuhmag ewh azhenahgwuk kezhik, kah dush kenesittootunsenahwah ewh noongoom azhekekenoowahjechegunewung?

⁴ Majeëzhewabezejig kuhya pazhigwahdezejig bamahdezig oonundahwandahnahwah ewh kekenoowahjechegun; kah suh tahmeenahsewug kekenoowahjechegun, me atuh ookekenahwahjechegun owh aunwajega‐wenene Jonas: oogenuhguhnaun dush, keühnemahjaud.

⁵ Uhpe dush tagweshenenid ookekenooahmahgunun ewede ahgahming kewuhnekagwahpun buhquazhegunun.

⁶ Jesus dush oo‐oo oogeënaun, Benuh mewetooyook oodoombesechegunewah egewh Phariseeg kuhya egewh Sadduceeg.

⁷ Wenuhwah dush keguhnoonendewug oo‐oo keëkedoowaud, Me suh ewh kepenahsewungwah buhquazhegunug.

⁸ Jesus dush kekanemaud oo‐oo oogeënaun, Ahneshwin guhnoonendeyag kenuhwah ahgahwah duhyabwayanduhmag, oo‐oo akedooyag, mesuh ewh kepenahsewungwah buhquazhegunug?

⁹ Kah nuh muhshe kenesittootunseem? kah nuh dush kemequanemahsewaug egewh nahnun buhquazhegunug keoonjetabesenewaud egewh nahnun duhching metauswauk, kuhya ahneen menik ookookoobenahgunun kahmahmooyag?

¹⁰ Kuhya egewh neezhwahswe buhquazhegunug kahoonjetabesenewaud egewh newin metauswauk, kuhya ahneen menik kookoobenahgunun kahmahmooyag?

¹¹ Ahneshwin nesittootunsewag kah suh ween buhquazhegunug nengeduhzhemahseeg ewh këenenuhgoog chemewetooyag oodoombesechegunewah egewh Phariseeg kuhya egewh Sadduceeg?

¹² Me dush kenesittootummoowaud, kahween chemeewetoong ewh buhquazhegune‐oombesechegun keoönjeke-kedoose, me atuh ookekenooähmahgawinewah egewh Phariseeg kuhya egewh Sadduceeg.

¹³ Uhpe Jesus kahtuhgweshing emuh anuhkakummig Ceserea Phillippi, oogeguhgwajemaun enewh ookekenooähmahgunun oo‐oo kekedood, Ahwanan azhewaud egewh enenewug ewh neen Enene ooogwissun ahweyaun?

¹⁴ Oo‐oo dush keëkedoowug, Ahnind suh ekedoowug, Me owh John Baptizooëwa‐wenene: ahnind kuhya Elias; kuhya ahnind Jeremias, gamuh kuhya owh pazhik egewh aunwahjega‐wenenewug.

¹⁵ Oo‐oo dush oodenaun, Ahwanan kuhya kenuhwah azheyag ewh ahweyaun?

¹⁶ Simon Peter dush oogenuhquatuhwaun oo‐oo keënaud, Kedow suh owh Christ, oogwissun owh bamahdezid Kesha‐Muhnedoo.

¹⁷ Jesus dush oogenuhquatuhwaun oo‐oo keëkedood, Keshahwandahgooz Simon Barjona: kah mahween weyaus kuhya mesque kegewahbundahegooseen oo‐oo, owh suh ween Noos keche‐kezhegoong ayaud.

¹⁸ Oo‐oo suh dush kedenin, Keen suh kedow Peter, medush oogejuhyeëe maunduh ahzhebik kaöozhetooyaun ewh ninduhnuhmeähwin; kuhya dush enewh ahnahmuhkummig eshquaundamun kahween oogahshahgoojeëgoosenun.

¹⁹ Kegahmeenin dush enewh keche‐kezhegoong oonje oogemahwewine‐ahbahpekahegunun: Wagoodoogwan kaminjemahpetoowunan oomah uhkeeng tahminjemahpeta ewede keche‐kezhegoong: Wagoodoogwan dush kaähbahahmoowunan oomah uhkeeng tahahbahegahda ewede keche‐kezhegoong.

²⁰ Medush keäungwahmemaud enewh ookekenooähmahgunun cheweendahmahwahsenid ahweyah ewh ahwid Jesus owh Christ.

²¹ Me dush ewh uhpe Jesus kemahje‐wahbundahaud enewh ookekenooähmahgunun, ewh cheweëzhaud ewede Jerusaleming, kuhya nebewah chekooduggeëgood enewh katezenejin kuhya keche‐sahsahgawejega‐wenenewun kuhya oozhebeëga‐wenenewun, kuhya chenesind, kuhya dush nasoogoonuhguk cheähbejebahind.

²² Peter dush pukkaühyeëe kahezhewenaud, kenuhnebekemaud oo‐oo keëkedood, Shahwanindezoon Tabanengayun, kahween oo‐oo kegahdoodahgoose.

²³ Kequakekahbahwe owh Jesus, oogeënaun dush enewh Peterun, Ahwus nepekwunaung ezhaun Satan! kenishkeh gooshah: kahween kepahbahmanduhsenun ooduhyeemun owh Kesha‐Muhnedoo, enewh atuh ooduhyeemewaun egewh enenewug.

²⁴ Medush uhpe owh Jesus oo‐oo keënaud enewh ookekenooähmahgunun, Keshpin suh ahweyah wepenoope-nuhzhegwan, tahahgoonwatahdezoo suh, kuhya dush oogahoodahpenaun oodahzhedayahtegoom, ningahnoopenuhnik dush.

²⁵ Ahwagwan kawebemahjetoogwan ewh oobemahmuhdezewin, me suh owh kawuhnetood; ahwagwan kawuhnetoogwan ewh oobemahdezewin, neen oonje wuhnetood, oogahmekaun.

²⁶ Wagoonash owh enene kaöondezepun, keshpin ahnoo debandung anegookwaug oo‐oo uhkee, wuhneäud dush tebenuhwa oojechaugwun? wagoonash kuhya owh enene kameegewapun tebahahmahgawin oojechaugwun oonje.

²⁷ Tahpeëzhah suh owh Enene oogwissun emuh oopezhegandahgoozewinening oosun chepeweejewegood dush oodangenemun; medush uhpe kameenaud kuhkenuh enewh bamahdezenejin debishkoo anandahgwudenig oodahnookewinene.

²⁸ Kagate suh kedenenim, Ahnind suh ahyahwug oomah nahbahwejig kataungoonduhsegoog ewh neboowin, nahnauzh chewahbuhmahwaud enewh Enene oogwissun peëzhahnid emuh oodoogemahwandahgoozewining.