St Matthew 15 - Ottawa New Testament Penteteuch and Psalms 1874

¹ Medush egewh oozhebeëga‐wenenewug kuhya Phariseeg, Jerusaleming kahoonjebahjig, penaunzekahwahwaud enewh Jesusun, oo‐oo ekedoowaud.

² Ahneshwin egewh kekenooähmahgunug bahnahjetoowaud enewh oodezhetwahwinewah egewh katezejig? kah muh kesebegeneenjesewug uhpe wahsenewahjin.

³ Oogenuhquatuhwaun dush oo‐oo keënaud, Ahneshwin kuhya kenuhwah bahnahjetooyag ewh ookuhgequawin owh Kesha Muhnedoo kedezhetwahwinewah oonje?

⁴ Oo‐oo muh keënahkoonega owh Kesha‐Muhnedoo, oo‐oo keëkedoo, Kechetwahwanim koos kuhya keguh; kuhya, Owh kamujje‐guhnoonahgwan enewh oosun gamuh enewh oogeen, mahnoo tahneboo ewh neboowin.

⁵ Kenuhwah dush kedekedoom, Ahwagwan kaënahgwan oosun gamuh oogeen, Ahzhe puhgedenegahda suh ewh kagemeenenaumbaunan;

⁶ Kahween kuhnuhga oogahkechetwahwanemahseen dush enewh oosun gamuh enewh oogeen, Mesuh kahezhebahnahjetooyag ootebahkoonegawin owh Kesha‐Muhnedoo kedezhetwahwinewah oonje.

⁷ Anuhmeäkahzooyag, quuhyuk keäunwahjega owh Ezaias, kenuhwah kahduzhemenag, oo‐oo keëkedood.

⁸ Nepenaunzekahgoog oogoo ahneshenahbag emuh oodoonewaung, kuhya newahwezhanemegoog emuh oogechedoon; Enewh dush ween oodaëwaun ningooje ahyahnewun.

⁹ Kahween dush ningood enahbuhtussenene cheöojecheengwuhnetahwewaud, kekenooahmahgawaud enewh ookuhgequawinewaun egewh enenewug.

¹⁰ Medush kenundoomaud enewh ahneshenahban, oo‐oo dush oogeënaun, Bezinduhmook, kuhya nesittootuhmook.

¹¹ Kahween ewh paundegamahguk emuh oodooning ooweneëgooseen enene; ewh suh atuh oodooning pahoonzekahnig enene ooweeneëgoon.

¹² Me dush kepenaunzekahgood enewh ookekenooähmahgunun, oo‐oo dush keëgood, Kekekandaun nuh ewh keöosittuhwanduhmoowaud egewh Phariseeg, uhpe kahnoonduhmoowaud ewh kedekedoowin?

¹³ Oogenuhquatuhwaun dush oo‐oo keëkedood, Kuhkenuh suh enewh suhyahgukkeegin, owh Noos keche‐kezhegoong ayaud kahketegahdunsegin, tahbahgwahkoobejegahdawun.

¹⁴ Pooneïk suh; kakepeengwajig suh sagahbegenahjig enewh kakepeengwanejin ahwewug. Keshpin dush owh kakepeengwad sahgahbegenaud enewh kakepeengwanejin, nuhyazh tahpungeshenoog emuh wahnekauning.

¹⁵ Peter dush oogenuhquatuhwaun, oo‐oo keënaud, Weenduhmooweshenaum maunduh ahwajegun.

¹⁶ Jesus dush oo‐oo oogeënaun, Kahyahbe nuh kuhya kenuhwah kepwah‐nesittootaum?

¹⁷ Kah nuh muhshe kenesittootunsenahwah, kuhkenuh menik paundegamahguk emuh oodooning oomesudaung ezhahmahgud, uhnegejesag dush?

¹⁸ Oonoo suh atuh oodoonemaung wanjesahguhummoomahgukin oodaëmaung pahoonzekahnegin; me dush enewh wahneëgoojin owh enene.

¹⁹ Me muh oodaëmaung pahoonzekaug enewh mujje‐enanduhmoowinun, nesedewinun, peshegwahdezewinun, kemoodewinun, kuhkenahweshke‐debahjemoowi‐nun kuhya mujje‐kezhwawinun:

²⁰ Mesuh oonoo wahneëgoojin owh enene; ewh dush wesening chepwah kesebegeninjeeng kahween ooweeneëgooseen enene.

²¹ Ewede dush kahoonjemahjaud owh Jesus, keëzhaud ewede anuhkakumig Tyre, kuhya Sidon.

²² Benuh dush, Canaan duhzhe equan ewede enuhkayah kepeöonjebahnid oogepepepahgemegoon, oo‐oo keëgood, Shahwanemeshin, Tabaningayun wagwessemik owh David; nindahnis ookeche‐kooduggeëgoon enewh mujje‐muhnedoon.

²³ Ween dush kah kuhnuhga pazhig ekedoowin oogenuhquatuhwahseen; oogepepahgoosanemegoon ookekenooahmahgunun, oo‐oo ekedoonid, Mahjenahzhow, kemookahwahnegoonaun gooshah.

²⁴ Oogenuhquatuhwaun dush oo‐oo oogeënaun, Kahween bakahnezejig nindoonje‐ahnoonegoose, me atuh egewh waneshengig mahneshtahneshug Israëling dabandahgoozejig wanje‐ahnoonegooyaun.

²⁵ Oogepeshahgushketahwaun oo‐oo dush keënaud, Tabaningayun, wedookahweshin.

²⁶ Oogenuhquatuhwaun, oo‐oo dush oogeënaun, Kahween tahoonesheshinsenoon chemuhkummindwah egewh wanejahneseminjig, oobuhquazhegunemewah, egewh dush uhnemoonshug cheähpuhgenuhmahwindwah.

²⁷ Oo‐oo keëkedoo, Aahe, Tabaningayun: anewak egeneen goo egewh uhnemoonshug oomeejenahwah enewh eshquunjegunun wanje‐pungesingin emuh ooduhdoopoowinening enewh tabanemegoowahjin.

²⁸ Jesus dush oogenuhquatuhwaun oo‐oo keënaud, Equa, keche‐enandahgwud suh kedabwayanduhmoowin; azhenundahwanduhmun me ewh kadoodahgooyun. Me dush goo uhpe kenoojemooëmind enewh oodahnun.

²⁹ Jesus dush emuh keöonjemahjah, keëzhah dush emuh cheguhyeëe Galilee kechegummeeng kuhya keähmujjewad emuh wahjewing, kewuhwanuhbe dush emuh.

³⁰ Oogepenaunzekahgoon dush nebewah ahneshenahban, peähyahwahnid mamaunejekoozenejin, kakepeengwanejin, kuhya natahkekedoosenegoon, mamahkezenejin kuhya nebewah bakahnezenejin, keähpuggenahwaud dush emuh oosittaung Jesus, oogenoojemooäun dush.

³¹ Kemahmahkahdanduhmoog dush egewh ahneshenahbag, uhpe kahwahbuhmahwaud enewh natuh‐kekedoosenegoon kekedoonid, enewh mamahkezenejin kuhyundahwezenid, enewh mamaunjekoozenejin pahbahmoosanid, kuhya kakepeengwanejin wahbenid. Me dush kewahwezhanemahwaud enewh ookesha‐Muhnedoomun owh Isräel.

³² Uhpe dush owh Jesus kahnundoomaud enewh ookekenooähmahgunun, oo‐oo keëkedoo, Neketemahganemaug egewh ahneshenahbag, ahzhe muh nesoogoon newejewegoog oomah, Kah dush kagoo oodahyaunsenahwah kameejewaud; kahween neminwanduhseen chemahjenahzhahwugwah magwah puhkuddawaud, koonemah suh tahgepwahnuhwetoowug ningooje emuh meekunaung.

³³ Ookekenooähmahgunun oo‐oo oodegoon, Ahneende dush menik kaöondenuhmaungoobun ewh buhquazhegun oomah puhgwuduhkumegaug chegetabesenewahpun oogoo kache‐mahmahwenoojig?

³⁴ Jesus dush oo‐oo oodenaun, Ahneen menik ahyahwagwah buhquazhegunug? oo‐oo dush oogeëgoon, Neezhwahswe kuhya punge gegoozansug.

³⁵ Oogeënaun dush enewh ahneshenahban chenuhmuhduhbenid emuh metahkummig.

³⁶ Oogeöodahpenaun dush enewh neezhwahswe buhquazhegunun kuhya dush enewh gegoosansun, uhpe dush kahmahmooyahwad, oogepuhquabenaun, oogemeenaun dush enewh ookekenooähmahgunun, kuhya dush kekenooahmahgunug oogemeenahwaun enewh ahneshenahban.

³⁷ Kuhkenuh dush kewesenewug kuhya ketabesenewug; oogemahmoonahwaun dush enewh pewunjegunun kaheshkoosagin neezhwahswe ookookoobenahgunun mooshkin.

³⁸ Egewh dush enenewug kahwesenejig kenewin‐metauswaukoosewug, kahween keühgemahsewug equawug kuhya ahbenoojeyug.

³⁹ Uhpe dush kahpuggedenaud enewh ahneshenahban, kepooze emuh nahbequauning, keëzhah dush emuh Magdala enuhkagaum.