St Matthew 14 - Ottawa New Testament Penteteuch and Psalms 1874

¹ Medush ewh uhpe owh Herod Tetrarch kenoondung ewh anahjememind Jesusun.

² Oo‐oo dush oogeënaun oobuhmeetahgunun, Mesuh wah‐owh John Baptizewa‐wenene keähbejebaud; mesuh wanjeähnookemahguk keche‐kushkeäwezewinun emuh ooweyowing.

³ Owh muh Herod ketuhkoonahgoobun Johnun, keminjemahpenaud dush, kuhya keähsaud emuh kebahquahoodeweguhmigoong, Herodiasun oonje oowewene wejekewayun Philip.

⁴ John muh oo‐oo oogeënaun, Kahween ooneshinsenoon cheähyahwud owh equa.

⁵ Uhpe dush enandungebun wenesaud, oogekoosaun enewh ahneshenahban, aunwahjega‐wenene muh oogeühyenanemahwaun.

⁶ Uhpe dush kewekoonding ketebishkoosanig Herod oonegewe‐kezhegoom, kenemewun owh Herodias oodahnun emuh nahwuhyaheeng ahyahwaud, kemenwandum dush Herod.

⁷ Me dush kemushkahwe‐wahweendahmahgad chemeenaud wagoodoogwan egoo nanduhwanduhmenegwan.

⁸ Owh dush ooshkenegequa, kezhah kahezheähnoonegood enewh oogeen, oo‐oo keëkedoo, Meezheshin suh oomah keche‐oonahguning ooshtequaun owh John Baptizooëwa‐wenene.

⁹ Keminjenahwaze dush owh keche‐oogemah; ewh kemushkahwe‐wahweendahmahgad, kuhya dush kekekanemegood enewh wuhdoopuhmegoojin, keoonjeënahkoonegad chemeenemind.

¹⁰ Keähnooke dush, chekishkequaöomind Johnun emuh kebahquahoode‐weguhmigoong.

¹¹ Ewh dush ooshtequaun kepechegahdane emuh kecheoonahguning, kemeenind dush owh ooshkenegequa; oogemahjetahwaun dush enewh oogeen.

¹² Kepeëzhahwun dush ookekenooähmahgunun, keöodahpenuhmoowaud ewh weyow, kuhya keningwahuhmoowaud, oogeähwe‐weenduhmoowahwaun dush Jesusun.

¹³ Uhpe dush kahnoondung owh Jesus, ewede këoonje-mahjah nahbequaun ahyood, keëzhaud emuh buhgwuhduhkumegaug chenezhekawezid: uhpe dush kahnoonduhmoowaud egewh ahneshenahbag, emuh uhyoodanahwunenig oogeoonjenoopenuhnahwaun, keühnebemoosawaud emuh uhkeeng.

¹⁴ Keühnekuhbaud Jesus, oogewahbuhmaun nebewah ahneshenahban, oogeketemahganemaun dush, kuhya dush oogenoojemootuhmahwaun enewh ahyahkoozenejin.

¹⁵ Uhpe dush kahoonahgooshig, oogepenaunzekahgoon enewh ookekenooahmahgunun, oo‐oo dush keëkedoonid, Puhgwuhduhkumegah suh oomah, zhuhyegwah kuhya weoonahgooshe, puggedin egewh ahneshenahbag cheëzhahwaud emuh oodanaunsing, chekeshpenuhtahmahdezoowaud ewh mejim.

¹⁶ Jesus dush oo‐oo oogeënaun, Kahween tahmahjahsewug; kenuhwah ahshumik.

¹⁷ Oo‐oo dush oogeënahwaun, Kahween gagoo oomah nindahyaunsemin, me atuh nahnun buhquazhegunun, kuhya neezh gegooyug.

¹⁸ Oo‐oo keëkedoo, Petuhmahweshig suh.

¹⁹ Uhpe dush kahekedood, enewh ahneshenahban chenuhmuhduhbenid emuh mezhushkookaung, keöodahpenaud dush enewh nahnun buhquazhegunun kuhya neezh gegooyun, kezhegoong dush keënahbe, kemahmooyuhwad, kuhya kebuhquabenaud, oogeënenuhmahwaun kekenooahmahgunun enewh buhquazhegunun, kuhya egewh kekenooahmahgunug oogeënenuhmahwahwaun enewh ahneshenahban.

²⁰ Kuhkenuh dush kewesenewug, ketabesenewaud; oogeöodahpenahnahwaun dush enewh pewunjegunun kaheshkoosagin, metahswe‐ahshe‐neezh ookookoobenahgunun mooshkin.

²¹ Egewh dush enenewug kahwesenejig kenahnun‐metauswaukoosedooganug, kahween keüggemahsewug egewh equawug kuhya egewh ahbenoojeyug.

²² Bahbega dush Jesus oogeguhgaunzoomaun enewh ookekenooähmahgunun ketwa chepoosenid emuh nahbequauning, kuhya cheühnenegahnenid ewede ahgahming, nahnauzh ween mahjenahzhahwaud enewh aneshenahban.

²³ Uhpe dush kahmahjenahzhahwaud enewh ahneshenahban, keähmujjewa emuh wahjewing, nezheka cheähnuhmeäud: uhpe dush kahuhneöonahgooshenig kenezhekaweze emuh.

²⁴ Ewh dush nahbequaun ahzhe emuh nahwuhgaum ahgwindagoobun, bahbahmewabuhung oonjeshkuhwahne-mudenegoobun muh.

²⁵ Nahwoo‐tebahegunadenig dush magwah tebekudenig Jesus oogenaunzekahwaun, bemoosad emuh oogetebeeg.

²⁶ Egewh dush kekenooahmahgunug uhpe wuhyahbuhmahwaud bemoosanid emuh oogedebeeg, kesagezewug, oo‐oo keëkedoowaud, Cheby suh goo; keähyahshequawug, dush apeech kesagezewaud.

²⁷ Bahbega dush Jesus oogeguhnoonaun, keëkedood Soongedaäyook, neen suh ween, kagoo sagezekagoon.

²⁸ Peter dush oogenuhquatuhwaun, oo‐oo dush oogeënaun, Tabaningayun, keshpin keen ahyahweyun, ezheshin chenaunzekoonaun emuh oogetebeeg.

²⁹ Oo‐oo dush oogeëgoon, Pemahjaun: Peter dush kahpenesaunduhwad emuh nahbequauning, kebemoosa emuh oogetebeeg chepenaunzekahwaud enewh Jesusun.

³⁰ Uhpe dush wuhyahbundung keche‐nootenenig, kesageze; anemahje‐koonzahbid keähyahshequa, oo‐oo dush keëkedood, Tabaningayun, bemahjeëshin.

³¹ Kazhetena dush Jesus kezhebenekane, kenuhwuhdenaud, oo‐oo dush keënaud, Ahgahwah duhyabwayanduhmun, ahneshwin kahahnuhwanemooyun?

³² Uhpe dush kahpoozewaud emuh nahbequauning, kepoonahnemud.

³³ Egewh dush peendonug kahahyahjig oogepeshahgushketahwahwaun, oo‐oo keëkedoowaud, Kagate suh goo kedow oogwissun owh Kesha‐Muhnedoo.

³⁴ Uhpe dush kahahzhahwahoowaud, keëzhahwug emuh Genesereth duhzhe uhkeeng.

³⁵ Uhpe dush egewh enenewug emuh anduhnuhkejig kakanemahwaud, oogeëzhenahzhahwahwaun emuh kuhkenuh kewetuhkummig, enewh kapetahwahnejin Jesusun kuhkenuh enewh ahyahkoozenejin.

³⁶ Ogenundoodahmahwahwaun dush kuhnuhga chetaungenuhmoowaud emuh tuhtebegwahdanig ewh oopesekoowahgun; Kuhkenuh dush menik kahtaungenahmoowaud keähpeche‐noojemooähwug.