St Matthew 12 - Ottawa New Testament Penteteuch and Psalms 1874

¹ Me ewh uhpe keühneëzhaud owh Jesus aunwabe‐kezhegudenig, emuh buhquazhegunushkoo‐ketegauning; kepuhkuddawun dush ookekenooahmahgunun, oogemahje‐cheshuhnukkebetoonahwah ewh buhquazhegunushk, kemeejewaud dush.

² Uhpe dush egewh Phariseeg wuhyahbuhmahwaud, oo‐oo oogeënahwaun, Benuh, kekekenooähmahgunug ezhechegawug ewh anandahgussenook cheëzhechegangebun ewh aunwabe‐kezheguk.

³ Oo‐oo dush oogeënaun, Kah nuh kedoonjeähginduhsenahwah ewh kahezhechegad owh David, uhpe kepuhkuddad kuhya enewh kahwejewegoojin;

⁴ Kepeendegad emuh Kesha‐Muhneedoo oowegewauming, kuhya keäumwaud enewh wahbundahewawine‐buhquazhegunun, kaäumwahsigoobun ween kuhya enewh kahwejewegoojin, sahsahgewejega‐wenenewug atuh aumwahwaud.

⁵ Kah nah dush kuhya kedoonjeähginduhsenahwah emuh tebahkoonegawining, ewh azhebahnahjetoowaud ewh aunwabe‐kezhik egewh sahsahgewejega‐wenenewug emuh Keche‐ahnuhmeä‐weguhmigoong, kah dush oosettahwanemahsewug?

⁶ Kedenenim dush, Oomah suh ahyah pazhig ahwahshema apetandahgoozid apetandahgwuk ween ewh keche‐ahnuhmeä‐weguhmig.

⁷ Keshpin kekanduhmagoobun azhenessettootahgwuk ewh ekedoowin, Nenundahwandaun shahwanendewin, kahween ewh sahsahgewejegawin, kahween kedahgebahtahmahsewaug egewh majeëzhechegasegoog.

⁸ Owh muh Enene oogwissun oodoogemahkundaun ewh aunwabe‐kezhik.

⁹ Uhpe dush kahuhnemahjaud ewede, kepeendega emuh oodahnuhmeä‐weguhmigoowaung.

¹⁰ Benuh dush, keähyah pazhik enene naboowenikad. Oogekuhgwajemahwaun dush, ekedoowaud, Oonesheshin nuh chenoojemooëwang aunwabe‐kezheguk? cheoonjebahtahmahwaud.

¹¹ Oo‐oo oogeënaun, Ahwanan owh enene kenuhwah anduhcheyag, ayahwaud pazhig enewh mahneshtahneshun, keshpin dush pungeshenenid emuh wahnekauning magwah aunwabe‐kezheguk, kah nuh ween oodahnuhwuhdenahseen, chewekoobenahpun dush?

¹² Kah nuh ween ahwahshema ahpetandadgoozese owh enene owh dush ween mahneshtahnish? Ahneesh! oonesheshin suh chemenoo‐doodahgang aunwabe‐kezhegukin.

¹³ Medush oo‐oo enaud enewh enenewun, Zhebenikanin. Kezhebenikane dush; medush goo kahezhekahyundahwenekad, debeshkoo goo ewh ahzhahwenik.

¹⁴ Egewh dush Phariseeg uhpe kahsahgahumoowaud, mahmahwe kekekedoowug ewh kaëzhechegawaud, chenesahwaud.

¹⁵ Uhpe dush Jesus kahkekandung, ewede keöonjemahjah: oogenoopenuhnegoon dush nebewah enewh ahneshenahban, oogenoojemooäun dush kuhkenuh;

¹⁶ Oogeäungwahmemaun dush chedebahjemegoosig.

¹⁷ Cheoonjedebishkoosag ewh kahekedoopun owh Esaias aunwahjega‐wenene, oo‐oo keëkedood.

¹⁸ Benuh, nenbuhmeetahgun kahwuhwanahbahmug, owh suhyahgeüg, enewh kache‐menwanemahjin owh ninjechaug; Ningahahtahwah nenjechaug, oogahwahbundahaun ewh quuhyuk‐ezhewabezewin enewh mayuggezenejin.

¹⁹ Kahween tahmegahzoose, kah kuhya tahpepahgese; kah kuhya ahweyah oogahnoondunseen ewh oodenwawin emuh meekunaung.

²⁰ Mahyahkushkuk ahsahgunushk kahween oogahpookoobetooseen, kuhya paquananig sasuhbaub kahween oogahahtaünseen, nahnauzh egoo keshinguhdanahzhuhung ewk quuhyukwahdezewin chemahmauzheëwamahguk.

²¹ Egewh dush mayuggezejig oogahahpanemoonahwah ewh oodezhenekahzoowin.

²² Medush uhpe, kepeetahwind pazhik wamujje‐muhnedoomid, kakepeengwad, kuhya natuh‐kekedoosig: oogenoojemooäun dush, me dush goo owh kakepeengwad kuhya natuh‐kekedoosig kekekedood kuhya kewahbid.

²³ Kekeche‐mahmahkahdanduhmoog kuhkenuh egewh ahneshenahbag, oo‐oo dush keëkedoowaud, Kah nuh ween wah‐owh David oogwissun ahwese?

²⁴ Uhpe dush egewh Phariseeg kahnoonduhmoowaud, oo‐oo keëkekoowug, Kahween oosahgejewabenahseen enewh mujje‐muhnedoon, enewh suh ween Beëlzebubun oodoogemahmewaun mujje‐muhnedoog oowedookahgoon.

²⁵ Jesus dush oogekekanemaun ewh ananduhmenid, oo‐oo dush oogeënaun, Anduhching oogemahwewin papukkaun‐anendezoomahguk neshwuhnahdud; kuhya anduhching ewh oodanah gamuh ewh wegewaum mahgahdezoomahguk kahween tahsoongekahbahwemahgussenoon:

²⁶ Keshpin owh Satan sahgechewabenaud enewh Satanun, megahdezoo suh: ahneen dush kaëzhesoongekahbah-wemahgudenig ewh oodoogemahwewin?

²⁷ Keshpin dush neen, owh Beelzebub wedookahwid sahgeje‐wabenugwah mujje‐muhnedoog, ahwananun nungwahnah dush ween wedookahgoowaud egewh kegwissewaug sahgeje‐wabenahwaud? me dush egewh katebahkoonenagoog.

²⁸ Keshpin dush neen wedookahwid Kesha‐Muhnedoo Oojechaugwun sahgeje‐wabenugwah egewh mujje‐muhnedoog, zhuhyegwah kedoodessegoonahwah ewh oodoogemahwewin owh Kesha‐Muhnedoo.

²⁹ Ahneen dush ahweyah kaëzhekushketoopun chepeendegad emuh oowegewauming owh mashkahwezid enene, chemuhkummaud dush enewh ooduhyeëmene? bahmah atuh keminjemahpenaud mashkahwezenejin, medush uhpe chemuhkummahpun enewh ooduhyeemene emuh oowegewaumening atanegin.

³⁰ Owh wahjewesig nemegahnik; kuhya owh wahdookahwesig uhpe mahyahwunjechegayaunin, suhswawabenega suh.

³¹ Mesuh oo‐oo wanjeënenuhgoog, Kuhkenuh ahnooj denoowun mujjeëzhewabezewinun kuhya mujje‐kezhwawinun tahwabenahmahwahwug egewh enenewug; mujje‐duhzhemind atuh owh Keche‐oojechaug kahween tahwabenahmahwahsewug egewh enenewug.

³² Ahwagwan dush kamujje‐duhzhemahgwan enewh Enene oogwissun, tahwabenahmahwah; ahwagwan dush ween mujje‐duhzhemahgwan enewh Keche oojechaugwun, kahween tahwabenahmahwahse, oomah uhkeeng, gamuh ewede katuhgweshenoomahguk uhkee.

³³ Keshpin ooneshesheäg owh metik, tahoonesheshin ewh azhemenewid; gamuh keshpin mujje‐metekooäg, mesuh kaëzhemujjeuhyeëeweshewung oomenewin; azhemenewid suh me owh metik wanjekekandahgoozid.

³⁴ Kenuhwah mujje‐kenabegoong wandahdezeyag, ahneen kaëzhekushketooyag magwah mujje‐ezhewabezeyag chemenoo‐kekedooyag? anushkenag muh oodaëmah mesuh azhekekedoomahguk oodoonemah.

³⁵ Owh menoo enene emuh wanesheshing ahsunjeguning oodaëmah oodoondenaun enewh wenesheshingin; owh dush majeëzhewabezid enene emuh mujje‐ahsunjeguning oodoondenahnun enewh mujje‐uhyeeweshun.

³⁶ Kedenenim suh dush, Anduhching kuhkebahje‐kekedoowin ewh azhekekedoowaud egewh enenewug, tahahgindahmahwahwug tebahkoonewawine‐kezheguk.

³⁷ Me muh enewh kedekedoowinun kaöonjemenwanemegoozeyun, kuhya enewh kedekedoowinun kaöonjenah-neboomegooyun.

³⁸ Medush uhpe kenuhquatahgood ahnind enewh Phariseen kuhya oozhebeëga‐wenenewun, oo‐oo keëgood, Kakenooähmahgayun nenundahwandahmin chewahbunduhmaung kekenoowahjechegun.

³⁹ Oogenuhquatuhwaun dush, oo‐oo keënaud, Majeezhewabezejig kuhya pazhikwahdezejig bamahdezejig oonundahwandahnahwah kekenoowahjechegun: kah dush kuhnuhga kekenoowahjechegun tahmeenahsewug, ewh atuh ookekenoowahjechegun owh aunwahjega‐wenene Jonas:

⁴⁰ Debishkoo muh nesoo‐kezhik kuhya nesoo‐tebik keähyaud owh Jonas emuh oomesudaung owh mesahmag; me nahsaub kuhya ween owh Enene oogwissun nesookezhik kuhya nesoo‐tebik cheähyaud emuh oodaëwung ewh uhkee.

⁴¹ Nineveh duhzhe enenewug oogahweejepuhsegwemahwaun uhpe tebahkoonewang oonoo noongoom bemahdezenejin, oogahnahneboomahwaun dush; keäunwanindezoowug muh kahkuhgekemegoowaud enewh Jonasun; benuh dush ween, ahwahshema apetandahgoozid oomah ahyah owh dush ween Jonas.

⁴² Shahwunoong duhzhe oogemahqua oogahweejepuhsegwemaun oonoo noongoom bamahnezenejin, oogahnahneboomaun dush; ewede muh wuhyaquahkummegaug uhkee kepeöonjebah chebebezindung ewh oonebwahkahwin owh Solomon; benuh dush ween, ahwahshema apetandahgoozid oomah ahyah owh dush ween Solomon.

⁴³ Uhpe suh owh wahnezid muhnedoo kahsahguhungin emuh eneneeng, pahbahmoosa emuh anduhzhe‐nebekahsenook, nundoonaüng ewh aunwabewin, kah dush oomekunseen.

⁴⁴ Me dush uhpe ekedood, Nindahwauj nengahezhekewa emuh newegewauming kahpeoonjesahguhumaun; uhpe dush tagweshing, oomekaun pezheshigwahtanig, cheguhduhegahdanig, kuhya wahwazhechegahdanig.

⁴⁵ Uhnemahjaud dush, oodoodahpenaun neezhwahswe bakahnezenejin muhnedoon ahwahshema majeähyahah-weshewenejin ween dush azheähyaud, kuhya peendegawug, dahwug dush emuh; ewh dush eshquauj azhewabezid owh enene ahwahshema kuhgwahnesuggandahgooze ewh ween azheähyahpun wuhyashkud; me suh kaëzheähyahwaud oogoo noongoom bamahdezejig maje‐ezhewabezejig.

⁴⁶ Magwah kahguhnoonaud enewh ahneshenahban, benuh, oogeen kuhya weejekewayun ahwahjeeng kenebahwewun, nunduhwanemegood ewh cheguhnoonegood.

⁴⁷ Pazhik dush oo‐oo oogeëgoon, Benuh, keguh kuhya keejekewayug ahgwahjeeng nebahwewug, kenundahwanemigoog weguhnoonikwah.

⁴⁸ Oogenuhquatuhwaun dush enewh kahwahweendahmahgoojin, oo‐oo keënaud, Ahwanan nenguh? kuhya ahwananug neejekewayug?

⁴⁹ Kezhebenekatahwaud enewh ookekenooähmahgunun, oo‐oo keëkedood, Mesuh oogoo nenguh kuhya nejekewayug!

⁵⁰ Ahwagwan suh kaëzhechegagwan ewh oodenanduhmoowin owh Noos keche‐kezhegoong ayaud, mesuh owh nekahnis, kuhya nindahwamah kuhya ninguh.