St Matthew 11 - Ottawa New Testament Penteteuch and Psalms 1874

¹ Kepuhgummeähyah dush, uhpe Jesus kaheshquah‐kekedood kekuhgekemaud metahswe‐ahshe‐neezh ookekenooahmahgunun, ewede keöonjemahjah chepahbahkekenooahmahgad, kuhya chepahbahkuhgequad emuh oodoodanahwewaung.

² Kahnoondung dush owh John emuh kebahquahoode‐weguhmegoong ewh kahuhnuhnookeed owh Christ, oogepeëzhenahzhahwaun neezh ookekenooahmahgunun.

³ Oo‐oo keënaud, Keen enuh kedow owh wahpeëzhahgoobunan, gamuh kahyahbe nuh goo bakahnezid nengah-nunduhwahbuhmahnaun?

⁴ Jesus dush oogenuhquatuhwaun, oo‐oo dush keënaud, Mahjaug suh ahwewahbundahik owh John oonoo nwaunduhmagoon kuhya wahyahbunduhmagoon;

⁵ Kakepeengwajig suh wahbewug, mamaunjekoosejig bemoosawug, wamegeejig peeneeähwug, kuhya kakeebeshajig noonduhmoähwug, kuhya naboojig ahbejebahahwng, kuhya katemahgezejig debahjemootahwahwug ewh menwahjemoowin.

⁶ Shawandahgooze dush owh, kaoösettahwanemesigwan.

⁷ Kahuhnemahjahnid, Jesus oogemahje‐guhnoonaun enewh mahyahmahwenoonejin kedebahjemaud enewh Johnun, Wagoonan kahahwewahbunduhmag emuh buhgwuhduhkumig? Ahsahgunushk nuh mamahtahsing?

⁸ Wagoonan nungwuhnah kahahwewahbunduhmag? Enene nuh nwahkookoonuhyad? Benuh suh, oogemah‐weguhmegoong dahwug egewh nwahkookoonuhyajig.

⁹ Wagoonan nungwuhnah kahahwewahbunduhmag? Aunwahjega‐wenene nuh? menungakah, ahwahshema ween keche‐ahpetandahgooze, aunwahchega‐wenene dush ween.

¹⁰ Me muh oo‐oo anahjemind emuh kechetwah‐oozhebeëguning, Benuh, nenegaunahzhahwah nemezhemuhwam kaëneëzhahyun, me owh kawahwazhesetood kedezhahwinun anahsuhmekahbahweyun.

¹¹ Kagate kedenenim, Anduhchewaud egewh equawun kahoonjenegejig kahween ahweyah ketuhgwishinse ahwahshema apetandahgoozid apetandahgoozid owh John Baptizewa‐wenene: owh dush ween kache noondaush ahpetandahgoozid emuh keche‐kezhegoong oonje oogemahwewining ahwahshema ahpetandahgooze dush ween wah‐owh John.

¹² Pahahkoobemahdezid owh John Boptizewa‐wenene nuhnauzh egoo noongoom mushkahwezewining oonje oodahpenegahda keche‐kezhegoong oonje oogemahwewin, kuhya egewh mashkahwezejig ketwa oodoodahpenahnahwah,

¹³ Kuhkenuh muh egewh aunwahjega‐wenenewug kuhya ewh tebahkoonegawin keäunwahjegawug nahnauzh egoo John ketuhgwishing.

¹⁴ Keshpin dush enanduhmag cheoodahpenahmag, mesuh wah‐owh Elias wahpeëzhahgoobunan.

¹⁵ Ahwagwan watuhwagwahgwan chebezindung, mahnoo tahbezindum.

¹⁶ Ahneen dush kaëzheähwaügwah oogoo noongoom bamahdezejig? Tahbeshkoo suh ahbenoojeyug namuhduhbejig emuh ahtaunde‐weguhmigoong, oo‐oo azheguhnoonahwaud enewh wejekewaëwaun.

¹⁷ Oo‐oo dush ekedoowaud, Kegebebegwatahgoom, kah dush kegenemeseem; ahnoo kuhya kegemuhwemegoom, kah dush kegekushkanduhseem.

¹⁸ Kepeëzhah muh owh John kahween kewesenese kah kuhya kemenequase, oo‐oo dush ekedoowug, Ookekishkahwaun enewh mujje‐muhnedoon.

¹⁹ Owh dush Enene oogwissun kepeëzhah wesenid kuhya menequad, oo‐oo dush ekedoowug, Benuh enene nabahdezid, kuhya natah‐menequad, oowedookahwaun enewh mahwunjechega‐wenenewun kuhya majeëzhewabezenejin. Ewh suh nebwahkahwin oomenwanemegoon enewh tebenuhwa oonejahnesun.

²⁰ Me dush kemahje‐nuhneebekindung enewh oodanahwun emuh kahduhzhe‐keche‐mahmaundahwejegad, ewh keäunahwanendezoosigwah.

²¹ Kuhgwahnesugguhkummig suh keen, Chorazin! kuhgwahnesugguhkummig keen, Bethsaida! keshpin mahween enewh mahmaundah‐ahnookewinun kahezhechegang emuh ahyahyun, keëzhechegangebun emuh Tyreing kuhya Sidoning, maweshah tahgeäunwanendezoowug emuh mushkemoodawagining kuhya pengweeng.

²² Kedenenim suh dush nahwuj puhbanuk tahdoodahjegahda ewh Tyre kuhya ewh Sidon uhpe tebahkoonewawine‐kezheguk, kenuhwah dush ween.

²³ Keen dush Capernaum, keche‐kezhegoong enuhkayah wambewejegahzooyun, kegahneswabenegoo emuh mujje‐eshkootang; Keshpin muh enewh mahmaundah‐ahnookewinun, kahezhechegang emuh keen ahyahyun, keëzhechegangebun emuh Sodoming, nahnauzh egoo noongoom‐kezheguk tahgeähyahmahgud.

²⁴ Oo‐oo suh dush kedenenim, Nahwuj puhbanuk tahdoodahjegahda ewh Sodom‐duhzhe‐uhkee uhpe tebahkoonewawine‐kezheguk, keen dush ween.

²⁵ Jesus dush ewh uhpe kenuhquatum, oo‐oo dush keëkedoo, Kemahmooyahwahmin, oh Noosa! Tabanduhmun ewh kezhik kuhya ewh uhkee, kekahdahmoowudwah oonoo uhyeëen egewh nabwahkahjig, kekekanduhmoonudwah dush egewh ooshke‐ahbenoojeyug.

²⁶ Mesuh ewh, Noosa: kahezhemenwahbunduhmun oo‐oo cheëzhëwabuk.

²⁷ Kuhkenuh suh ahnooj gagoo nengepuggedenemaug owh Noos: kah dush ahweyah ookekanemahseen enewh Wagwesememinjin owh suh atuh Wayoosemind; kah kuhya ahweyah ookekanemahseen enewh Wayooseminjin me atuh owh Wagwissemind, kuhya ahwagwanewagwan dush owh Wagwessemind kawewahbundahahgwanun.

²⁸ Penaunzekahweshig, kenuhwah kuhkenuh quatuggeahnookeyag kuhya pwahyahwuhnayag, kegahaunwabëenim dush.

²⁹ Oodahpenahmahdezooyook nenahbekahwahgun, bezinduhweshig dush azhekekenooahmahgayaun; nenookahdiz muh kuhya nendahbussanim emuh nendaïng: kegahmekahnahwah dush aunwabewin emuh kejechaugoowaung.

³⁰ Wanepunud muh nahbekahming nenahbekahwahgun, kuhya naungun ewh nemewunekaun.