St Matthew 10 - Ottawa New Testament Penteteuch and Psalms 1874

¹ Uhpe dush kahnundoomaud metahswe‐ahshe‐neezh ookekenooahmahgunun, oogemeenaun kushkeäwezewin chesahgejewabenahnid mujje‐muhnedoon, kuhya chenoojemootoonid kuhkenuh ahkoosewinun kuhya nuhnepezewinun.

² Mesuh oonoo oodezhenekahsoowinewaun egewh matahswe‐ahshe‐neezhejig apostleüg; netum, owh Simon, Peter azhenekahzood, kuhya Andrew wejekewayun; James oogwissun owh Zebedee, kuhya John wejekewayun;

³ Philip, kuhya Bartholomew; Thomas kuhya Matthew owh mahwunjechega‐wenene; James oogwissun owh Alpheus, kuhya Lebbeus kahduggooweenzood Thaddeus;

⁴ Simon Zelotes, kuhya Judas Iscariot, me suh owh, kahbahtahaud enewh Jesusun.

⁵ Oonoo metahswe‐ahshe‐neezh owh Jesus oogemahjenahzhahwaun, keähnoonaud, oo‐oo keëkedood, Emuh oomeekunahwaung egewh mayugezejig kagoo uhneëzhahkagoon, kuhya emuh oodoodanahwewaung egewh Samaritineüg kagoo peendegakagoon:

⁶ Ezhahyook suh goo atuh egewh mahneshtahneshug waneshengig oowegewauming owh Israel dabandahgoozejig.

⁷ Anepahbahmahdezeyag, debahjemooyook, oo‐oo kaekedooyag, Pashoo peähyahmahgud ewh Keche‐kezhegoong oonje oogemahwewin.

⁸ Noojemooïk egewh ahyahkoosejig, oonishkahnik naboojig, peeneïk egewh wamegeejig, sahgechewabenik egewh mujje‐muhnedoog: wanepuzh kegeöodahpenahnahwah, wanepuzh meegewayook.

⁹ Kagoo tebenewawezekagoon ewh oozahwah‐shooneyah, gamuh wahbe‐shooneyah, gamuh oozahwahbekoonsun emuh kekechepezoowinewaung.

¹⁰ Kagoo kuhya ahyahwahkagoon ewh nuhwuhpoowenene‐mushkemood emuh meekunaung, kagoo kuhya ahyahwahkagoon naneezh pesekoowahgunun kuhya metikwuhkessenun, kagoo kuhya ahyahwahkagoon enewh suhkuhoonun; enandahgooze muh owh anookeetahgad cheähshummind.

¹¹ Kaënepeendegawagwanun dush enewh oodanahwun, kuhgwadwayook emuh ahwagwan apeetandahgoozegwan; me emuh kadahyag nahnauzh egoo uhnemahjahyag.

¹² Uhpe dush anepeendegayagoon emuh wegewauming, uhnemekahwik suh.

¹³ Keshpin dush ahpetandahgwuk ewh wegewaum, mahnoo kepezaunewawinewah tahduhnezemahgud emuh; keshpin dush ahpetandahgwussenook, nayaub suh kegahoodessegoonahwah kepezaunewawinewah.

¹⁴ Ahwagwan kaoodahpenesenoowagwan, kuhya kabezinduhsegwan enewh kedekedoowinewah, uhpe uhnesahguhumag emuh wegewauming gamuh emuh oodanaung pahpahwuhkessenashemoonoog.

¹⁵ Kagate kedenenim, nahwuj puhbanug tahdoodahchegahda ewh Sodom kuhya Gomorrah duhzhe uhkee uhpe tebahkoonewa‐kezheguk, ewh dush ween oodanah.

¹⁶ Benuh, kedezhenahzhahoonim debishkoo mahneshtahneshug emuh anduhzhe‐maheengunekaug: kenabegoong ezhenebwahkahyook, kuhya keche‐oomemeeng ezhebakah-bemahdezeyook.

¹⁷ Aungwahmezeyook gagoo chedoodoosenagwah egewh enenewug: kegahpuhgedenegoowaug muh emuh anduhzhe-mahmahwe‐tebahkoonegawaud, kuhya kegahpuhzhunzhaöogoowaug emuh oodahnuhmeä‐weguhmegoowaung.

¹⁸ Kegahezhewenegoom dush emuh enahsuhmuhbewaud egewh oogemaug kuhya keche‐oogemaug neen oonje, kuhya cheoonjetebahjemootahwagwah egewh, kuhya egewh mayuggezejig.

¹⁹ Uhpe dush kepuggedenegooyag, kagoo oondummandunkagoon ewh kaëkedooyag; ewh suh uhpe kegahmeenegoom ewh kaëkedooyag.

²⁰ Kah mahween kenuhwah kegahkekedooseem, owh suh atuh Koosewah Oojechaugwun tahkekedoo peenjenah keyowewaung.

²¹ Enene suh oogahpuhgedenaun enewh wejekewayun chenesemind, kuhya owh wagwessid oogahpuhgedenaun enewh oogwissun: kuhya dush wanejahnesemindjig oogahnoosoonawahwaun enewh ooketezemewaun, kuhya tahahnookeewug chenesemind.

²² Kegahsheenganemegoowaug dush kuhkenuh enenewug nendezhenekahzoowin oonje; owh dush nahnauzh wuhyaquah‐ahyaug kaäungwahmezid tahbemahjeäh.

²³ Uhpe dush noosoonooënagwah emuh pazhik oodanaung, pakahnuk ezhenezhemooyook; kagate muh kedenenim, Kahween kegahtachahgeshkunsenahwah enewh Israel duhzhe oodanahwun, chepwah tuhgweshing owh Enene oogwissun.

²⁴ Kahween ahwahshema ahpetandahgoozese owh kekenooähmahgun apetandahgoozenid enewh kakenooahmahgoojin, kuhya owh buhmeetahgun kahween ahwahshema ahpetandahgoozese apetandahgoozenid oodoogemahmun.

²⁵ Me menik suh kishpin ahpetandahgoozid owh kekenooahmahgun apetandahgoozenid enewh kakenooahmahgoojin, kuhya owh buhmeetahgun apetandahgoozenid oodoogemahmun. Kishpin Beëlzebub ezhenekahnahwaud enewh wawegewahmenejin, ahneen menik ahwahshema kaëzhenekahnahwaud enewh dabandahgoozenejin emuh weewauming?

²⁶ Kagoo koosahkagoon egewh, kah muh gagoo kahjegahdasenoon, me atuh kapuggukkanjegahdag; kah dush gagoo keemooj ahtasenoon, me atuh kamezheshuhwejegahdag.

²⁷ Oo‐oo suh waunduhmoonuhgoog emuh pesuhgish‐tebik, me ewh kawahweenduhmag emuh wahsayahzewening: Kuhya oo‐oo waunduhmoonuhgoog emuh ketuhwuggahwaung, me ewh kawahweenduhmag oogedeguhmig.

²⁸ Kagoo kuhya koosahkagoon egewh natoojig ewh weyowemah, kushketoosegwah chenesahwaud oojechaugoomaun: ahwahshema dush koosik owh kasketood chebahnahjeäud enewh oojechaugoomaun kuhya weyowemaun emuh mujje‐ishkootang.

²⁹ Kah muh ween pazhik shoomahnekans enegeenzoosewug neezh penasewug? kah dush ween kuhnuhga pazhig oogoo tahpungeshinse, kishpin enanduhsig owh Koosewah.

³⁰ Ahginjegahdawun suh kuhkenuh enewh kenessesewaun emuh keshtequanewaung.

³¹ Kagoo dush sagezekagoon, ahwahshema kenuhwah kedahpetandahgoozeem apetandahgoozewaud dush ween nebewah penaseüg.

³² Ahwagwan dush ween kawahweezhegwan emuh anahsuhmewaud egewh enenewug, mesuh owh kuhya neen kawahweenug emuh enahsuhmuhbid owh Noos keche‐kezhegoong ayaud.

³³ Ahwagwan dush kaähgoonwatahwegwan emuh enahsuhmewaud enenewug, mesuh owh kuhya neen kaähgoonwatahwug emuh enahsuhmuhbid Noos keche‐kezhegoong ayaud.

³⁴ Kagoo enanemeshekagoon chepuhgedenuhmaun ewh pezaune‐bemahdezewin oomuh uhkeeng peoönjeëzhahyaun; kahween nepeoonjeëzhahse chepuhgedenuhmaun ewh pezaune‐bemahdezewin, ahzhahwashk suh atuh.

³⁵ Nempeoonjeëzhah suh ween chepuhgedenuhmaun ewh kekaundewin, owh enene chekekahmaud enewh oosun, owh dush wadahnesemind enewh oogeen, kuhya owh wasemind enewh oosegoosessun.

³⁶ Mesuh enewh emuh andaud ayahnejin kamegahneood owh enene.

³⁷ Ahwagwan ahwahshema suhyahgeähgwan enewh oosun gamuh oogeen apeech neen azhesahgeïd kahween ahpetandahgoozese chebuhmeetuhwid; owh dush ahwahshema suhyahgeäud enewh oogwissun gamuh oodahnissun apeech neen azhesahgeïd kahween ahpeetandahgoozese chebuhmeetuhwid.

³⁸ Ahwagwan dush kaöodahpenunsegwan oodahzhedayahtegoom, noopenuhzhesig dush, kahween ahpetandahgoozese chebuhmetahwid.

³⁹ Owh dush makung ewh oobemahdezewin oogahwuhnetoon: owh dush kawuhnetood oobemahdezewin neen oonje oogahmekaun suh.

⁴⁰ Owh suh wadahpenenoowagwan me suh goo kuhya neen wadahpenid; kuhya owh wadahpenegwan me suh kuhya goo wadahpenaud enewh kahahnoozhejin.

⁴¹ Owh suh kaöodahpenahgwan enewh aunwahjega‐wenenewun emuh oodezhenekahzoowining owh aunwahjega‐wenene oogahoodahpenaun ootebahahmahgoowin owh aunwahjega‐wenene; owh dush kaöodahpenahgwan enewh manoo‐ezhewabezenejin emuh oodezhenekahzoowining owh manoo‐ezhewabezid ootebahahmahgoowin owh manoo‐ezhewabezid oogahoodahpenaun.

⁴² Ahwagwan dush ningoo‐menequahjegauns tuhkegumme kameenahahgwan pazhik oonoo agahsheënejin emuh oodezhenekahzoowining owh kekenooahmahgun, kagate kedenenim, kah bahbahpish oogahwuhnetooseen ewh ootebahahmahgoowin.