St Matthew 1 - Ottawa New Testament Penteteuch and Psalms 1874

¹ Mesuh oo‐oo muzzeneëgun tabahjemoomahguk ewh kahoondahdezid owh Jesus Christ, oogwissun owh David Abraham oogwissun.

² Abraham oogeöogwissenun Isaacun; Isaac dush oogeöogwissenun Jacobun; Jacob dush oogeöogwissenun Judasun kuhya weejekewaëne.

³ Judas dush oogeöogwissenun Pharezun kuhya Zaraün Thamarun oonje; kuhya dush owh Pharez oogeöogwissenun Ezromun; kuhya dush owh Ezrom oogeöogwissenun Aramun.

⁴ Kuhya dush owh Aram oogeöogwissenun Aminadabun; kuhya dush owh Aminadab oogeöogwissenun Naasonum kuhya dush Naason oogeöogwissenun Salmonun.

⁵ Kuhya dush owh Salmon oogeöogwissenun Boozun Rachabun oonje; Kuhya dush owh Booz oogeöogwissenun Obedun Ruthun oonje: kuhya dush owh Obed oogeöogwissenun Jesseün.

⁶ Kuhya dush owh Jesse oogeöogwissenun Davidun keche‐oogemaun; kuhya David keche‐oogemah oogeöogwissenun Solomonun oonje owh Uriah kahwedegamahpuneen.

⁷ Kuhya dush owh Solomon oogeöogwissenun Roboamun; kuhya owh Roboam oogeöogwissenun Abiaün; kuhya dush owh Abia oogeöogwissenun Asaün.

⁸ Kuhya dush owh Asa oogeöogwissenun Joshaphatun; kuhya dush owh Josaphat oogeöogwissenun Joramun; kuhya dush owh Joram oogeöogwissenun Oziäzun.

⁹ Kuhya dush owh Ozias oogeöogwissenun Joathamun; kuhya dush owh Joatham oogeöogwissenun Achazun; kuhya dush owh Achaz oogeöogwissenun Ezekiasun.

¹⁰ Kuhya Ezekias oogeöogwissenun Manassesun; kuhya dush owh Manasses oogeöogwissenun Amonun; kuhya Amon oogeöogwissenun Josiasun.

¹¹ Kuhya dush owh Josias oogeöowissenun Jechoniasun kuhya weejekewaëne ewh uhpe keëzhewenindwah emuh Babyloning.

¹² Uhpe dush kahpenindwah emuh Babyloning, owh Jechonias oogeöogwissenun Salathielun; kuhya dush owh Salathiel oogeöogwissenun Zorobabelun.

¹³ Kuhya dush owh Zorobabel oogeöogwissenun Abiudun; kuhya dush owh Abiud oogeöogwissenun Eliakimun; kuhya dush owh Eliakim oogeöogwissenun Azorun.

¹⁴ Kuhya dush owh Azor oogeöogwissenun Zadocun; kuhya dush owh Zadoc oogeöogwissenun Achimun; kuhya dush owh Achim oogeöogwissenun Eliudun.

¹⁵ Kuhya dush owh Eliud oogeöogwissenun Eliazarun; kuhya dush owh Eliazar oogeöogwissenun Matthanun kuhya dush owh Matthan oogeöogwissenun Jacobun.

¹⁶ Kuhya dush owh Jacob oogeöogwissenun Josephun oonahbamun owh Mary, mesuh enewh kahnegeëgood Jesus, Christ anind.

¹⁷ Mesuh kuhkenuh ahneka‐bemahdezewinun Abraham oonje nahnauzh egoo David metahswe‐ahshe‐newinoon ahneka‐bemahdezewinun; kuhya David oonje nahnauzh egoo keëzheweneding emuh Babyloning metahswe‐ahshe‐newinoon ahneka‐bemahdezewinun; kuhya kahahkoo-ezheweneding emuh Babyloning nahnauzh egoo Christ metahswe ahshe‐newinoon ahneka‐bemahdezewinun.

¹⁸ Oo‐oo suh keëzhenege owh Jesus Christ: Uhpe enewh oogeen Maryun kahkekekwabahnegoonid Josephun, chepwah wedegandewaud, kekekandahgooze keähyahwaud ahbenoojeyun oonje enewh Keche‐oojechaugwun.

¹⁹ Oonahbamun dush Joseph, menoobemahdezenegoobun, kah dush oogeënanemahseen mezheshuh chekekanememind, keënandum edush ewh keemooj chewabenaud.

²⁰ Magwah oonoo uhyeëen nahnahgahdahwandung, benuh oogepenaunzekahgoon oodangenemun owh Tabanengad emuh enahbunduhmoowining, akedoonid, Joseph wagwesemik owh David, kago ween shahgwanemookan cheöodahpenuhmahzooyun owh Mary kewedegamahgun, ewh muh kakishkingin Keche oojechaugoong oonje mahkunene.

²¹ Oogahnegeäun dush enewh oogwissisemaun, Jesus dush kegahezheweenah, oogahbemahjeäun muh oodahneshenahbamun oonje oomujje‐ezhewabezeweneneeng.

²² Kuhkenuh dush oo‐oo keëzhewabud chedebishkoosag kahekedoopun owh Tabanengad, oonje aunwahjega‐wenenewun.

²³ Benuh owh kegaungooqua oogahahyahwaun ahbenoojeün, oogahnegeäun dush enewh oogwissisun, Emmanuel dush oogahedahnahwah oodoonoozoowin, me suh ahneekuhnootuhming, Kesha‐Muhnedoo waujeweemenung.

²⁴ Kahooneshkaud dush owh Joseph ewh kenebaud, keëzhechega ewh kahegood enewh Kesha Muhnedoo oodangenemun, keöodahpenaud dush enewh wewun.

²⁵ Kah dush oogekekanemahseen nahnauzh egoo kahnegeähnid enewh oonetumoozhahnun oogwissun, Jesus dush oogeëzheweendaun oodoonoozoowin.