ST. MARK 9 - Ottawa New Testament Penteteuch and Psalms 1874

¹ Oo‐oo dush oogeënaun, Kagate kedenenim, Ahnind oomuh nahbahwejig kahween tahneboosewug, chepwah wahbunduhmoowaud oodoogemahwewin owh Kesha Muhnedoo emuh mushkahwezewining chetuhgwishinoomahguk.

² Bahnemah dush kahningoodwahsoogoonahguk owh Jesus oogeweejewaun enewh Peterun, kuhya Jamesun, kuhya Johnun, oodezheweenaun dush emuh ashpudenahnig wahjewh wenuhwah atuh: kequakenahgoozeäh emuh enahsuhmenid.

³ Kuhya oodahgwewinun kewahsayahne, kekeche‐wahbishkahne debishkoo goo kooning; kahween ahweyah mahyahnetoowaginekad oomuh uhkeeng oodahkushketooseen ewh menik chezhewahbishketood.

⁴ Oogewahbuhmahwaun dush enewh Eliasun, kuhya Mosesun guhnoonahnid enewh Jesusun.

⁵ Peter dush oogenuhquatuhwaun enewh Jesusun, oo‐oo keënaud, Rabbi, keche oonesheshin oomuh cheduhnezeyung: tuhguh ningahoozhetoonahnin neswe wegewaumun, keen pazhik chedahyun, kuhya dush ween Moses pazhik, kuhya Elias pazhik.

⁶ Kah muh oogekekanduhseen wahekedood; kekeche‐sagezewug muh.

⁷ Oogeähgwunishkahgoonahwah dush ewh ahnuhquudoong keöonjeähyahmahgud ewh enwawin, oo‐oo ekedoong, Mesuh wah‐owh ningwis suhyahgeüg; mesuh wah‐owh kabezindahwag.

⁸ Kahwuhnuhpe dush, uhpe kewetahyuhee kahenahbewaud, kahween ahweyah oowahbuhmahsewaun, me atuh Jesusun wahjewegoowahjin.

⁹ Magwah dush penesahkewawaud oonje wahjewing, oogeäungwahmemaun cheweenduhmoowahsigwah ahweyah enenewun ewh kahwahbunduhmoowaud, bahmah atuh keähbejebaud owh Enene oogwissun.

¹⁰ Oogeguhnahwandahnahwah dush ewh ekedoowin, keguhnoonindewug dush azhenesittootahgwudoogwan ewh ahbejebahwin.

¹¹ Oogeguhgwajemahwaun dush, oo‐oo keënahwaud, Ahneeshwin ekedoowaud egewh oozhebeëga‐wenenewug, netum chewepeëzhaud owh Elias?

¹² Oogenuhquatuhwaun dush, oo‐oo keënaud, Kagate netum peëzhah owh Elias, kuhya oodaunjetoonun kuhkenuh uhyeëen; kuhya oozhebeëgahdag, owh enene oogwissun nebewah chewekooduggandung, kuhya cheneshebahpenoodahwind.

¹³ Kedenenim suh dush, Ahzhe kepetuhgwishin owh Elias, kahuhyenanemahwaud dush oogedoodahwahwahwaun, debishkoo azhebeëgahdag ween duhzhemind.

¹⁴ Uhpe dush kahoodissaud enewh kekenooähmahgunun, oogewahbuhmaun nebewah ahnishenahban emuh cheähyahnid, kuhya enewh oozhebeëga‐wenenewun chekuhgwajemegoowaud.

¹⁵ Kazhetena dush egewh mahyahmahwenoojig, uhpe wahyahbuhmahwaud, kekeche‐mahmahkahdanduhmoog, kuhya dush kahahpuhtoowaud emuh ahyahnid, oogeähnemekahwahwaun dush.

¹⁶ Oogeguhgwajemaun dush enewh oozhebeëga‐wenewun, Ahneesh azhekuhgwajemagwah oogoo?

¹⁷ Pazhik dush ahnishenahba kenuhquatum, oo‐oo keëkedood, Kakenooähmahgayun, kegepetuhmoon owh ningwis, ookekishkahwaun suh goo enewh natuh‐kekedoosenegoon muhnedoon;

¹⁸ Tebe dush goo oodahpenegoogwan, ootahtoobenegoon kuhya petawahnuhgedoona, kuhya muhmuhtwayah-betasa, kuhya ashkum ooshkuneze: ningeënaug dush egewh kekenooähmahgunug chesahgeje‐wabenahwaud; kah dush kekushkeöosewug.

¹⁹ Ween dush oogenuhquatuhwaun, oo‐oo keëkedood, Oh tuhyabwayanduhsewag bamahdezeyag, ahneen menik kaweejewenuhgoog? ahneen menik mahnoo kaënaneme-nuhgoog? petahweshig.

²⁰ Oogepetahwahwaun dush: uhpe wuhyahbuhmaud, kazhetena oogepegoobenegoon enewh mujje‐muhnedoon: metushkuhkummig dush keëzhepungeshin, kuhya ketuhtebeshemoonood kuhya kepetawetoona.

²¹ Oogeguhgwajemaun enewh wagwissenejin, Ahneen menik oo‐oo azheähyaud? Oo‐oo dush oogeëgoon, Kahahkoo‐ahbenoojeëwid.

²² Nuhningim dush oodahpuggenegoon emuh ishkootang, nuhningim dush emuh nebeeng, cheöonjebahnahjeäud: keen kishpin gagoo kushketooyun, shahwanemeshenaum, kuhya wedookahweshenaum.

²³ Jesus dush oo‐oo oogeënaun, Kishpin suh kushketooyun chedabwayanduhmun, ahnooj gagoo ookushketoon owh duhyabwayandung.

²⁴ Bahbega dush owh wanejahnesid oo‐oo keënuhdamoo, Tabaningayun, nindabwayandum; wedookahweshin neen natuh‐dabwayanduhsewaun.

²⁵ Uhpe dush owh Jesus wuhyahbuhmaud enewh ahnishenahban mahmahwe pejeputtoonid, oogenuhnebekemaun enewh wahnezenejin muhnedoon, oo‐oo dush keënaud, Natuh‐kekedoosewun kuhya kakebeshayun muhnedoo, kekuhgaunzoomin, chepesahgezekahwud, kuhya kagoo menuhwah peendegashkahwahkan,

²⁶ Owh dush muhnedoo keähyahshequa, kuhya kahkeche‐pegoobenaud, oogesahgezekahwaun: debishkoo nabood keëzheähyah; nebewah dush keëkedoowun, Keneboo,

²⁷ Jesus dush oogesuggeneejenaun, kuhya oogeöombenaun; keöonishkahwun dush,

²⁸ Uhpe dush kahpeendegad emuh wegemauming, keemooj enewh kekenooähmahgunun oogeguhgwajemegoon, Ahneeshwin kahkushketoosewaung nenuhwind chesahgeje‐wabenungid?

²⁹ Oo‐oo dush oodenaun, Kah suh oo‐oo denoowah gagoo oonjesahgahunse, me atuh ahnuhmeätahgoozewin kuhya keëkwishemoong oonje.

³⁰ Ewede dush kahoonjemahjahwaud, oogeshahbooshkahnahwah ewh Galilee; kah dush ween keënanduhse ahweyah chekekanduhmenid.

³¹ Oogekekenooähmahwaun muh enewh ookekenooähmuhgunun, oo‐oo dush keënaud, Owh Enene oogwissun puggedenegahzoo emuh ooneenjening enewh enenewun; me suh enewh kanesegoojin; uhpe dush kenesind, nesoogoonuhguk tahahbejebah.

³² Kah dush oogenesittootunsenahwah oo‐oo ekedoowin, keähgwushkewug dush wekuhgwajemahwaud.

³³ Kepetuhgwishin emuh Capernauming; peendig dush wegewauming keähyaud, oogekuhgwajemaun, Wagoonash ewh emuh meekunaung kahkuhgwajindeyag?

³⁴ Kah dush gagoo keëkedoosewun; emuh meekunaung kekuhgwajindewug, ahwanan kache‐ahpetandahgoozid.

³⁵ Kenuhmuhduhbe dush, kuhya dush oogenundoomaun enewh metahswe‐ahshe‐neezh ookekenooähmahgunun, oo‐oo dush keënaud, Kishpin ahweyah nunduhwandung chenegaunezid, mahnoo wah‐owh tahahpeche‐dahbussandahgooze, kuhya oogahbuhmeetahwaun kuhkenuh.

³⁶ Oogeoodahpenaun dush enewh ahbenoojeün, oogeahsaun dush emuh nahwuhyeëe ahyahnid ookekenooähmahgunun: uhpe dush kahoodahpenaud emuh oonikaung, oo‐oo oogeënaun enewh ookekenooähmahgunun,

³⁷ Ahwagwan kaöodahpenahgwan pazhik oonoo doowun ahbenoojeün emuh nindezhenekahzoowining, neen nindoodahpenik; ahwagwan dush wadahpenegwan, kahween neen nindoodahpenegoose, enewh suh ween anoozhemenejin oodoodahpenaun.

³⁸ John dush oogenuhquatuhwaun, oo‐oo keëkedood, Kakenooahmahgayun, ningewahbuhmahnaun pazhik enene sahgeje‐wabenaud enewh mujje‐muhnedoon emuh kedezhenekahzoowining, kahween dush ningebahbahweejewe-goosenaun; ningeöonjeähnaun dush, oonje ewh kenoopenunesenoonung.

³⁹ Jesus dush keëkedoo, Kagoo oonjeähkagoon; kah muh ahweyah kamahmaundahwejegad emuh nindezhenekahzoowining, tahkushketoose wanepuzh chemujje‐duhzhemid,

⁴⁰ Owh mahgahnesenoonung kewedookahgoonaun.

⁴¹ Ahwagwan suh kamenenoowagwan pazhik menequahjegauns nebe, emuh nindezhenekahzoowining, oonje debandahgoozeyag emuh Christing, kagate kedenenim, kahween oogahwuhnetooseen ootebahahmahgoowin.

⁴² Ahwagwan dush kamujje‐doodahwahgwan pazhik oonoo agahsheënejin tuhyabwayanemejin, ahwahshema tahoonesheshenene, cheahgoonemind ewh pootahgun‐ahbekoon emuh ooquagunaung, emuh dush kechegummeeng cheähpuggenindebun.

⁴³ Kuhya kishpin keneenj oonje mujje‐ezhechegayun, kishkezhun; tahoonesheshin mahkezeyun chepeendegayun emuh bemahdezewining, ewh dush ween ahnoo neezhoo-neenjeyun cheähpuggenegooyunbun emuh mujje‐ishkootang, wekah kaähtaëgahdasenook ishkoota.

⁴⁴ Emuh suh oomuhnetoonsemewah neboosenid, kuhya ishkoota wekah kaähtaëgahdasenook.

⁴⁵ Kishpin dush kesit oonjemujje‐ezhechegayun, kishkezhun: oonesheshin muh ahnoo mahkezeyun chepeendegayun emuh bemahdezewining, dush ween neezhoo-sittayun cheähpuggenegooyunbun emuh mujje‐ishkootang, wekah kaähtaëgahdasenook ewh ishkoota:

⁴⁶ Emuh suh oomuhnetoonsemewah neboosenid, kuhya ewh ishkoota wekah ahtaëgahdasenook.

⁴⁷ Kishpin dush kishkinzhik oonjemujje‐ezhechegayun, kejebetoon; oonisheshin ewh pazhikooshkinzhegwayun chepeendegayun emuh oodoogemahwewining owh Kesha‐Muhnedoo, ewh dush ween ahnoo neezhooshkinzhegwayun cheähpuggenegooyunbun emuh mujje‐ishkootang:

⁴⁸ Emuh suh oomuhnetoonsemewah neboosenid, kuhya ewh ishkooda wekah kaähtaëgahdasenook.

⁴⁹ Kuhkenuh tahezheshewetahgunegahzoowug ewh ishkooda; kuhya kuhkenuh enewh sahsahgewejegunun tahshewetahgunegahdawun ewh shewetahgun oonje.

⁵⁰ Oonishishin suh goo ewh shewetahgun: kishpin dush keëshquah‐shewung ewh shewetahgun, wagoonan kaähyooyag cheöonjeshewungebun? Ahyahmook suh ewh shewetahgun emuh peenjenah keyowewaung, kuhya puhpezaun-anindeyook mamashquaud.