ST. MARK 7 - Ottawa New Testament Penteteuch and Psalms 1874

¹ Kepemahwunjeëdewug dush egewh Phariseeg, kuhya ahnind oozhebeëga‐wenenewug, kepenaunzekahwahwaud enewh Jesusun, Jerusaleming kepeöonjebahwug.

² Uhpe dush wuhyahbuhmahwaud ahnind ookekenooahmahgunun cheäumwahnid bahquazhegun pwah‐kesebegeneenjenid, kewuhsittahwanduhmoog.

³ Egewh muh Phariseeg, kuhya kuhkenuh egewh Jewyug kahween wesenesewug, bahmah atuh ayahpe kahkahsebegeneenjewaud, guhnuhwanduhmoowaud enewh ookuhgequawinewaun egewh katezejig.

⁴ Kuhya uhpe wanjebahwahjin emuh ahtaundewining, kahween wesenesewug, bahmah atuh kahkesebegeneenjewaud. Kuhya dush nebewah pakaunukin oodoodahpenahnahwah cheguhnuhwanduhmoowaud, me enewh chekesebegenuhmoowaud menequahjegunun, kuhya ahkeekoon, kuhya oozahwahbik‐oonahgunun, kuhya nebahgun‐ahkoon.

⁵ Medush kekuhgwajemegood enewh Phariseen, kuhya enewh oozhebeëga‐wenenewun, Ahnishwin ezhewabezesigwah kekekenooahmahgunug debishkoo akedoomahguk ookuhgequawinewah egewh katezejig, wesenewaud dush pwah‐kesebegeneenjewaud?

⁶ Oogenuhquatuhwaun dush oo‐oo keënaud, Kagate quuhyuk keäunwahjega owh Esaias kenuhwah anuhmeäkahzooyag keduhzhemenag, oo‐oo azhebeëgahdag, Mahmig ahnishenahbag nepeshegandahgooëgoog emuh oodoonewaung, emuh dush oodaëwaung wahsuh ninduhyenanemegoog.

⁷ Ahneshah suh nindoojecheengwuhnetahgoog, enenewug ookuhgequawinewaun azhekuhgequawaud.

⁸ Ewh suh wabenuhmag ookuhgequawinun owh Kesha‐Muhnedoo, keguhnuhwandahnahwah ookuhgequawinewaun egewh enenewug, me ewh chekesebegenindwah egewh ahkeekoog kuhya menequahjegunun: nebewah dush oonoo denoowun kedezhechegam.

⁹ Oo‐oo kuhya oogeënaun, Kemenoojegam enunga bahnahjetooyag ookuhgequawin owh Kesha‐Muhnedoo, cheoonjeguhnahwanduhmag tebenuhwa kekuhgequawinewaun.

¹⁰ Moses dush keëkedoo, Kechetwahwanim koos kuhya keguh: kuhya, Owh dush maje‐guhnoonaud enewh oosun gamuh enewh oogeen, ahbetakummig tahneboo:

¹¹ Kenuhwah dush kedekedoom, Keshpin enene oo‐oo enaud enewh oosun gamuh enewh oogeen, Korban, (mesuh aduhming, meegewawin,) ewh kagemeenenaunbaun, kahween oogahmeenahseen.

¹² Kah dush keduhyenanemahsewah kuhnuhga gagoo chemeenoo‐doodahwaud enewh oosun gamuh enewh oogeen;

¹³ Kebahnahjetoonahwah suh oodekedoowin owh Kesha‐Muhnedoo, kekuhgequawinewaun oonje; Keche nebewah oonoo denoowun kedezhechegam.

¹⁴ Uhpe dush kahnundoomaud kuhkenuh enewh ahnishenahban, oo‐oo keënaud, Bezindahweshig kenuhwah kuhkenuh, kuhya nesittootuhmook:

¹⁵ Kahween gagoo ahgwahjuheëeng atag, kishpin peendegamahguk emuh peenjenah weyowing tahoonjekahgwahnesuggeähse owh enene: enewh atuh wanjesahguhummoomahgukkin emuh ooweyowing, me enewh wenishkahgood owh enene.

¹⁶ Owh wutahwuggahgwan chebezindung, mahnoo tahbezindum.

¹⁷ Uhpe dush kahpeendegad emuh wegewauming, kahnuhguhnaud enewh ahnishenahban, oogeguhgwajemegoon enewh ookekenooahmahgunun ewh azhnesittootahgwuk ewh ahwajegun.

¹⁸ Oo‐oo dush oodenaun, Kenuhwah dush kah nuh oo‐oo menik kenessittootunsenahwah? Kah nuh kekekanduhsenahwah, ewh ahgwahjuhyeëeng atag kishpin peenjenuh peendegamahguk, kahween oowenishkahgooseen owh enene;

¹⁹ Kah muh ezhahmahgussenoon emuh oodaïng, me atuh emuh oomesuhdaung, kuhya mahjahmahgudene uhpe ahgwahjeeng azhahjin, me ewh azheshahbooshkahgood kuhkenuh meejim?

²⁰ Keëkedoo dush, Ewh dush ween pahsahgezekahgood owh enene, mesuh ewh wahneëgood owh enene.

²¹ Peenjenuh muh, enenewug ooodaëwaung, oonjebahmahgudenewun enewh mujjeënanduhmoowinun, pezhegwahdezewinun, nesedewinun.

²² Kemoodezewinun, oonzaum‐anduhmoowin, mujje-doodahdewin, kuhkuhyanezewin, pezhegwahdanduhmoowin, majeëzhewabuk ooshkinzhegoomah, mujje‐kezhwawin, menahdanemoowin, kuhkebahdezewin:

²³ Kuhkenuh oonoo mujje‐uhyeëen emuh peenjenuh oonjebahmahgudoon, me oonoo wahneëgoojin owh enene.

²⁴ Me dush emuh keoonjepuhsegweed, keëzhemahjaud dush emuh uhkeeng cheguhyeëe Tyre kuhya Sidon anduhgoog, wegewauming kepeendega, kah dush keënanduhse ahweyah chekekandung: kahween dush oogekushketooseen chekahzood.

²⁵ Pazhik muh equawun, oodahnisun agahsheënejin kekishkahwahnid enewh wahnezenejin muhnedoon, kenoonduhmoon azhewabezid, ooogepenaunzekahgoon dush keähpuggezoonid emuh oosittaung:

²⁶ Mahyuggezegoobun suh wah‐owh equa, kuhya kedebandahgoozid emuh Syropheniciaïng, oogenundoodahmahgoon dush chesahgeche‐wabenaud enewh mujje‐muhnedoon emuh oodahnesing abenejin.

²⁷ Jesus dush oo‐oo oogeënaun, Mahnoo netum tahtabeseneähwug egewh wanejahnesemindjig; kah muh oonesheshinsenoon chemuhkummindwah enewh oobuhquazhegunemewaun egewh wanejahnesemindjig, cheähshummindwah dush egewh uhnemoonsug.

²⁸ Kenuhquatum dush owh equa, oo‐oo dush keënaud, Aahe, Tabaningayun, pooch kuhya egewh uhnemoonsug ahnaume‐uhdoopoowining ayahjig oomeejenahwah oopewunjegunene enewh wanejahneseminjin.

²⁹ Oo‐oo dush oogeënaun enewh equawun, Oo‐oo keëkedooyun, oonjekewan; oosahgejenahwashkahwaun suh owh mujje‐muhnedoo enewh kedahnisun.

³⁰ Uhpe dush oowegewauming anetuhgwishing oogemekahwaun enewh mujje‐muhnedoon kesahgejenahwash-kahwahnid, kuhya nebahguning shingeshinenid oodahnun.

³¹ Menuhwah dush, emuh cheguhyuheeng Tyre kuhya Sidon oonjemahjaud, keëzhah emuh Galilee kechegummeeng, keshahbooshkung dush Decapolis adumming uhkee.

³² Kuhya dush oopetahwahwaun kakebeshanejin enenewun, natuh‐kekedoosenegoon; oopahgoosanemahwaun dush chetaungenahnid.

³³ Puhkayeëe oogeëzhewenaun anduhzhe‐ahyahsenenid enewh waqueenoonejin, oogeähtahwaun dush ooneenj emuh ootuhwuggahning, kuhya dush kesikood, oogetaungenah-mahwaun oodanuhnewene;

³⁴ Kezhegoong dush keënahbid, keöoduhpunahmoo, oo‐oo dush oodenaun, Ephphata, me oo‐oo waheduhming, pahkahkooshkaun.

³⁵ Bahbega dush kepahkahkooshkahnewun enewh ootuhwugun, kuhya dush keähbahegahdane oodanuhnewh, kuhya dush kepuhgukketahgooze kahkekedood.

³⁶ Oogeäungwahmemaun dush kuhnuhga ahweyah cheweendahmahwahsigwah: me ewh ahwundish ahwahshema, kekeche‐suhswa‐yahjemoonid;

³⁷ Ahpeche dush kekeche‐mahmahkahdanduhmoon, oo‐oo dush keëkedoonid, Keche‐wahweengaze kuhkenuh gagoo ezhechegad: oonoonduhmooäun enewh kakebeshanejin, kuhya dush oodezheäun enewh natuh‐kekedoosenegoon chekekedoonid.