ST. MARK 6 - Ottawa New Testament Penteteuch and Psalms 1874

¹ Ewede dush keoonjemahjah, keëzhah dush tebenuhwa ooduhkeeming, oogenoopenuhnegoon dush enewh ookekenooähmahgunun.

² Uhpe dush aunwabe‐kezhegudenig, kemahje‐kekenooähmahga emuh ahnuhmeä‐weguhmigoong: nebewah dush egewh kahnoondahwahjig kemahmahkahdanduhmoog, oo‐oo dush keëkedoowaud, Ahneende wandenung mahbuh enene oonoo uhyeëen? wagoonan dush oo‐oo nebwahkahwin azhemeenind, kuhya enewh keche‐mahmaundahwejegunun azhechegad?

³ Kah nuh ween wah‐owh mookoodahzoo‐wenenewese, oogwissun owh Mary, kuhya wejekewaün owh James, kuhya Jose, kuhya Judas, kuhya Simon? kah nuh dush oomuh ahyahsewun oodahwamaun? Oogewuhsittahwane-mahwaun dush.

⁴ Owh dush Jesus oogeënaun, Kahween ahgahsanemahse aunwahjega‐wenene, me atuh emuh tebenuhwa oodinduhnuhkewining, kuhya anduhzhe‐ahyahnid oodenuhwamahgunun, kuhya emuh tebenuhwa oowegewauming.

⁵ Kah dush kekushkeoose kuhnuhga chemahmaundah-ahnookeed, me atuh ketaungenaud punge ayahkoosenejin, kenoojemooaud edush.

⁶ Oogemahmahkahdandaun dush ween azhedabwayanduhsenig. Kewetuhyeëe dush emuh oodanaunsing kepuhbah‐kuhgequa.

⁷ Oogenundoomaun dush enewh metahswe‐ahshe‐neezh kekenooähmahgunun, kuhya kemahjetah chemahjenahzhahwaud naneezh; oogemeenaun dush chekushkeähnid enewh wahnezenejin muhnedoon;

⁸ Oogeënaun dush kuhnuhga gagoo chemahjetoosigwah webahbahmahdezewaud, me atuh suhkuhoon; kahween nuhwuhpoowine‐mushkemood, kahween buhquazhegun, kah dush ween shooneyaun emuh oomushkemoodansewaung:

⁹ Cheoomukkeesinewaud atuh; kuhya kagoo neezh pesekahwahgunun pesekunkagoon.

¹⁰ Oo‐oo dush oogeënaun, Tebe kapeendegawagwan emuh wegewauming, me moonzhug emuh cheähbeyag nahnauzh ewede oonje mahjahyag.

¹¹ Ahwagwan kaoodahpenesenoowagwan, kuhya kabezindoosenoowagwan, uhpe ewede oonje‐mahjahyag, puhpuhwesittaneyook ewh weyuggussa chedebahjemindwah ewh azhewabezewaud. Kagate kedenenim, puhbanug tahdoodahjegahda Sodom gamuh Gomorrah uhpe tabahkoonega‐kezheguk, dush ween ewh oodanah.

¹² Keühnesahgahahmoog, kuhya kebahbahkuhgequawug cheäunwanindezoowaud egewh enenewug.

¹³ Oogesahgeche‐wabenahwaun dush nebewah mujje‐muhnedoon, kuhya oogesegenuhmahwahwaun nebewah ayahkoozenejin ewh pemeda, medush kenoojemooahwaud.

¹⁴ Herod dush owh keche‐oogemah kenoondahga azhewabezid owh Jesus: (kekekandahgwud muh oodezhenekahzoowin;) oo‐oo dush keëkedood, Owh John Baptizoowa‐wenene neboowining keoonjeoonishkah, mesuh wanje‐keche‐mahmaunduh‐uhnookeed.

¹⁵ Ahnind dush keëkedoowug, Elias suh ahwe; menuhwah dush ahnind keëkedoowug, Aunwahjega‐wenene suh ahwe gamuh nahsaub pazhik egewh aunwahjega‐wenewug.

¹⁶ Uhpe dush owh Herod kahnoondahgad, oo‐oo keëkedood, Mesuh wah‐owh John, kahkeeshkequazhewug: mesuh neboowining keöonjeöonishkaud.

¹⁷ Ween muh goo Herod keähnookebun chetuhkoonemind enewh Johnun, kuhya cheminjemahpenemind emuh kebahquahoode‐weguhmigoong, enewh Herodiasun oonje wejekewaün Philip oowedegamahgunene: ween muh kewedegamahgoobun.

¹⁸ John muh keënahgoobun enewh Herodun, Kahween oonesheshinsenoon cheähyahwud oowedegamahgunun owh kejekewa.

¹⁹ Medush owh Herodias kesheenganemaud enewh Johnun, keënandum dush wenesaud; kah dush oogekushketooseen:

²⁰ Owh muh Herod koosahgoobun enewh Johnun, kekanemaud quuhyuk‐ezhewabezenid kuhya menoo‐ahnuhmeähnid, oogeguhnuhwanemaun dush; uhpe dush kahnoonduhwaud, nebewah gagoo keëzhechega, oogemenootahwaun dush.

²¹ Uhpe dush keoojechesanig Herod oonegewine‐kezhegud, oogeoozhetoowaun ewh keche‐wekoongawin enewh oodoogemahmun, kuhya menesenoo‐oogemaun, kuhya kuhkenuh kache‐negaunandahgoozenejin emuh Galileeïng.

²² Uhpe dush oodahnissun owh Herodias kahpeendegad, kahnemid dush, kuhya kemenwanduhmeäud enewh Herodun kuhya enewh wahduhbemegoojin, owh keche‐oogemah oo‐oo ogeënaun enewh equazansun, Nundooduhmooweshin wagoodoogwan wahahyahmoowunan, kegahmeenin dush.

²³ Oogemushkahwe‐wahweenduhmahwaun dush, Wagoodoogwan nandooduhmoowewunan, kegahmeenin, pooch ahbetah nindoogemahwewin.

²⁴ Kesahgahum dush equazanse, oo‐oo dush oogeënaun enewh oogeen, Wagoonan kanundooduhmaun? Oo‐oo dush oogeëgoon, Ooshtequaun owh John Baptizoowa‐wenene.

²⁵ Kazhetena dush keche‐waweeb kepeendega emuh ahyahnid enewh keche‐oogemaun, oogenundoodahmoowaun, oo‐oo keënaud, Nenunduhwandum bahbega chemeezheyun ooshtequaun owh John Baptizooewa‐wenene emuh keche-oonahguning.

²⁶ Kekeche‐kushkandum dush owh keche‐oogemah; oomushkahwahweenduhmahgawin oonje, kuhya enewh kahweeduhbemegoojin, kahween keënanduhse cheähgoonwatahwaud.

²⁷ Kazhetena dush owh keche‐oogemah oogeähnoonaun enewh shemahguneshun, keënahkoonega dush chepeetuhwind ooshtequaunene; medush kemahjaud owh kahahnoonind, oogekeeshkegwazhemaun dush enewh emuh kebahquahoode‐weguhmigoong.

²⁸ Oogepeetoon dush ooshtequaunene emuh keche‐oonahguning, oogemeenaun dush enewh equazansun; kuhya owh equazanse oogemeenaun enewh oogeen.

²⁹ Kuhya dush ookekenooahmahgunun uhpe nwaunduhmenid kepeëzhahwun, kemahmoowaud ewh ooweyowene, keähtoowaud dush emuh chebaguhmigoong.

³⁰ Kepemahwunjeëdewug egewh apostleüg emuh ahyahnid enewh Jesusun, oogedebahjemootahwahwaun dush kuhkenuh kahezhechegawahgoobunan, kuhya kahezhekekenooahmahgawahgoobunan.

³¹ Oo‐oo dush oogeënaun, Umba ezhahdah emuh buhgwuhduhkuhmig chenezhekawezeyung, nahkoowa dush aunwabeyook: kebahtuheënewug muh egewh pahezhahjig kuhya egewh mahyahjahjig, kah dush kekushkeoosewug kuhnuhga chewesenewaud.

³² Keëzhahwug dush emuh akoo‐buhgwuhduhkumegaug, nahbequaun kahahyoowaud, kenezhekawezewug dush.

³³ Ahnishenahbag dush oogewahbuhmahwaun chemahjahnid, nebewah dush oogenesittahwenahgoon, kekewetah‐zhegahmawaud kuhkenuh emuh ooyoodanahwung kahoonjeejig, kemahwunje‐ahputtoowug dush ewede, netum dush ketuhgwishenoog, kuhya oogepenaunzekahwahwaun enewh Jesusun.

³⁴ Jesus dush uhpe kahkuhbaud, kahwahbuhmaud dush keche‐nebewah ahnishenahban, oogeketemahganemaun, debishkoo muh mahnishtahnishug wamahnishtahnishe‐wenenemesegoog keëzheähyahwug: oogemahje‐kekenooahmoowaun dush nebewah gagoo.

³⁵ Uhpe dush weöonahgooshig oogepenaunzekahgoon enewh ookekenooahmahgunun, oo‐oo dush keëkedoonid, Buhgwuhduhkummegah suh oomuh, ahzhe dush oonahgooshemahgud.

³⁶ Mahjenauzhahwe cheëzhahwaud emuh uhkeeng kuhya emuh oodanaunsing kewetuhyeëe, chekishpenuhtuh-mahdezoowaud bahquazhegun, kah muh gagoo oodahyaunsenahwah kameejewaud.

³⁷ Oogenuhquatuhwaun dush, oo‐oo keënaud, Kenuhwah ahshummik. Oo‐oo dush oogeënahwaun, Ningahmahjahmin nuh cheähwekeshpenuhtooyaung neswauk shooneaunsun apeetandahgwuk buhquazhegun, cheähshummungidwah?

³⁸ Oo‐oo oogeënaun, Ahneen menik buhquazhegunug ayahwagwah? mahjaug ahwe‐nunduhkekanduhmook: uhpe dush kahkekanduhmoowaud, oo‐oo ekedoowug, Nahnun, kuhya neezh gegooyug.

³⁹ Oogeënaun dush chenuhmuhduhbeähnid emuh mezhushkookahnig

⁴⁰ Medush kenahnebedabewaud kenaningoodwauk duhsoobewaud, kuhya kenanahnemeduhnahwawaud.

⁴¹ Oogeoodahpenaun dush enewh nahnun buhquazhegunun, kuhya enewh neezh gegooyun, kezhegoong dush keënahbid kemahmooyahwad, kuhya dush kebuhquabenaud enewh buhquazhegunun, keënenuhmoowaud enewh ookekenooähmahgunun, chemeenahnid enewh ahnishenahban; kuhya dush enewh neezh gegooyun, kuhkenuh oogemahdahoonaun.

⁴² Kuhkenuh dush kewesenewug, kuhya ketabeseneähwug.

⁴³ Oogeoodahpenahnahwah dush enewh eshquunjegunun metahswe‐ahshe neezhoo‐kookoobenahgunun mooshkin, kuhya enewh gegooyun.

⁴⁴ Koonemah nahnun metauswauk keduhchegwahpun egewh enenewug kahaumwahjig enewh buhquazhegunun.

⁴⁵ Bahbega oogekahgaunzoomaun enewh ookekenooähmahgunun ketwa chepoozenid emuh nahbequauning, kuhya negaun cheähzhahwaoöwaud ewede ahgahming Bethsaida, apeech mahjenahzhahwaud enewh ahnishenahban.

⁴⁶ Uhpe dush kahmahjenahzhahwaud enewh, keëzhah emuh wahjewing weähnuhmeäud.

⁴⁷ Uhpe dush kahoonahgooshig, nahwuhgaum keähgwinda ewh nahbequaun, ween dush emuh uhkeeng keduhzhe‐nezhekaweze.

⁴⁸ Oogewahbuhmaun dush keche‐anegook ahshab-ooyanid; (keöonjishkahwahnemudene gooshah:) ahyahbetah‐tebekuk oopenaunzekahwaun, oogedebeeg bemoosad, oodahgepemekuhbekahwaun dush.

⁴⁹ Uhpe dush wuhyahbuhmahwaud bemoosanid emuh oogedebeeg, cheby oogeühyenanemahwaun, keähyahshequawug dush:

⁵⁰ Kuhkenuh muh oogewahbuhmahwaun, kemegooshkahje‐ahyahwug dush. Bahbega oogeguhnoonaun, oo‐oo dush oodenaun, Soongedaäyook: neen suh nindow; kagoo sagezekagoon.

⁵¹ Oogepenaunzekahwaun dush emuh nahbequauning; kepoonahnemud edush: ahpeche dush kekeche‐mahmahkahdanduhmoon.

⁵² Kah muh oogenahnahgahdahwanemahsewaun enewh buhquazhegunun; kemushkahwedaäähwug gooshah.

⁵³ Uhpe dush kahahzhahwuhoowaud, ketuhgwishenoog emuh Genezareth aduhming uhkee, keähgwahyahshewug dush.

⁵⁴ Uhpe dush kahkuhbahwaud, kazhetena oogenesittahwenegoon enewh ahnishenahban,

⁵⁵ Keähputtoowug dush emuh anegookookummegaug ewh uhkee, kemahje‐pemewenahwaud enewh ayahkoosenejin emuh nebahgunening, oogeëzheweduhmahwahwaun, kenoonduhmoowaud emuh ayahnegwan.

⁵⁶ Tebe dush anepeendegagwan, emuh oodanaunsing, gamuh keche‐oodanaung, gamuh duhnuhkeewining, oogeähsahwaun enewh ayahkoosenejin emuh mahyahwekunah, kepahgoosanemahwaud dush kuhnuhga chetaungenahmahgood ewh eshquayegudenig oopuhpensekoowahgun: kuhkenuh dush kahtaungenahjig kenoojemooähwug.