ST. MARK 5 - Ottawa New Testament Penteteuch and Psalms 1874

¹ Kepeëzhahwug dush emuh ahgahming ewh kechegumme, emuh oodinduhnuhkewinewaung egewh Gadarenug.

² Kahpekuhbaud edush, oogepenuhquashkahgoon pazhik enenewun kahkishkahwahnejin enewh wahnezenejin muhnedoon, emuh chebagummigoong keoonjebahnid,

³ Magwa chebaguhmigookaug kedahwun, kahween ahweyah ookekushkeëgooseen cheminjemahpenegood kah pooshka petwahbekoo‐tuhkoobejegunun oonje:

⁴ Ewh muh ahnoo ahyahpe keminjemahpenah enewh minjemahpejegunun kuhya tuhkoobejegunun, oogepegoobetoonun enewh minjemahpejegunun, kuhya dush enewh pewahbekoo‐tuhkoobejegunun oogebuhpukkebetoonun; kah gooshah ahweyah oogekushkeähseen chepezaunezeäud.

⁵ Moonzhug dush, tabekudenegin kuhya kahzhegudenegin, keduhneze magwa wahjewing, kuhya mahmahdezhahdezood, keähyood enewh ahsineen.

⁶ Uhpe dush wuhyahbuhmaud enewh Jesusun wahsah ayahnejin, keähputtoo keöojecheengwunetahwaud dush,

⁷ Kuhya anegook pepahgid, oo‐oo keënaud, Ahneen kadoodahdeyung, Jesus, Wagwissemik owh ahpeche ashpandahgoozid Kesha‐Muhnedoo? Kepahgoosanemin suh oonje owh Kesha‐Muhnedoo, kagoo kooduggeëshekan.

⁸ Oo‐oo muh ween oogeënaun, Pezahgezekow owh enene, wahnezeyun muhnedoo.

⁹ Oogeguhgwajemaun dush, Ahneen azhenekahzooyun? Oo‐oo dush oogeëzhenuhquatahgoon, Legion suh nindezhenekauz: nebahteënoomin muh.

¹⁰ Oogepahgoosanemegoon dush anegook cheoonjesahgeje‐nahzhahwahsig emuh duhnuhkeewining.

¹¹ Keähyahwug dush cheguhyeëe emuh wahjewewung keduhzhe‐wesenewaud keche‐nebewah kookooshug.

¹² Kuhkenuh dush egewh mujje‐muhnedoog oogepahgoosanemahwaun oo‐oo dush keënahwaud, Ezhenahzhahooshenaum emuh ooweyowewaung egewh kokooshug cheähwepeendegashkahwungedwah.

¹³ Bahbega dush egoo Jesus oogepuggedenaun. Egewh dush wahnezejig muhnedoog kahsahgezekahwahwaud enewh enenewun, oogepeendegashkahwahwaun enewh kookooshun: kuhkenuh dush egewh kookooshug kekuhkujjewabuhedewug emuh kechegummeeng keëpezoowaud, (keneezhing metauswaukoosedooganug); kuhya kekebwuhnaumahbahwawaud.

¹⁴ Egewh ashummahpuneeg enewh kookooshun keoozhemoowug, kedebahjemoowug emuh oodanaung, kuhya emuh duhnuhkeewining: kepesahgahahmoog chewahbunduhmoowaud e‐ewh kahezhewabuk.

¹⁵ Kahpenaunzekahwahwaud enewh Jesusun, oogewahbuhmahwaun enewh enenewun kakishkahwahpuneen enewh mujje‐muhnedoon, kuhya ayahwahpuneen enewh Legionun, nuhmuhduhbenid, pesekoonuhyanid, kuhya nebwahkahnid: kesagezewug dush.

¹⁶ Egewh dush kahwahbunjegajig oogeweenduhmahwahwaun kahdoodahwind owh kahkekishkahwahpun enewh mujje‐muhnedoon, kuhya dush kahezheähyahwaud egewh kookooshug.

¹⁷ Medush kemahje‐pahgoosanemahwaud chenuhguhduhmenid ewh oodinduhnuhkewenewaun.

¹⁸ Uhpe dush kahpoozid emuh nahbequauning, oogepahgoosanemegoon enewh kakishkahwahpuneen enewh mujje‐muhnedoon cheweejewegood.

¹⁹ Kah dush Jesus oogeënanemahseen, oo‐oo dush oodenaun, Ezhekewan emuh kewegewauming anduhzhe‐ahyahwaud egewh kedenahwamahgunug, kuhya weenduhmow enewh keche‐uhyeëen kahdoodook owh Tabaningad, kuhya ewh kahezheshahwanemik.

²⁰ Kemahjah dush, kemahje‐debahjemoo emuh Decapolising enewh keche uhyeëen kahdoodahgood enewh Jesusun: kuhkenuh dush bamahdezejig kekeche‐mahmahkahdanduhmoog.

²¹ Uhpe dush owh Jesus nayaub kahtuhkummahshid ewede ahgahming, nebewah ahnishenahban kepemahwunjeëdewun: ahgummeeng dush keähyah.

²² Benuh dush, peëzhah pazhig wagemahkundung ewh ahnuhmeä‐weguhmig, Jairus azhenekahzood; uhpe dush wuhyahbuhmaud enewh Jesusun, keähpuggezoo emuh oosittahning.

²³ Oogekeche‐pahgoosanemaun dush, oo‐oo keëkedood Owh agahsheïd nindahnis gagah weneboo: Umba suh petaungin, cheoonjenoojemooïnd; tahbemahdeze dush.

²⁴ Owh dush Jesus oogeühneweejewaun; oogenoopenuhnegoon dush nebewah ahnishenahban keühnesinsekahgood dush.

²⁵ Pazhik dush equa, masquewahpenad, metahswe‐ahshe‐neezhoo pepoon kahahkoo‐ezhewabezid.

²⁶ Kekeche‐kooduggeëgood nebewah mushkeke‐wenenewun, kuhya kebahnahjetood kuhkenuh ooduhyeemun, kah dush bahpish kenoojemoose, ashkum suh keähkoose,

²⁷ Noondahgad azhewabezid Jesus, kepeëzhah emuh anduhzhe‐ooquenoowaud egewh ahnishenahbag, oogetaungenaun dush oodahgwewin.

²⁸ Keëkedoo muh, Keshpin kuhnuhga taungenuhmaun oodahgwewinun, ningahnoojemooëgoo.

²⁹ Kazhetena dush kepangoo‐ahyahne ewh kahoonjejewunenig oomesqueem; oogekekandaun dush emuh weyowing chenoojemooïnd e‐ewh azhemahnahdahpenapun.

³⁰ Kazhetena dush owh Jesus kekandung peenjenah ewh mushkahwezewin keoonjesahguhummoomahgudenig emuh weyowing, oogequakekahbahwetahwaun enewh ahnishenahban, oo‐oo keëkedood, Ahwanan owh kahtaungenung ewh nindahgwewinun?

³¹ Oo‐oo dush keëgood enewh ookekenooahmahgunun, Kewahbuhmaug egewh ahnishenahbag cheähpeche‐sinse-kookwah, kedekid dush nuh, Ahwanan kahtaungenid?

³² Kequakegahgahbe chenunduhwahbuhmaud enewh equan kahtaungenegoojin.

³³ Owh dush equa sagezid kuhya neningebenegood, ewh kekandung ewh kahdoodahwind, kepeëzhah, kuhya keähpuggezood emuh enahsuhmekahbahwenid, keweenduhmoowaud kuhkenuh ewh dabwawin.

³⁴ Oo‐oo dush oogeënaun, Nindahnis, kenoojemooëgoon ewh kedabwayanduhmoowin; emuh pezaunanduhmoowining ezhemahjaun, noojemoon dush ewh mahyahnahdahpenayunbun.

³⁵ Magwah kayahbe kekedood, ahnind kepeoonjebahwug emuh andaud owh wagemahkundung ewh ahnuhmeä‐weguhmig, oo‐oo dush keëkedoowaud, Ahzhe suh keneboo owh kedahnis; ahnishwin kayahbe megooshkahjeüd owh kakenooähmahgad?

³⁶ Bahbega dush owh Jesus kahnoondung ewh ekedoowin kahekedoowaud, oo‐oo oodenaun enewh wagemahkunduhmenejin ewh ahnuhmeä‐weguhmig, Kagoo sagezekan dabwayandun atuh.

³⁷ Keënahkoonega kuhnuhga ahweyah chenoopenuhnegoosig, me atuh Peter, kuhya James, kuhya John wejekewaün owh James.

³⁸ Petuhgwishinoog dush emuh oowegewauming owh wagemahkundung ewh ahnuhmeä‐weguhmig, oowahbundaun ewh oombegezewin, kuhya enewh kache‐muhwenejin, kuhya enewh ahyahshequanejin.

³⁹ Kahpeendegad dush oo‐oo keënaud, Ahnishwin oombegezeyag, kuhya muhweyag? kahween neboose owh equazanse, nebah suh goo.

⁴⁰ Oogekaunj‐bahpeähwaun dush. Uhpe dush kahsahgeje‐wabenaud kuhkenuh, oodoodahpenaun enewh oosun kuhya enewh oogeen owh ooshkenegequa, kuhya dush enewh wahjewegoojin, kepeendega dush kahduhzhe‐shingeshing owh equazans.

⁴¹ Kesuhgeneenjenaud dush enewh ooshkenegequan, oo‐oo keënaud, Talitha cumi; anekenootuhming, oo‐oo ezhenesittootahgwuk, Ooshkenegequa, kedenin, puhsegween.

⁴² Bahbega dush kepuhsegwe owh ooskenegequa, kuhya kepahbahmoosa: metahswe‐ahshe‐neezhoo‐pepoon‐uhgewenayagoobun muh. Kuhya dush keche‐maminduhga kemahmahkahdanduhmoog.

⁴³ Oogekeche‐aungwahmemaun dush kuhnuhga ahwe yah chekekanduhsig; keëkedoo dush cheähshummemind.