ST. MARK 4 - Ottawa New Testament Penteteuch and Psalms 1874

¹ Menuhwah dush kemahje‐kekenooahmahga emuh cheguhyeëeng ewh kechegumme, kuhya dush kepenaunzekahgood enewh kache‐ooquenoonejin, kaguhpe dush kepooze emuh nahbequauning, kenuhmuhduhbe dush emuh kechegummeeng, kuhkenuh dush egewh ahnishenahbag keähyahwug emuh chegebeeg.

² Kuhya dush nebewah oogeëzhekekenooahmahwaun emuh ahwajeguning, emuh dush ookekenooahmahgawining oo‐oo oogeënaun,

³ Bezinduhmook; Benuh, pazhik suhswa‐wabenega‐wenene kesahguhum saswa‐wabenung ewh menekaun:

⁴ Keëzhewabud dush, magwah suhswa‐wabenegad, ahnind menekaunun kepungesinoon emuh mahyahwekunah, kepeëzhahwug dush egewh kezhegoong duhzhe penasheyug, kekedaumwahwaud dush.

⁵ Menuhwah dush ahnind kepungesinoon emuh ahsinekummegaung, kazhetena dush kesahguhkemahgud, kah muh gwach keühkeekahsenoon:

⁶ Uhpe dush kahmookesad owh kezhike‐kezis, kechahgedamahgud kuhya kenebooda; kah muh keoojebekahwunsenoon.

⁷ Menuhwah dush ahnind kepungesinoon emuh magwa‐menasuhgahwunzhekaug, kesahguhkewun dush enewh menasegahwunzheen, newoogindahnahwah dush, kah dush ketamenewunsenoon.

⁸ Ahnind dush kepungesinoon emuh oonesheshing uhkee, kesahguhkemahgud dush, kuhya kemahjegin, kemekoogin dush, ahnind nesemeduhnuh, ahnind ningoodwahsoo‐meduhnuh, kuhya ahnind ningoodwauk.

⁹ Oo‐oo dush oogeënaun, Ahwagwan watuhwuggahgwan chebezindung mahnoo tahbezindum.

¹⁰ Uhpe dush kahnezhekawezid oogepeguhgwajemegoon enewh waujewegoojin kuhya enewh metauswe‐ahshe‐neezh ookekenooahmahgunun, azhenesittootahgwuk e‐ewh ahwajegun.

¹¹ Oo‐oo dush oogenaun, Kenuhwah kemeenegoom chekekanduhmag ewh nebwahkahwin emuh Kesha‐Muhnedoo oodoogemahwewining anduhgoog: egewh ahgwahjeeng ayahjig emuh ahwajegawining ezhekekenooahmahwahwug:

¹² Wahbewaud chewahbunduhmoowaud, chekekanduhsigwah dush; kuhya dush noonduhmoowaud chenoonduhmoowaud, chenesetootunsigwah dush; mahgahshah goomuhpe tahgequak‐ezhewabezeähwug cheoonjewabenuhmoowindwah dush oomujjeëzhewabezewinewaun.

¹³ Oo‐oo dush oogeënaun, Kah nuh ween kekekanduhsenahwah maunduh ahwajegawin? ahneen dush kaëzhekekanduhmag kuhkenuh enewh ahwajegawinun?

¹⁴ Owh saswa‐wabenegad oosuhswa‐wabenaun ewh ekedoowin.

¹⁵ Oogoo dush mahyahwekuhnah ayahjig, anduhzhe‐ahchegahdag ewh ekedoowin; uhpe dush kahnoonduhmoowaud, bahbega peëzhah owh Satan, mahjetood dush ewh ekedoowin emuh oodaëwaung kahahjegahdanig.

¹⁶ Oogoo dush emuh ahsinekummegaug kahahsindjig; uhpe kahnoonduhmoowaud ewh ekedoowin bahbega moojegezewaud oodoodahpenahnahwah;

¹⁷ Kah suh dush oojebekesewug peenjenah, me suh wanebik atuh aungwahmezewaud; nahgujeesh dush uhpe pahgummishkahgoowaud ewh sunnuggezewin gamuh kooduggeëgoowin oonje ewh ekedoowin, bahbega wuhsittahwanduhmoog.

¹⁸ Oogoo dush ween emuh magwa‐menasuhgahwunzhekaug kahduhzhe‐suhswa‐wabenegahzoojig, mesuh oogoo nwaundungig ewh ekedoowin,

¹⁹ Azhebahbahmanduhmoowaud maunduh uhkee, kuhya azhewuhyazhemegoowaud wahnuhdezewin, kuhya oonzaum‐anduhmoowaud ahnooj gagoo pakaunukin uhyeëen noonda‐oondoomeëgoonahwah, medush neboodamahgudenig ewh ekedoowin, kah dush menewunsenoon.

²⁰ Oogoo dush emuh oonesheshing uhkee kahduhzhe‐suhswa‐wabenegahzoojig; mesuh oogoo nwaundungig ewh ekedoowin, kuhya wadahpenungig, menewewug dush, pazhik nesemeduhnuh, menuhwah pazhik ningoodwahsoo‐meduhnuh, menuhwah dush pazhik ningoodwauk.

²¹ Oo‐oo dush oogeënaun, Oonjepejegahda nuh ewh wahsuhkoonanjegun emuh ahnaume‐tebaheguning cheähchegahdag, gamuh ahnaume‐nebahguning? kah nuh ween emuh wahsuhkoonanjegun‐ahtikoong cheähchegahdag?

²² Kah muh gagoo kahjegahdasenoon, me atuh kamezheshuhwejegahdag; kah kuhya gagoo emuh kemoodezeewining ahchegahdasenoon, me atuh emuh wahsayahzewining cheähtag.

²³ Ahwagwan watuhwugahgwan chebezindung mahnoo tahbezindum.

²⁴ Oo‐oo dush oogeënaun, Nahnahgahdahwanduhmoog enewh nwaunduhmagoon, azhetebahegayag kegahezhetebahahmahgoom: kenuhwah dush nwaunduhmag nahwuj nebewah kegahmenegoom.

²⁵ Owh muh ayaung tahmeenah: owh dush ayaunsig tahmuhkummah pooch ewh ayaung.

²⁶ Oo‐oo dush keëkedoo, Kesha‐Muanedoo oodoogemahwewin ezhewabud debishko enene kahahtood enewh menekaunun emuh uhkeeng;

²⁷ Nebah dush kuhya oonishkah tabekudenig kuhya kahzhegudenig, sahguhkewun dush enewh menekaunun, kuhya mahjegenoon, kah dush ween ookekanduhseen nuhmunj azhewabudoogwan.

²⁸ Ewh muh uhkee tebenuhwa mahjegechegamahgud; netum ewh mezhushk, menuhwah dush ewh ahkunauk, eshquauch edush ewh wuhyahbetag mezemin emuh ahkunahkoong.

²⁹ Uhpe dush kahmenewid bahbega oodahyoon ewh kishkushkezhegun‐ahbik, ahzhe muh oojechesane ewh uhpe kakushkezhkezhegangebun.

³⁰ Keëkedoo dush, Ahneen kaëzheähwatooyung oodoogemahwewin owh Kesha‐Muhnedoo? gamuh ahneesh ahwajegun kaëzheähwatooyung?

³¹ Debishkoo suh ezhewabud ewh pazhegoomenug wazahwuhnushkuk menekaun, uhpe ahjegahdag emuh uhkeeng mahmahwe ahgahsin menik ahduhchiug kuhkenuh uhkeeng duhzhe menekaunun:

³² Uhpe dush kahahjegahdag, mahjegin kuhya dush mahmahwe mechahkooze menik anduhswahkoosewaud egewh metikoonsug, kuhya suhsugetekquaunuhgeze, penasheyug dush peähgahwahtashemoonoowug ahnahmebemug.

³³ Nebewah dush oonoo denoowun ahwajegunun oogeëzhedebahdoomahwaun ewh ekedoowin, azhekushketoonid chebezinduhmenid.

³⁴ Pwah‐ahwajegad dush kahween oogeguhnoonahseen: uhpe dush nazhekawezewaud, oogeweenduhmoowaun ahnooj gagoo enewh ookekenooähmahgunun.

³⁵ Ewh dush egoo kezhegudenig uhpe aneöonahgooshenig, Oo‐oo oogeënaun, Umba ahgahming ezhetuhkumoodah.

³⁶ Uhpe dush kahmahje‐nahzhahwahwaud enewh ahnishenahban, megoo azhepooseähwaud debishkoo azheähyahnid, emuh nahbequauning. Ahnind dush nahbequaunansun oogeweejewegoonahwaun.

³⁷ Kepuhgummahnemudene dush, kekechenootenenig keëzhepukketayaushkahwug egewh tegoowug emuh nahbequauning, zhuhyegwah dush mooshkenabegoobun.

³⁸ Ween dush emuh oodahkauning duhzhe‐nebahgoobun ahpahquashemoowining; kahahmuddenahwaud dush, oodenahwaun, Kakenooahmahgayun, kah nuh kebahbahmanduhse wenebooyaung?

³⁹ Kahoonishkaud dush, oogenuhneebekindaun ewh noodin, oo‐oo keëdung ewh kechegumme, Pezaun‐ahyaun. Kepoonahnemud edush, kuhya kekeche‐aunwahtin.

⁴⁰ Oo‐oo oogeënaun enewh kekenooahmahgunun, Ahnishwin oo‐oo ezhesagezeyag? Wagoonash wanjedabwayanduhsewag?

⁴¹ Kekeche‐sagezewug dush, oo‐oo dush keëzheguhnoonedewaud, Ahwananedoog wah‐owh? oobezindahgoon suh ewh noodin kuhya ewh kechegumme?