ST. MARK 3 - Ottawa New Testament Penteteuch and Psalms 1874

¹ Menuhwah dush kepeendega emuh ahnuhmeä‐weguhmigoong; kuhya dush ewede keähyah pazhik enene nabooweneenjeed.

² Oodahkahwahbuhmahwaun dush, kishpin wenooje-mooahnegwan aunwabe‐kezhegudenig, cheoonjeähnahmemahwaud.

³ Oo‐oo dush oodenaun enewh nabooweneenjenejin enenewun, Puhsegween emuh nahwuhyeëeng.

⁴ Oo‐oo dush oodenaun enewh Oonesheshin, enuh chemenoo‐doodahgang aunwabe‐kezheguk gamuh chemujje‐doodahgang, chebemahjewang gamuh cheneshewang? Kah dush ningood keëkedoosewug.

⁵ Oogenishkahbuhmaun, keoonjekesahdandung azhemushkahwahnig oodaëwaun, oo‐oo dush oodenaun enewh enenewun, Umba zhebenekanin. Medush kezhebenekanid: kenoojemoomahgudene dush ooneenj debishkoo ewade pazhik.

⁶ Egewh dush Phariseeg kesahgahumoog, bahbega dush keguhnoonendewug mahmahwe egewh Herodianug, ewh kaëzhechegawahpun wenesahwaud enewh Jesusun.

⁷ Jesus dush keëzhah ewede ahgummeeng kuhya ookekenooähmahgunun; oogenoopenuhnegoon dush nebewah Galileeïng wanjebahnejin, kuhya Judeaïng.

⁸ Kuhya Jerusaleming, kuhya Idumeäïng, kuhya ahgauming Jordan; kuhya dush egewh anduhnuhkeejig emuh jeguhyeëeng Tyre kuhya Sidon, kekeche‐meshenoowug, uhpe noonduhmoowaud eëwh azhekeche‐ahnookeed, oogepenaunzekahwahwaun.

⁹ Oogeënaun dush enewh ookekenooahmahgunun, pashoo cheähgwindanig pazhik nahbequaunanse, cheoönje-sinsekahgoosig enewh waqueenoonejin ahneshenahban.

¹⁰ Kemeshenoowun muh enewh kahnoojemooähjin; oogeähpeche‐sinsekahgoon wetaungenegood enewh kahmahnahdahpenanejin.

¹¹ Kuhya dush egewh wahnezejig muhnedoog, uhpe wuhyahbuhmahwaud, kepungeshinoog emuh anahsuhmenid, keähyahzhequawaud dush, oo‐oo keëkedoowaud, Keen kedoogwissemik owh Kesha‐Muhnedoo.

¹² Oogeähpeche‐aungwahmemaun dush chedebahjemegoosig.

¹³ Ahmujjewa dush emuh wahjewing, oogenundoomaun dush enewh kahenanemahjin: medush goo kepeëzhenaunzekahgood.

¹⁴ Oogewuhwanahbuhmahwaun dush metahswe‐ahshe‐neezh enewh kaweejewahjin, kuhya dush kaähnoonahjin chepahbah‐kuhgequanid,

¹⁵ Kuhya chekushkeäwezenid chenoojemetoonid ahkoosewinun, kuhya chesahgeje‐wabenahnid enewh mujje‐muhnedoon:

¹⁶ Enewh Simonun, Peter oogetuhgoo‐ezhenekahnaun;

¹⁷ Enewh dush Jamesun, Zebedee oogwissun; kuhya enewh Johnun weejekewaün owh James; Boanerges dush oogeëzheweenaun oonoo, me suh ewh azhenesittootuming ahnemeke‐oogwissun:

¹⁸ Kuhya enewh Andrewun, kuhya Philipun, kuhya enewh Bartholemewun, kuhya Matthewun, kuhya Thomasun, kuhya Jamesun Alpheus oogwissun, kuhya Thaddæusun, kuhya Simonun Zelotes.

¹⁹ Kuhya Judas Iscariotun, mesuh enewh kahbahtahegoojin; kepeendegawug dush emuh wegewauming.

²⁰ Menuhwah dush kepemahwunjeëdewug egewh ahneshenahbag, kah dush kekushkeoosewug chewesenewaud.

²¹ Uhpe dush oodenuhwamahgunun kahnoonduhmenid, kesahgahahmoog chetuhkoonahwaud: keëkedoowug muh, Kewuhnahdeze suh goo.

²² Egewh dush oozhebeëga‐wenenewug Jerusaleming pahoonjebahjig oo‐oo keëkedoowug, Ookekishkahwaun enewh Beëlzebubun, kuhya dush oodoogemahmewaun egewh mujje‐muhnedoog oodoonjesahgeje‐wabenaun enewh mujje‐muhnedoon.

²³ Kahnundoomaud dush, oo‐oo oogeënaun emuh ahwajegawining, Ahneen kaëzhekushkeöopun owh Satan chesahgeje‐wabenaud enewh Satanun?

²⁴ Kishpin megahdezoomahguk oogemahwewin, kahween tahsoongekahbahwemahgussenoon ewh oogemahwewin.

²⁵ Kishpin dush wegewaum megahdezoomahguk, kahween ewh wegewaum tahsoongekahbahwemahgussenoon.

²⁶ Kishpin dush owh Satan megahdezood kuhya nanahwenind kahween kushkeoose chesoongekahbahwid, zhuhyegwah dush bahnahdeze.

²⁷ Kahween ahweyah kushkeöose chepeendegad emuh oowegewauming owh mashkahwezid enene, kuhya dush chemuhkummaud ooduhyeemun, bahmah netum keminjemahpenaud enewh mashkahwezenejin enenewun; me ewh uhpe kakushkeöod chemuhkummaud oowegewaum.

²⁸ Kagate kedenenim, Egewh enenewug oonejahnesewaun tahwabenahmahwahwug kuhkenuh mujjeëzhewabezewinun kuhya kuhkenuh mujje‐kezhwawinun kaëzhe-mujje‐kezhwawaud:

²⁹ Ahwagwan dush kamujje‐duhzhemahgwan enewh Keche‐oojechaugwun kahween wekah tahahbwayanemahse, chekahgega‐nahneboomind suh goo enandahgooze:

³⁰ Keëkedoowun muh, Ookekishkahwaun enewh mujje‐muhnedoon.

³¹ Kepeëzhahwun dush wejekewaün kuhya oogeen ahgwahjeeng dush kenebahwewun, keähnookewun, chenundoomind.

³² Enewh dush ahnishenahban kekewetah‐uhbetahgood oo‐oo dush keëgood, Benuh, kenundahwahbuhmegoog ahgwahjeeng keguh, kuhya kejekewaüg.

³³ Oogenuhquatuhwaun dush, oo‐oo keënaud, Ahwanan dush owh ninguh gamuh nejekewaüg?

³⁴ Kuhya dush oogenuhnahgahdah‐wahbuhmaun enewh kahkewetah‐uhbetahgoojin oo‐oo dush keëkedood, Mesuh oogoo ninguh kuhya nejekewaüg!

³⁵ Ahwagwan muh kadooduhmoogwan oodenanduhmoowin owh Kesha‐Muhnedoo, mesuh wah‐owh nejekewa, kuhya ninduhwamah, kuhya ninguh.