ST. MARK 2 - Ottawa New Testament Penteteuch and Psalms 1874

¹ Menuhwah dush nahgujeesh kepeendega emuh Capernauming; kenoondahgam dush emuh wegewauming ahyaud.

² Bahbega dush nebewah kemahwunjeëdewug, kah dush ketabishkenasewug emuh wegewauming kah dush kuhnuhga chegishquaund, e‐ewh ashenoowaud; oogedebahjemootahwaun ewh ekedoowin.

³ Oogepenaunzekahgoon dush enewh pahnahnejin enewh naboowahpenanejin enenewun, kenewewun enewh pamewenegoojin.

⁴ Uhpe dush kekushkeoosigwah pashoo chepenaunzekahwahwaud enewh Jesusun, ashenoowaud egewh ahneshenahbag, oogepahkebuhquabetoonahwah emuh ahyahnid; uhpe dush kahpahkebuhquabetoowaud, oogenesahbegenah-nahwah ewh nebahgun emuh shingeshing owh naboowahpenad.

⁵ Uhpe dush Jesus wuhyahbundung oodabwayanduhmoowinewaun, oo‐oo enaud enewh naboowahpenanejin, Ningwis, kewabenuhmahgoo kemujjeëzhewabezewinun.

⁶ Emuh dush kenuhmuhduhbewug ahnind oozhebeëga‐wenenewug, oo‐oo keuhyenanduhmoowaud emuh oodaëwaung,

⁷ Ahneshwin oo‐oo azhemujje‐kezhwad mahbuh? Ahwanan anandahgoozid chewabenemahgad enewh mujje-ezhewabezewinun, ween atuh Kesha Muhnedoo?

⁸ Bahbega dush Jesus kekekanemaud emuh oojechaugoong oo‐oo cheühyenanduhmenid emuh oodaëning, oo‐oo oodenaun, Ahneshwin oo‐oo uhyenanduhmag emuh kedaewaung?

⁹ Wagoonan nahwuj wuhyanepunuk oo‐oo cheënind owh naboowahpenad, Kewabenuhmahgoo enewh kemujje‐ezhewabezewinun; gamuh cheënind, Oonishkaun, oodahpenun kenebahgun, bemoosan dush?

¹⁰ Cheoonjekekanduhmag dush owh Enene oogwissun cheähyaud ewh kushkeäwezewin oomuh uhkeeng chewabenuhmuhgad enewh mujjeëzhewabezewinun, (oodenaun enewh naboowahpenanejin),

¹¹ Kedenin, Puhsegwen oodahpenun kenebahgun, ezhaun dush emuh kewegewauming.

¹² Kazhetena dush kepuhsegwe keöodahpenung dush ewh nebahgun, kesahgahung dush emuh enahsuhmuhbenid kuhkenuh; kuhkenuh dush kemahmahkahdanduhmoog, kuhya dush oogewahwezhanemahwaun enewh Kesha‐Muhnedoon, keëkedoowaud, Kahween wekah ningewahbunduhsemin oo‐oo cheëzhewabuk.

¹³ Menuhwah dush kesahgahum, keëzhaud dush emuh tetebaowh kechegummeeng; oogepenaunzekahgoon dush kuhkenuh enewh waqueenonejin ahnishenahban, oogekekenooahmahwahwaun dush.

¹⁴ Anebemoosad dush, oogewahbuhmaun enewh Leviün oogwissun owh Alpheus, nuhmuhduhbenid emuh mahwunjechega‐weguhmigoong, oo‐oo enaud, Noopenuhzheshin. Kepuhsegwewun dush kenoopenuhnegood.

¹⁵ Keëzhewabud dush, magwah kewesenenid emuh oowegewaumening, nebewah mahwunjechega‐wenenewug kuhya majeëzhewabezejig keweedoopuhmahwaud enewh Jesusun kuhya enewh ookekenooähmahgunun: kebahtuheenewug muh, kuhya oogenoopenuhnahwahwaun enewh.

¹⁶ Egewh oozhebeëga‐wenenewug kuhya Phariseeg uhpe wahyahbuhmahwaud chewedoopuhmahnid enewh mahwunjechega‐wenenewun kuhya majeëzhewabezenejin, oogeënahwaun enewh ookekenooähmahgunun, Ahneshwin wedoopuhmaud kuhya weejemenequamaud enewh mahwunjechega‐wenenewun kuhya majeëzhewabezenejin?

¹⁷ Uhpe dush Jesus noondahwaud, oo‐oo oogeënaun, Kahween oonundahwanemahsewahwaun egewh kayundahwezejig enewh mushkeke‐wenenewun, ayahkoozejig atuh; Kahween nepeöonjeëzhahse chenundoomugwah egewh manoo‐ezhewabezejig cheäunwanindezoowaud, majeëzhewabezejig atuh.

¹⁸ Kekeëgwishemoowug dush ookekekenooahmahgunun owh John kuhya egewh Phariseeg: oopenaunzekahwahwaun dush, oo‐oo dush enahwaud, Ahneshwin keëgwishemoowaud ookekenooahmahgunun owh John kuhya egewh Phariseeg, keen dush kekekenooähmahgunug kahween keëgwishemoosewug?

¹⁹ Jesus dush oo‐oo keënaud, Tahgekushkeoowug nuh chekeëgwishemoowaud egewh wanejahnesemindjig emuh wewekoodahde‐weguhmigoong, magwah weejewahwaud enewh nuhaungishun? menik ahyahwahwaud enewh nahaungishun kahween tahkushkeoosewug chekeëgwishemoowaud.

²⁰ Tahpuhgummeähyahmahgudoon enewh kezhegudoon, uhpe kenuhguhnegoowaud enewh nuhaungishun, me ewh uhpe kekezheguk kakeëgwishemoowaud.

²¹ Kahween ahweyah oodahpahgwahunseen ewh ooshke‐mahnetoowagin emuh kata‐ahgwewining: mahgeshah ewh ooshkegin kaoonje‐pegooshkahgebun ewh kata‐uhyeëe, nahwuj dush tahgepegooshkahmahgud.

²² Kah dush ahweyah oodahtooseen ewh ooshke‐shooweminahboo emuh kata‐oomoodying, mahgeshah ewh ooshke‐ühyeëe tahgeoonje‐paushkekahwun enewh oomoodyun, tahgesekesamahgud dush ewh shooweminahboo kuhya dush tahgebahnahdudoon enewh oomoodyün; tahahje-gahda ewh ooshke‐shooweminahboo emuh ooshke‐oomoodying.

²³ Kepuhgummeähyahmahgud dush, kepuhbahmoosad emuh mezemine‐ketegauning aunwabe‐kezhegudenig; enewh dush ookekenooähmahgunun anebemoosanid oogeühnechesuhnukkebetoonahwah enewh bahquazhegunun.

²⁴ Enewh Phariseen oo‐oo keëgood, Benuh, ahneshwin ezhechegawaud magwah aunwabe‐kezhegudenig ewh anandahgussenook cheëzhechegangebun?

²⁵ Oo‐oo dush keënaud, Kah nuh ween kegeähginduhsenahwah e‐ewh kahezhechegad owh David, uhpe kemuhnazid ween kuhya enewh wahjewahjin, kenoonda‐puhkudawaud?

²⁶ Kepeendegad emuh Kesha‐Muhnedoo oowegewauming magwah keche‐sahsahgewejega‐wenenewenid Abiathar, keäumwaud dush enewh wahbundahewawine‐buhquazhegunun, enewh anandahgoosenook ahweyah cheäumwahpun, egewh sahsahgewejega‐wenenewug atuh, oogemeenaun dush enewh wahjewahjin cheäumwahnid?

²⁷ Oo‐oo dush keënaud, Enene suh keoonjeoozhechegahda ewh aunwabe‐kezhik, kah dush ewh aunwabe‐kezhik keoonje‐oozheähse owh enene:

²⁸ Owh dush Enene oogwissun oodoogemahkundaun pooch ewh aunwabe‐kezhik.