ST. MARK 16 - Ottawa New Testament Penteteuch and Psalms 1874

¹ Uhpe dush kahishquah‐aunwabe‐kezheguk, Mary Magdalene kuhya Mary oogeen owh James, kuhya Salome oogekishpenuhtoonahwah manoomahgwukkin noomenegunun, chepesegenahmahwahwaud.

² Kache‐kekezhabahwahgudenig netum kezheguk, kepeëzhahwug emuh chebaguhmigoong, kahmookesad kezis.

³ Oo‐oo dush keëzheguhnoonindewug, Ahwanan käekoo-wabenuhmoonenung ewh ahsin emuh ishquaundamewung chebaguhmig atag?

⁴ Uhpe dush kahenahbewaud, oowahbundahnahwah ewh ahsin cheëkoo‐wabenegahdag, keche‐mechahbikezegoobun suh.

⁵ Kahpepeendegawaud emuh chebaguhmigoong, oogewahbuhmahwaun ooshkenuhwan nuhmuhdnhbenid emuh ookechenekahnewaung enuhkuhkayah wahbishkekoonuhyanid, kekeche‐sagezewug edush.

⁶ Oo‐oo dush oodenaun enewh equawun, Kagoo sagezekagoon, kenundahwahbuhmahwah owh Jesus Nazarething duhzhe‐enene, kahahgwahquahegahzood: keähbejebah; kahween oomuh ahyahse; wahbunduhmook emuh keähsahwaud.

⁷ Mahjaug dush weenduhmoowik enewh ookekenooahmahgunun, kuhya owh Peter, cheühnenegahnid suh emuh Galileeng ezhaud; ewede kegahwahbuhmahwah, debishkoo kahenenag.

⁸ Waweeb dush kesahgahuhmoog, keoozhemoowug dush nuhguhduhmoowaud ewh chebaguhmig; keningishkahwug dush, kuhya kemahmahkahdanduhmoog: kah dush oogeguhnoonahsewaun ahweyah enenewun, kekeche‐sagezewug muh.

⁹ Uhpe dush owh Jesus kahahbejebaud kekezhab netum kezheguk, oogewahbuhmegoon netum enewh Mary Magdaleneün kahsahgeje‐wabenuhmahwahpun neeshwahswe mujje‐muhnedoon oonje weyowening.

¹⁰ Ween dush kemahjah keähweweenduhmoowaud enewh wahjewahpuneen, magwah kushkanduhmenid kuhya mahwenid.

¹¹ Uhpe dush kahnoonduhmoowaud bemahdezenid enewh Jesusun, kuhya kewahbuhmegood enewh Maryun, kahween kedabwatunsewug.

¹² Nahguj dush puhkaun ezhenahgoozid oogewahbuhmegoon neezh enewh ookekenooahmahgunun, magwah uhnebemoosanid, ezhahnid duhnuhkewining.

¹³ Kemahjahwug dush kewahweenduhmahwahwaud enewh bakahnezenejin; kah dush kedabwayanduhsewun.

¹⁴ Menuhwah dush oogewahbuhmegoon enewh metahswe‐ahshe‐pazhik kekenooahmahgunun magwah wesenenid, oogenuhneebekemaun dush ewh dabwavanduhsenid kuhya mushkahwedaänid, ewh suh kedabwatahwahsenid enewh kahwahbuhmegoojin uhpe kahahbejebaud.

¹⁵ Oo‐oo dush oogeënaun, Ezhaug suh emuh anegookookummegaug uhkee, debahjemootahwik dush kuhkenuh bamahdezejig ewh menwahjemoowin.

¹⁶ Owh suh kadabwayandung kuhya kabaptizooïnd tahbemahjeäh: owh dush duhyabwayanduhsig tahnahneboomah.

¹⁷ Egewh dush duhyabwayandungig oogahnoopenuhnegoonahwaun oonoo kekenoowahjechegunun; Emuh nindezhenekahzoowining oogahsahgeje‐wabenahwaun enewh mujje‐muhnedoon; ooshkee‐inwawinun dush tahinwawug;

¹⁸ Oogahoodahpenahwaun enewh kenabigoon; kishpin dush menequawaud gagoo mujje‐mushkeke kahween ningood oogahenekahgoosenahwah; oogahtaungenahwaun enewh ayahkoozenejin, me dush chenoojemoonid.

¹⁹ Bahnemah dush kahishquah‐guhnoonaud owh Tabaningad, keche‐kezhegoong keëzheweenah, kenuhmuhduhbe dush emuh ookechenikaung owh Kesha‐Muhnedoo.

²⁰ Kemahjahwug dush, mezewakummig dush kepahbahkuhgequawug, keweedookahgoowaud enewh tabaninganejin, oogeühyeenjesetoon dush ewh ekedoowin, ewh kemahmaundahwejeganid enewh kagequanejin. Amen.