ST. MARK 15 - Ottawa New Testament Penteteuch and Psalms 1874

¹ Kazhetena dush kakezhabahwahguk, egewh keche‐sahsahgewejega‐wenenewug kekahkedoowug keweedookahgoowaud enewh katezenejin kuhya oozhebeëga‐wenenewun kuhya kuhkenuh enewh tebahkoonega‐wenenewun, oogeminjemahpenahwaun dush enewh Jesusun, kuhya kemahjewenahwaud, kuhya keühnepuggedenahmahwahwaud enewh Pilateün.

² Pilate dush oogekuhgwajemaun, Keen nuh kedoogemahkundahwaug egewh Jewyug? Oogenuhquatuhwaun oo‐oo dush enaud, Kedekid.

³ Egewh keche‐sahsahgewejega‐wenenewug nebewah oogeähnahmemahwaun: kah dush ningood kenuhquatunse

⁴ Menuhwah dush Pilate oogekuhgwajemaun, oo‐oo keëkedood, Kah nuh ningood kedezhenuhquatunse? Benuh menik oogoo azheähnahmemikwah.

⁵ Kah suh dush muhshe ningood keëzhe‐nuhquahtunse Jesus; kemahmahkahdandum dush owh Pilate.

⁶ Uhpe wahkoondingin, oogepuggedenahmahwahbuneen pazhik kabahquahegahzoonejin, enewh suh goo kahnundahwanemahwahjin.

⁷ Keähyah suh pazhik Barabbas azhenekahzood, kahminjemahpenegahzood, mahmahwe enewh wahdookahgoojin kemegahnaud enewh oogemaun, kuhya pakish keneshewawug, kahmegahzoowaud.

⁸ Egewh ahnishenahbag kepepahgewug, kemahje‐undooduhmoowahwaud chedoodahgoowaud, uhpena kahuhyindoodahgoowaud.

⁹ Pilate dush oogenuhquatuhwaun, oo‐oo keënaud, Kedenandaum nuh chepuhgedenuhmoonuhgoog wah‐owh wagemahkunduhwaud enewh Jewyun?

¹⁰ Oogekekandaun muh kuhgahwanindewin egewh keche‐sahsahgewejega‐wenenewug kahoonje‐puhgedenuhmahwahwaud.

¹¹ Egewh dush keche‐sahsahgahwejega‐wenenewug oogekahgaunzoomahwaun enewh abnishenahban, cheündoodahmahganid Barabbasun chepungedenuhmahwindwah.

¹² Pilate dush oogenuhquatuhwaun menuhwah, oo‐oo keënaud, Ahneen ananduhmag chedoodahwug wah‐owh Jewyug oodoogemahmewah azhenekahnag.

¹³ Menuhwah dush kepepahgewug, Ahgwahquahweh.

¹⁴ Pilate dush oo‐oo oogeënaun, Ahneeshwin, wagoonan kahmujjeëzhechegad? Ashkum dush anegook keëzhepepahgewug, Ahgwahquahweh.

¹⁵ Pilate dush enandung wemenoodoodahwaud enewh ahnishenahban, oogepuggedenuhmahwaun enewh Barabbasun, uhpe dush kepuhzhunzhawaud enewh Jesusun, oogepuhgedenaun cheähgwahquahoomind.

¹⁶ Shemahguneshug dush oogeëzhewenahwaun emuh kekedoo‐weguhmigoong, Pretorium azhenekahdag; kuhya dush oogemahwundoonahwaun kuhkenuh anduhchenid shemahguneshun.

¹⁷ Oogepesekoonahwaun ewh mesquagin, kuhya menasahgahwunzhe‐wewuhquaun oogeookahdanahwah, kuhya oogepesekoonahwaun ooshtequahnening.

¹⁸ Kemahje‐ahnahmekahwahwaud, Kedahnemekahgoo keen wagemahkundahwudwah egewh Jewyug.

¹⁹ Oogepuhketawahwaun emuh ooshtequahnening ahsahgunushk ahyoowaud, kuhya dush oogesikwahnahwaun, kuhya ewh keoojecheengwuhnetuhwahwaud.

²⁰ Uhpe dush kahishquah‐bahpenoodahwahwaud, oogekesekoonahwaun ewh mesquagenoo‐pesekoowahgun, kuhya dush tebenuhwa oodahgwewinun kepesekoonahwaud, oogemahjewenahwaun cheähgwahquahoomind.

²¹ Ketwa dush oogeähnoonahwaun pazhik enenewun Simon Cyrenia duhzhe wenewun, bemoosagoobun, duhnuhkewining kebeoonjebahgoobunan, (oosun owh Alexander kuhya Rufus) chepemoonduhmenid ewh oodahzhedayahtekoomene.

²² Oodezhewenahwaun dush emuh Golgotha azhenekahdag, oo‐oo azhenesittootahgwuk anekenootuhming, Ooshtequaunekauning.

²³ Oogemeenuhahwaun dush ewh shooweminahboo, mushkeke ketuhgoonuhmoowaud: kah dush oogeweähyaunseen.

²⁴ Uhpe dush kahahgwahquahwahwaud, oogepegoopetoonahwah ooduhgwewinene, keähtahdewaud, anduhchid neene menik edoog kaoodahpenung.

²⁵ Nesoo‐tebahegunagoobun uhpe, oogeähgwahquahwahwaun dush.

²⁶ Kahezhe‐ahnahmememind oogejuhyee keëzhebeëgahdane, OODOOGEMAHMEWAUN EGEWH JEWYUG.

²⁷ Oogetuhgoo‐ahgwahquahwahwaun neezh kamoodeshkenejin, pazhik emuh ookechenikauning, menuhwah dush pazhik emuh oonuhmunjenikauning.

²⁸ Ketebishkoosa dush ewh kechetwah‐oozhebeëgun kahekedoomahguk, Ketuhgoo‐uhgemah suh emuh maje‐ezhewabezenejin.

²⁹ Egewh dush anebemoosajig oogebahpenuhdahwahwaun, kewawabequanewug, oo‐oo dush keëkedoowaud, Ahah Benuh keen banahjetooyun ewh ahnuhmeä‐weguhmig, kuhya nasoogoonuhguk nayaub wazhetooyun,

³⁰ Bemahjeëdezoon, kuhya dush ahzhedayahtekoong oonje‐nesaunduhwan.

³¹ Me dush kuhya egewh keche‐sahsahgewejega‐wenenewug kebahpenuhdahwahwaud mahmahwe dush egewh oozhebeëga‐wenenewug, oo‐oo dush keëdewaud, Oogebemahjeäun suh enewh bakahnezenejin; ween dush tebenuhwa kahween ookushketooseen chebemahjeëdezood.

³² Mahnoo owh Christ Israel oodoogemahmun, noongoom tahpeöonje‐nesaunduhwa emuh ahzhedayahtekoong, cheöonjewahbunduhmung kuhya dush chetabwatahmung Egewh dush kahtuhgoo‐ahgwahquahoondjig oogebahpenoodahwahwaun.

³³ Uhpe dush nahyahwuhqnag, ketebkiahbemenahgwud emuh anegookookummegaug uhke, nahnauzh egoo ewh shaungussoo‐tebahegun.

³⁴ Uhpe dush shahyaungussoo‐tebahegunag, Jesus keche‐anegook kepepahge, oo‐oo keëkedood, Eloi, Eloi, lama sabacthani? me suh akedoong aneekenootuhming, Nekesha‐Muhnedoom, Nekesha‐Muhnedoom, ahneeshwin nuhguhzheyun?

³⁵ Ahnind dush nahbahwejig, uhpe nwaunduhmoowaud, keëkedoowug, Benuh, oonundoomaun enewh Eliasun.

³⁶ Pazhik dush keähbuhtoo, kemooshkenabuhtood eskahebaun ewh shewahboo, kuhya oogeähtoon emuh ahsahgunushkoong, kemeenaud dush ewh chemeenequanid, oo oo keëkedood, Pooneïk, wahbundundah kishpin penesaundahweëgoogwan enewh Eliasun.

³⁷ Jesus dush kahkeche‐pepahgid keïshquahnuhmoo.

³⁸ Kuhya dush ewh kebuhgoochegun emuh ahnuhmeä‐weguhmigoong ketaushkekesaishpeming oonje, peenish egoo metushkuhkummig.

³⁹ Uhpe dush owh menesenoo‐oogemah debishkoo kahahgwahquahoomind kahnebahwid, kahwahbundung oo‐oo keëzhepepahgenid kuhya keëzheïshquahnuhmoonid, oo‐oo keëkedoo, Kagate suh, Kesha‐Muhnedoo oogwissun ahwegoobun wah‐owh enene.

⁴⁰ Keähyahwug dush equawug wahsuh wanzahbunje-gajig: Mary Magdalene, kuhya owh Mary oogeewaun owh James agahsheïd kuhya owh Joses, kuhya owh Salome emuh keähyahwug.

⁴¹ (Mesuh oogoo kahnoopenuhnahjig, kuhya kahbuhmeetahwahjig magwah emuh Galileenaung keähyaud) kuhya nebewah ahnind equawug kahpemeweejewahjig emuh Jerusaleming.

⁴² Uhpe dush kahoonahgooshig, magwah gooshah wahwazhetahwaud wahbung weäunwabe‐kezheguk.

⁴³ Joseph Aramatheäïng duhzhe wenene, owh kachetwahwezid tebahkoonewa‐wenene, kuhya kahbeetood ewh oodoogemahwewin owh Kesha‐Muhnedoo, kepeëzhah, kuhnuhga sagezesig kepenaunzekahwaud enewh Pilateün, kenundooduhmoowaud dush ewh weyowene enewh Jesusun.

⁴⁴ Kemahmahkahdandum dush owh Pilate kishpin ahzhe kahneboogwan: oogenundoomaun dush enewh menesenoo‐oogemaun, oogeguhgwagemaun dush kishpin maweshah kahneboogwan.

⁴⁵ Uhpe dush kahkekandung kuhgwajemaud enewh menesenoo‐oogemaun, oogemeenaun enewh Josephun weyowene enewh Jesusun.

⁴⁶ Ween dush oogekishpenuhtoon ewh wanesheshing ketuhgegin, kahnesaundahweenaud, oogetetebegenaun emuh ahsuhbahbewagining, kuhya oogeähsaun emuh chebaguhmigoong ewh kahweembahbekahegahdag ahzhebik, oogeezhetetebe‐wabenaun dush ewh ahsin emuh ishquaundamewung ewh chebagnhmig.

⁴⁷ Owh dush Mary Magdalene kuhya owh Mary oogeen owh Joses oogewahbundahnahwah emuh keähsind.