ST. MARK 14 - Ottawa New Testament Penteteuch and Psalms 1874

¹ Kahneezhoogoonahguk dush kedebishkoosa ewh kuhbekoosa‐wekoondewin, kuhya uhpe meejing ewh wambejishkahwuggesingin buhquazhegunun: kuhya dush egewh keche‐sahsahgewejega‐wenenewug kuhya oozhebeëga‐wenenewug oogenundahkekandahnahwah kadezhechegawaud ewh keemooj chetuhkoonahwaud, kuhya chenesahwaud.

² Keëkedoowug dush, Kahween ewh magwah wekoonding, mahgeshah tahneeshkahdanduhmoog egewh ahnishenahbag

³ Magwah dush owh Jesus keähyaud emuh Bethanyïng emuh oowegewauming Simon owh kahoomegeed, magwah dush namuhduhbid ewh wesenid, oogepenaunzekahgoon equan ayahmenid ewh alabaster muhkuhkoons atanig kachetwahwandahgwuhdenig noomenegun manoomahgwuddenig; oogepegoosetoon dush ewh muhkuhkoons, kuhya keseegenuhmahwaud emuh ooshtequaunening.

⁴ Ahnind dush peenjenah kewuhsittuhwanduhmoog, oo‐oo dush keëkedoowaud, Ahneeshwin oo‐oo kahezhebahnahjechegahdag ewh noomenegun?

⁵ Neswauk‐duswahbik shooneyaunsun ahwahshema tahgetaënuhginda atahwangebun, chegemeenindwahpun egewh katemahgezejig. Oogenuhnahpahgaunsoomahwaun enewh equawun.

⁶ Jesus dush oo‐oo keëkedoo, Poonemik! ahneeshwin megooshkahjeäg? ningemenoo‐doodaug oo‐oo kahdoodahwid.

⁷ Kahgenig kedahwahwahwaug egewh katemahgezejig, uhpe dush ananduhmagoon kedahmenoo‐doodahwahwaug: neen dush ween kahween kahgenig kegahweejeweseem.

⁸ Keähnooëzhechega suh wah‐owh equa ewh menik azhekushketood: kezhah suh oogepeähtoon noomenegun emuh neyowing cheningwahegahzooyaun.

⁹ Kagate kedenenim, Tebe kawahweenjegahdagwan maunduh minwahjemoowin emuh anegookookuhmegaug uhkee, oo‐oo dush wah‐owh kahezhechegad tahduhzhinjegahdane cheoonje‐mequanemind.

¹⁰ Owh dush Judas Iscariot, pazhik owh egewh metahswe‐ahshe‐neezh, oogeëzhahnun keche‐sahsahguhwejega‐wenenewun, wepuggedenuhmahwaud enewh Jesusun.

¹¹ Uhpe dush nwaunduhmoowaud, kemoojegezewug, keëkedoowug dush chemeenahwaud enewh Judasun shooneyaun. Oogenahnahguhdahwandaun dush ewh kaëzhechegad, ewh wanepuzh wepuggedenaud.

¹² Ewh dush netum kezheguk wanjemahjahmahguk cheoombeshinsig buhquazhegun, uhpe kahnesahwaud kuhbekoosa‐mahnishtahnisheensun, ookekenooähmahgunun oo‐oo oogeëgoon, Ahneende dush ananduhmun cheähwewuh-wazhetooyaung chemeejeyun kuhbekoosa‐wekoondewin?

¹³ Oomahjenahzhahwaun dush neezh ookekenooähmahgunun, oo‐oo dush oodenaun, Ezhahyook emuh keche‐oodanaung, kegahnuhquashkahgoowah pazhik enene kapemetuhkoonung wahbegune‐neembahgun nebee atanig: noopenuhnik suh.

¹⁴ Tebe dush kaühnepeendegagwan, enik owh wawegewaumid, Owh suh kakenooähmahgad oo‐oo ekedoo, Ahneende goo ewh wesene‐weguhmig kaduhzhe‐meejeyaun ewh kuhbekoosa‐weekoondewin kuhya nekekenooähmahgunug?

¹⁵ Kegahwahbunduhegoowah dush ewh kache‐munguhtag ishpemissuhgoong ahbenahsoowin, kahwahwazhechegahdag: me dush emuh kaduhzhe‐wahwazhetuhmahweyung.

¹⁶ Kemahjahwun dush ookekenooähmahgunun, kuhya dush kepeëzhahwaud emuh oodanaung, me dush goo keëzhemekahmoowaud ewh kahegoowaud enewh Jesusun; kuhya dush oogewahwazhetoonahwah ewh kuhbekoosa‐wekoondewin.

¹⁷ Kahoonahgooshenig, dush kepetuhgweshin, kuhya egewh metahswe‐ahshe‐neezh ookekenooähmahgunun.

¹⁸ Magwah dush kahnuhmuhduhbewaud kuhya wesenewaud, Jesus oo‐oo keëkedoo, Kagate kedenenim, Pazhig suh kenuhwah wahdoopuhmeyag ningahbahtahik.

¹⁹ Kemahje‐keche‐megooshkahdanduhmoog, kuhya keënahwaud papazhik, Neen enuh? Menuhwah dush bakahnezid keëkedoo, Neen enuh?

²⁰ Oogenuhquatuhwaun, oo‐oo dush keënaud, Pazhik suh kenuhwah metahswe‐ahshe‐neezheyag, owh kaweejeäh-punjegamid emuh oonahguning.

²¹ Kagate ezhemahjah owh Enene oogwissun debishkoo anahjemind emuh kechetwah‐oozhebeëguning: tahkeche‐kuhgwahnesugge‐ketemahgeze owh enene, enewh kabahtahegoojin owh Enene oowissun! nahwuj suh tahgeoonesheshene wekah negesegoopun.

²² Magwah dush kahwesenewaud, Jesus oogeöodahpenaun pahquazhegun, kuhya kemahmooyahwa, kuhya dush kepukwabenaud, kemuhmeenaud ookekenooähmahgunun, oo‐oo dush keëkedoo, Oodahpenuhmook, kuhya meejeyook: mesuh oo‐oo neyow.

²³ Oogetuhkoonaun dush ewh menequahjegun, kahmahmooyahwad oogeënenuhmahwaun ookekenooähmahgunun: kuhkenuh dush oogemenequanahwah:

²⁴ Oo‐oo dush oogeënaun, Mesuh oo‐oo ooshke‐kekindewine nemesqueem, ewh sahgwabenegahdag nebewah bamahdezejig oonje;

²⁵ Kagate kedenenim, Kahween menuhwah ningahmenequase ewh shooweminahboo, bahnemah atuh kezheguk nayaub kamenequayaun emuh oodoogemahwewining owh Kesha‐Muhnedoo.

²⁶ Uhpe dush kahnuhguhmoowaud ewh ahnuhmeähwine‐nuhguhmoowin, kesahkuhmoog keëzhahwaud emuh wahjewing Olives wahjew aduhming.

²⁷ Jesus dush oo‐oo oodenaun, Kuhkenuh kenuhwah kegahoosittahwanenim noongoom tebekuk; oo‐oo muh ezhebeëgahda, Ningahpukketawah mahnishtahnishe‐wenene, tahsuhswawashkahwug dush ween mahnishtahnishug.

²⁸ Uhpe dush ween keähbejebahyaun ningahuhnenegaunee emuh Galileenaung, kenuhwah kaëzhahyag.

²⁹ Peter dush oogeënaun, Mesuhwah kuhkenuh wuhsittahwanemikwah, kah dush ween neen.

³⁰ Jesus dush oo‐oo oodenaun, Kagate kedenin, noongoom kezheguk noongoom suh tebekuk, chepwah neezhing mesittahgoozid nahba‐pahkahahqua, nesing kegahahgoonwayanim.

³¹ Nahwuj dush ween keche‐anegook keëkedoo, Pooch weejeneboomenaun, kah bahpish ningood kegahezheähgoowayanemesenoon. Me suh nahsaub kahekedoowaud kuhkenuh.

³² Ketuhgwishenoog dush emuh ketegauning Gethsemane kahezhenekahdag; oo‐oo dush oodenaun enewh ookenooähmahgunun, Kenuhwah nuhmuhduhbik oomuh, magwah ahweähnuhmeähyaun.

³³ Oogeühneweejewaun dush enewh Peterun, kuhya Jamesun, kuhya Johnun, kuhya dush kemahje‐mahmahkahdandum, kuhya kekeche‐nuhneenuhwandum;

³⁴ Oo‐oo dush oodenaun, Ninjechaug suh keche‐nuhneenuhwandum kagah goo wenebooyaun; duhnezeyook suh oomuh, ahkahwahbeyook dush.

³⁵ Menuhwah dush punge keühnemahjah, keähpuggedung weyow emuh metushkuhkmumig, keëzheähnuhmeäud, Kishpin anandahgwukebun chekuhbekahgood maunduh tebahegun.

³⁶ Oo‐oo dush keëkedoo, Abba, Noosa, keen kekushketoonun ahnooj gagoo; oodahpenuhmahweshin oo‐oo menequahjegun; ninduhwauj kahween neen ananduhmaun tahezhewabussenoon, keen suh goo ananduhmun.

³⁷ Peëzhah dush kuhya oomekahwaun nebahnid, oo‐oo dush enaud enewh Peterun, Simon kenebah nuh? kah nuh ween kegekushketooseen ningoo‐tebahegun cheähkahwahbeyag?

³⁸ Ahkahwahbeyook kuhya ahnuhmeäug, koonemah kedahpungeshenim emuh kuhgwatebaningawining; kezhetah suh oojechaugoomah pajewemahgud suh weyausemah.

³⁹ Menuhwah dush geühnemahjah, kuhya keähnuhmeäh; nahsaub edush egoo keëkedoo.

⁴⁰ Menuhwah dush kahezhaud, oogemekahwaun menuhwah nebahnid, (kekoosigwunenewun muh ween ooshkinzhegoowaun) kah suh dush oogekekanduhsenahwah ewh wahezhenuhquatuhwahwaud.

⁴¹ Menuhwah dush nesing peëzhah, oo‐oo dush enaud, Mahnoo nebaug noongoom, kuhya aunwabeyook; me menikzhuhyegwah, puhgummeähyahmahgud ewh tebahegun; benuh Enene oogwissun puggedenegahzoo emuh ooneenjewaung majeëzhewabezejig.

⁴² Umba oonishkaug, mahjahdah dush; benuh, pashoo peähyah owh bahyahtahid.

⁴³ Kazhetena, magwah kekedood, peëzhah Judas, pazhig kahahwid egewh metahswe‐ahshe‐neezh kekenooahmahgunug; oogepewejewegoon keche‐nebewah ahnishenahban, kahpahbahtuhkoonumenejin enewh ahzhahwashkoon kuhya puhguhmahgunun, kepeähnoonegoowaud enewh keche‐sahsahgewejega‐wenenewun kuhya oozhebeëga‐wenewun kuhya katezenejin.

⁴⁴ Owh suh kahbabtahaud enewh Jesusun, oogemeenaun ewh kekenoowahjechegun, oo‐oo keëkedood, Ahwagwan kaoojeemahwugan, mesuh owh; tuhkoonik, kuhya ahyaungwahmezik chemahjewenag.

⁴⁵ Uhpe dush kahtuhgwishing, kazhetena oonaunzekahwaun, oo‐oo dush oodenaun, Rabbi! Rabbi! kuhya dush keoojemaud.

⁴⁶ Oogepuhgedenuhmahwahwaun ooneenjewaun emuh weyowening, kuhya dush oogetuhkoonahwaun.

⁴⁷ Pazhik dush pashoo kahnebahwid oogekejepetoon ewh ahzhahwashk, kuhya dush oogepuhketawaun keche‐sahsahgahwejega‐wenene oobuhmeetahgunene, oogekeeshke-tuhwugaguhnahmaun dush.

⁴⁸ Jesus dush oogenuhquatuhwaun, oo‐oo dush keënaud, Kemoodishke‐wenening nuh kegeëzhenahzekahwim, ahyooyag enewh puhguhmahgunun kuhya ahzhahwashkoon chepetuhkooneyag?

⁴⁹ Anduhsoo‐kezhik ningeähyah emuh keche‐ahnuhmeä‐weguhmigoong kahahyahyag kenuhwah, keduhzhekuhgequayaun, kah dush kegetuhkooneseem; enandahgwud suh chetebishkoosag enewh kechetwah‐oozhebeëgunun.

⁵⁰ Kuhkenuh dush oogenuhguhnahwaun, keöozhemoowug edush.

⁵¹ Oogeühnenoopenuhnegoon pazhik ooshkenuhwan, ewh wahbishkegin atuh kepemeähgwid wah‐owh; oogetuhkoonegoon dush enewh enenewun.

⁵² Oogenugguhduhmahwaun ewh wahbishkegin, kepingwahshahgidid keöozhemoo.

⁵³ Oogemahjewenahwaun dush enewh Jesusun, oogeezhewenahwaun emuh andahnid keche‐sahsahgahwejega‐wenenewun, kuhya dush pemahwunjeëdewug kuhkenuh keche‐sahsahgahwejega‐wenenewug, kuhya egewh katezejig, kuhya egewh oozhebeëga‐wenenewug.

⁵⁴ Peter dush wahsuh oogeëzhenoopenuhnaun enewh Jesusun, nahnauzh keche‐sahsahgahwejega‐wenene andaud oogeweduhbemaun enewh buhmeetahgunun, keähwuhzood dush emuh chegishkoota.

⁵⁵ Egewh dush keche‐sahsahguhwewejega‐wenenewug kuhya kuhkenuh egewh kahmahwunje‐enahkoonegajig oogenundahwandahnahwah cheähnahmuhmemind Jesusun cheoonje‐nesahwaud; kah dush oogemekunsenahwah.

⁵⁶ Nebewah suh oogekuhkenuhwishke‐ahnahmahmegoon, kah suh tatebishkoo keënahjemoosewun.

⁵⁷ Kepeëzhahwug ahnind, kuhya kepekuhkenuhwishke-bahtahmahwaud, oo‐oo keëkedoowaud.

⁵⁸ Ningenoondahwahnaun ekedood Ningahbahnahjetoon maunduh ahnuhmeä‐weguhmig ooneenjemaung kahoonje‐oozhechegahdag, uhnenesoogoonuhguk ningahkezhetoon bakahnuk ooneenjemaung kaoonje‐oozhechegahdasenook.

⁵⁹ Kah suh dush oomuh kepazhikwunsenene oodebahjemoowinewah.

⁶⁰ Kepuhsegwe dush emuh nahwuhyeëe owh keche‐sahsahgewejega‐wenene, oogekuhgwajemaun dush enewh Jesusun, oo‐oo keëkedood, Kah nuh ningood kedekedoose? wagoonan anahjemikwah oogoo?

⁶¹ Kepezaun‐ahyah dush ween, kah kuhya ningood Kenuhquatunse. Menuhwah owh keche‐sahsahgahwejega‐wenene oogekuhgwajemaun, oo‐oo keënaud, Keen nuh kedow owh Christ, oogwissun owh Mahyahmahwe shahwandahgoozid?

⁶² Jesus dush keëkedoo, Nindow; kegahwahbuhmahwah dush Enene oogwissun nuhmuhduhbid emuh ookechenikaung owh Kache‐mushkahwezid, kuhya peëzhaud emuh kezhegoong duhzhe‐ahnuhquudoong.

⁶³ Me dush uhpe owh keche‐sahsahgahwejega‐wenene kepegoobedood oodahgwewinun, oo‐oo dush keëkedoo, Ahneen kayahbekaoonje‐nunduhwanemungwah dabahjemoojig.

⁶⁴ Kegenoondahnahwah ewh mujje‐kezhwawin; ahneen ananduhmag? Keënahkoonegawug dush kuhkenuh, cheënandahgoozenid cheneboonid.

⁶⁵ Ahnind oogemahje‐sikwahnahwaun, kuhya keähgwengwabenahwaud, kuhya oogepuhquahkooneenjetahwahwaun, kuhya oo‐oo keënahwaud, Aunwahjegan: egewh dush buhmeetahgunug oogenuhpuhgauseneenjetahwahwaun puhkedawahwaud dush.

⁶⁶ Peter dush ween ahyahgoobunan ahnahmeëe emuh keche‐wahkaheguning; oogepenaunzekahgoon pazhik owh keche‐sahsahgewejega‐wenene oobuhmeetahgun‐equamun.

⁶⁷ Uhpe dush wahyahbuhmaud enewh Peterun ahwuhzoonid, oogenuhnahguhdahwahbuhmaun, kuhya oo‐oo oogeenaun, Kuhya keen kegeweejewah Jesus Nazareth duhzhe‐wenene.

⁶⁸ Ween dush keähgoonwatum, oo‐oo dush keëkedood, Kahween nekekanduhse, kah kuhya nenesittootunse ewh akedooyun. Tasekauning dush keëzhesahguhum; kemesittahgooze dush owh nahba‐pahkahahkwa.

⁶⁹ Menuhwah dush owh buhmeetahgun‐equa oogewahbuhmaun, kuhya dush kemahjeënaud nahbahwenejin emuh, Mesuh mahbah pazhik.

⁷⁰ Menuhwah dush keähgoonwatum. Nahguj edush, egewh nahbahwejig emuh menuhwah oo‐oo oogeënahwaun enewh Peterun, Kagate suh keen kedow pazhik: ke‐Galilee‐duhzhe‐wenenewh, kedinwawin dush nahsaub debahjemoomahgud.

⁷¹ Kemahje‐mujje‐kekedoo kuhya oogetuhgoo‐weenaun Kesha‐Muhnedoon, oo‐oo keëkedood, Kahween gooshah nekekanemahse wah‐owh enene anduhzhemag.

⁷² Medush menuhwah kemesittahgoozid owh nahba‐pahkahahqua: Peter dush oogemequandaun ewh ekedoowin, kahegoogoobunan enewh Jesusun, Chepwah neezhing masettahgoozid nahba‐pahkahahqua, nesing kegahahgoowatow. Uhpe dush kahnahnahgahdahwandung, kemahwe.