ST. MARK 13 - Ottawa New Testament Penteteuch and Psalms 1874

¹ Uhnesahgahung dush emuh keche‐ahnuhmeä‐weguhmigoong, oo‐oo oogeëgoon pazhik enewh ookekenooähmahgunun, Kakenooähmahgayun, benuh uhyezhenahgwuk oonoo ahsineen kuhya oonoo wahkahegunun.

² Jesus dush oogenuhquatuhwaun oo‐oo keënaud, Kewahbundaunun nuh oonoo keche‐wahkahegunun? kahween kuhnuhga tahishkoonegahdasenoon pazhik ahsin cheoogedahbikesing, kuhkenuh suh tahneswabenegahdawun.

³ Magwah dush wuhwanuhbid emuh oogeje‐wahjewing ewh Olives, anahsuhmesing debishkoo ewh keche‐ahnuhmeä‐weguhmig, keemooj oogepekuhgwajemegoon enewh Peterun kuhya Jamesun kuhya Johnun kuhya Andrewun,

⁴ Weenduhmooweshenaum, ahneen apeech katebishkoosag oonoo uhyeëen? ahneen dush kaëzhekekenoowahduk uhpe zhuhyegwah wetebishkoosag oonoo uhyeëen?

⁵ Jesus dush oogenuhqwatuhwaun, oo‐oo dush kemahje‐ekedoo, Ahkahwahbeyook chewuhyazhemesenoowag ahweyah:

⁶ Nebewah gooshuh tahpetuhgwishenoog emuh nindezhenekahzoowining, tahekedoowug dush, Neen suh nindow owh Christ; oogahwuhyazhemahwaun dush nebewah.

⁷ Uhpe dush noonduhmag ewh wemegahding kuhya cheduhzhinjegahdag megahdewinun, kagoo megooshkahdandunkagoon: enandahgwud muh cheëzhewabuk; kah dush ween goo muhshe tahishquahsasenoon.

⁸ Tahnundoobunekundahdewug papukkaun azheweenzoojig ahnishenahbag, kuhya oogemahwewinun tahnuhnundoobunekundahdemahgudoon: kuhya minzeewa tahcheen-gookummegah, kuhya tahpuhkuddakummegah, kuhya sunnuggezewinun, tahdahgoomahgudoon: mesuh oonoo kaöonje‐mahje‐nuhneenuhwandahkummeguk.

⁹ Aungwahmezeyook dush; kegahezhepuhgedenegoom gooshah emuh anduhzhe‐kahkekedoong; kuhya emuh ahmuhmeä‐weguhmigoong, kegahpuhzhunzhaöogoom, kuhya kegahnebuhwim emuh enahsuhmuhbewaud keche‐oogemaug kuhya tebahkoonega‐wenenewug neen oonje, chedebahjemootahwagwah,

¹⁰ Enahkoonegam suh goo ween ewh minwahjemoowin chedebahjemootahwindwah kuhkenuh ahnooj azheweenzoojig ahnishenahbag chepwah oo‐oo ezhewabuk.

¹¹ Uhpe dush ezheweenenagwah kuhya puggedenenagwah, kagoo kezhah nahnahgahdahwandunkagoon ewh kaëkedooyag, kagoo kuhya kezhah nundahkekandunkagoon: wagoodoogwan dush kameenegoowagwan ewh uhpe cheëkedooyag, mesuh kaëkedooyag: kahween kenuhwah kegahkekedooseem, me atuh owh Pahnezid Oojechaug.

¹² Owh dush wawejekewaëmind oogahpuhgedenaun enewh wejekewaün chenesemind; kuhya owh wanejahnesid enene oogahpuhgedenaun enewh oonejahnesun; kuhya egewh wanejahnesemindjig oogahmegahnahwaun enewh ooketezemewaun, oogahnesahwaun dush.

¹³ Kegahsheenganemegoowaug kuhkenuh bamahdezejig nindezhenekahzoowin oonje; owh dush kaäungwahmezid peenish egoo ishquah‐ahyahnig oonoo, mesuh owh kabemahjeïnd.

¹⁴ Uhpe kewahbunduhmag ewh bahnahjeëwawine-kuhgwahnesuggezewin, kahdebahdoodung owh Daniel aunwahjega‐wenene, nebahwemahguk emuh kanebahwemah-gussenoogebun (mahnoo owh agindung oogahnesittootaun,) egewh käahyahjig emuh Judeäing takezhenezhemoowug emuh wahjewing:

¹⁵ Owh dush oogeduhgummig kaähyaud kahween tahezhenesaunduhwase emuh oowegewauming, kah dush tahpeendegase, gagoo chenahdeed emuh oowegewauming.

¹⁶ Kuhya dush owh emuh ketegauning ayaud, kahween, tahpekewase chenahteed oopuhpesekahwahgun.

¹⁷ Tahkeche‐ahnemezewug suh egewh equawug kaähyahwahjig enewh ahbenoojeün, kuhya egewh kanoonahwuhsoojig uhpe oonoo kezhegudoon pagummeähyaugin!

¹⁸ Ahnuhmeäug ewh magwah pepoong chemahjenezhe-moosewag.

¹⁹ Ewh muh uhpe kekezheguk tahduhgoomahgud ewh kooduggezewin, kah goo wekah keëzhewabussenoon pahahkoo‐mahje‐oozhetoong ewh uhkee kahoozhetood owh Kesha Mahnedoo nahnauzh egoo noongoom, kah kuhya wekah menuhwah tahezhewabussenoon.

²⁰ Kishpin dush owh Tabaningad keënahkoonegasigebun chetuhquahmahguk oonoo kezhegudoon, kah kuhnuhga ahweyah wahyahsewid tahgebemahjeähse: egewh dush kahwuhwanahbuhmahjin keoonje‐enahkoonega chetuhquahmahguk oonoo kezhegudoon.

²¹ Ewh dush uhpe, Kishpin ahweyah enenag, Benuh, oomuh ahyah owh Christ; gamuh, benuh, ewede; Kagoo dabwatunkagoon:

²² Tahpetuhgwishenoog gooshah egewh wuhyazhinga‐Christug kuhya wuhyazhinga‐aunwahjega‐wenenewug, oogahwahbundahewanahwah enewh kekenoowahjechegunun kuhya mahmaundahwejegunun, chewuhyazhemahwaud, kishpin goo kushketoongebun, enewh kagegeninjin.

²³ Kenuhwah dush aungwahmezeyook: benuh kezhah kegeweenduhmoonenim kuhkenuh oonoo uhyeëen.

²⁴ Uhpe dush ween puhguhmeähyaug oonoo kezheguddoon, uhpe oo‐oo keëzhemegooshkahduhkummegaug, tahtebikahbuhmenahgooze owh kezhike‐kezis, kuhya tebike‐kezis tahishquahyahsega.

²⁵ Kuhya egewh kezhegoong duhshe ahnungoog tahpungeshenoog, kuhya kezhegoong duhshe kushkeäwewezewinun tahnuhningishkahmuhgudoon.

²⁶ Medush uhpe kawahbuhmahwaud Enene oogwissun peëzhahnid emuh ahnuhquudoong emuh keche‐mushkahwezewining kuhya wahwezhanduhmoowining.

²⁷ Me dush uhpe kapëzhenahzhahwaud enewh oodangenemun, oogahmahwundoonaun dush enewh kagegenemindjin emuh newing enuhkayah wandahnemuk oogahoondenaun, kuhya wuhyaquahkummeguk ewh uhkee, kuhya emuh wuhyaquah‐ahyaug ewh kezhik.

²⁸ Umba emuh figoominahgahwunzheeng oonjenundahkekandahmook ewh ahwajegun; uhpe zhuhyegwah nwahkahgukin enewh wahtikwaunun, kuhya ewh suhyahgezebuggezejin, kekekandahnahwah gagah cheweneebing:

²⁹ Mesuh kuhya oo‐oo debishkoo kenuhwah, uhpe wuhyahbundahmagoon oonoo cheëzhewabuk, kekanduhmook pashoo chepeähyahmahguk, pooch egoo chegesquaund.

³⁰ Kagate kedenenim, Kahween tahchaugenasewug oogoo noongoom bamahdezejig, bahnemah atuh kedebishkoosag kuhkenuh oonoo.

³¹ Ewh kezhik kuhya ewh uhkee tahishquahsawun; neen dush ween nindekedoowinun kahween tahishquahsasenoon.

³² Uhpe dush kadebishkoosagwan ewh kezhik kuhya kaähpeech‐kezhegudoogwan kahween ahweyah enene ookedanduhseen, kah kuhnuhga egewh angenug keche‐kezhegoong ayahjig, kah kuhya owh Wagwissemind, Wayoosemind suh atuh.

³³ Aungwahmezeyook, ahkahwahbeyook kuhya ahnuhmeähyook; kah muh kekekanduhsenahwah uhpe katebishkoosagwan.

³⁴ Owh muh Enene oogwissun debishkoo enandahgooze, pazhik owh enene wahsuh kahezhaud, kahnuhguhdung dush oowegewaum, kuhya dush kemuhmeenaud kushkeäwezewin enewh oomeezhenahwamun, kuhya oogemeenaun enewh anduhchenid kaënuhnookenid, oogeënaun dush enewh ganuhwanduhmenejin ewh ishquaundam cheähkahwahbenid.

³⁵ Benuh dush, ahkahwahbeyook: kah muh kekekanduhsenahwah uhpe katuhgwishing owh wawegewaumid, wanahgooshenenig, gamuh ahbetah‐tebekudenig, gamuh uhpe noondahgoozid owh nahba‐pahkahahqua, gamuh kakezhabahwahgudenig:

³⁶ Mahgeshah chasekah tuhgwishing kegahmekahgoowah nebahyag.

³⁷ Ewh suh anenahgoog me nahsaub enugwah kuhkenuh, Ahkahwahbeyook.