ST. MARK 1 - Ottawa New Testament Penteteuch and Psalms 1874

¹ Oo‐oo Keëzhemahjesenene ewh oominwahjemoowin owh Jesus Christ, Kesha‐Muhnedoo oogwissun;

² Debishkoo azhebeëgahdag emuh aunwahjegawining, Benuh, nindezhenahzhahwah nemezhenahwam chenegahnid kaëneëzhahyun, mesuh owh kawahwazhesittood ewh meekun.

³ Oodinwawin owh madwa‐pepahgid ewede puhgwuhduhkuhmig, Wahwazhesittooyook oodezhahwin owh Jehovah, kuhya quuhyukquahmootahwik enewh oomeekaunsun.

⁴ John suh keähyah emuh buhgwuhduhkuhmegaug, kebaptizooëwad, kuhya kedebahdoodung ewh aunwanindezoowine‐baptizooëwawin cheoonje‐wabenegahdag enewh mujjeëzhewabezewinun.

⁵ Kuhkenuh dush egewh Judea uhkeeng anduhnuhkeejig, kuhya egewh kahoodatoojig emuh Jerusaleming oogenaunzekahwaun, kuhya kuhkenuh oogebaptizooegoowaun emuh Jordan seebing, kewahweenduhmoowaud enewh oomujjeëzhewabezewinewaun.

⁶ Owh dush John keähgwid ewh pagwahwegung oopewyh, kuhya pushquagenoo‐kechepezoowin kekechepezood; kuhya keäumwaud enewh ahtesahwuhyasheyun kuhya buhgwuj‐ahmoo‐sinsebahquud;

⁷ Kekuhgequa dush, oo‐oo keëkedood, Nepenoopenuhnik pazhik ahwahshema mashkahwezid dush ween neen, kahween nindahpetandahgoozese chenahwatahyaun kuhya dush cheähbahahmahwug oomuhkesinayahbeen.

⁸ Neen suh kegebaptizoowenenim emuh nebeeng: ween dush kegahbaptizooëgoowah emuh Keche‐Oojechaugoong.

⁹ Kepuhgummeähyahmahgud ewh uhpe kezheguk, Nazarething Galileeïng anduhgoog kepeöonjebaud owh Jesus, kuhya dush kebaptizooëgood enewh Johnun emuh Jordaning.

¹⁰ Kazhetin dush nebeeng keoonje‐ahgwahtaud oogewahbundaun kezhik chepahkahkoosing, kuhya enewh oojechaugwun debishkoo keche‐oomemeeng chepoonenid emuh weyowing:

¹¹ Kuhya ewh inwawin kezhegoong keoonzetahgwuk, oo‐oo këekedoomahguk, Keen suh kedow ningwis suhyahgeënaun: mesuh keen kache‐minwanemenaun.

¹² Kazhetena dush oogeëzhenahzhahoogoon enewh Keche‐oojechaugwun ewede buhgwuhduhkummig.

¹³ Ewede dush buhquuhduhkummig keähyah nemeduhnuh‐duhsoogoon, kekuhquatebanemegood enewh Satanun: keweejewaud enewh ahwaseeyun; kebuhmetahgood enewh angenun.

¹⁴ Kahtuhkoonind owh John, Jesus keëzhah ewede Galileeing, debahdoodung Kesha‐Muhnedoo oodoogemahwine‐minwahjemoowin,

¹⁵ Oo‐oo dush keëkedood, Zhuhyegwah debiskkoosa, kuhya dush pashoo peähyahmahgud Kesha‐Muhnedoo oodoogemahwewin: aunwanindezooyook, kuhya dabwayanduhmook ewh minwahjemoowin.

¹⁶ Magwah bemoosad tetebaowh Galilee kechegummeeng, oogewahbuhmaun enewh Simonun kuhya Andrewun wejekewaëne pahkoobe‐wabenahnid oodahgwahbenahgunene emuh kechegummeeng: kegegooekä‐wenenewug muh.

¹⁷ Jesus dush oo‐oo keënaud, Howh! noopenuhzheshig, kegahenahkoonenim dush cheahgwahbenagwah egewh enenewug.

¹⁸ Kazhetena dush kenuhguhnahwaud oodahgwahbenahgunewaun, kenoopenuhnahwaud dush.

¹⁹ Anemahjaud dush pashoo oogewahbuhmaun enewh Jamesun oogwissun owh Zebebee, kuhya enewh Johnun wejekewaëne, nuhyazh emuh nahbequauning magwah puhpuhgwahnid oodahgwahbenahgunene.

²⁰ Kazhetena dush oogenundoomaun: oogenuhguhnahwaun dush enewh oosewaun Zebedeün kuhya ahnooketahga‐wenenewun emuh nahbequauning, kenoopenuhnahwaud dush.

²¹ Kepeendegawug dush emuh Capernauming; kazhetena dush aunwabe‐kezhegudenig keëzhah emuh ahnuhmeä‐weguhmigoong, kekekenooahmahgad dush.

²² Oogemahmahkahdandahnahwah dush ewh ookuhgequawin: kashkeäwezid eneneeng muh keëzhekuhgequa, kah dush debishkoo egewh oozhebeëga‐wenenewug.

²³ Keähyah dush emuh oodahnuhmeä‐weguhmigoowaung pazhik enene kakishkahwaud enewh wahnezenejin muhnedoon; kepepahge dush,

²⁴ Oo‐oo dush keëkedood Puhgedeneshenaum; ahneen kadoodahdeyung, keen Jesus Nazareth duhzhe wenene weyun? chebahnahjeëyaung nuh kepeoonje‐ezhah? Kekanemin ahyahweyun, owh Kache‐peeneezid Kesha‐Muhnedoo.

²⁵ Jesus dush oogenuhneebekemaun, oo‐oo dush keëkedood, Pezaun‐ahyaun, kuhya sahgejenahwashkow.

²⁶ Uhpe dush kahkeche‐kooduggeäud owh wahnezid Muhnedoo, kuhya kahkeche‐pepahgid, oogesahgeche nahwashkahwaun.

²⁷ Kuhkenuh dush kemahmahkahdanduhmoog, keguhgwajindewaud, oo‐oo akedoowaud, Wagoonanedoog maunduh? ahneen azhewabuk maunduh ooshke‐kuhgequawin? kushkeäwezewining muh oodezhekuhgaunzoomaun enewh wahnezenejin muhnedoon, oobezindahgoon dush.

²⁸ Kazhetena dush kesuhswa‐yahjemah emuh anegoogookummegaug Galilee‐duhzhe uhkee.

²⁹ Ahnuhmeä‐weguhmigoong dush kahoonje‐sahguhumoowaud, kazhetena keëzhahwug oowegewaumewaung owh Simon kuhya Andrew, keweejewahwaud enewh Jamesun kuhya Johnun.

³⁰ Owh dush Simon oosiggosissun keshingeshinun niningahpenanid, kazhetena dush oogeguhnoonahwaun enewh Jesusun me enewh kahduhzhemahwahjin.

³¹ Kenaunzekahwaud dush, oogepuhsegwindenaun kesuggeninjeenaud; kazhetena kemahjahmahgudene oonin-ingahpenawin, kuhya dush oogebuhmeetahgoowaun.

³² Aneoonahgooshig dush, uhpe kahpungeshemood owh kezhike‐kezis, oogepeetahmahwahwaun kuhkenuh ayahkoosenejin, kuhya kakishkahwahnejin enewh mujje‐muhnedoon.

³³ Kuhkenuh dush wahdatoojig emuh ishquaundang keduhzhe‐mahwunjeëdewug.

³⁴ Oogenoojemooäun dush nebewah ahnooj anahpenanejin, oogesahgeje‐nahzhahwaun dush nebewah mujje‐muhnedoon; kah dush oogepuggedemahwahseen enewh mujje‐muhnedoon chekekedoonid, kekekanemegood muh.

³⁵ Kache‐kuhkezhabahwahgudenig dush, chepwah wahbunenig kekooshkoose, emuh buhgwuhduhkumig keëzhah ewede dush keduhzhe‐ahnuhmeäh.

³⁶ Oogenoopenuhegoon dush Simonun kuhya enewh wahjewahjin.

³⁷ Kahmekahgood enewh, oo‐oo oodegoon, kenundahwahbuhmegoog kuhkenuh enenewug.

³⁸ Oo‐oo dush oogeënaun, Umba ezhahdah emuh ahneka oodanahwung, kuhya ewede cheduhzhe‐kuhgequayaun; me muh pahoonje‐ezhahyaun.

³⁹ Kekuhgequa dush emuh oodahnuhmeä‐weguhmigoowaung emuh anegookookumegaug Galilee duhzhe uhkee, kuhya dush kesahgejenahzhahwaud enewh mujje‐muhnedoon.

⁴⁰ Oogepenaunzekahgoon dush enewh pazhik enenewun wamegeenejin, kepahgoosanemegood, kuhya keshahgushketahgood, oo‐oo dush keëgood, Keshpin enanduhmun, kedahkushkee chepeeneëyun.

⁴¹ Jesus dush, ketemahganemaud, oogeëzheneenjetahwaun, ketaungenaud dush, oo‐oo enaud, Nindenandum; peenezin.

⁴² Oo‐oo dush kahekedood, bahbega kepoone‐oomegeed, kepeeneïnd dush.

⁴³ Uhpe dush kahaungwahmemaud, bahbega Oogemahjenahzhahwaun.

⁴⁴ Oo‐oo dush enaud, Benuh, kagoo debahjemootahwahkan ahweyah: mahjaun dush, ahwewahbunduh ewh keyow owh sahsahgewejega‐wenene, kuhya meegewan kepeeneëgoowin oonje e‐ewh kahekedood Moses chemeegewang, cheoonje‐kekanduhmoowaud.

⁴⁵ Uhpe dush kahmahjaud keähwe‐keche‐debahjemoo kuhya kepahbahwahweenduhmahga ewh ezhechegawin, mesuh ewh kahoonjekushketoosig owh Jesus mezheshuh cheëzhaud emuh keche‐oodanaung; ahgwahjuhyeëe dush buhgwuhduhkummig keduhnezid: kepenaunzekahgood dush minzeewa wanjebahnejin.