ST. LUKE 9 - Ottawa New Testament Penteteuch and Psalms 1874

¹ Uhpe dush kahmahwunzoomaud enewh metahswe‐ahshe‐neezh kekenooähmahgunun, oogemeenaun kushkeawezewin chesahgeje‐wabenahnid kuhkenuh enewh mujje‐muhnedoon, kuhya chenoojemooähnid ahnooj anahpenanejin ahyahkoosenejin.

² Oogemahjenahzhahwaun dush chedebahdooduhmenid ewh oodoogemahwewin owh Kesha‐Muhnedoo, kuhya chenoojemooähnid enewh ahyahkoosenejin.

³ Oo‐oo dush oogeënaun, Kagoo ween oodahpenunkagoon gagoo kaähyooyag emuh meekunaung, kahween suhkuhoowinun, kah kuhya ewh nuhwuhpoowine‐mushkemood, kah kuhya buhquazhegun, kah kuhya shooneyah, kah kuhya kegahahyaunsenahwaun naneezh puhpeesuhkoowahgunun.

⁴ Tebe dush kepeendegawagwan wegewauming, dahyook emuh kuhya suhsahguhuhmoog.

⁵ Anduhchewahgwan dush egewh kaöodahpenesenoonagoog, uhpe uhnenuhguhduhmag ewh oodanah, pahpahwesittaneyook ewh weyuggussa chedebahjemindwah ewh azhewabezewaud.

⁶ Uhpe dush kahmahjahwaud, kepahbahezhahwug emuh oodanaung, pahbahdebahdooduhmoowaud ewh minwahjemoowin kuhya minzeewa kepahbahnoojemooëwawaud.

⁷ Owh dush Herod tetrarch oogenoondaunun kuhkenuh enewh azhecheganid; magwah dush oogenahnahgahdahwandaun e‐ewh kahegood ahnind oo‐oo keëkedoonid, Mesuh wah‐owh John ahyahbejebaud.

⁸ Ahnind dush, Ketuhgwishin owh Elias; ahnind dush keëkedoowun, Pazhik kata aunwahjega‐wenene keöonishkah.

⁹ Herod dush oo‐oo keëkedoo, Ningekishkegwaöomah owh John; ahwanan dush mahbuh, nwaunduhmoowug oonoo ahnookeewinun? oogenundahkekanemaun dush.

¹⁰ Kahpiskahbewaud egewh ahpostleüg oogeweenduhmahwahwaun ewh kahezhechegawaud. Oogeöodahpenaun dush, kuhya puhkayeëe oogeëzheweenaun emuh buhgwuhduhkummig, chegeöodanah Bethsaida kahezehenekahdag.

¹¹ Egewh dush ahnishenahbag, uhpe kakanemahwaud, oogenoopenuhnahwaun: oogeöodahpenaun dush, kuhya oogedebahjemootahwaun ewh anandahgwuk oodoogemahwewin owh Kesha‐Muhnedoo, kuhya oogenoojemooäun enewh wahnoojemooëgoozenejin.

¹² Uhpe dush kahoonahgooshenig, oogepenaunzekahgoon enewh metahswe‐ahshe‐neezh oo‐oo dush keëgood, Mahjenauzhahwe egewh ahnishenahbag, cheöonjepahbahezhahwaud emuh oodanaunsing kuhya kewetuheëe duhnuhkeewining atagin chekuhbashewaud kuhya cheähyahmoowaud ewh meejim; puhgwuhduhkummegah suh oomuh anduhzhe‐ahyahyung.

¹³ Oo‐oo oögeënaun, Kenuhwah ahshummik. Oo‐oo dush oogeëgoon enewh, Kahween gagoo nindahyaunsemin, me atuh naunun buhqnazhegunug, kuhya neezh gegooyug: kishpin atuh ahwekishpenuhtooyaungoobun meejim cheöonjewesenewaud kuhkenuh oogoo ahnishenahbag.

¹⁴ Koonemah nahnun metauswauk duhchegwahpun egewh enenewug. Oo‐oo dush oogeënaun enewh ookekenooähmahgunun, Nuhmuhduhbeïk chenebenabewaud chenanahnemeduhnuhwawaud.

¹⁵ Mesuh kahezhechegawaud, kahnuhmuhduhbeähwaud dush.

¹⁶ Kahoodahpenaud dush enewh nahnun buhquazhegunun, kuhya neezh gegooyun, keënahbe kezhegoong enuhkuhkayah, kemahmooyahwa, kuhya dush oogebuhquabenaun, oogeënenuhmoowaun dush enewh kekenooähmahgunun chemeenahnid enewh ahnishenahban.

¹⁷ Kewesenewug dush, kuhya kuhkenuh ketabesenewug: kesuggukkenegahdawan enewh ishquunjegunun, metahswe‐ahshe‐neazh kookoobenahgunun kemooshkenawun.

¹⁸ Kepuhgummeähyah dush, magwah kenezheka‐ahnuhmeäud, oogeweejewegoon enewh ookenooähmahgunun, oogeguhgwajemaun dush, oo‐oo keëkedood, Ahneen ezhewaud egewh ahnishenahbag ewh neen ahweyaun?

¹⁹ Oogenuhquatuhwahwaun dush oo‐oo keënahwaud, John owh Baptizooëwa‐wenene; ahnind dush, Elias; kuhya ahnind, Pazhik egewh kata aunwahjega‐wenenewug keähbejebah.

²⁰ Oo‐oo dush oogeënaun, Kenuhwah dush, Ahwanan azheyag ahyahweyaun? Peter dush kenuhquatum, oo‐oo keënaud, Oo‐Christemun owh Kesha‐Muhnedoo.

²¹ Oogeäuugwahmemaun dush, keëkedood chedebahjemootahwahsenid ahweyah oo‐oo uhyeëe;

²² Oo‐oo keëkedood, Nundahwandahgooze suh owh Enene Oogwissun nebewah chekootuggandung, cheähgoonwayanemegood dush enewh katezenejin, kuhya enewh keche‐sahsahgewejega‐wenenewun, kuhya oozhebeëga‐wenenewun, kuhya chenesind, kuhya nesoogoonuhgudenig cheähbejebaud.

²³ Oo‐oo dush oogeënann kuhkenuh, Kishpin ahweyah wenoopenuhzhid, mahnoo tahahgoonwayanindezoo, oogahoodahpenaun dush oodahzhedayahtikoom anduhsoo‐kezhegudenig, nigahnoopenuhnik dush.

²⁴ Ahwagwan muh kawebemahjetoogwan oobemahdezewin oogahwuhnahjetoon suh: ahwagwan dush kawuhnahjetoogwan oobemahdezewin neen oonje, mesuh owh kabemahjetood.

²⁵ Ahneen dush kaöondezid enene, ahnoo kushketood kuhkenuh anegookookummegaug ewh uhkee, kishpin nishwahnahdezid gamuh wabenegahzood?

²⁶ Ahwagwan muh kaähguddanemegwan kuhya enewh nindekedoowinun, mesuh enewh kaähguddanemahjin owh Enene Oogwissun, uhpe petuhgwishing emuh tebenuhwa oopeshegandahgoozewining kuhya oopeshegandahgoozewining owh Wayoosemind kuhya oopezhegandahgoozewinewaung egewh kachetwahwezejig angenug.

²⁷ Kagate kedenenim, Ahnind ahyahwug oomuh nahbahwejig kataungunduhsegoog ewh neboowin, bahmah atuh kewahbunduhmoowaud ewh oodoogemahwewin owh Kesha‐Muhnedoo.

²⁸ Kepuhgummeähyah dush uhpe kahishquah‐kekedood oonoo ekedoowinun kuhnuhbuj neshwausoogoonuhgudenig, oogeöodahpenaun enewh Peterun kuhya enewh Johnun kuhya enewh Jamesun, keähmujjewad emuh wahjewing cheähnuhmeäud.

²⁹ Kepuhgummeähyah dush magwah ahnuhmeäud kequakezhenahgwudene oodagwy kuhya oodahwewin kewahbishkahne kuhya kewahsashkahne.

³⁰ Benuh dush, oogepeguhnoonegoon enewh neezh enenewun, mesuh Moses kuhya Elias.

³¹ Kepeshegandahwudene oodezhenahgoozewinewah, kuhya dush oogeduhzhindahnahwah ewh ooneboowin, ewh katebishkoosetood emuh Jerusaleming.

³² Peter dush kuhya ooweejekewaëmun kepeengooshewug: magwah dush kenebahsigwah oogewahbundahnahwah Jesus oopeshegandahgoozewin kuhya neezh enewh enenewun waujekahbahwetahgoonejin.

³³ Kepuhgummeähyah dush, Jesus magwahnuhguhnegood enewh enenewun, oo‐oo oogeëgoon enewh Peterun, Nindoogemaum keche oonesheshin oomuh ahyahyung: ningahoozhetoonahnin neswe wegewaumun; pazhik keen chedahyun, Moses dush pazhik, kuhya Elias pazhik; kah muh oogekekanduhseen ewh kahekedood.

³⁴ Magwah dush oo‐oo ekedood kepeëzhahmahgud ewh ahnuhquud kepuhduhgwahnishkahgoowaud dush; kesagezewug dush uhpe kahpeendeganid emuh ahnuhquudoong.

³⁵ Keöonzetahgwud dush ewh inwawin oonje ahnuhquudoong, oo‐oo keekedoomahguk, Mesuh wah‐owh suhyahgeüg ningwis, me owh kabezinduhwag.

³⁶ Uhpe dush kahishquah‐muhtwawag, Jesus kemekahwah nezhekawezid. Kah dush ewh uhpe oogewahweenduhmahwahsewaun ahweyah enenewun oonoo uhyeëen kahwahbunduhmoowaud.

³⁷ Kepuhgummeähyahmahgud dush, kahwahbunenig uhpe pahnesahkewawaud, nebewah ahnishenahban oogenuhquashkahgoon.

³⁸ Benuh dush, pazhik enene emuh akoo‐ooqueen-oowaud kekeche‐pepahge, oo‐oo keëkedood, Kakenooähmahgayun kepahgoosanemin, guhnuhwahbum ningwis, pazhigoo muh nenejahnis.

³⁹ Benuh dush, oodoodahpenegoon enewh muhnedoon, kahwuhnuhpe dush ahyahshequa; oodahdoopebenegoon dush kuhya petawanuhmood; ahgahwah dush oonuhguhnegoon kahkeche‐bahnahjeëgood.

⁴⁰ Ningepahgoosanemaug dush egewh kekekenooähmahgunug chesahgeje‐wabenahwaud, kah dush kekushkeäwezesewug.

⁴¹ Jesus dush oogenuhquatuhwaun, oo‐oo keëkedood, Oh kenuhwah noongoom bamahdezeyag ahyahgoonwayanduhmag kuhya kagaunzetuhmag! Ahneen menik kaweejewenuhgoog kuhya kaminwahdanemenenuhgoog? Peezh kegwis oomuh,

⁴² Magwah dush peëzhaud oogeähpuhguhnegoon enewh mujje‐muhnedoon, kuhya kedahdoopebenegood: Jesus dush oogenuhneebikemaun enewh wahnezenejin muhnedoon kuhya dush oogenoojemooäun enewh quewezansun, kuhya dush kepuggedenuhmahwaud enewh oosene.

⁴³ Kuhkenuh dush oogemahmahkahdandahnahwah ookeche‐kushkeäwezewin owh Kesha‐Muhnedoo Magwah dush kuhkenuh mahmahkahdanduhmoowaud kuhkenuh kahezhechegad owh Jesus, oo‐oo oogeënaun enewh ookekenooähmahgunun,

⁴⁴ Ahtooyook emuh ketahwuggahwaung oonoo nindekedoowinun; owh muh Enene Oogwissun zhuhyegwah tahpuggedenegahzoo emuh ooneenjeening enewh enenewun.

⁴⁵ Kah dush oogenesittootunsenahwah maunduh ekedoowin, kah kuhya kepuggedenuhmahwahsewug chekekanduhmoowaud: keähgwushkewug chekuhgwajemahwahpun ewh ekedoowin azhenesittootahgwuk.

⁴⁶ Kekuhgwajindewug dush, ahwagwan menik anduhchewaud nahwuj kakechetwahwandahgoozegwan.

⁴⁷ Jesus dush kekandung azhekuhgwajindewaud emuh oodaëwaung, oogeöodahpenaun enewh ahbenoojeün, keähsaud dush pashoo ween ahyaud.

⁴⁸ Oo‐oo dush oogeënaun enewh ookekenooähmahgunun, Ahwagwan kaöodahpenahgwan oonoo ahbenoojeün emuh nindezhenekahzoowining, mesuh owh wadahpenid: ahwagwan dush wadahpenegwan, mesuh owh wadahpenaud enewh kahahnoozhejin: owh muh kache‐ahgahsheëïd emuh ahyahyag, mesuh owh kakeche‐ahpeetandahgoozid.

⁴⁹ John dush oogenuhquatuhwaun oo‐oo keëkedood, Kakenooähmahgayun, ningewahbuhmahnaun pazhik sahgeje‐wabenaud enewh mujje‐muhnedoon emuh kedezhenekahzoowining; ningekenahahmahwahnaun dush, kah muh keweejewegoosenaun.

⁵⁰ Jesus dush oo‐oo oogeënaun, Kagoo kenuhahmahwahkahgoon: owh muh mahgahnesenoonung keweedookahgoonaun.

⁵¹ Kepuhgummeähyahmahgud, gagah ketebishkoosanig uhpe kezhegoong cheëzheöodahpenind, moonzhug keënahbe weëzhaud ewede Jerusaleming.

⁵² Oogeëzhenahzhahwaun enewh mezhenahwan chenegahnenid; peendegake wundush emuh oodoodanahwewaung egewh Samaritinug chewahwazhetahmahgood enewh.

⁵³ Kah dush oogeöodahpenahsewahwaun, keënahbe muh wahezhaungin ewede Jerusaleming.

⁵⁴ Uhpe dush ookekenooahmahgunun James kuhya John wuhyahbunduhmoowaud, oo‐oo oogeënahwaun, Tabaningayun, kedenandum nuh cheëkedooyaung ewh ishkoota kezhegoong cheoonjebahmahguk chebahnahjeëgoowaud dush debishkoo kahezhechegagoobunan owh Elias?

⁵⁵ Kequakekahbahwe owh Jesus, kenuhneebekemaud edush oo‐oo keëkedood, Kahween kekekanduhsenahwah ewh azhewabezeyag.

⁵⁶ Kahween kepeöonje‐ezhahse owh Enene Oogwissun chebahnahjetuhmoowaud enewh enenewun oobemahdezewine, chebemahjetahmoowaud atuh. Pakaunuk dush oodanaung keëzhahwug.

⁵⁷ Kepuhgummeähyahmahgud, uhnebemoosawaud emuh meekunaung, oo‐oo oogeëgoon pazhik enenewun, Tabaningayun kegahnoopenuhnin tebe azhahwunan.

⁵⁸ Jesus dush oogeënaun, Oowahzhewug egewh wahgooshug, kuhya oowussissoonewug egewh kezhegoong duhzhe penazheyug; Owh atuh Enene Oogwissun kahween oodahyaunseen ewh kaähpequashemood.

⁵⁹ Oo‐oo dush oogeënaun bakahnezenejin, Noopenuhzheshin; oo‐oo dush oogeëgoon, Tabaningayan puhgedenuhmahweshin netum cheähweningwuhwug owh noosebun.

⁶⁰ Jesus dush keëkedoo, Mahnoo egewh naboojig oogahningwuhwahwaun enewh naboonejin; keen dush mahjaun debahdoodun dush ewh oodoogemahwewin owh Kesha‐Muhnedoo.

⁶¹ Menuhwah dush pazhik oogeënaun, Tabaningayun kegahnoopenuhnin, puhgedenuhmooweshin chenahkahwa-ahnahmekahwugwah egewh emuh endahyaung ayahjig.

⁶² Jesus dush oogeënaun, Kahween ahweyah takoonung ewh pegoobejegun, kishpin ahbuhnahbid enandahgoozese chepeendegad emuh oodoogemahwewining owh Kesha‐Muhnedoo.