ST. LUKE 8 - Ottawa New Testament Penteteuch and Psalms 1874

¹ Kepugguhmeähyahmahgud suh nahguj, kepuhbahmoosa emuh anduhching enewh keche‐oodanahwun kuhya enewh oodanaunsun, kepuhbahkuhgequad kuhya kepuhbahdebahdoodung ewh manootahgwuk oodoogemahwewine‐minwahjemoowin owh Kesha‐Muhnedoo; oogeweejewaun dush enewh metauswe‐ahshe‐neezh ookekenooähmahgunun.

² Ahnind dush equawug, kahnoojemooïndebuneeg keoomujje‐muhnedoomewahgoobun kuhya keähkoozewahgoobun, Mary Magdalene azhenekahzood, me suh owh neezhwahswe mujje‐muhnedoon kahsahgejenootahgood.

³ Kuhya Joannah, wewun owh Chusa ooguhnuhwanjega‐wenenemun owh Herod, kuhya Susanna, kuhya nebewah ahnind, kahmeenahjig enewh ootebenuhwawezewinewaun.

⁴ Uhpe nebewah ahnishenahbag kahmahwunjeëdewaud kuhya kepenaunzekahwahwaud, anduhching oodanahwun kepeöonjebahwaud, keähwajega:

⁵ Pazhik ketega‐wenene kesahgahum chesuhswawabenung ewh menekaun: ewh dush kesuhswa‐wabenegad, ahnind kepungesinoon emuh mahyahwekunah; me dush ketuhkookahjegahdag, kuhya egewh penaseyug kezhigoong ayahjig oogepemoozhahgoondahnahwah.

⁶ Kuhya ahnind oogedahbik kepungesinoon; uhpe dush kahsahgukeeg, keneboodawun, kah muh kenebewuh-kummegahsenoon.

⁷ Ahnind dush magwa‐menasuhgahwunzhekaug kepungesinoon; egewh menasuhgahwunzheeg ketuhgoo‐mahjegewug, oogeähnegeendahnahwah dush.

⁸ Ahnind dush emuh wanesheshing uhkeeng kepungesinoon, kemahjegin, kuhya kemeenewun ningoodwauk duhching menik. Uhpe dush oonoo kahekedood, kepepahge, Ahwagwan suh watuhwugahgwan chebezindung, mahnoo tahbezindum.

⁹ Oogeguhgwajemegoon dush enewh ookenooähmahgunun, oo‐oo dush keëgood, Ahneen azhenesittotahgwuk maunduh ahwajegun?

¹⁰ Oo‐oo dush oogeënaun, Kenuhwah suh kemeenegoom chekekanduhmag enewh kahmoodukin emuh oodoogemahwewining owh Kesha‐Muhnedoo: bakahnezejig dush ween emuh ahwajeguning; ewh ahnoo wahbewaud chewahbesigwah, kuhya ahnoo noonduhmoowaud chenesittootunsigwah.

¹¹ Benuh suh, ewh ahwajegun oo‐oo ezhesin: Ewh menekaun me ewh oodekedoowin owh Kesha‐Muhnedoo.

¹² Oonoo dush mahyahwekunah kahpungesingin, mesuh egewh nwaundungig, petuhgwishin dush owh mujje‐muhnedoo, muhkummaud dush ewh ekedoowin oonje oodaëning, chedabwayanduhsenid kuhya chebemahdezesenid.

¹³ Oonoo dush oogedahbik kahpungesingin me suh egewh nwaundungig, emuh moojegezewining ezheöodahpenuhmoowaud ewh ekedoowin; oogoo dush kahween oojeebekahwesewug, ahjenah dabwatuhmoog, uhpe dush enewh kuhgwajeëdewinun wadesegoowaud, me suh azheähzhasawaud.

¹⁴ Ewh edush magwa menasahgahwunzhekaug kahpungesingin mesuh egewh uhpe kahnoonduhmoowaud, suhyahguhungig, oonduhmeëgoowaud enewh oonzaumanduh-duhmoowinun kuhya kechetwahwezewinun kuhya maunduh bemahdezewine‐oonahnegoozewinun, kah dush wawane tamenewesewug.

¹⁵ Ewh dush kahpungesing emuh wanesheshing uhkeeng, mesuh egewh uhpe kahnoonduhmoowaud ewh ekedoowin emuh quuhyukwuk kuhya wanesheshing oodaëmaung, ewh guhnuhwanduhmoowaud, kuhya meenewewaud emuh minwahdanemoowining.

¹⁶ Kahween ahweyah uhpe kahsuhkuhung wahsahkoonanjegun, ookahdunseen emuh ahnahme‐oonahguning, gamuh ahnahme‐nebahguning, emuh suh wahsuhkoonanjegun‐ahbikoong oodahtoon, kuhkenuh egewh paundegajig cheöonjewahbunduhmoowaud ewh wahsayahzewin.

¹⁷ Kah muh gagoo kahjegahdasenoon, mesuh atuh kamezheshuhwechegahdag; kah kuhya gagoo emuh kemoodezining ahchegahdasenoon, me atuh emuh wahsayahzewining cheähtag.

¹⁸ Nahnahguhdahwanduhmook ewh azhenoonduhmag: ahwagwah muh ayahmoogwan, tahmeenah; ahwagwan dush ayaunsegwan, tahmuhkummah ewh uhyenanemind cheähyaung.

¹⁹ Kepeëzhahwun oogeen kuhya wejekewaün, kah dush kekushketoosewun chepenaunzekahgood, apeech bahtuhyeënid enewh ahnishenahban.

²⁰ Kewahweenduhmahwah dush, oo‐oo keëgood enewh ahnishenahban, Benuh, kenunduhwahbuhmegoog keguh kuhya egewh kejekewaüg ahgwahjeeng nebahwewaud.

²¹ Ween dush oogenuhquatuhwaun oo‐oo keënaud, Egewh nwaundungig kuhya mahkindungig oodekedoowin owh Kesha‐Muhnedoo, mesuh oogoo ninguh kuhya nejekewaüg.

²² Kepuhgummeähyahmahgud suh goo goomuhpe kezheguk, kepooze emuh nahbequauning kuhya ookekenooähmahgunun: oo‐oo dush oogeënaun, Umba ahgahming ezhetuhkummahoodah. Medush keühnekaundenegawaud.

²³ Magwah dush pemahshewaud kenebah owh Jesus; kepuhgummahnemudene dush, kekeche‐nootinenig emuh kechegummeeng; kemooshkenabewug, kekeche‐nuhneezah-nezewug dush.

²⁴ Kepenaunzekahwahwaud oogeähmuddenahwaun, oo‐oo keënahwaud, Wagemahweyun, wagemahweyun neneboomin gooshah. Ween dush keöonishkah, oogenuhneebekindaun ewh noodin kuhya ewh kechegummee kache‐maungaushkaug: kepoonahnemud edush, kuhya keäunwahtin.

²⁵ Oo‐oo dush oogeënaun, Ahneende kedabwayanduhmoowinewah? Sagezewaud dush kekeche‐mahmahkahdanduhmoog, oo‐oo dush kekeche‐guhnoonendewug, Ahwananedoog wah‐owh! ookuhgaunzoondaun muh ewh nootin kuhya ewh nebee, oobezindahgoon edush.

²⁶ Kepuhgummahshewug dush emuh ooduhkeemewaung egewh Gadareneüg emuh ahgahming Galilee duhzhe uhkee.

²⁷ Kahpekuhbaud edush, oogepenuhquaskahgoon pazhik enewh enenewun oodanaung wanjebahnejin wamujje‐muhnedoomenejin, maweshah akoo‐ezhewabezenid, kuhya pingwahshahgedenid, emuh wegewauming dahsenid, me atuh emuh chebaguhmigoong.

²⁸ Uhpe dush wuhyahbuhmaud enewh Jesusun, kekeche‐ahyahshequa, keähpuggezoo dush emuh oosittahning, keche‐anegook kekekedoo, oo‐oo keëkedood, Ahneen kadoodahdeyung Jesus wagwissemik owh Kache‐ishpandahgoozid Kesha‐Muhnedoo? Kepahgoosanemin chekooduggeësewun.

²⁹ (Oo‐oo mahween oogeënaun enewh wahnezenejin muhnedoon, Pesahgezekow owh enene, Nuhningim muh oogeöodahpenaun: ahnoo dush keminjemahpechegahzoo pewahbikoo‐minjemahpechegunun kuhya tuhkoobejegunun oonje oogepegoobetoonun enewh, keëzhewenegood dush enewh mujje‐muhnedoon emuh buhgwuhduhkummegaung.)

³⁰ Jesus dush oogeguhgwajemaun oo‐oo keëkedood, Ahneen azhenekahzooyun? oo‐oo dush keëkedoowun, Legion suh nindezhenekauz: nebewah muh mujje‐muhnedoog oogepeenjenahwashkahwahwaun enewh enenewun.

³¹ Oogepahgoosanemahwaun dush enewh Jesusun cheëzhenahzhahoosewindwah emuh ahnaumahkummig.

³² Keähyahwug dush nebewah kookooshug emuh wahjewing anduhzhe‐wesenewaud: oogepahgoosanemahwaun chepuggedenuhmahgoowaud chepeenjenahwashkah-wahwaud enewh kookooshun; oogepuggedenahmahwaun dush.

³³ Egewh dush mujje‐muhnedoog kahsahgezekahwahwaud enewh enenewun, oogepeenjenahwashkahwahwaun enewh kookooshun; egewh dush kookooshug kekuhkujjewabuhedewug emuh kechegummeeng, me dush kebwuhnaumahbawahwaud.

³⁴ Egewh dush ashummahwahpun uhpe wuhyahbunduhmoowaud e‐ewh kahezhewabuk, keöozhemoowug, kuhya keähwedebahjemoowug emuh keche‐oodanaung kuhya emuh duhnuhkewining.

³⁵ Kepesahgahuhmoog chewahbunduhmoowaud e‐ewh kahezhewabuk; kehpenaunzekahwahwaud enewh Jesusun, oogemekahwahwaun enewh enenewun kahsahgejenootahgood mujje‐muhnedoon, nuhmuhduhbenid emuh oosittahning enewh Jesusun, pesekoonuhyanid, kuhya nebwahkahnid: kesagezewug dush.

³⁶ Oogeweenduhmahgoowaun dush enewh kahwahbunjeganejin e‐ewh kahezhenoojemooïnd owh kakishkahwahpun enewh mujje‐muhnedoon.

³⁷ Kuhkenuh dush egewh anduhnuhkeejig emuh anegookwaug ooduhkeemewah egewh Gadareneüg, oogepahgoosanemahwaun enewh Jesusun chemahjahnid oonje anduhzhe‐ahyahwaud; kekeche‐sagezewug muh: uhpe dush kahpoozid emuh nahbequauning, kekewa.

³⁸ Owh dush enene kahpesahgejenootahgood enewh mujje‐muhnedoon oogepahgoosanemaun enewh Jesusun cheweejewaud: Jesus dush oogemahjenahzhahwaun, oo‐oo keëkedood,

³⁹ Ezhekewan emuh kewegewauming, kuhya debahdoodun enewh keche‐uhyeëen kahdoodook owh Kesha‐Muhnedoo. Kemahjah dush, emuh anegookwauk ewh oodanah kedebahdoodung enewh keehe‐uhyeëen kahdoodahgood enewh Jesusun.

⁴⁰ Kepuhgummeähyah dush, uhpe kahpiskahbid owh Jesus, oogemenooöodahpenegoon enewh ahnishenahban: kuhkenuh muh oogepeëgoon.

⁴¹ Benuh dush kepeëzhah pazhig enene, Jairus azhenekahzood, kahoogemahkundung ahnuhmeä‐weguhmig: keähpuggezoo dush emuh oosittahning enewh Jesusun, kuhya dush kepahgoosanemaud chepeëzhahnid emuh oowegewauming.

⁴² Kepazhikoowun muh‐atuh oodahnun, koonemah metahswe‐ahshe‐neezhoo‐pepoon‐uhgezegoobun, gagah dush keïshquah bemahdezenegoobun. Uhnemahjaud dush oogesinsekahgoon enewh ahnishenahban.

⁴³ Pazhik dush equa masqueewahpenad metahswe‐ahshe neezhoo‐kekenoonoowinun, kahbahnahjetood kuhkenuh ootebenuhwawezewinun ketebahahmahwaud enewh mushkeke‐wenenewun, kah dush kuhnuhga oogenoojemooëgooseen enewh.

⁴⁴ Kepeëzhaud emuh oopikwunahning enewh Jesusun ketaungenuhmahwaud dush tatebegwahdanig ewh oopesekoowahgun: kazhetena dush kepangoo‐ahyahne ewh kahoonjejewunenig oomisqueem.

⁴⁵ Jesus dush keëkedoo, Ahwanan owh kataungenid? Uhpe dush kuhkenuh kahahgoonwatuhmenid, oo‐oo oogeegoon enewh Peterun kuhya enewh wahjewegoojin, Nindoogemaum, kesinsekahgoog egewh waqueenoojig, kedekid dush, Ahwanan kahtaungenid?

⁴⁶ Jesus dush oo‐oo oogeënaun, Ahweyah suh goo ningetaungenik: nekekandaun muh mushkahwezewin emuh neyowing keöonjemahjahmahguk.

⁴⁷ Owh dush equa kahwahbundung chekekanemind, kepeëzhah nuhningishkaud, kuhya keöojecheengwuhnetuhwaud, kedebahjemoo dush emuh enahsuhmenid kuhkenuh enewh ahnishenahban, ewh kahoonje‐taungenaud, kuhya kazhetena kenoojemooïnd.

⁴⁸ Oo‐oo dush oogeënaun, Soongedaän nindahnis, kedabwayanduhmoowin kegebemahjeëgoon; emuh pezaunewawining ezhemahjaun.

⁴⁹ Magwah dush kayahbe kekedood, peëzhahwun pazhik kahbeöonjebahnid emuh andaud owh wagemahkundung ewh ahnuhmeä‐weguhmig, oo‐oo dush keëgood, Ahzhe keneboo kedahnis; kagoo oodummeähkan owh kakenooahmahgad.

⁵⁰ Uhpe dush Jesus kahnoondung oogenuhquatuhwaun, oo‐oo keëkedood, Kagoo sagezekan: dabwayandun atuh, tahnoojemooäh dush.

⁵¹ Uhpe dush kahpeendegad emuh wegewauming, kahween ahweyah oogepeendeguhnahseen, me atuh Peterun kuhya Johnun kuhya Jamesun, kuhya enewh oosun kuhya enewh oogeen owh kegaungooqua.

⁵² Kuhkenuh dush kemuhwewug kuhya kepuhkittaëdezoowug equazansun oonje, keëkedoo dush ween, Kagoo muhwekagoon; kahween neboose, nebah suh goo.

⁵³ Oogekaunjbahpeähwaun, kekekanemahwaud kagate neboonid.

⁵⁴ Uhpe dush kahsahgeje‐nahzha hwaud kuhkenuh, ketaungenahmahwaud ooneenjene, oogepepahgemaun dush oo‐oo keëkedood, Aquazanseweyun, oonishkaun.

⁵⁵ Medush kepiskahbenid enewh oojechaugwun, bahbega dush kepuhsegwewun; keëkedoo dush cheähshummemind.

⁵⁶ Kemahmahkahdahduhmoon dush ooketezemun owh equazans; oogeäungwahmemaun dush ahweyah enenewun cheweendnhmoowahsenid ewh kahezhechegad.