ST. LUKE 7 - Ottawa New Testament Penteteuch and Psalms 1874

¹ Uhpe dush kahishquah‐kekedood kuhkenuh oodekedoowinun emuh ootuhwuggahwaung egewh ahnishenahbag, kepeendega emuh Capernauming.

² Pazhig dush menesenoo‐oogemah oobuhmeetahgun, enewh kahsahgeähjin, keähkoosewun, gagah dush neboonid,

³ Uhpe dush kahnoondung ewh azhewabezenid Jesusun, oogeëzhenahzhahwaun enewh ooketezemewaun egewh Jewyug, chepahgoosanemahnid, chepenoojemooähnid enewh oobuhmeetahgun.

⁴ Uhpe dush katuhgwishenoowaud emuh ahyahnid enewh Jesusun, anegook oegepahgoosanemahwaun, oo‐oo keënahwaud, Enandahgooze suh wah‐owh oo‐oo chedoodahwudebun.

⁵ Oosahgeäun kuhkenuh keejahnishenahbanahnin, kegeöozhetahmahgoonaun dush ewh ahnuhmeä‐weguhmig.

⁶ Jesus dush oogeühneweejewaun: Pashoo dush ahyaud emuh wegewauming, owh menesenoo‐oogemah oogeëzhenahzhahwaun ahnind weejekewaün, oo‐oo keënaud, Tabaningayun kagoo megooshkahjeëdezookan, kah muh nindaähpeetandahgoozese chepepeendegayunbun emuh newegewauming.

⁷ Mesuh kuhya keënanindezoosewaun cheähpeetandahgoozeyaun chenaunzekoonaun; kekedoon suh atuh, me dush chenoojemooïnd nindooshkenegeem.

⁸ Kuhya neen muh nindebandahgooz, kuhya nindoogemahkundahwaug enewh shemahgunishug, Mahjaun nindenah owh pazhik, mesuh dush azhemahjaud; menuhwah dush, Oondahshaun nindenah pazhik, mesuh dush azhe penaunzekahwid; kuhya Oo‐oo ezhechegan, nindenah nindooshkenegeem, me suh goo azhechegad.

⁹ Uhpe dush Jesus kahnoondung oonoo, oogemahmahkahdanenemaun, kequakekahbahwid dush oo‐oo keënaud ahnishenahban, enewh nwahpenuhnegoojin, kedenenim suh, Kah nahnauzh ningemekunse oo‐oo menik dabwayanduhmoowin, kah kuhnuhga emuh Israeling.

¹⁰ Uhpe dush egewh kahezhenahzhahoondjig kahtuhgwishenoowaud emuh wegewauming, oogemekahwahwaun enewh buhmeetahgun menoo‐bemahdezenid, enewh ahyahkoozenepun.

¹¹ Kepuhgummeähyahmahgud dush kahwahbunenig, keëzhaud emuh keche oodanaung Nain aduhming; nebewah dush ookekenooähmahgunun oogeweejewegoon, kuhya nebewah enewh ahnishenahban.

¹² Uhpe dush pashoo ishquandamewung ewh keche‐oodanah kahtuhgwishing, benuh, pazhig kahnebood enene kepesahgeje‐wenah, nezheka wagwissepuneen oogeen, keshegahwe dush owh equa; nebewah dush emuh oodanaung andahnejin ahnishenahban oogepemeweejewegoon.

¹³ Uhpe dush owh Tabaningad wuhyahbuhmaud enewh equawun, oogeketemahganemaun, oo‐oo dush keënaud Kagoo muhwekan.

¹⁴ Oogepetaungenaun ewh cheby‐oonegunahtik; egewh dush pameweenahjig kenookekahbahwewug. Oo‐oo dush keëkedoo, Washkenuhwaweyun, Puhsegween, kedenin.

¹⁵ Owh dush naboopun kenuhmuhduhbe, kuhya kemahje‐kekedoo. Oogepuhgeduhnahmahwaun enewh oogene.

¹⁶ Kesagezewug dush kuhkenuh: oogewahwezhanemahwaun edush enewh Kesha‐Muhnedoon, oo‐oo keëkedoowaud, Keche‐aunwahjega‐wenene kepuhsegwe emuh anduhzhe ahyahyung; Kuhya dush, owh Kesha‐Muhnedoo oogepemoowuddissaun enewh oodahnishenahbamun.

¹⁷ Oo‐oo dush oodezhewabezewin kesuhswashkahmahgudene minzee emuh Judeäïng, kuhya dush egoo minzee enewh duhnuhkeewinun emuh kewetuhyeëe atagin.

¹⁸ Owh dush John oogewahweendahmahgoon enewh ookekenooähmahgunun kuhkenuh oonoo uhyeëen.

¹⁹ Uhpe dush owh John kahnundoomaud neezh enewh ookekenooähmahgunun, oogeëzhenahzhahwaun emuh ahyahnid Jesusun, oo‐oo dush keënaud, Keen nuh kedow owh wahpeëzhahgoobunan? gamuh kayahbe nuh bakahnezid ningahnundahwahbuhmahnaun?

²⁰ Uhpe dush kahpenaunzekahwahwaud egewh enenewug oo‐oo oogeënahwaun, John owh Baptizooëwa‐wenene ningepeëzhenahzhahoogoomin oo‐oo cheëgooyun, Keen nuh kedowh owh wahpeëzhahgoobunan? gamuh bakahnezid nuh nindahnundahwahbuhmahnaun?

²¹ Ewh dush goo uhpe oogenoojemooäun nebewah ayahkoosenejin kuhya mahyahnahdahpenanejin, kuhya wamujje‐muhnedoomenejin, kuhya oogewahbeäun enewh kakeepeengwanejin.

²² Jesus dush oogenuhquatuhwaun, oo‐oo keënaud, Mahjaug, ahweweenduhmahwik owh John oonoo kahnoonduhmagoon, kuhya kahwahbunduhmagoon; kakeepeengwajig suh wahbeähwug, egewh mamaunjekoosejig bemoosawug, wamegeejig peeneähwug, kuhya kakebeshajig noonduhmoog, naboojig ahbejebahahwug, kuhya katemahgezejig debahjemootahwahwug ewh minwahjemoowin.

²³ Shahwandahgooze suh owh kaöosittahwanemesegwan.

²⁴ Kahuhnemahjahnid oodooshkenegemun owh John, oogemahje‐guhnoonaun enewh mahyahmahwenoonejin kedebahjemaud enewh Johnun, Wagoonan kahahwewahbunduhmag emuh buhgwudduhkummig? ahsahgunushk nuh mamuhtahsing?

²⁵ Wagoonan nungwahnah kahahwe‐wahbunduhmag? Enene nuh nwahkoouhnuhyad? Benuh suh, egewh manoo-koonuhyajig kuhya manoo‐wesenejig ahyahwug emuh oowegewaumening keche‐oogemaun.

²⁶ Wagoonan nungwuhnah kahahwe‐wahbunduhmag? Aunwahjega‐wenene nuh? Menungakah kedenenim, keche ahwahshema ween enandahgooze, aunwahjega‐wenene dush ween apeetandahgoozid.

²⁷ Me muh wah‐owh oo‐oo anahjemind emuh kechetwah‐oozhebeëguning, Benuh, ningahezhenahzhahwah nemeezhenahwam ewh chenegaunid kaëneëzhahyun, me owh kezhah kawahwazhesetood kedezhahwinun anahsuhmuhbeyun.

²⁸ Kedenenim suh goo, anduhchewaud egewh equang kahoonje‐neegejig, kahween ahweyah ahwahshema ahpeetandahgoozese, apeetandahgoozid owh John Baptizooëwa‐wenene; owh dush ween kache‐noondaush ahpeetandahgoozid emuh oodoogemahwewining owh Kesha‐Muhnedoo ahwahshema ahpeetandahgooze dush ween owh.

²⁹ Kuhkenuh dush ogewh ahnishenahbag, uhpe kahnoonduhmoowaud, kuhya egewh mahwunjechega‐wenewug, oogewahwezhanemahwaun enewh Kesha‐Muhnedoon, John muh oobaptizooëwawin keëzhebaptizooweähwug.

³⁰ Egewh dush Phariseeg, kuhya egewh tebahkoonega‐wenenewug oogeähgoonwatahnahwah oodenahkoonegawin owh Kesha‐Muhnedoo, wenuhwah tebenuhwa keënahkoonegoowaud, kah muh oogebabtizooweëgoosewaun enewh.

³¹ Keëkedoo dush owh Tabaningad, Ahneen kaëzheähwaügwah egewh enenewug noongoom bamahdezejig? ahneen dush azhenahgoozewaud?

³² Ezheähyahwug suh debishkoo ahbenoojeyug namuhduhbejig emuh ahtaunde‐weguhmigoong, guhnoonindewaud dush, oo‐oo ekedoowaud, Kegenuhguhmootahgoom, kah dush kegenemeseem; ahnoo kuhya kegemuhwemegoom, kah dush kegemuhweseem.

³³ Kepeëzhah muh owh John Baptizooëwa‐wenene kah ween oogeäumwahseen buhquazhegun, kah kuhya oogemenequaseen shooweminahboo; oo‐oo dush kedekedoom, Ookekishkahwaun enewh mujje‐muhnedoon.

³⁴ Owh dush ween Enene Oogwissun peëzhaud wesenid kuhya menequad; oo‐oo dush kedekedoom, Benuh, nabahdezid enene, kuhya natuh‐menequad ewh shooweminahboo, waujekewaëmaud enewh mahwunjechega‐wenenewun kuhya majeëzhewabezenejin!

³⁵ Ewh suh nebwahkahwin oominwanemegoon kuhkenuh enewh oonejahnesun.

³⁶ Oogenundoomegoon dush pazhik Pharisee‐wenenewun, chewedoopuhmaud. Kepeendega dush emuh oowegewaumening enewh Pharisee‐wenenewun, kenuhmuhduhbe dush chewesenid.

³⁷ Benuh dush, pazhig equa emuh oodanaung kahmujje‐ezhewabezid, uhpe kekanemaud chewesenenid emuh oowegewaumening enewh Pharisee‐wenenewun, oogepetoon ewh alabaster mukkukoons ewh manoo‐mahgwuk noomenegun,

³⁸ Nebuhwid dush oosittahning oopikwunahning anuhkukayah kemuhwe, oogemahje‐geseähbahwahtoomahwaun enewh oosittahne enewh oosebeengooün, kuhya dush kekahsesittawaud oominnesissun keähyood, oogeöojeendahnun dush oosittahne, kuhya oogeähtahwaun ewh noomenegun.

³⁹ Uhpe dush wuhyahbunduhmenid enewh Pharisee‐wenenewun kahnundoomegoojin, keguhnoonindezoowun, oo‐oo keëkedoonid, Wah‐owh enene kishpin aunwahjega‐wenenewegoobun, oodahgekekandaun ewh azhewabezenid equawun tuhyaungenegoojin: mujje‐ezhewabezewun muh.

⁴⁰ Jesus dush oogenuhquatuhwaun, oo‐keënaud, Simon, gagoo keweënin. Ween dush keëkedoowun, Kakenooähmahgayun, mahnoo kekedoon.

⁴¹ Pazhik ahweëwa‐wenene oogemuzzenuhahmahgoon neezh enenewun: naunwauk shooneäunsun oogemuzzenuhahmahgoon; menuhwah dush pazhig oogemuzzenuhahmahgoon nahnemeduhnuh shooneäunsun.

⁴² Oogewabenuhmahwaun suh nuhyazh oomuzzeneëgunene, kah muhgagoo oogeähyaunsenahwah katebahahahmahgawaud. Weenduhmooweshin, ahwanan oogoo neezh kakeche‐sahgeäud enewh?

⁴³ Simon dush oogenuhquatuhwaun, oo‐oo keëkedood, Nindenandum suh, owh nebewah kahwabenuhmahwind. Oo‐oo dush oogeënaun, Quuhyuk suh kedenandum.

⁴⁴ Kequakequanetahwaud enewh equawun, oo‐oo dush oogeënaun enewh Simonun, Kewahbuhmah nuh wah‐owh equa? Ningepeendega emuh andahyun, kah dush kegemeezhese ewh nebe chekesebegesittayun; mahbuh dush ningekesebegesittanig enewh oosebeengooün ahyood, kuhya ningekahsittanik wenesisun ahyood.

⁴⁵ Kahween kegeöojeemese: wah‐owh dush equa kahahkoo‐peendegayaun kah wekah kepoonetoose oojeendung enewh nesittun.

⁴⁶ Kahween kegeseegenuhmahwese ewh noomenegun emuh nishtequauning: wah‐owh dush equa oogeseegenaun ewh noomenegun emuh nesittaung.

⁴⁷ Kedenin suh dush, Oomujjeëzhewabezewinun, buhyahteenudenegin, wabenuhmahwah; kekeche‐sahgeëwa muh; owh dush punge atuh kahwabenuhmahwind, punge atuh sahgeëwa;

⁴⁸ Oo‐oo dush oodenaun enewh equawun, Kewabenuhmahgoo kemujjeëzhewabezewinun.

⁴⁹ Egewh dush kahweedoopuhmahjig kemahje‐kekedoowug emuh oodaëwaung, Ahwananedoog mahbuh wuhyabenuhmahgad kuhya mujjeëzhewabezewinun?

⁵⁰ Oo‐oo dush oogeënaun enewh equawun, Kedabwayanduhmoowin kegebemahjeëgoon; mahjaun emuh pezaunewawining.