ST. LUKE 5 - Ottawa New Testament Penteteuch and Psalms 1874

¹ Goomuhpe dush ahnishenahban keche‐sinsekahgood, wenoonduhmenid ewh oodekedoowin owh Kesha‐Muhnedoo, kenebahwe cheguhbeeg Genezareth azhenekahdag kechegummee.

² Oogewahbundaunun dush neezh nahbequaunun chegahgaum agwindanig, egewh dush kegooëka‐wenenewug, kekuhbahbuneeg, magwah dush kesebegenahwaud oodahgwahbenahgunewaun.

³ Kepooze dush ewh pazhig nahbequauning Simon kahdebanduhmenid, oogepahgoosanemaun punge nahwij chekaundenahmenid. Kenuhmuhduhbe dush emuh nahbequauning, kekekenooähmahwaud enewh ahnishenahban.

⁴ Uhpe dush kahishquah‐kekedood, oogeguhnoonaun enewh Simonun, Akoo‐demeeg enuhkoozewan, kuhya kedahgwahbenahgunewaug puggeduhwaug chepeenduhahnahyag

⁵ Owh dush Simon oogenuhquatuhwaun, oo‐oo keënaud, Nindoogemaum, kuhpa‐debik ningeähnookeemin, kah dush gagoo ningenetoosemin: ninduhwauj edush keen akedooyun ningahoonjepahkoobe‐wabenah ahgwahbenahgun.

⁶ Uhpe dush oo‐oo kahezhechegawaud, keche‐nebewah gegooyun oogeähgwahbenahwaun, oodahgwahbenahgunewaun dush kepegooshkahwun.

⁷ Oogewahtikwahahmahwahwaun enewh oowejewahgunewaun kahahyahnejin emuh bakaunudenig nahbequauning, chepenahdahmahgoowaud. Kepeëzhahwun dush, kuhya oogemooshkenuhtoonahwaun nuhyazh enewh nahbequaunun, gagah dush kahkoosahbemahgudenig.

⁸ Uhpe dush owh Simon kahwahbundung, keähpuggezoo emuh Jesus oocheengwuhnahning, oo‐oo keëkedood, Nuhguhzheshin, Tabaningayun, nemujje‐ezhewadiz muh.

⁹ Kemahmahkandandum muh, kuhya kuhkenuh enewh waujewegoojin, ewh menik kahpeendahahnahwaud kegooyun.

¹⁰ Kuhya ween egoo James, kemahmahkahdandum, kuhya John, Zebedee kahoogwissejin, enewh kahweejewahjin owh Simon. Jesus dush oo‐oo oogeënaun enewh Simonun, Gagoo sagezekan; noongoom kegahmahje‐ahgwahbenahwaug enenewug.

¹¹ Uhpe dush kahzhakesittowaud enewh nahbequaunun, oogenuhguddaunahwah kuhkenuh, ewh dush kenoopenuhnahwaud.

¹² Kepuggummeähyahmahgud kush magwah uhneähyaud pazhik keche‐oodanaung, benuh keähyahwun enenewun wamegeenejin; uhpe dush wuhyahbuhmaud enewh Jesusun keähpuggezoo emuh oodangwyng, kenundooduhmahwaud, oo‐oo keëkedood, Tabaningayun, kishpin enanduhmun, kekushketoon chenoojemooëyun.

¹³ Keshebenekane dush, kuhya oogetaungenaun, oo‐oo dush keëkedood, Nindenandum: mahnoo kegahpeeneëgoo Me dush kazhetena kenuhguhnegood oodoomegeewin.

¹⁴ Oogeäungwahmemaun dush kuhnuhga ahweyah cheweendahmahwahsenid: mahjaun suh, wahbunduh keyow owh sahsahgewejega‐wenene, kuhya meegewan ewh kahenahkoonegapun owh Moses, kepeeneëegoowin oonje, chedebahjemootuhwindwah dush.

¹⁵ Ahwahshema dush kesuhswa‐yahjemah, oo‐oo keëzhechegad: nebewah dush kepemahwunjeëdewun chenoonduhmenid, kuhya chenoojemooëgoozenid, menik kahuhyenahpenanid.

¹⁶ Emuh dush puhgwuhduhkummig keëzhemahjah, chenahkoowa‐ahnuhmeäud.

¹⁷ Kepuhgummeähyahmahgud dush ewh ningooding kekezheguk, magwah kekenooähmahgad, kenuhmuhduhbewun ahnind Phariseen kuhya enewh kakenooähmahganejin ewh tebahkoonegawin, kahpeoonjenejin anduhching enewh oodanahwun emuh Galileeng, kuhya Judeäïng, kuhya Jerusaleming: keähyahmahgudene dush owh Tabaningad oomushkahwezewin chenoojemooindwah.

¹⁸ Benuh dush, enenewug oogepeenahwaun naboowahpenanejin enenewun emuh nebahguning: oogenundahwandahnahwah chepeendiguhnahwaud, cheähsahwaud dush enahsuhmuhbenid enewh Jesusun,

¹⁹ Kah dush oogemekunsenahwah, kaöonjepeendeguh-nahwaud, oonzaum kebahtuhyeïnoowug egewh ahnishenahbag; me dush keëzhahwaud emuh wuhgedegummig, ahpahquahzoowining ewede dush oogeoonjeneswabegenahwaun emuh nesuhwuhyeëe kuhya oonebahgun anahsuhmuhbenid Jesusun.

²⁰ Uhpe dush kahwahbundung ewh oodabwayanduhmoowinewah, oo‐oo oogeënaun, Enene, kewabenuhmahgoo kemujjeëzhewabezewinun.

²¹ Kemahje‐guhnoonindewug egewh oozhebeëga‐wenenewug kuhya Phariseeg, oo‐oo keëkedoowaud, Ahwanan mahbuh maje‐kezhwad? Ahwanan kashkeäwezid chewabenuhmahgad mujje‐ezhewabezewinun, ween atuh Kesha‐Muhnedoo?

²² Jesus dush kekanemaud uhyenanduhmenid, oogenuhquatuhwaun, oo‐oo keëkedood, Ahneen uhyenanduhmag emuh kedaëwaung?

²³ Wagoonan nahwuj wuhyanepunuk, oo‐oo cheënind owh naboowahpenad, Kewabenahmahgoo kemujje‐ezhewabezewinun; gamuh oo‐oo cheënind, Oonishkaun, pahbahmoosan dush?

²⁴ Cheoonjewahbunduhmag owh Enene Oogwissun cheähyaung kushkeäwezewin oomuh uhkeeng chewabenahmahgad enewh mujjeëzhewabezeweninun, (oogeënaun enewh naboowahpenanejin,) Kedenin, Oonishkaun, oodahpenun kenebahgun, ezhaun dush emuh kewegewauming.

²⁵ Kazhetena dush keöonishkah emuh anahsuhmuhbenid, keöodahpenung ewh emuh keshingeshingebun, kemahjah, keëzhaud dush emuh oowegewauming, kewahwezhanemaud dush enewh Kesha‐Muhnedoon.

²⁶ Kekeche‐mahmahkahdanduhmoog suh kuhkenuh, kuhya oogewahwezhanemahwaun enewh Kesha‐Muhnedoon, oogemooshkenashkahgoonahwah ewh sagezewin, oo‐oo keëkedoowaud, Ningewahbundahmin kache‐mahmaundahwukin noongoom kezheguk.

²⁷ Kahishquahkummeguk oonoo kesahguhum, kuhya dush oogewahbuhmaun pazhig mahwunjechega‐wenenewun, Levi kahezhenekahzoonejin, nuhmuhduhbenid emuh mahwunjechega‐weguhmigoong; oo‐oo keënaud, Noopenuhzheshin.

²⁸ Oogenuhguhdaunun dush kuhkenuh ooduhyeemun, kepuhsegwe dush, kuhya kenoopenuhnaud.

²⁹ Levi dush oogeöozhetahmahwaun keche‐wekoondewin emuh tebenuhwa oowegewauming; kekeche‐bahtuhyeïnoowun mahwunjechega‐wenenewun, kuhya bakahnezenejin enewh kahwedoopuhmegoojin.

³⁰ Enewh dush oodoozhebeëga‐wenenemewaun kuhya enewh oo Phariseemewaun oogenuhneebikemahnene enewh ookekenooahmahgunun, oo‐oo dush keëkedoowaud, Ahneeshwin wedoopuhmagwah egewh mahwunjechega‐wenenewug kuhya majeëzhewabezejig?

³¹ Jesus dush oogenuhquatuhwaun, oo‐oo keënaud, Egewh manoo‐bemahdezejig kahween wenuhnaunduhweëgoozesewug, egewh atuh ahyahkoosejig.

³² Kahween ninpeöonjeëzhahse chenundoomugwah egewh manooëzhewabezejig, cheäunwanindezoowaud, majeëzhewabezejig atuh.

³³ Oo‐oo oogeënahwaun, Ahneeshwin ahyahpe keëquishemoonid ookekenooahmahgunun owh John, kuhya ahnuhmeähnid, kuhya ookekenooähmahgunewaun egewh Phariseeg; keen dush kekekenooahmahgunug wesenewug kuhya menequawug?

³⁴ Oo‐oo dush oogeënaun, Tahgekushkeöowug nuh chekeëquishemoowaud egewh dabandahgoozejig emuh wewekoodahde‐weguhmigoong, magwah weejewahwaud enewh nahaungeshun?

³⁵ Tahpuhgummeähyahmahguddoon enewh kezhegudoon uhpe kemuhkummindwah enewh nahaungeshun, me ewh uhpe kezheguk kakeëquishemoowaud.

³⁶ Oowahweenduhmahwaun dush ewh ahwajegun; Kahween ahweyah oopahgwahunseen ewh ooshke‐mahnedoowagin emuh kata‐ahgwewining; mahgeshah ewh ooshkegin bahnahjechegamahgud, kah suh dush ewh ooshkegine-puhgwahegawin menoosasenoon emuh kata uhyeëeng cheähtag.

³⁷ Kah dush ahweyah oodahtooseen ewh ooshke‐shooweminahboo emuh kata‐oomoodyïng; mahgeshah ooshke‐shooweminahboo tahgeöonjepaushkekahwun enewh oomoodyün tahgesekesamahgud dush kuhya tahgebuhnahdudoon enewh oomoodyün.

³⁸ Tahahchegahda ewh ooshke‐shooweminahboo emuh ooshke‐oomoodying; nuhyazh dush guhnuhwanjegahdanoon.

³⁹ Kah dush ahweyah kahmenequad ewh kata‐shoowe-minahboo bahbega oonundahwanduhseen ewh ooshke‐uhyeëe; oo‐oo muh ekedoo, Ahwahshema oonesheshin ewh kata‐uhyeëe.