ST. LUKE 4 - Ottawa New Testament Penteteuch and Psalms 1874

¹ Jesus dush kemooshkenashkahgood Keche‐Oojechaugwun, kepeöonjekewa emuh Jordaning, kuhya dush Keche Oojechaugwun oogeëzhewenegoon emuh buhquuhduhkummig,

² Nemeduhnuh‐duhsoogoon oogekuhgwatebanemegoon dush enewh mujje‐muhnedoon. Kah dush gagoo oogemeejeseen oonoo kezhegudoon: uhpe dush kahishquahsag, me dush kepukuddad.

³ Oo‐oo dush oogeëgoon enewh mujje‐muhnedoon, Kishpin ahyahwewunan Oogwissun owh Kesha‐Muhnedoo, edun oo‐oo ahsin chepahquazhegunewung.

⁴ Jesus dush oogenuhquatuhwaun oo‐oo keëkedood, Ezhebeëgahda, Kahween buhquazhegun atuh tahoonjebemahdezese enene, kuhkenuh suh ween oodekedoowinun owh Kesha‐Muhnedoo.

⁵ Uhpe dush owh mujje‐muhnedoo kahezheweenaud emuh kache‐ishpahdenahnig wahjewing, kazhetena dush oogewahbundahaun kuhkenuh uhkeeng duhzhe oogemahwewinun.

⁶ Owh mujje‐muhnedoo oo‐oo oogeënaun, Kegahmeenin kuhkenuh maunduh kushkeäwezewin, kuhya oopezhegandahgoozewinewah: nepuggedenahmahgoo muh, ahwagwan dush wahmeenahwugan, nemeenah.

⁷ Keen dush kishpin oojecheengwunetuhweyun, kuhkenuh kegahtebandaunun.

⁸ Jesus dush oogennhquatuhwaun oo‐oo keënaud, Ahwus nepequunaung ezhaun, Satan: ezhebeëgahda muh, Kegahoojecheengwunetahwah owh Jehovah Kekesha‐Muhnedoom, ween dush atuh kabuhmeetuhwud.

⁹ Oogeëzheweenaun dush emuh Jerusaleming, oogenebahweäun dush emuh keche‐wahnuhkoowung ewh keche‐ahnuhmeä‐weguhmi oo‐oo dush oogeënaun, Kishpin ahyahwewunan Oogwissun owh Kesha‐Muhnedoo, oomuh oonje-nesepuggezoon:

¹⁰ Ezhebeëgahda muh, Oogahguhgaunzoomaun enewh oodangenemun cheguhnuhwanemikwah:

¹¹ Emuh dush ooneenjewaung kegahoombenegoog, chepetahkoossittashinsewun emuh ahsineeng.

¹² Jesus dush oogenuhquatuhwaun oo‐oo keënaud, Ekedoom suh, Kahween kegahkuhgwatebanemahse owh Jehovah Kekesha‐Muhnedoom.

¹³ Uhpe dush owh mujje‐muhnedoo kahishquahkuh-gwatebanemaud, ahjenuh oogenuhguhnaun.

¹⁴ Jesus dush keëzhekewa emuh oomushkahwezewinening Keche Oojechaugwun ewede Galileeing: kesuhswa‐yahjemah emuh anegookwaug ewh uhkee kewetuhyeëe anduhgoog.

¹⁵ Kuhya dush kekekenooähmahga emuh oodahnuhmeä‐weguhmigoowaung, kewahwezhanemegood kuhkenuh.

¹⁶ Keëzhah dush emuh Nazarething, kahduhzhe‐netuh-wugeïnd; kepeendega dush, debishkoo moonzhug kahezhechegad emuh ahnuhmeä‐weguhmigoong aunwabe‐kezhegdenig, kenebahwe‐ahgindung dush ewh muzzenuhegun.

¹⁷ Kemeenah ewh muzzenuhegun emuh oozhebeëgahdagin enewh oodaunwahjegawinun owh Esaias. Uhpe dush kahpuhgahkoonung ewh muzzenuhegun, oogemekaun ewh ozhebeëgawin oo‐oo azhebeëgahdag,

¹⁸ Nekekishkahwah Jehovah Ookeche‐Oojechaugwun, ningenuhmuhkoonik muh chedebahjemootahwugwah egewh katemahgezejig ewh minwahjemoowin; ningepeähnoonik chenoojemooügwah egewh magooshkahjedaäjig, chedebahjemootuhwugwah egewh kabahquahegahzoojig ewh chepuggedenindwah, kuhya egewh kakepeengwajig chewahbeïndwah, chepuggedenindwah egewh banahsekahwindjig,

¹⁹ Chepuhbahdebahdooduhmaun ewh manwandahgwudenig ookekenoonoowin owh Tabaningad.

²⁰ Oogekebahquahaun dush ewh muzzenuhegun, oogemeenaun dush ahnuhmeä‐weguhmigoong duhzhe buhmeetahgun, kenuhmuhduhbe dush. Oogeminjemahbuhmegoon dush kuhkenuh emuh annuhmeä‐weguhmigoong ahyahnejin.

²¹ Kuhya dush kemahje‐kekedoo, oo‐oo keënaud, Noongoom kezheguk ketebishkoosamahgud maunduh oozhebeëgawin emuh ketuhwuggahwaung.

²² Kuhkenuh dush oogedebahjemahwaun, kuhya oogemahmahkahdandahnahwah enewh shahwanjegawine‐ekedoowinun kahoonzekahmahgudenig emuh oodooning, Oo‐oo dush keëkedoowug, Kah nuh mahbuh ahwese oogwissun owh Joseph?

²³ Oo‐oo dush oogeënaun, Ahbettakummig kegahezhim maunduh ahwachegun, Mashkeke‐weneneweyun, nahnaundahweëdezoon; wagoodoogwan kahenettahmoowaungan keëzhechegayun emuh Capernauming, kuhya oomuh ezhechegen emuh tebenuhwa kedunduhnuhkeewining.

²⁴ Keëkedoo dush, Kagate kedenenim, Kahween ahweyah aunwahjega‐wenene bezindahwahse emuh tebenuhwa oodunduhnuhkewining,

²⁵ Kagate kedenenim, Nebewah keähyahwug shegaug emuh Israel duhzhe uhkeeng, magwah kebemahbezid owh Elias, uhpe kekebahquahegahdag ewh kezhik nesoo‐kekenoonoowin kuhya ningoodwausso‐keezis, kekeche‐puhkuhdawenahguk emuh kuhkenuh anegookummegaug uhkee;

²⁶ Kah dush ahweyah keëzhenahzhahmahwahse Elias, me atuh emuh Sareptaïng, Sidon duhzhe oodanah, enewh equawun kahshegahwenejin.

²⁷ Kebahtuhyeeïnwug dush wamegeejig emuh Israeling magwah owh Elizheus keäunwahjegad emuh; kah dush ahweyah kepeeneähse, me atuh owh Naäman Syriaïng duhshe enene.

²⁸ Kuhkenuh dush egewh kahahyahjig emuh ahnuhmeä‐weguhmigoong oogemooshkenashkahgoonahwah ewh niskahdezewin, uhpe kahnoonduhmoowaud oonoo ekedoowinun.

²⁹ Kuhya dush kepuhsegwewaud, keöonje‐sahgejewabenahwaud emuh oodanaung, kuhya dush oogeëzhewenahwaun kishkuddenahnig ewh wahjewh emuh keöozhechegahdahnig oodoodanahwewah, ewede cheoonje‐neswabenahwaud.

³⁰ Ween dush kepemeëzhaud nesuhwuhyeëe emuh ahyahnid, keühnemahjaud dush,

³¹ Ketuhgwishin dush emuh Capernauming, Galileenaung duhzhe oodanah, oogekekenooähmahwaun dush uhpe aunwabe‐kezhegudenegin.

³² Oogemahmahkahdandahnahwah dush ewh ookekenooähmahgawin: kushkeäwezewining muh keëzhekekedoo.

³³ Keähyah dush emuh ahnuhmeä‐weguhmigoong pazhig enene kakishkahwaud oojechaugwun owh wahnezid muhnedoo, kekeche‐pepahge dush,

³⁴ Oo‐oo keëkedood, Kagoo pahbahmanemishekaunkan; ahneen kadoodahdeyung, keen Jesus Nazarething duhzhe eneneweyun? chebahnahjeëyaung nuh kepeöonje‐ezhah? Kekekanemin ahyahweyun owh Pahnezid, Kesha‐Muhnedoong wanjebaud.

³⁵ Jesus dush oogenuhneebekemaun, oo‐oo keëkedood, Pezaun‐ahyaun, kuhya dush pesahgejenuhwashkow wah‐owh. Uhpe dush owh mujje‐muhnedoo kahahpuggenaud emuh nesuhwuhyeëe, oogesahgejenahwashkahwaun, kah dush ningood oogeëzhewesuhgishkahwahseen.

³⁶ Kuhkenuh dush kemahmahkahdanduhmoog, keguhnoonindewug dush, oo‐oo keëkedoowaud, Wagoonan maunduh ekedoowin! emuh kushkeäwezewining, kuhya mushkahwezewining oodezheguhgaunzoomaun enewh wahnezenejin‐muhnedoon, me dush azhesahgejenahwashkahganid.

³⁷ Kesuhswa‐yahjemah dush emuh anegookwaug ewh uhkee.

³⁸ Ahnuhmeä‐weguhmigoong keöonje‐mahjaud, kepeendega emuh ooowegewauming Simon. Oosiggoosissun dush owh Peter kekeche‐niningebenegoowun; oogenundoodahmahwahwaun dush ween oonje.

³⁹ Kenebahwe dush emuh ahyahnid, oogenuhneebekindaun ewh niningebenegoowin, me dush kahezhenuhguh-negoonid: bahbega dush kepuhsegwe owh equa, kebuhmeetahwaud dush.

⁴⁰ Uhpe dush owh kezhike‐keezis anepungeshemoog, kuhkenuh egewh kahahyahwahjig ahnooj anahpenanejin ahyahkoosenejin oogepeetahmahwahwaun enewh; ween dush oogetaungenaun anduhchenid, me dush kenoojemooaud.

⁴¹ Egewh dush mujje‐muhnedoog oogepesahgeje‐nahwashkahwahwaun nebewah bamahdezenejin, kepepahgewaud dush, oo‐oo keëkedoowaud, Keen kedow owh Christ Oogwissun owh Kesha‐Muhnedoo. Oogenuhneebekemaun dush, kah dush oogepuggedenuhmahwahseen chekekedoonid: oogekekanemegoon muh ween Christ ahwid.

⁴² Uhpe dush kahwahbunenig, kesahgahum keëzhaud dush emuh puhgwuduhkummig: egewh dush ahnishenahbag oogeündoonawahwaun, kenaunzekahwahwaud dush, kenuhdoodahmahwahwaud chemahjahsenid.

⁴³ Oo‐oo dush oogeënaun, Nenundahwandahgooz suh goo cheähwedebahduhdoomaun Kesha‐Muhnedoo oodoogemahwewin enewh bakaunukin oodanahwun: me muh pahoonzekahyaun.

⁴⁴ Kepahbah‐kuhgequa dush emuh Galileenaung duhzhe‐ahnuhmeä‐weguhmigoong.