ST. LUKE 24 - Ottawa New Testament Penteteuch and Psalms 1874

¹ Wahyahbunenig dush kahishquah‐aunwabe‐kezheguk, keche‐kuhkezhab, kepeëzhahwug emuh chebaguhmigoong peetoowaud enewh manoo‐mahgwudenegin kahwahwazhetoowaud, ahnind dush oogeweejewahwaun.

² Oogemekahwahwaun dush enewh ahsineen tatebewabenegahzoonid emuh chebaguhmigoong.

³ Kepeendegawug dush, kah dush oogemekunsenahwah ewh weyowene enewh Tabaninganejin Jesusun.

⁴ Kepuhgummeähyahmahgud, magwah keche‐mahmahkahdanduhmoowaud oonoo uhyeëen, benuh, oogeweeje-kahbahweetahgoowaun neezh enewh enenewun wuhyahsakoonuhyanejin;

⁵ Magwah dush sagezewaud, keähpuggezoowaud emuh uhkeeng, oo‐oo oogeëgoowaun enewh, Ahneeshwin nanduhwahbuhmag owh bamahdezid emuh anduhzhe‐ahyahwaud egewh naboojig?

⁶ Kahween oomah ahyahse, ahzhe keähbejebah: mequanduhmook ewh keënenag magwah kayahbe ahyaud ewede Galileeïng.

⁷ Oo‐oo keëkedood, nundahwandahgooze owh Enene Oogwissun chepuggedenind emuh ooneenjewaung egewh majeëzhewabezejig enenewug, kuhya cheähgwahquahoond, kuhya cheähbejebaud nasoogoonahgudenig.

⁸ Oogemequandahnahwah enewh oodekedoowinun,

⁹ Kepeöonjekewawug dush emuh chebaguhmigoong, keweenduhmoowahwaud dush kuhkenuh oonoo enewh metauswe‐ahshe‐pazhik kekenooähmahgunun, kuhya kuhkenuh enewh ahnind.

¹⁰ Me suh Mary Magdalene, kuhya Joanna, kuhya Mary oogeen owh James, kuhya ahnind egewh equawug kahweejewahjig, kahweenduhmahwahjig oonoo uhyeëen enewh apostleün.

¹¹ Ahneshah chedebahjemoowaud oogeühyenanemegoowaun enewh, kah dush oogedabwatahgoosewaun enewh.

¹² Kepuhsegwe dush owh Peter, kepeendega‐buhtoo emuh chebaguhmigoong; kahühnenahwataud, oogewahbundaunun dush wahbishkeginoon ningooje atagin, kemahjah dush, mahmahkahdandung emuh oodaïng oonoo uhyeëen kahezhewabudenig.

¹³ Benuh, neezh ookekenooähmahgunun keëzhahwun ewh kezheguk emuh oodanaunsing Emmaus kahezhenekahdag, gagah ningoodwahswe‐meduhnah tebahgaunsun kahahpeechaug Jerusaleming oonje.

¹⁴ Oogeduhzhindahnahwah dush kuhkenuh enewh kahezhewabukin.

¹⁵ Kepuhguhmeähyah ewh magwah pahbahguhnoonindewaud, kuhya kuhgwajindewaud, Jesus dush ween oogenahzuhkahwaun kuhya keweejewaud.

¹⁶ Enewh dush ooshkinzhegoowaun kekebahquahegahdanewun ewh chekekanemahsigwah.

¹⁷ Oo‐oo dush oogeënaun, Wagoonanun enewh guhnoonedewin azheguhnoonedeyag magwah uhnebemoosayag, kuhya nuhneenuhwanduhmag?

¹⁸ Pazhik dush, Cleopas azhenekahzood, oogenuhquatuhwaun, oo‐oo dush keënaud, Kemahyuggiz nuh emuh Jerusaleming, kekanduhsewun dush enewh noomuhyuh kahezhewabukin emuh?

¹⁹ Oo‐oo dush keënaud, Wagoonanun? Oo‐oo dush oogeënahwaun, Kahezheähyaud Jesus Nazareth duhzhe wenene, aunwahchega‐wenenewepun, mushkahwezepun emuh ezhechegawining kuhya emuh ekedoowining emuh enahsuhmingwad Kesha‐Muhnedoo, kuhya anahsuhmingwawaud kuhkenuh egewh ahnishenahbag:

²⁰ Egewh keche‐sahsahgewejega‐wenewug kuhya egewh tabahkoonuhzheyummingejig kahezhepuhgedenahmahwaud chenahneboomemind, kuhya oogeähgwahquahahwaun.

²¹ Ningeähpanemoominahbun me mahbuh kagebemahjeähpun Israëlun: menuhwah dush noongoom kezheguk me nesoo‐kezheguk oonoo kahahkoo‐ezhewabuk.

²² Ahnind dush egewh kuhya nindequamenaunig ningemahmahkahdanduhmooegoonaunig, zhabah kahezhahjig emuh chebaguhmigoong;

²³ Uhpe dush mekunsigwah ewh weyowene, kepeëzhahwug, keëkedoowaud, ewh kewahbuhmahwaud angenun, kahegoowahjin ewh bemahdezid.

²⁴ Ahnind edush egewh kahweejewungejig keëzhahwug emuh chebaguhmigoong, keëzhemekuhmoowaud dush ewh kahekedoonid egewh equawun: kahween dush ween oogewahbuhmahsewaun Jesusun.

²⁵ Me dush uhpe oo‐oo keënaud, Oh kakebahdezeyag, kuhya pajeweyag emuh kedaëwaung chetabwayanduhmagoobun enewh kuhkenuh egewh aunwahjega‐wenenewug kahekedoowaud;

²⁶ Kah nuh ween kenundahwandahgoozese owh Christ oo‐oo cheëzhekooduggetood, kuhya dush chepeendegad emuh oopezhegandahgoozewining?

²⁷ Emuh dush keöonjemahjaud Mosesun kahezhebeëganid, kuhya aunwahjega‐wenenewun kahezhebeëganid, oogewahweenduhmahwaun emuh kuhkenuh ewh kechetwah‐oozhebeëguning ween tebenuhwa kahenahjemind.

²⁸ Keühnetuhgwishenoog dush pashoo emuh oodanaunsing, azhahwaud; ween dush keëzheähyah debishkoo nuhwuj wahsuh weëzhaud.

²⁹ Oogewekoozoomahwaun dush, oo‐oo keënahwaud, Oomah weejahyahweshenaum; gagah muh zhuhyegwah tahoonahgooshe, kuhya ewh kezhik zhuhyegwah chahgesamahgud. Oogeweejepeendegamaun dush cheweejeähyahwaud.

³⁰ Kepuhguhmeähyah dush, magwah weedoopuhmaud, oogeöodahpenaun puhquazhegun, kuhya kemuhmooyahwad, kebuhbuhquabenaud, kuhya dush kemeenaud.

³¹ Enewh dush ooshkinzhegoowaun kebahkishkahmah-gudenewun, me dush kenesittuhwenahwahwaud; kuhya keüngwahbuhmegood.

³² Oo‐oo dush keëzheguhnoonedewaud, Kah nuh ween kegekezhezoosemin emuh kedaënaung, magwah kahguhnoonenung emuh meekunaung, magwah dush kahmezheshahwesetuhmoonenung enewh kechetwah‐oozhebeëgunun?

³³ Me dush kazhetena kepuhsegwewaud kuhya kepeëzhekewawaud emuh Jerusaleming; kemekahwahwaud dush metauswe‐ahshe‐pazhik kemahoonjeëdenid, kuhya enewh kahweejewegoowahjin,

³⁴ Oo‐oo keëkedoonid, Kagate suh owh Tabaningad keähbejebah, kewahbuhmegood dush enewh Simonun.

³⁵ Kuhya keweendahmahgawug oonoo kahezhewabukkin emuh meekunaung, kuhya kahezhenesittuhwenah-wahwaud, kepuhquabenahnid buhquazhegun.

³⁶ Magwah dush oo‐oo ekedoowaud, Jesus kenebahwe emuh nesuhwuhyeëe kahahyahwaud, oo‐oo dush keënaud, Mahnoo pezaunewawin kegahahyahnahwah.

³⁷ Kemegooshkahjeähyahwug kuhya kesagezewug, keënanduhmoog suh chewahbuhmahwaud oochebaumun.

³⁸ Oo‐oo dush oogeënaun, Ahneeshwin megooshkahje‐ahyahyag? ahneeshwin dush pemookishkaug enewh enanduhmoowinun emuh kedaëwaung.

³⁹ Wahbunduhmook neneenjeen kuhya nesittun, neen suh nindow: taungeneshig, kuhya kekanemeshig; kah muh weyahsewese kuhya ookunewese chebaum, azhewahbuhmeyag.

⁴⁰ Uhpe dush oo‐oo kahekedood, oogewahbundahaun ooneenjeen kuhya oosittun.

⁴¹ Magwah dush kayahbe tuhyabwayanduhsigwah apeech moojegezewaud, kuhya kahmahmahkahdanduhmoowaud, oo‐oo oogeënaun, Meejim nuh oomah kedahyahnahwah?

⁴² Oogemeenahwaun dush punge abwahjegahzoonejin gegooyun, kuhya ahmoo‐sinsebahquud.

⁴³ Oogeöodahpenaun dush, kuhya kewesene emuh anahsuhmuhbenid.

⁴⁴ Oo‐oo dush oogeënaun, Mesuh oonoo ekedoowinun kahenenuhgoog, magwah kahweejewenenuhgoog, chenundahwandahgwuk kuhkenuh chetebishkoosag wazhebeëgahdagin emuh ootebahkoonegawining owh Moses, kuhya emuh Psalm‐muzzeneëguning, keënahjemegooyaun.

⁴⁵ Me dush ewh uhpe kahbahkenuhmoowaud oonesitootuhmoowine, ewh chenesitootuhmenid enewh kechetwah‐oozhebeëgunun,

⁴⁶ Oo‐oo dush keënaud, Me oo‐oo azhebeëgahdag, mesuh dush nunduhwandahgoozid owh Christ chekooduggezid, kuhya neboowining cheöonjeähbejebaud nasoogoonuhguddenig:

⁴⁷ Ewh ahnuhwanindezoowin kuhya chewabenegahdag mujje‐ëzhewabezewin oodezhenekahzoowin oonje, chewahweenduhmoowindwah kuhkenuh pukkaun azheweenzoojig ahnishenahbag, cheöonjemahjetaung emuh Jerusaleming,

⁴⁸ Kenuhwah kegewahbundahnahwah oonoo uhyeëen.

⁴⁹ Benuh dush, kegahezhenahzhahmoonenim ewh oowahweenduhmahgawin owh Noos; duhnezeyook dush kenuhwah emuh keche‐oodanaung Jerusalem, nahnauzh peöodissegooyag ewh mushkahwezewin keche‐kezhegoong kaöonjebahmahguk.

⁵⁰ Oogeëzheweenaun dush ewede Bethanying, keöombenikane dush kuhya keshahwanemaud.

⁵¹ Kepuggumme‐ahyahmahgud dush magwah shahwanemaud, kemahjeweenah, keëzheweenah dush ewede keche‐kezhegoong.

⁵² Oogeöojecheengwuhnetahwahwaun dush, keëzhekewawug dush ewede Jerusaleming keche‐wahwezhanduhmoowaud:

⁵³ Moonzhug dush keähyahwug emuh keche‐ahnuhmeä‐weguhmigoong, wahwezhanemahwaud kuhya mahmooyahwahmahwaud enewh Kesha‐Muhnedoon. Amen.