ST. LUKE 23 - Ottawa New Testament Penteteuch and Psalms 1874

¹ Kuhkenuh dush anduhchewaud kepuhsegwewug keëzheweduhmahwahwaud dush enewh Pilateün.

² Oogemahje‐bahtahmahwaun dush, oo‐oo keëkedoowaud, Ningemekahwahnaun wah‐owh enene wuhnishemaud enewh ahnishenahban, kuhya kenahahmahwaud chemeenahsewemind oogemah‐shooneyaun enewh Cæsarun, ekedood ween tebenuhwa cheähwid Christ keche‐oogemah.

³ Pilate dush oogeguhgwajemaun, oo‐oo keëkedood, Keen, nuh kedow oodoogemahmewaun egewh Jewyug? Oogenuhquatuhwaun dush oo‐oo keënaud, Kedekid suh keen.

⁴ Medush Pilate oo‐oo kahenaud keche‐sahsahgewejega‐wenenewun kuhya enewh ahnishenahban, Kahween nemekahwahse mahbuh enene ningood kemujjeëzhechegad.

⁵ Ashkum dush kekeche‐ahquahdezewug, oo‐oo keëkedoowaud, Oomegooshkahjeäun enewh ahnishenahban, pabahkuhgequad anegookwaug Judea duhzhe uhkee, Galileeing keoonjemahjaud nahnauzh egoo oomah.

⁶ Uhpe dush Pilate kahnooduhwaud Galilee chewahweenduhmenid, kekuhgwadwa, Galilee‐wenenewe nuh mahbuh enene?

⁷ Uhpe dush kahkekandung ewh chedebandahgoozid emuh Herod oodoogemahwewining, oogeëzhenahzhahmahwaun Herodun, ahyahgoobunan owh emuh Jerusaleming ewh uhpe.

⁸ Uhpe dush Herod kahwahbuhmaud Jesusun kekeche-minwandum: kenooazh mah oogenundahwandaun chewahbuhmaud, kenahnoondum muh nebewah keuhyenahjemememind; kenundahwandum dush chewahbuhmaud gagoo chemuhmaundahwejeganid.

⁹ Me dush kekuhgwajemaud nebewah ekedoowinun; kah dush kuhnuhga oogenuhquatahgooseen.

¹⁰ Egewh dush keche‐sahsahgewejega‐wenenewug; kuhya egewh oozhebeëga‐wenenewug kenebahwewug kuhya oogekeche‐bahtahmahwaun.

¹¹ Owh dush Herod kuhya ooshemahguneshemun oogebah‐penuhduhwahwaun, kuhya kemujje‐guhnoonahwaud, kuhya kepesuhkoonahwaud suhsagahwine‐pesekoowahgun, kuhya nayaub keëzhenahzhahmahwaud Pilateün.

¹² Me dush ewh kezheguk owh Pilate kuhya Herod keweejekewaïndewaud: mawezhah muh kenishkanindebuneeg.

¹³ Pilate dush, uhpe kahmahwunzoomaud keche‐sahsahgewejega‐wenenewun kuhya wagemahwenejin kuhya ahnishenahban,

¹⁴ Oo‐oo keënaud, Kegepeetahmahwim wah‐owh enene, debishkoo owh wanishemaud ahnishenahban; benuh, ningeguhgwajemah emuh anahsuhmeyag, kah kush ningemekahmahwahse ningood kemujje‐ezhechegad enewh kahahnahmahmagoon:

¹⁵ Kahween kuhya Herod; kegeëzhenahzhahoonenim chenahzekahwag; benuh dush, kah ningood keëzhechegase kaöonjenesindebun.

¹⁶ Ningahpuhzhunzhawah dush, me dush kapuggedenug.

¹⁷ (Kenundahwandahgwud muh chepuhgedenahmahwaud pazhik uhpe wahwekoonding.)

¹⁸ Mahmahwe dush kepepahgewug, oo‐oo dush keëkedoowaud, Mahjeweesh mahbuh, puhgedenahmahweshenaum dush Barabbas:

¹⁹ (Owh kahmegahzookummegezid emuh keche‐oodanaung, kuhya kahneshewad kahoonjekebahquahoond.)

²⁰ Pilate dush, keënandum chepuggedenaud enewh Jesusun, menuhwah oogeguhnoonaun.

²¹ Me dush kahezhepepahgewaud, oo‐oo keëkedoowaud, Ahgwahkwah, ahgwahkwah.

²² Menuhwah nesing oo‐oo oogeënaun, Ahneeshwin, wagoonan mujje‐uhyewish kahezhechegad? kahween nemekuhmahwahse ningood keëzhechegad kaöonjenesindebun: ningahpuhzhunzhawah suh goo, me dush chepuhgedenug.

²³ Ahpeche dush kewedabwawug kekeche‐pepahgewaud, keëkedoowaud cheähgwahquahoomind. Kuhya dush kemushkahwezemahgudenewun oodinwawinewah kuhya keche‐sahsahguhwejega‐wenenewug oodinwawinewah.

²⁴ Pilate dush keënahkoonega cheëzhewabudenig ewh kahezhenunduhwanduhmoowaud.

²⁵ Oogepuggedenuhmahwaun dush kahmegahzookummegezenid, kuhya kahneshewanid kahoonjekebahquahoondebun, enewh kahnunduhwanemahwahjin; medush kepuhgedenaud Jesusun emuh oonunduhwanduhmoowinening.

²⁶ Magwah dush uhnemahjewenahwaud, oogetuhkoonahwaun pazhik enenewun, Simonun Cyrenia duhzhe enenewun, duhnuhkeewining oonjebahnid, oogepemoondahahwaun dush ewh ahzhedayahtik, chepemoonduhmenid ishquayaung Jesusun aneëzhahnid.

²⁷ Oogenoopenuhnegoon dush kache‐mahmahwenoonejin ahnishenahban, kuhya equawun, kahmahwenejin ewh kemahwemegood.

²⁸ Jesus dush quakekahbahwetuhmahwaud oo‐oo keëkedoo, Kenuhwah wadahnesemegooyag emuh Jerusaleming, kagoo mahwemeshekagoon, mahwindezooyook suh, kuhya mahwetuhwik kenejahnesewaug.

²⁹ Benuh suh, peëzhahmahgudoon enewh kezhegudoon, uhpe cheëkedoong, Shahwandahgoozewug suh egewh wanejahnesesigoog equawug, kuhya equawug wekah kahnegeähwuhzoosigoog, kuhya kahnoonahwahzoosigoog.

³⁰ Me dush chemahje‐eduhmoowaud enewh wahjewun, Puhtuhgwunishkahweshenaum; kuhya dush wahjewansun, ahgwahnahooëshenaum.

³¹ Kishpin muh oonoo andooduhwaud ashkahkoozenejin metikoon, ahneen dush kadoodahmoowaud ewh buhyahtag?

³² Neezh dush bakahnezejig ketuhgoo‐mahjenahzhahwahwug, chenesindwah mujje‐ezhechegawin oonje.

³³ Uhpe dush kahtuhgwishenoowaud ewede ooshtequaunekauning azhenekahdag, me emuh keduhzhe‐ahgwah-gwahwahwaud, kuhya dush enewh majeëzhecheganejin, pazhik emuh ookechenikahning, pazhik dush emuh oonuhmunjenikahning.

³⁴ Me dush uhpe Jesus keëkekood, Noosa, ahbwayanim; kah muh ookekanduhsenuhwah ewh azhechegawaud. Kemahdahoonedewug dush enewh oodahgwewinun, kuhya dush keähtahdewug.

³⁵ Egewh dush ahnishenahbag kenebahwewug, kuhya keguhnuhwahbuhmahwaud. Kuhya dush oogemaug mahmahwe oogebahpenuhdahwahwaun, oo‐oo keëkedoowaud, Oogebemahjeäun bakahnezenejin, mahnoo tahbemahjeëdezoo, kishpin ahyahwegwan owh Christ, Kesha‐Muhnedoo kagegenahjin.

³⁶ Egewh dush shemahguneshug oogenahnahpuhgaunzoomahwaun, kepemeenahahwaud ewh shewahboo,

³⁷ Oo‐oo dush keëkedoowaud, Kishpin kagate keche‐oogemahkundahwudwahnan egewh Jewyug, bemahjeëdezoon.

³⁸ Emuh dush oogejuhyeëe kahahgoonind oo‐oo këzhebeëgahda emuh Greek inwawining, kuhya Latin inwawining, kuhya Hebrew inwawining MESUH WAH‐OWH OOKECHE‐OOGEMAHMEWAUN EGEWH Jewyug.

³⁹ Pazhik dush majeëzhewabezid kahahgoonind oogenahnahpahgaunzoomaun, oo‐oo keëdedood, Kishpin ahyahwewunan owh Christ, bemahjeëdezoon kuhya dush bemahjeëshenaum nenuhwind.

⁴⁰ Owh dush bakaunedezid oogenuhquatuhwaun kenuhnebekemaud, oo‐oo dush keëkedood, Kah nuh ween kekoosahse Kesha‐Muhnedoo, kekanduhmun cheähyahyun emuh nahsaub nahneboondewining?

⁴¹ Kenuhwind suh quuhyuk kedoodahgoonaun; anandahgwuk muh kedezhechegawinenahnin kenuhwind kedoodahgoonaun; wah‐owh dush enene kahween ningood kemujje‐ëzhechegase.

⁴² Oogeënaun dush Jesusun, Tabaningayun mequanemeshin uhpe peëzhahyun emuh kedoogemahwandahgoozewining.

⁴³ Jesus dush oo‐oo oogeënaun, Kagate kedenin, noongoom kezheguk kegahweejewh emuh oonahnegoozewining.

⁴⁴ Kuhnuhbuj suh nuhwuhquagoobun, ketebikahbuhmenahgwud emuh anegookwaug uhkee peenish egoo shaunguhsoo‐tebahegunag.

⁴⁵ Ketebikahbuhmenahgooze dush owh kezhike‐keezis, kuhya dush ewh kebuhgoojegun emuh keche‐ahnuhmeä‐weguhmigoong ketaushkekesa.

⁴⁶ Uhpe dush Jesus keche‐anegook kahpepahgid oo‐oo keëkedoo, Noosa, emuh keneenjeeng nepuhgedenah ninjechaug. Oo‐oo dush kahekedood, keïshquahnuhmoo.

⁴⁷ Uhpe dush owh menesenoo‐oogemah kahwahbundung ewh kahezhewabuk, oogepezhegandahgooäun Kesha‐Muhnedoon, oo‐oo keëkedood, Kagate suh menoo‐ezhewabezegoobun mahbuh.

⁴⁸ Kuhkenuh dush ahnishenahbag kahpemahwunjeëdewaud chewahbunduhmoowaud oonoo, uhpe kewahbundahmoowaud ewh kahezhewabuk, kepuhkittaöodezoowug emuh ookahkegunewaung, keühnekewawaud.

⁴⁹ Kuhkenuh dush enewh kahkekanemegoojin, kuhya equawun kahnoopenuhnegoojin Galileeïng kahoonjebahnejin wahsuh kenebahwewun, kewahbunduhmoowahnid oonoo uhyeëen.

⁵⁰ Benuh dush, keähyah pazhik enene Joseph azhenekahzood, kahkekedoo‐wenene; kemenoo‐ezhewabeze dush kuhya kequuhyukwahdeze:

⁵¹ (Kahween wah‐owh keënanduhse ewh kahenahkooneganid kuhya kahezhecheganid ahnind kekedoo‐wenenewun;) Arimathæaïng duhzhe‐wenenewegoobun oodoodanahwewah egewh Jewyug; kuhya ween oogebeeton oodoogemahwewin owh Kesha‐Muhnedoo.

⁵² Mesuh owh enene kahezhaud enewh Pilateün, kenundoodahmoowaud ewh ooweyow owh Jesus.

⁵³ Oogenesaunduhwanaun dush, oogetetebegenaun dush emuh puhpuggewuhyauneginoong, keähsaud dush emuh chebaguhmigoong ewh kahweembahbikahegahdag ewh ahzhebik, kah wekah ahweyah enene kepuggedanemahse emuh.

⁵⁴ Me suh ewh uhpe kezheguk wahwazhetahwine-kezhegudoogoobun, gagah dush zhuhyegwah aunwabe‐kezhegudoogoobun.

⁵⁵ Kuhya dush egewh equawug kahpeweejewahjig, ewede Galileeïng kahpeöonjebahjig, oogenoopenuhnahwaun, kewahbunduhmoowaud ewh chebaguhmig, kuhya kahezhesing ewh weyowemah.

⁵⁶ Me dush kekewawaud, kewahwazhetoowaud enewh manoomahgwukkin mushkeekeen kuhya noomenegunun: keäunwabewug aunwabe‐kezhegudenig ewh egoo akedoomahguk kuhgequawin.