ST. LUKE 21 - Ottawa New Testament Penteteuch and Psalms 1874

¹ Keöombishkinzhegwane dush, kewahbuhmaud dush enewh wuhyahnuhdezenejin ahpuhguhduhmenid oomeegewawine emuh shooneyah‐weguhmigoong.

² Oogewahbuhmaun dush pazhik katemahgezenejin shegaun uhpuhgeduhmenid neezh shoomahnekansun.

³ Oo‐oo dush keëkedoo, Kagate kedenenim, mahbuh katemahgezid shegah oogeähpuhgedaun nahwuj nebewah dush ween kuhkenuh:

⁴ Wenuhwah muh kuhkenuh azhewahnuhdezewaud, oogeöonje‐ahpuhgedahmahwahwaun enewh meegewawinun enewh Kesha‐Muhnedoon: mahbuh dush ooketemahgezewining oogeöonjepuggedenaun kuhkenuh ootebenuhwawezewinun enewh wanjebemahdezid.

⁵ Ahnind kahduhzhinduhmoowaud ewh keche‐ahnuhmeä‐weguhmig, kahezhequahnaujewung enewh ahsineen kuhya meegewawinun, ween edush oo‐oo keëkedoo,

⁶ Oonoo wuhyahbunduhmagoon, tahtuhgwishenoomahgudoon enewh kezhegudoon uhpe kaïshkoonegahdasenook kuhnuhga pazhik ahsin cheähgwedahbekesingebun, ewh kasuhswawabenegahdasenook.

⁷ Oogeguhgwajemahwaun dush, oo‐oo keëkedoowaud, Kakenooähmahgayun, ahneen uhpe kadebishkoosag oonoo uhyeëen? ahneen dush kadezhekekenoowahjechegunewung uhpe zhuhyegwah wedebishkoosag?

⁸ Oo‐oo dush keëkedoo, Aungwahmezeyook chewuhyazhemegoosewag; nebewah muh tahpetuhgwishenoog emuh nindezhenekahzoowining, oo‐oo cheëkedoowaud, Neen suh nindow owh Christ; kuhya gagah shuhyegwah debishkoosamahgud: kagoo noopenuhnahkagoon.

⁹ Uhpe nwaunduhmag megahdewinun kuhya chemujje-enuhkummeguk, kagoo sagezekagoon; enandahgwud netum oonoo cheëzhewabuk; kah dush bahbega tahwuhyaquah-kuhmegussenoon.

¹⁰ Medush oo‐oo keënaud, Ahnishenahbag oogahmegahnahwaun pukkaun azheweenzoonejin ahnishenahban, kuhya oogemahwewinun tahmegahdemahgudoon:

¹¹ Kuhya tahkeche‐cheengwawakummegah mezewa oomah uhkeeng, kuhya tahpuhkuddakummegah, kuhya mahnahdahpenawinun tahduhgoomahgudoon; tahkootah-zenahgwud kuhya keche‐kekenoowahjechegunun tahpenahgwudoon ewede enuhkuhkayah mezhah‐kezhegoong.

¹² Chepwah dush kuhkenuh oonoo uhyeëen debishkoosag, kegahtuhkoonegoom, kuhya kegahmujje‐doodahgoom, kegahpuhgedenegoom emuh ahn uhmeä‐weguhmigoong kuhya emuh kebahquahoode‐weguhmigoong, kegahezhewenegoom dush emuh enahsuhmuhbewaud keche‐oogemaug kuhya nahgahnezejig, neen nindezhenekahzoowin oonje.

¹³ Me suh kaöonjedoodahgooyag chedebahjemootahwindah.

¹⁴ Ahtooyook dush emuh kedaëwaung, kezhah chenahnahgahdahwanduhsewag ewh kaëzhenuhquatuhmag:

¹⁵ Kegahmeenenim suh goo ewh ekedoowin kuhya nebwahkahwin, kakushketoosigwah kuhkenuh egewh shaunganemenagoog chenuhquatuhmoowaud gamuh chemegahduhmoowaud.

¹⁶ Kegahbahtahegoowaug egewh keketezemewaug, kuhya egewh kejekewaëwaug, kuhya kedenuhwamahgunewaug, kuhya suhyahgeägoog; ahnind dush kenuhwah kegahnesegoom.

¹⁷ Kuhya kegahsheenganemegoowaug kuhkenuh enenewug, nindezhenekahzoowin oonje.

¹⁸ Kah dush ween goo pazhik kenesesewah emuh kishtequaunewaung tahbahnahdussenoon.

¹⁹ Emuh dush kenookahdezewining kegahkushkecheganug egewh kejechaugoowaug.

²⁰ Uhpe dush wahbunduhmag ewh Jerusalem chekewetuhkahbahwetahgood enewh mahyahmoowenoonejin shemahguneshun, me dush uhpe chekekanduhmag zhuhyegwah tebishkoosag chebahnahjechegahdag.

²¹ Egewh dush emuh Judeäïng ayahjig, tahezhenezhemoowug emuh wahjewing; egewh dush emuh nahwuhyeëe ayahjig mahnoo tahmahjahwug; egewh dush emuh ketegauning ayahjig kahween tahpeendegasewug emuh.

²² Me muh oonoo ahzhetuhwewine kezhegudoon, kuhkenuh uhyeëen wazhebeëgahdagin chetebishkoosag.

²³ Tahahnemezewug egewh kakekishkahwahjig ahbenoojeün, kuhya egewh kanoonahwuhsoojig ewh uhpe oonoo kezhegudoon! tahkeche‐ahnemezim suh emnh uhkeeng, kuhya tahnishkanemahwug oogoo ahnishenahbag,

²⁴ Kuhya oogahnesegoonahwah enewh ahzhahwashkoon, kuhya oogahtuhkoonegoowaun kuhkenuh pahkaun azheweenzoonejin ahnishenahban; kuhya dush oogahtuhkookahdahnahwah Jerusalem egewh mayug‐ahnishenahbag, nahnauzh debishkoosanig egewh mayug‐ahnishenahbag ookezhegudoomewah.

²⁵ Kuhya tahahyahwun kekenoowahjechegunun emuh kezisoong, kuhya emuh tebeke‐kezisoong, kuhya emuh ahnungoong; kuhya emuh uhkeeng tahahnemezewug egewh ahnishenahbag, kuhnuhga gagoo chequuhyukwanduhmoowaud; tahmuhmuhtwayaushkahwug egewh tegoowug kuhya kechegumme.

²⁶ Tahshahgoodaäwug egewh enenewug apeech sagezewaud, kuhya nunduhwahbunduhmoowaud oonoo uhyeëen wahpetuhgwishenoomahgukkin oomah uhkeeng; tahnuhningishkahmahgudoon muh kezhegoong duhzhe mushkahwezewinun.

²⁷ Me dush uhpe kawahbuhmahwaud Enene Oogwissun peëzhahnid emuh ahnuhquudoong chepegeegezid ewh mushkahwezewin kuhya keche‐peshegandahgoozewin.

²⁸ Uhpe dush oonoo mahje‐debishkoosag, ishpeming enahbeyook, kuhya oombequaneyook; pashoo muh peähyahmahgud keshahwandahgoozewinewah.

²⁹ Ahwajegun dush oogeëzheguhnoonaun; Benuh owh shooweminahgahwunzh, kuhya kuhkenuh egewh metigoog;

³⁰ Uhpe suhyahgebuggezewahjin, kewahbundahnahwah kuhya kenuhwah tebenuhwa kekekandahnahwah ewh neebin pashoo zhuhyegwah peähyahmahgud.

³¹ Mesuh kuhya uhpe wahbunduhmag oonoo cheöoje-chesag, kekanduhmook ewh Kesha‐Muhnedoo oodoogemahwewin pashoo zhuhyegwah peähyahmahguk.

³² Kagate kedenenim, Oogoo noongoom bamahdezejig kahween tahchahgenasewug, chepwah kuhkenuh debishkoosag.

³³ Ewh kezhik kuhya ewh uhkee tahishquahsawun: nindekedoowinun dush ween kahween tahishquahsasenoon.

³⁴ Aungwahmezeyook, koonemah enewh kedaëwaun tahkoosegwunoon, ewh oonzaum nebewah meejeyag, kuhya kewushquabeyag, kuhya oonzaumanduhmag maunduh uhkee, kahwuhnuhpe dush chepuhgummishkahgooyag ewh kezhik.

³⁵ Debishkoo muh nuhgwahguning oogahezhepuhgum-mishkahgoonahwah kuhkenuh egewh namuhduhbejig emuh oogeduhkummig uhkeeng.

³⁶ Ahkahwahbeyook, kuhya ahnuhmeähyook moonzhug, ewh dush cheënandahgoozeyag cheoozhinduhmag kuhkenuh oonoo uhyeëen wahtuhgwishenoomahgukin, kuhya chenebahweëgooyag enahsuhmuhbid owh Enene Oogwissun:

³⁷ Magwah dush kezhegudenig kekekenooähmahga emuh keche‐ahnuhmeä‐weguhmigooong; uhpe dush tabekudenig, kemahjah chenebaud emuh wahjewing ewh Olives azhenekahdag.

³⁸ Kakezhabahwuhgudenig dush kuhkenuh egewh ahnishenahbag kepeëzhahwug emuh keche‐ahnuhmeä‐weguhmigoong, chebezindahwahwaud.